formula 1

ფეტელი თითქმის ორგზის ჩემპიონია

2011-09-11T12:09:00.000-07:00

Vettel has a hand on title after Italy win

11 სექტემბერი

დღეს უკვე თამამად შეიძლება იმის თქმა, რომ სებასტიან ფეტელი ზედიზედ მეორედ გახდება მსოფლიო ჩემპიონი. დარჩენილ 6 რბოლაში, მას სულ 38 ქულაღა სჭირდება იმისათვის, რომ ტიტული გაინაღდოს. ესეც მხოლოდ იმ შემთხვევაში, თუ 6-ვე რბოლას ფერნანდო ალონსო მოიგებს. 38 ქულის მოგროვებისთვის კი მას ორი მეორე და ერთი მეცხრე ადგილი (ან სხვა კომბინაციები) ეყოფა...

ფეტელი მონცაზეც ძალიან დამაჯერებელი იყო. მართალია, იტალიის დიდი პრიზის სტარტზე მას ალონსომ გაუარა, თუმცა მისგან პოზიცია მალევე დაიბრუნა, მაშინვე უპირატესობის გაზრდას შეუდგა და ბოლომდე ახლოც კი არავინ გაიკარა. არადა, კვალიფიკაციის შემდეგ, მისი მეტოქეები ვარაუდობდნენ, რომ გერმანელს მოწინავე პოზიციის შენარჩუნება ძალიან გაუჭირდებოდა...

მოკლედ, ფეტელმა თითქმის მთელი დისტანცია ეულად გაიქროლა, დანარჩენებმა კი ბევრი იბრძოლეს და მართალია, ალონსომ მეორე ადგილის შენარჩუნებაც ვერ შეძლო, მაგრამ იტალიური ეტაპის შემდეგ, მეორე ადგილზე სწორედ მან გადაინაცვლა. ფეტელის თანაგუნდელი მარკ უებერი კი, ვინც მანამდე იყო კლასიფიკაციაში მეორე, ხელცარიელი დარჩა - ფეტელი სანამ ალონსოს გაასწრებდა, უებერმა ესპანელის თანაგუნდელ ფელიპე მასას გასწრება სცადა, მაგრამ მოსახვევის გავლისას, ტრაექტორიაზე მყოფმა ბრაზილიელმა გზა მოუჭრა. ამას ორი მანქანის შეჯახება მოჰყვა, რამაც მხოლოდ ”რედ ბული” დააზიანა. ორივემ გზა კი განაგრძო, მაგრამ უებერის მანქანას ცხვირი მომტვრეული ჰქონდა, რის გამოც, ის ბოქსებში შესვლას აპირებდა, მაგრამ პარაბოლიკას გავლამდე, მანქანა ვერ დაიმორჩილა და კედელს დაეჯახა. ამჯერად, მან ტრასაზე დაბრუნება ვეღარ შესძლო.

სტარტზე ალონსომ მართლა შესაშური რეაქცია გამოავლინა. იმ დროს, როდესაც ლუის ჰამილტონი ფეტელის გასწრებას ცდილობდა, ალონსომ ორივეს ერთდროულად ამოუყენა თავისი ”კვიცი” გვერდში და მოსახვევშიც, უკეთესი ტრაექტორიის წყალობით, პირველი შევიდა. ფეტელმა კი ბრიტანელის იერიშის მოგერიებაღა მოახერხა.

პირველივე მოსახვევში, მანქანა ვერ დაიმორჩილა ვიტანტონიო ლიუციმ, რომლის ”ისპანიამაც” ერთბაშად ორი მანქანა (ნიკო როსბერგის მერსედესი და ვიტალი პეტროვის რენო) მოცელა. ტრასა ნამსხვრევებით გაივსო, რის გამოც, პელოტონს სათავეში უსაფრთხოების მანქანა ჩაუდგა.

ის რომ გავიდა, ჯერ მიხაელ შუმახერმა ჰამილტონი ჩამოიტოვა, შემდეგ კი უებერის და მასას ავარია მოხდა, ფეტელმა კი ალონსო ჩამოიტოვა. მერე შუმიმ ალონსოსაც შეუტია და ცოტა დააკლდა, ისიც უკან მოეტოვებინა. მაგრამ მანევრი რომ არ გამოუვიდა, სიჩქარე ოდნავ დაკარგა და მაშინვე ჰამილტონის (სპორტული) აგრესიის ობიექტი შეიქნა, თუმცაღა თავი კარგად დაიცვა. მე-13 წრის პირველ მოსახვევში, ჰამილტონმა მორიგი შეტევა გასწრებით დაასრულა, თუმცა შუმახერი არ დაიბნა და მალევე დაიბრუნა პოზიცია. ამასობაში კი ორივეს ჯენსონ ბატონი დაეწია.

სამი წრის შემდეგ, ჰამილტონმა კიდევ ერთხელ სცადა გასწრება. მისი ”მაკლარენი” შუმახერის ”მერსედესს” გვერდში ამოუდგა, თუმცა გერმანელმა, ისე რომ ხელსაყრელ ტრაექტორიას ინარჩუნებდა, დერეფანი ჩაუკეტა. ბრიტანელი იძულებული გახდა, მარჯვენა ბორბლებით ბალახებზე გაევლო. ამან მისი სიჩქარე შეამცირა და ბატონმაც საჩუქარი დიდი ყოყმანის გარეშე მიიღო.

თანაგუნდელს რომ გაუარა, ბატონმა მას შუმახერიც მალევე ზედ მიაყოლა. ამ უკანასკნელმა კი მაშინვე ბოქსებს მიაშურა. მსოფლიოს შვიდგზის ჩემპიონმა კარგა ხანს აწვალა ჰამილტონი, თუმცა ამან 27-ე წრეზე, როგორც იქნა, ხეირიანი მანევრი შეასრულა და მეოთხეზე გადაინაცვლა. ათი წრის შემდეგ, ბატონმა ალონსოსაც გაუარა და აქედან მოყოლებული, მის წინ მხოლოდ ერთი პილოტი - ფეტელი დარჩა, რომლის დაწევაც ბრიტანელისთვის შეუსრულებელი ამოცანა აღმოჩნდა. ბოლო წრეზე, ალონსოს ჰამილტონიც დაეწია, თუმცა მისი გასწრება ვერ შეძლო და ფინიშის ხაზი მეოთხემ გადაკვეთა...

აღსანიშნავია, რომ ეს მონცაზე ”რედ ბულის” პირველი გამარჯვებაა. ეგ კი არა, ავსტრიული გუნდის პილოტი, აქ პირველად ავიდა კვარცხლბეკზე. სამაგიეროდ, ტრადიცია შეინარჩუნა ბატონმა, ვინც იტალიის დიდი პრიზი ზედიზედ მესამედ დაასრულა მეორე ადგილზე. ალონსო კი, ვინც შარშან მონცაზე პოულიდან გაიმარჯვა, ამჯერად მესამე ადგილს დასჯერდა.

”როცა აქ (კვარცხლბეკის უმაღლეს საფეხურზე) დგეხარ, თავს ღმერთისგან დალოცვილად გრძნობ. რა თქმა უნდა, აქ ჩემი პირველი გამარჯვება განსაკუთრებული მოვლენა იყო. მაგრამ დღეს ამ საფეხურზე დავბრუნდი, რითაც ძალიან ბედნიერი ვარ. ფანტასტიკური დღე იყო. ეს საუკეთესო კვარცხლბეკია მსოფლიოში. ერთადერთი რამ, რამაც შეიძლება ეს გრძნობა გააძიეროს, ის იქნებოდა, რომ წითელი კომბინეზონი მეცვას”, - განაცხადა გამარჯვებულმა.

იტალიის დიდი პრიზი

მონცა. რბოლის დსტანცია 306.720 კმ (5.793 კმ, 53 წრე)

1. სებასტიან ფეტელი (გერმანია, რედ ბული) 1:20:46.172

2. ჯენსონ ბატონი (ბრიტანეთი, მაკლარენი) +00:09.590

3. ფერნანდო ალონსო (ესპანეთი, ფერარი) 00:16.909

4. ლუის ჰამილტონი (ბრიტანეთი, მაკლარენი) 00:17.417

5. მიხაელ შუმახერი (გერმანია, მერსედესი) 00:32.677

6. ფელიპე მასა (ბრაზილია, ფერარი) 00:42.993

7. ხაიმე ალგერსუარი (ესპანეთი, ტორო როსო) 1 წრე

8. პოლ დი რესტა (ბრიტანეთი, ფორს ინდია) 1 წრე

9. ბრუნო სენა (ბრაზილია, რენო) 1 წრე

10. სებასტიან ბუემი (შვეიცარია, ტორო როსო) 1 წრე

11. პასტორ მალდონადო (ვენესუელა, უილიამსი) 1 წრე

12. რუბენს ბარიკელო (ბრაზილია, უილიამსი) 1 წრე

13. ჰეიკი კოვალაინენი (ფინეთი, ლოტუსი) 2 წრე

14. იარნო ტრული (იტალია, ლოტუსი) 2 წრე

15. ტიმო გლოკი (გერმანია, ვირჯინი) 2 წრე

კვ.გ. დანიელ რიკიარდო (ავსტრალია, ისპანია) 14 წრე

გ. სერხიო პერესი (მექსიკა, ზაუბერი) 21 წრე

გ. კამუი კობაიაში (იაპონია, ზაუბერი) 32 წრე

გ. ადრიან სუტილი (გერმანია, ფორს ინდია) 44 წრე

გ. მარკ უებერი (ავსტრალია, რედ ბული) 49 წრე

გ. ჟერომ დ’ამბროზიო (ბელგია, ვირჯინი) 52 წრე

გ. ვიტალი პეტროვი (რუსეთი, რენო) 53 წრე

გ. ნიკო როსბერგი (გერმანია, მერსედესი) 53 წრე

გ. ვიტანტონიო ლიუცი (იტალია, ისპანია) 53 წრე

შენიშვნა: გ - გამოეთიშა, კვ.გ - კვალიფიკაციის გარეშე

უსწრაფესი წრე: ლუის ჰამილტონი - 1:26.187, 52-ე წრე

პილოტთა კლასიფიკაცია

1. სებასტიან ფეტელი - 284 ქულა; 2. ფერნანდო ალონსო - 172; 3. ჯენსონ ბატონი - 167; 4. მარკ უებერი - 167; 5. ლუის ჰამილტონი - 158; 6. ფელიპე მასა - 82; 7. ნიკო როსბერგი - 56; 8. მიხაელ შუმახერი - 52; 9. ვიტალი პეტროვი - 34; 10. ნიკ ჰაიდფელდი (გერმანია, რენო) - 34; 11. კამუი კობაიაში - 27; 12. ადრიან სუტილი - 24; 13. ხაიმე ალგერსუარი - 16; 14. სებასტიან ბუემი - 13; 15. პოლ დი რესტა - 12; 16. სერხიო პერესი - 8; 17. რუბენს ბარიკელო - 4; 18. ბრუნო სენა - 2; 19. პასტორ მალდონადო - 1

კონსტრუქტორთა პირველობა

1. რედ ბულ-რენო - 451 ქულა; 2. მაკლარენ-მერსედესი - 325; 3. ფერარი - 254; 4. მერსედესი - 108; 5. რენო - 70; 6. ფორს ინდია-მერსედესი - 36; 7. ზაუბერ-ფერარი - 35; 8. ტორო როსო-ფერარი - 29; 9. უილიამს-კოსუორტი - 5

მოკლე გადაცემები - ფეტელის გამარჯვების ფორმულა?

2011-09-10T16:57:00.000-07:00

Gear ratio key in Vettel's victory chances at the Italian Grand Prix

10 სექტემბერი

როგორც მისი მეტოქეები ამბობენ, სებასტიან ფეტელი იტალიის დიდი პრიზის მოგებას შეძლებს, თუ დასაწყისშივე შეძლებს მეტოქეების შორ მანძილზე ჩამოტოვებას. მართალია, კვალიფიკაციაზე მან თითქმის ნახევარი წამით აჯობა უახლოეს მდევარ ლუის ჰამილტონს, მაგრამ როგორც ირკვევა, ამას გადაცემათა კოლოფში შედარებით მოკლე გადაცემების წყალობით მიაღწია, რაც რბოლაში უპირატესობას ვერ მისცემს.

პირიქით, მოკლე გადაცემები გერმანელს ცუდ სამსახურს გაუწევს, თუ მას უკანა რეგულირებადი ფრთის (DRS) მოქმედების ზონაში, ვინმე ”კუდზე დააჯდება” - ამ დროს, მდევარი ფეტელის მოკლე გადაცემით მიღებულ მცირე უპირატესობას, ფრთის წყალობით აღმოფხვრის. ჟურნალმა ”ავტოსპორტმა”, სტარტ-ფინიშის სწორის ბოლოს, ტოპ ილოტების მაქსიმალური სიჩქარეების შედარებაც კი მოასწრო და გაირკვა, რომ ფეტელს ყველაზე დაბალი სიჩქარე ჰქონდა, რაც სწორედ ”დაახლოებული” გადაცემების შედეგია.

ამ მონაკვეთში ყველაზე მაღალი სიჩქარე - 342.2 კმ/სთ ფერნანდო ალონსოს ”ფერარის” ჰქონდა. ამ მაჩვენებლით მეორეა ფეტელის თანაგუნდელი მარკ უებერი - 336.1 კმ/სთ. შემდეგ კი მოდიან: ჯენსონ ბატონი (333.1 კმ/სთ), ჰამილტონი (332.7 კმ/სთ) და ბოლოს )ტოპ პილოტებს შორის) ფეტელი - 327.7 კმ/სთ. ფინიშის ხაზთან ყველაზე მაღალი სიჩქარე - 323.5 კმ/სთ, მიხაელ შუმახერს აღმოაჩნდა. შემდეგ მოდიან: ალონსო (321.3 კმ/სთ), ბატონი (319.4 კმ/სთ) და ჰამილტონი (318.4 კმ/სთ). სტარტ/ფინიშის ხაზთან ფეტელის სიჩქარე 316.6 კმ/სთ იყო.

ამ მონაცემებმა ფეტელის მეტოქეებს იმის იმედი მისცა, რომ რბოლისას ისინი გერმანელს შორს წასვლის საშუალებას არ მისცემენ და მასთან პაექრობას შეძლებენ. ისინი თვლიან, რომ ფეტელს პოზიციის დაცვა ძალიან გაუჭირდება, თუ მას ფრთის ზონაში წამის სიშორეზე მიუახლოვდებიან. გარდა ამისა, თავად ამავე ფრთის გამოყენებით გასწრება გაუჭირდება.

აი, რას ამბობს ”ფერარის” ტექნიკური დირექტორი პეტ ფრაი: ”მოსახვევიდან 400-500 მეტრის გავლის შემდეგ, ფეტელის მანქანაზე, ძრავის ბრუნვების შემზღუდველი ირთვება. ეს კი ნიშნავს, რომ მის კოლოფში გადაცემები ძალიან მოკლეა. ჩატარებული ანალიზი გვიჩვენებს, რომ შემზღუდველის ჩართვამდე, ის ჩვენზე სწრაფი არაა. უებერის მანქანაზე გაცილებით გრძელი გადაცემებია. სებასტიანმა ასე აირჩია და უნდა ითქვას, რომ უკანა ფრთის ფაქტორის გარეშე, ის ამით მხოლოდ მოიგებდა. მაგრამ ახლა საქმე სხვაგვარად იქნება”.

იგივე აზრისაა ბატონიც: ”თუ მარკის და სებასტიანის გამოსვლებს შეადარებთ, აშკარად მიხვდებით, მათ შორის კვალიფიკაციის წინ, ვინ უფრო თავდაჯერებული იყო. ვფიქრობ, სებს სტარტიდანვე დაწინაურების იმედი აქვს. და თუ ვინმეს გასწრება დასჭირდა, ძალიან გაუჭირდება. ფრთის ზონაში, მის მანქანაზე ბრუნვების შემზღუდველი მუშაობს და ამის გამოა, რომ თითქმის მთელ სწორზე, მისი სიჩქარე 327 კმ/სთ-ია და ის პრაქტიკულად არ იცვლება. ეს საკმაოდ რისკიანი ტაქტიკაა. ვფიქრობ, თუ დავეწევით, მას თავდაცვა ძალიან გაუჭირდება”.

კიდევ უფრო ოპტიმისტურ განწყობაზეა ჰამილტონი, ვინც დარწმუნებულია, რომ ”მაკლარენს” დუბლით მოგება შეუძლია: ”ეს უბრალოდ ოპტიმიზმია, რის საფუძველსაც პრაქტიკები გვაძლევს. ჩემი აზრით, აქ პოულიდან სტარტის აღება არც ისე მომგებიანია. პირველ მოსახვევამდე საკმაოდ დიდი მანძილია, რომელზეც გასწრება ჩვენთვის პრობლემა არ უნდა იყოს. ვერ ვხედავ მიზეზს, რის გამოც, ”რედ ბულთან” ტოლსწორად პაექრობა ვერ უნდა შევძლოთ”.

ჰამილტონი დასძენს, რომ ზედმეტ რისკს მოერიდება, რადგან მიაჩნია, რომ ტიტულის შანსს ჯერაც ინარჩუნებს. ყოველ შემთხვევაში, სანამ მათემატიკური შანსები იქნება, ის ბრძოლას გააგრძელებს.

პოული მაინც ფეტელისაა

2011-09-10T08:53:00.000-07:00

Vettel on pole for Red Bull in Italy

10 სექტემბერი

მიუხედავად იმისა, რომ თავისუფალი პრაქტიკების შემდგ, სებასტიან ფეტელი აღიარებდა, მონცას ტრასა ჩვენს მანქანას ნაკლებად შეეფერებაო, კვალიფიკაციაზე მაინც კიდევ ერთხელ, ”რედ ბულის” და ჩემპიონატის ლიდერის დომინაციის მომსწრენი გავხდით. ამგვარად, მიმდინარე ჩემპიონატის 13-ვე კვალიფიკაცია ”რედ ბულის” პილოტებმა მოიგეს.

”მაკლარენის” ლუის ჰამილტონი, ვისაც პარასკევის პრაქტიკებზე საუკეთესო შედეგი ჰქონდა, ამჯერად მეორე იყო და რაც მთავარია, პოულის მფლობელთან თითქმის ნახევარი წამი წააგო. თუმცა მთავარი ისაა, რომ სტარტზე ფეტელის გვერდზე დადგება. მეორე რიგში კი ჰამილტონის თანაგუნდელი ჯენსონ ბატონი და ”ფერარის” ფერნანდო ალონსო დადგებიან.

ამგვარად, ფეტელმა მიმდინარე სეზონში მეათე პოული დაისაკუთრა და თუ დარჩენილ 6 ეტაპზე, ამ მონაგარს ოთხს კიდევ დაამატებს, მაშინ ნაიჯელ მენსელის 1992 წლის მიღწევას (ერთ სეზონში 14 პოული) გაიმეორებს. თუმცა, ისიც ფაქტია, რომ მენსელმა ეს 16 ეტაპზე შეძლო. ასეა თუ ისე, ფეტელმა კარიერაში 25-ე პოულ პოზიცია მოიპოვა (75 რბოლაში).

”გვეგონა, რომ გამარჯვება ძალიან გაგვიჭირდებოდა. საერთოდ, ეს ტრასა ჩვენს მანქანას ნაკლებად შეეფერება, მაგრამ ამჯერად თითქოს ყველაფერი შეიცვალა. მანქანა კარგად დგას, ბალანსი იდეალურია”, - ნარბოლევს განაცხადა ფეტელმა, ვისაც მონცაზე 2008 წელს ”ტორო როსოს” მანქანით, პოულიდან აქვს მოგებული. თუმცა, ისიც ფაქტია, რომ ”რედ ბულის” პილოტები, იტალიური რბოლის კვარცხლბეზე ერთხელაც არ ასულან. მოკლედ, მსოფლიო ჩემპიონს შანსი აქვს, რომ ეს არასასურველი ტრადიცია დაარღვიოს…

ჰამილტონბი ამბობს, რომ მისი გუნდი მონცხაზე კონკურენტუნარიანია, მაგრამ ისიც აღიარა, რომ ფეტელის შედეგი მიუწვდომელი იყო და ვერ ხედავს რესურსს, რომლის ამოქმედებაც ამ ჩამორჩენას შეამცირებინებდა. თუმცა ეს კვალიფიკაცია იყო და რბოლაში ხშირად ბევრი რამ სხვაგვარადაა ხოლმე. იგივე განწყობაზეა ბატონიც, ვისაც ამ ტრასაზე წინა ორი რბოლა მეორე ადგილზე აქვს დასრულებული.

იტალიის დიდი პრიზი

კვალიფიკაცია

1. სებასტიან ფეტელი (გერმანია, რედ ბული) 1:22.275

2. ლუის ჰამილტონი (ბრიტანეთი, მაკლარენი) 1:22.725

3. ჯენსონ ბატონი (ბრიტანეთი, მაკლარენი) 1:22.777

4. ფერნანდო ალონსო (ესპანეთი, ფერარი) 1:22.841

5. მარკ უებერი (ავსტრალია, რედ ბული) 1:22.972

6. ფელიპე მასა (ბრაზილია, ფერარი) 1:23.188

7. ვიტალი პეტროვი (რუსეთი, რენო) 1:23.530

8. მიხაელ შუმახერი (გერმანია, მერსედესი) 1:23.777

9. ნიკო როსბერგი (გერმანია, მერსედესი) 1:24.477

10. ბრუნო სენა (ბრაზილია, რენო) დროის გარეშე

- - - - - - - - - -

11. პოლ დი რესტა (ბრიტანეთი, ფორს ინდია) 1:24.163

12. ადრიან სუტილი (გერმანია, ფორს ინდია) 1:24.209

13. რუბენს ბარიკელო (ბრაზილია, უილიამსი) 1:24.648

14. პასტორ მალდონადო (ვენესუელა, უილიამსი) 1:24.726

15. სერხიო პერესი (მექსიკა, ზაუბერი) 1:24.845

16. სებასტიან ბუემი (შვეიცარია, ტორო როსო) 1:24.932

17. კამუი კობაიაში (იაპონია, ზაუბერი) 1:25.065

- - - - - - - - - -

18. ხაიმე ალგერსუარი (ესპანეთი, ტორო როსო) 1:25.334

19. იარნო ტრული (იტალია, ლოტუსი) 1:26.647

20. ჰეიკი კოვალაინენი (ფინეთი, ლოტუსი) 1:27.184

21. ტიმო გლოკი (გერმანია, ვირჯინი) 1:27.591

22. ჟერომ დ’ამბროზიო (ბელგია, ვირჯინი) 1:27.609

23. დანიელ რიკიარდო (ავსტრალია, ისპანია) 1:28.054

24. ვიტანტონიო ლიუცი (იტალია, ისპანია) 1:28.231

კუბიცა მალე საჭეს მიუჯდება

2011-09-09T17:37:00.000-07:00

Kubica set to start driving in October

9 სექტემბერი

რობერტ კუბიცას მენეჯერი დანიელე მორელი ამბობს, რომ ძალიან მალე, პოლონელი მრბოლი ავტომობილის, ან სიმულატორის საჭეს მიუჯდება და არც ის დროა შორს, როდესაც მას ფორმულა ერთის რბოლებში ისევ ვიხილავთ. ორი კვირის წინ, მას ტრავმირებულ მარჯვენა იდაყვზე ბოლო ოპერაცია გაუკეთეს, რის შემდეგაც, რეაბილიტაციის პროცესი მნიშვნელოვნად დაჩქარდა.

”ჩვენ ვიმედოვნებთ, რომ რობერტი ოქტომბერში ისევ მოირგებს თავის მუზარადს. ეს იქნება იმის მესიჯი, რომ ის დაბრუნებას აპირებს. რა ტქმა უნდა, პირდაპირ ფ1-ის მანქანაში არ ჩაჯდება. ახლა მთავარია, რომ მან საჭე იგრძნოს. და არც იმას აქვს მნიშვნელობა, სიმულატორზე დაჯდება, თუ ჩვეულებრივი მანქანით სარბოლ ტრასას შემოუვლის წრეს. მთავარი ისაა, რომ მისმა ხელმა უწინდელივით მუშაობა შეძლოს”, - ამბობს მორელი და დასძენს, რომ ბელგიის დიდი პრიზის დღეს ჩატარებული ოპერაცია ძალიან ეფექტური გამოდგა.

”ორი კვირის წინ, მას ბოლო ოპერაცია გაუკეთეს. ამ ოპერაციამდე, ჯერაც არ ვიცოდით, შეძლებდა თუ არა დაბრუნებას. საბედნიეროდ, ოპერაცია წარმატებული იყო. ოპერაციიდან ერთ დღეში, რობერტს პრაქტიკულად უპრობლემოდ შეეძლო იდაყვის მოხრა. ეს კი მთავარია და იმის გარანტიას იძლევა, რომ ხელი სრულად აღიდგენს ფუნქციას. რობერტმა უკვე დაიწყო გამოჯანმრთელების ფინალური ეტაპი. ის ხელს სრულფასოვნად ამოძრავებს, რაც იმას ნიშნავს, რომ ის კუნთები, რომლებიც რამდენიმე თვის განმავლობაში უმოქმედოდ ჰქონდა და ამის გამო, მათში ძალას ვერ გრძნობდა, მალე უწინდელ კონდიციებს დაუბრუნდება. რობერტი ინტენსიურად ვარჯიშობს და ხელს, მაჯას და თითებს სულ უფრო თავისუფლად ამოძრავებს”, - ამბობს მორელი.

ჰამილტონი ფეტელზე სწრაფია

2011-09-09T16:57:00.000-07:00

Hamilton fastest at Monza

9 სექტემბერი

იტალიის დიდი პრიზის პირველი ორი პრაქტიკის შემდეგ, საუკეთესო შედეგი ”მაკლარენის” ლუის ჰამილტონს აქვს, რომელმაც ერთადრთმა შეძლო წრის წუთსა და 24 წამზე ნაკლებში გავლა. საუკეთესო შედეგი (1:23.865) მან პირველივე სესიაზე დააფიქსირა და მართალია, მეორეზე მასზე სწრაფი ”რედ ბულის” სებასტიან ფეტელი იყო, მაგრამ ორი სესიის ჯამში, გერმანელს მაინც მეორე საუკეთესო შედეგი აღმოაჩნდა. მეორე სესიაზე ჰამილტონს მხოლოდ მოქმედმა ჩემპიონმა აჯობა და ისიც, 0.036 წამით.

”ვფიქრობ, ”ფერარიზე” ოდნავ სწრაფები ვართ. მეორე სესიის მიწურულს, ”რედ ბულიც” საკმაოდ სწრაფი იყო, თუმცა ვფიქრობ, რომ მათ ჩვენზე ნაკლები საწვავი ესხათ, რაც ოპტიმისტურად განგვაწყობს”, - ამბობს მსოფლიოს 2008 წლის ჩემპიონი, რომლის თანაგუნდელ ჯენსონ ბატონსაც, შესაბამისად, მეორე და მეშვიდე დრო ჰქონდა.

მარტალია, ”რედ ბული” წუწუნებს, რომ ჩემპიონატში უსწრაფესი, მონცას ტრასაზე ისინი თავს ისე ვერ გრძნობენ, როგორც თუნდაც სპა-ზე, მაგრამ ამის მიუხედავად, ორივე პრაქტიკაზე ისინი კონკურენტუნარიანები იყვნენ. პირველ სესიაზე, ფეტელს და მის თანაგუნდელ მარკ უებერს მესამე და მეოთხე შედეგები ჰქონდათ, მეორეზე კი ავსტრალიელი მეექვსე შედეგს დასჯერდა.

სხვათა შორის, მონცაზე ”რედ ბულის” პილოტები კვარცხლბეკზე არასდროს ასულან, არადა ამ ტრასაზე ავსტრიული გუნდის შვილობილ ”ტორო როსოს” და ფეტელს 2008 წლის რბოლა აქვთ მოგებული. ამასთან, ფეტელი ამბობს, რომ ”რედ ბულის” მანქანის მახასიათებლებს, იტალიური ტრასა ნაკლებად შეეფერება. და მაინც:

”მანქანის მუშაობით კმაყოფილები ვართ. ჯერჯერობით, ყველაზე სწრაფი ”მაკლარენია” და ვფიქრობ, გამარჯვების ყველაზე მეტი შანსიც მის პილოტებს ექნებათ. და მაინც, თავისუფალი პრაქტიკების დროს, ყველა თავისი საქმითაა დაკავებული და შედეგზე ორიენტირებულნი ნაკლებად ვართ. ამიტომ, ამ შედეგების მიხედვით ძნელი სათქმელია, ვის რა პოტენციალი აქვს”.

ამ ორი გუნდის ჩრდილში აღმოჩნდა ”ფერარი” და მისი ლიდერი ფერნანდო ალონსო, რომელმაც იტალიის შარშანდელი დიდი პრიზი მოიგო. ესპანელმა პირველ სესიაზე მხოლოდ მეშვიდე საუკეთესო დრო დააფიქსირა, მეორე სესიაზე კი მეოთხემდე აიწია. კარგი იქნება, შარშანდელ მიღწევას თუ გავიმეორებთ, მაგრამ ეს ძალიან ძნელიაო - განაცხადა ალონსომ.

იტალიის დიდი პრიზი

პირველი თავისუფალი პრაქტიკა

1. ლუის ჰამილტონი (ბრიტანეთი, მაკლარენი) 1:23.865

2. ჯენსონ ბატონი (ბრიტანეთი, მაკლარენი) 1:24.786

3. სებასტიან ფეტელი (გერმანია, რედ ბული) 1:25.231

4. მარკ უებერი (ავსტრალია, რედ ბული) 1:25.459

5. ადრიან სუტილი (გერმანია, ფორს ინდია) 1:26.550

6. ვიტალი პეტროვი (რუსეთი, რენო) 1:26.625

7. ფერნანდო ალონსო (ესპანეთი, ფერარი) 1:26.647

8. ფელიპე მასა (ბრაზილია, ფერარი) 1:26.676

9. სერხიო პერესი (მექსიკა, ზაუბერი) 1:26.694

10. ხაიმე ალგერსუარი (ესპანეთი, ტორო როსო) 1:26.696

11. მიხაელ შუმახერი (გერმანია, მერსედესი) 1:26.699

12. ნიკო ჰულკენბერგი (გერმანია, ფორს ინდია) 1:26.826

13. რუბენს ბარიკელო (ბრაზილია, უილიამსი) 1:26.836

14. კამუი კობაიაში (იაპონია, ზაუბერი) 1:26.996

15. პასტორ მალდონადო (ვენესუელა, უილიამსი) 1:27.365

16. ბრუნო სენა (ბრაზილია, რენო) 1:27.385

17. სებასტიან ბუემი (შვეიცარია, ტორო როსო) 1:27.433

18. ნიკო როსბერგი (გერმანია, მერსედესი) 1:27.492

19. ჰეიკი კოვალაინენი (ფინეთი, ლოტუსი) 1:29.539

20. კარუნ ჩანდჰოკი (ინდოეეთი, ლოტუსი) 1:30.148

21. დანიელ რიკიარდო (ავსტრალია, ისპანია) 1:30.609

22. ვიტანტონიო ლიუცი (იტალია, ისპანია) 1:30.619

23. ტიმო გლოკი (გერმანია, ვირჯინი) 1:31.052

24. ჟერომ დ’ამბროზიო (ბელგია, ვირჯინი) 1:31.899

მეორე თავისუფალი პრაქტიკა

1. სებასტიან ფეტელი (გერმანია, რედ ბული) 1:24.010

2. ლუის ჰამილტონი (ბრიტანეთი, მაკლარენი) 1:24.046

3. მიხაელ შუმახერი (გერმანია, მერსედესი) 1:24.347

4. ფელიპე მასა (ბრაზილია, ფერარი) 1:24.366

5. ფერნანდო ალონსო (ესპანეთი, ფერარი) 1:24.433

6. მარკ უებერი (ავსტრალია, რედ ბული) 1:24.468

7. ჯენსონ ბატონი (ბრიტანეთი, მაკლარენი) 1:24.508

8. სერხიო პერესი (მექსიკა, ზაუბერი) 1:25.097

9. კამუი კობაიაში (იაპონია, ზაუბერი) 1:25.182

10. ბრუნო სენა (ბრაზილია, რენო) 1:25.325

11. ვიტალი პეტროვი (რუსეთი, რენო) 1:25.450

12. ადრიან სუტილი (გერმანია, ფორს ინდია) 1:25.496

13. პოლ დი რესტა (ბრიტანეთი, ფორს ინდია) 1:25.683

14. ხაიმე ალგერსუარი (ესპანეთი, ტორო როსო) 1:25.758

15. რუბენს ბარიკელო (ბრაზილია, უილიამსი) 1:26.202

16. პასტორ მალდონადო (ვენესუელა, უილიამსი) 1:26.353

17. სებასტიან ბუემი (შვეიცარია, ტორო როსო) 1:28.347

18. იარნო ტრული (იტალია, ლოტუსი) 1:28.559

19. ჰეიკი კოვალაინენი (ფინეთი, ლოტუსი) 1:28.605

20. ტიმო გლოკი (გერმანია, ვირჯინი) 1:28.804

21. ვიტანტონიო ლიუცი (იტალია, ისპანია) 1:29.162

22. ნიკო როსბერგი (გერმანია, მერსედესი) 1:29.184

23. ჟერომ დ’ამბროზიო (ბელგია, ვირჯინი) 1:29.622

24. დანიელ რიკიარდო (ავსტრალია, ისპანია) 1:29.841

”რედ ბული” ”რენოსთან” დარჩა

2011-09-09T16:54:00.000-07:00

Red Bull and Renault extend F1 engine deal

9 სექტემბერი

იტალიის დიდი პრიზის წინ, თავიანტი კონტრაქტი ხუთი წლით განაახლეს ”რედ ბულმა” და ”რენომ”, რომელთა პარტნიორობაც 2007 წელს დაიწყო. ავსტრიულმა გუნდმა აღარ ისურვა იმ კომპანიასთან თანამშრომლობის გაწყვეტა, რომლის ძრავების დახმარებითაც, გასულ სეზონში ორივე ტიტულს დაეუფლა და მიმდინარე სეზონშიც, შარშანდელი წარმატების გამეორებასთან ახლოსაა.

”რედ ბულსა” და ”რენოს” შორის მოქმედი კონტრაქტი მომავალი სეზონის ბოლოს იწურებოდა და იყო იმის ვარაუდი, რომ ავსტრიული კომპანია მას აღარ გააგრძელებდა. არსებობდა მოსაზრება, რომ ფრანგულ კომპანიას ”ფოლკსვაგენი”, ან მის ჯგუფში შემავალი რომელიმე ბრენდი ჩაანაცვლებდა. მაგრამ ”წითელმა ხარებმა” ”რენოსთან” ურთიერთობის გაწყვეტა არ ისურვეს.

ახალი კონტრაქტით, ფრანგული კომპანია ”რედ ბულს” კერს-საც მიაწვდის. დღეისათვის, ეს ხარების მანქანაზე ყველაზე სუსტი კომპონენტია. პარტნიორები ერთად იმუშავებენ ახალი, V6 ძრავის შექმნაზე, რომლის გამოყენებასაც ისინი 2014 წლის სეზონიდან დაიწყებენ.

”ძალიან კმაყოფილები ვართ იმით, რომ ”რენო-ნისანთან” კონტრაქტი მნიშვნელოვნად გავაგრძელეთ. ამ ალიანსთან ჩვენი პარტნიორობა, რომელიც 2007 წელს დაიწყო, ძალიან წარმატებულია და იმედია, მომავალშიც ასეთივე იქნება. ”რენო სპორტ ფ1-თან” მუშაობა ყოველთვის ადვილია, რაც ერთ-ერთი მნიშვნელოვანი ფაქტორია ჩვენს წარმატებებში”, - განაცხადა ”რედ ბულ რეისინგის” შეფმა ქრისტიან ჰორნერმა.

”მალე ჩვენ V6 ძრავებზე გადავალთ და ამ პროცესში, ჩვენს პარტნიორებს ძალიან გამოადგებათ ის გამოცდილება, რომელიც ”რენო სპორტ ფ1-ს” წლების განმავლობაში დაუგროვდა. ”რედ ბულ ტექნოლოჯიზის” შესაძლებლობები კი ჩვენ ახალი ძრავის შემუშავებისას დაგვჭირდება, რათა თავიდანვე კონკურენტუნარიანი აგრეგატი შევქმნათ და შასიზე მისი სტრუქტურული ინტეგრირებაც უპრობლემოდ შევძლოთ. რა თქმა უნდა, ”რედ ბულის” გამოცდილება ჩვენ სხვა გუნდებთან ურთიერთობაშიც გამოგვადგება, რომლებიც ”რედ ბულის” და ”რენოს” პარტნიორობით მოგებულები დარჩებიან”, - განაცხადა ”რენო სპორტ ფ1-ის” მმართველმა დირექტორმა ჟან-ფრანსუა კობემ.

”რედ ბულ რეისინგის” გარდა, მომავალ სეზონში ”რენო” ძრავებით ყოფილ საკუთარ გუნდს, ”უილიამსს” და ”ტიმ ლოტუსსაც” მოამარაგებს.

”მაკლარენს” ჰამილტონის აგრესიის დაოკება არ სურს

2011-09-07T17:35:00.000-07:00

McLaren says it won't ask Hamilton to change aggressive style

7 სექტემბერი

ჰამილტონის მანქანა ბელგიაში
ავარიის შემდეგ

”მაკლარენი” აცხადებს, რომ არ აპირებს, ლუის ჰამილტონს თავისი აგრესიული სარბოლი სტილის შეცვლა მოსთხოვოს, რამაც ბრიტანელს ამ სეზონში რამდენჯერმე ცუდი სამსახური გაუწია. უფრო მეტიც, სწორედ ამ ჭარბი აგრესიის გამო, მან ბელგიაში დასანანი შეცდომა დაუშვა, რამაც რბოლას გამოთიშა და პრაქტიკულად დააკარგვინა ჩემპიონობისთვის ბრძოლის შანსი.

”მაკლარენის” პილოტი ბელგიის შემდეგ, 113 ქულას აგებს ჩემპიონატის ლიდერ სებასტიან ფეტელთან. სეზონის დასრულებამდე კი მხოლოდ შვიდი რბოლაღა რჩება. არადა, ბელგიურ რბოლაში ავარიამდე, ჰამილტონი გამარჯვებისთვის ბრძოლის შანსს ინარჩუნებდა. ამავე აგრესიულობის გამო, ჰამილტონმა უნგრეთში შეცდომა მაშინ დაუშვა, როდესაც პელოტონს სათავეში ედგა. საბოლოოდ, იქ მეოთხე ადგილს დასჯერდა. ცოტა ხნით ადრე კი, გერმანიაში კვარცხლბეკის უმაღლეს საფეხურზე ავიდა.

და მაინც, ”მაკლარენში” თვლიან, რომ სწორედ აგრესიული სტილია ის მთავარი ინგრედიენტი, რამაც ჰამილტონს 2008 წლის ტიტული და ბევრი თაყვანისმცემელი მოაპოვებინა. ამიტომ, სტილის შეცვლა საჭირო არაა:

”სეზონის განმავლობაში, ლუისს რამდენიმე ჩავარდნა და აღზევება ჰქონდა, მაგრამ ამის მიუხედავად, ის ყოველ სეზონში რბოლებს იგებს. ის თავს არასდროს ზოგავს. სეზონის დასაწყისში, ჩვენ ყველანი ვიმედოვნებდით, რომ ტიტულისთვის ბრძოლას შევძლებდით, რაც ამჟამად ძალიან ძნელად მისაღწევია. მაგრამ ის მაინც იბრძვის და ეს მაყურებელს მოსწონს. ჩვენ არ გვინდა, რომ ის შეიცვალოს, რადგან მისი შემართება გუნდს საბრძოლველად განაწყობს. ეს კი მნიშვნელოვანია. სწორედ ამ აგრესიამ მოაპოვებინა ტიტული. ის შესანიშნავი მრბოლია. კარგად ვიცით, რომ ამ სეზონის წარუმატებლობები მისი ბრალი არაა და ყველაფერს ვიზამთ იმისათვის, რომ მომავალ სეზონში უფრო კონკურენტუნარიანები ვიყოთ”, - ამბობს ”მაკლარენის” მთავარი ინჟინერი ფილიპ პრიუ.

მისი თქმით, გუნდი მალე დაიწყებს მომავალი სეზონისთვის მზადებას, თუმცა ეს არ ნიშნავს, რომ ამ სეზონზე აღარ იზრუნებს. განვითარების პროგრამა, მანქანის მოდერნიზაციის რამდენიმე ეტაპს ოთვალისწინებს, რითაც მისი სისწრაფე გაიზრდება. ამასთან, ის სიახლეები, რომლებსაც MP-26-ზე დანერგავენ, MP-27-ზეც დაინერგება.

”რენოს” შეფი სენას გამოსვლით კმაყოფილია

2011-09-04T15:43:00.001-07:00

Renault boss Eric Boullier says Bruno Senna has boosted team

4 სექტემბერი

”რენოს” გუნდის შეფი ერიკ ბულიე ამბობს, რომ ბრუნო სენას კარგმა გამოსვლამ ბელგიის დიდ პრიზზე, გუნდის წევრებზე დადებითად იმოქმედა და ისინი საბრძოლველად განაწყო. სენამ კვალიფიკაცია მეშვიდე შედეგით დაასრულა და მართალია, რბოლის დასაწყისშივე შეცდა, მაგრამ საერთო ჯამში, ფრანგულ გუნდში მისი დებიუტი დადებითად შეფასდა.

”ძალიან ბედნიერი ვიყავი, როცა გარაჟში ჩემს ბიჭებს ვუყურებდი, როცა ისინი კვალიფიკაციის მეორე და მესამე ნაწილის დასრულების შემდეგ, სენას ტაშს უკრავდნენ და იღიმებოდნენ. ასეთი რამ მალაიზიის შემდეგ პირველად ვნახე. ძალიან მნიშცნელოვანია, რომ გუნდის წევრები, რომლებმაც მთელი დღე და ღამე მუშაობაში გაატარეს, კმაყოფილები იყვნენ. ასე მათგან უფრო მეტის მიღება შეიძლება”, - ამბობს ბულიე.

რბოლის დასაწყისში, კერძოდ კი პირველ მოსახვევში, სენამ შეცდომა დაუშვა - ოდნავ გვიან დაამუხრუჭა, რის გამოც მანქანა მოუცურდა და ხაიმე ალგერსუარის მანქანას დაეჯახა. ეს კი იმაზე მეტყველებს, რომ ბრაზილიელ პილოტს, ვინც ლეგენდარული აირტონ სენას დის შვილია, რბოლების გამოცდილება აკლია. თუმცა, ბულიემ მის რბოლაში სხვა ასპექტებიც შენიშნა, რამაც ის გაახარა:

”რა თქმა უნდა, მას რბოლებში მონაწილეობის გამოცდილება აკლია. ეს კი მის თავდაჯერებულობაზე უარყოფითად მოქმედებს. სამაგიეროდ, ის ინჟინრებთან კარგად მუშაობს. ეს კი ახალ გარემოსთან სწრაფად შეგუებაში დაეხმარა. საქმე იმანას გაართულა, რომ რბოლაში მისი გამოყვანის გადაწყვეტილება საკმაოდ გვიან მივიღეთ, პირველ პრაქტიკებზე კი ნორმალურად მუშაობაში და მანქანასთან შეგუებაში, უამინდობამ შეუშალა ხელი.

მისთვის რთული იქნება შემდეგი რბოლები. განსაკუთრებით კი მონცაზე, სადაც მანქანებს მინიმალური აეროდინამიკური დატვირთვა აქვს. თუმცა, მას საკუთარი შესაძლებლობის რწმენა დაუბრუნდა და ეს მაფიქრებინებს, რომ ყველა სირთულეს გადალახავს”.

ბულიე დასძენს, რომ სენაზე არანაკლებ თავადაც ნერვიულობდა, რადგან მისი აყვანის გადაწყვეტილება მან მიიღო და ბუნებრივია, პასუხიმგებლობაც მასზე იყო. ამ განწყობას ის ფაქტიც აძლიერებდა, რომ გუნდისთვის სეზონი წარუმატებელია.

ფორმულა 1-ის ახალი კალენდარში 20 ეტაპი შევიდა

2011-09-01T16:38:00.000-07:00

Turkish Grand Prix loses place on revised 2012 Formula 1 calendar

1 სექტემბერი

და ამ კალენდარში აღარაა შეტანილი თურქული დიდი პრიზი, რომელიც პირველად 2005 წელს ჩატარდა. კალენდრის საბოლოო ვარიანტი საერთაშორისო საავტომობილო ფედერაციის (FIA-ს) მსოფლიო მოტორ სპორტის საბჭომ გამოაქვეყნა, რომელმაც კალენდრის ბერნი ეკლსტოუნისეულ ვარიანტში რამდენიმე ცვლილებაც შეიტანა.

მართალია, თურქული რბოლის ორგანიზატორები ეკლსტოუნთან მოლაპარაკებას აწარმოებდნენ, რათა მათი რბოლა ისევ შესულიყო ჩემპიონატის კალენდარში, მაგრამ FIA-მ მოცდა აღარ ისურვა, რადგან ფედერაციის პრეზიდნტს კალენდარში 20-ზე მეტი ეტაპის შეტანა არ სურდა.

ახალ კალენდარში, რომლის დამტკიცებამდეც, მსოფლიო მოტორ სპორტის საბჭომ, გუნდებს შორის ფაქსიმილური კენჭისყრა ჩაატარა, მის პირვანდელ ვერსიასთან შედარებით, რამდენიმე ეტაპი გადაადგილებულია. კერძოდ, სეზონის გამხსნლი ეტაპის პატივი კვლავ ავსტრალიას ერგო, ბაჰრეინში კი რბოლა 22 აპრილს ჩატარდბა. თუმცა, ბაჰრეინის ეტაპს ყველა სეზონის დასკვნით ნაწილში ელოდა.

ბაჰრეინმა კალენდარში ის ადგილი დაიკავა, რომელიც მანამდე ინდურ რბოლას ეკავა. ამ უკანასკნელმა კი ოქტომბრის ბოლოს გადაინაცვლა. სხვათა შორის, ასე სურდათ ინდოეთის დიდი პრიზის ორგანიზატორებს, რადგან ნიუ დელიში აპრილი ძალაინ ცხელი სცოდნია.

დაბოლოს, მომავალი წლის სეზონს აშშ-ის და ბრაზილიის ეტაპები დაასრულებს, რომლებიც ამავე თანმიმდევრობით, ერთკვირიანი ინტერვალით ჩატარდება.

ფორმულა 1-ის 2012 წლის სეზონის კალენდარი

18 მარტი - ავსტრალია

25 მარტი - მალაიზია

15 აპრილი - ჩინეთი

22 აპრილი - ბაჰრეინი

13 მაისი - ესპანეთი

27 მაისი - მონაკო

10 ივნისი - კანადა

24 ივნისი - ევროპა

8 ივლისი - ბრიტანეთი

22 ივლისი - გერმანია

29 ივლისი - უნგრეთი

2 სექტემბერი - ბელგია

9 სექტემბერი - იტალია

23 სექტემბერი - სინგაპური

7 ოქტომბერი - იაპონია

14 ოქტომბერი - კორეა

28 ოქტომბერი - ინდოეთი

4 ნოემბერი - აბუ დაბი

18 ნოემბერი - აშშ

25 ნოემბერი - ბრაზილია

კობაიაში: შეჯახება ჰამილტონის შეცდომამ გამოიწვია

2011-08-30T06:55:00.000-07:00

Kobayashi says Lewis Hamilton was at fault in their Spa clash

29 აგვისტო

ბელგიის დიდი პრიზის შემდეგ, ”ზაუბერის” იაპონელმა მრბოლმა კამუი კობაიაშიმ განაცხადა, რომ რბოლის დროს, მასა და ლუის ჰამილტონს შორის მომხდარი შეჯახება, ბრიტანელის შეცდომამ გამოიწვია.

ინციდენტი მას შემდეგ მოხდა, რაც მეოთხე ადგილისთვის ბრძოლაში, ჰამილტონმა კობაიაშის გაასწრო. მაგრამ სწორზე საკმარისი სიჩქარე ვერ განავითარა, რის გამოც, კობაიაშის პოზიციის დაბრუნების შანსი მიეცა და მან ამ შანსის გამოყენება სცადა. ჰამილტონმა ერთი მანევრით სცადა კუდდან მეტოქის ჩამოცილება, მაგრამ ეს ვერ შეძლო. მოსახვევ ლეს კომბსის სამუხრუჭე ზონაში, მან ხელსაყრელ ტრაექტორიაზე გასვლა სცადა, მაგრამ ვერ გათვალა - მეტოქე მეტისმეტად ახლოს იყო და როგორც კი მუხრუჭს დაადგა ფეხი, მაშინვე შეჯახება მოხდა.

კობაიაშის ”ზაუბერი” წინა მარჯვენა ბორბლით, ჰამილტონის ”მაკლარენს” უკანა მარცხენა ბორბელზე დაეჯახა. ამან ჰამილტონის მანქანა უმართავი გახადა. ის მარცხნივ მოტრიალდა და ზღუდეს შეეჯახა. კობაიაშიმ კი, ვისაც შეჯახებამდეც, წინა ფრთის მარჯვენა ნაწილი დაზიანებული ჰქონდა, გზა გააგრძელა.

”ვიცოდი, მასთან ბრძოლა არ შემეძლო, რადგან ის ჩემზე გაცილებით სწრაფი იყო. როცა გამასწრო, უკანა რეგულირებადი ფრთა გამოიყენა. მე ამის საშუალება არ მქონდა, თუმცა. კერს-ს კი ვიყენებდი. სამაგიეროდ, ჩემი მანქანა აეროდინამიკურად მინიმალურად იყო დატვირთული და ამის წყალობით, სწორზე ისევ დავეწიე. ამ სწორის ბოლოს, მე მარცხენა ნაპირზე ვმოძრაობდი, ის კი გზის შუაში იყო. მან უკეთეს ტრაექტორიაზე გადასვლა დააპირა და სწორედ ამ დროს შევეჯახე”, - ყვება კობაიაში.

იაპონელი დასძენს, რომ ძალიან გააკვირვა ჰამილტონის ასეთმა მანევრმა. ამ მომენტში, შეჯახებას მხოლოდ ბალახებში გადასვლით თუ აირიდებდა: ”ჩანაწერს თუ ნახავთ, დარწმუნდებით, რომ სწორის დიდი ნაწილი თეთრი ზოლის გასწვრივ გავიარე. ავარიის მომენტშიც, მოძრაობის მიმართულება არ შემიცვლია. არ ვიცი, როგორ უნდა მოვქცეულიყავი. იქნებ, ბალახზე უნდა გადავსულიყავი? ის რომ შუაში დარჩენილიყო, არც არაფერი მოხდებოდა”.

რა თქმა უნდა, სტიუარდებმა მომხდარი განიხილეს, თუმცა მასში მონაწილე არცერთი მრბოლი არ დაუჯარიმებიათ. კობაიაში ამით კმაყოფილია და ამბობს, რომ ეს სწორი გადაწყვეტილება იყო. ”ეს ჩვეულებრივი სარბოლი შემთხვევა იყო”, - ამბობს იაპონელი.

ინციდენტის ჩანწერი ჰამილტონმაც ნახა და ის კობაიაშის აზრს იზიარებს: ”ძანაწერის ნახვამ დამარწმუნა, რომ ავარია ჩემი შეცდომის გამო მოხდა. მას გზა გადავუჭერი. არადა, მეგონა, რომ ჩამოტოვებული მყავდა”.

ფეტელმა ბელგიაში მეშვიდე გამარჯვება მოიპოვა

2011-08-28T12:32:00.000-07:00

Vettel wins Belgian Grand Prix

28 აგვისტო

სებასტიან ფეტელმა მიმდინარე სეზონში მეშვიდე გამარჯვება ბელგიაში იზეიმა და ამით, კიდევ ერთი ნაბიჯი გადადგა ზედიზედ მეორე ტიტულისკენ. ახლა ის უკვე 92 ქულას უგებს უახლოეს მდევარს, საკუთარ თანაგუნდელ მარკ უებერს და საეჭვოა, ავსტრალიელმა, რომელსაც ჯერ ამ სეზონში ერთი მოგებაც არ აქვს, ესოდენ სოლიდური ჰანდიკაპის აღმოფხვრა შეძლოს.

სეზონის დასრულებამდე 7 რბოლა დარჩა, რომლებშიც მაქსიმუმ 175 ქულის აღება შეიძლება. ეს კი ნიშნავს, რომ ჩემპიონობის მოსაპოვებლად, ფეტელს 89 ქულაც ეყოფა. თუმცა, ტიტულისთვის ალბათ უფრო ნაკლებიც საკმარისი იქნება. და მაინც, ეს სულაც არ ნიშნავს იმას, რომ დარჩენილი რბოლები საინტერესო არ იქნება.

ალგერსუარი გაოცებულია...

მართალია, ფეტელმა პოულიდან მოიგო და ერთი შეხედვით, საკმაოდ ადვილადაც, მაგრამ რეალობაში, ასე არ ყოფილა. მართალია, მან პოულის მოპოვება შეძლო, მაგრამ კვალიფიკაციის მესამე ნაწილში მასაც და უებერსაც საბურავები იმდენად დაუზიანდათ, რომ ორივემ რბოლაში ადრეული პიტსტოპი დაგეგმა. ბოქსებში ვიზიტამდე კი ორივეს საკმაო პრობლემები ჰქონდა.

უებერმა სტარტზე ტემპის აკრეფა დააგვიანა, ფეტელს კი პირველ მოსახვევში ნიკო როსბერგმა შეასწრო. სხვათა შორის, ამან სტარტი მეხუთე პოზიციიდან აიღო, თუმცა უებერს და ფერნანდო ალონსოს მაშინვე გაასწრო, მერე ლუის ჰამილტონიც ზედ მიაყოლა და პირველ მოსახვევში, პირველობისთვის მოცილე ფეტელსა და ფელიპე მასასაც გაუარა.

თუმცა, ფეტელმა მალევე დაიბრუნა ლიდერობა. მასას ჰამილტონმაც გაასწრო, თუმცა ბრაზილიელმა მალევე დაიბრუნა მესამე პოზიცია. ამასობაში, პელოტონის შუაში მცირე შეჯახება მოხდა - ბრუნო სენამ და ალონსომ პირველ მოსახვევში შესვლისას, ხაიმე ალგერსუარი სენდვიჩში მოაქციეს. ესპანელისთვის რბოლა იქვე დასრულდა. ტიტულოვანმა ესპანელმა მანქანის დაუზიანებლად განაგრძო გზა, ბრაზილიელს კი ბოქსებში შესვლა და მცირე რემონტი დასჭირდა. ალონსო რომ დაზიანებას გადაურჩა, მალევე ჰამილტონს გაასწრო.

ჰამილტონის ავარია

მე-5 წრეზე, ალონსომ დაძაბულ ბრძოლაში მასაც უკან მოიტოვა. ბრაზილიელმა გაბრძოლება სცადა, რის გამოც, ორივემ ტემპი დაკარგა და მათ ჰამილტონმაც შეუტია. საბოლოოდ, ალონს დაწინაურდა, მასას კი ბრიტანელმაც გაუარა. ამ ბატალიებამდე ცოტა ხნით ადრე, უებერი და ჯენსონ ბატონი ბოქსებში შევიდნენ (რეზინი გამოცვალეს), მალე კი მათ ფეტელმაც მიბაძა.

ამგვარად, მე-6 წრეზე ლიდერობა ისევ როსბერგმა იგდო ხელთ, თუმცა მას მალე ალონსო დაეწია და მსოფლიოს ორგზის ჩემპიონმა მალე გაასწრო კიდეც. მაგრამ მალე ისიც ბოქსში შევიდა. იქიდან დაბრუნებულმა კი ერთმანეთის მიყოლებით ჩამოიტოვა ადრიან სუტილი უებერი.

მე-13 წრეზე რბოლას ჰამილტონი გამოეთიშა. მოსახვევ ლეს კომბსის წინ ის იაპონელ კამუი კობაიაშის შეეჯახა. ბრიტანელმა, ვინც შარშან მოიგო სპას რბოლა, მოსახვევამდე გაიარა კობაიაშის, მაგრამ როცა მოსახვევის წინ, სწორი ტრაექტორიის დაკავებას ცდილობდა, მეტოქეს სწორედ მაშინ შეეჯახა. ”ზაუბერი” წინა მარჯვენა ბორბლით, ”მაკლარენის” უკანა მარცხენას შეეჯახა. კობაიაშიმ გზა განაგრძო, ჰამილტონი კი კედელს დაეჯახა და მისთვის რბოლა იქვე დასრულდა.

შუმახერმა ბოლოდან დაიწყო
და მეხუთემ დაამთავრა

ტრასაზე უსაფრთხოების მანქანა გამოვიდა, რომელმაც ორი წრე ატარა პელოტონი. როცა ის პიტლეინს დაუბრუნდა, მოწინავეთა განლაგება ასე გამოიყურებოდა: ალონსო, უებერი, ფეტელი, მასა, როსბერგი... მალე როსბერგმა მასას გაასწრო, ფეტელმა კი ჯერ თანაგუნდელი ჩამოიტოვა, ო რუჟის შემდეგ კი - ალონსოც და ისევ ლიდერი გახდა.

ამის შემდეგ, ყველაზე საინტერესო ბატონის წინსვლა იყო, რომელმაც ერთმანეთის მიყოლებით, მასა და როსბერგი ჩამოიტოვა და კვალში უებერს ჩაუდგა. მაგრამ სანამ დაეწეოდა, მის წინ მყოფი ყველა პილოტი ბოქსში შევიდა რეზინის გამოსაცვლელად. ბატონმა ცოტა ხანს ლიდერობა გადაიბარა, თუმცა ტრასაზე დაბრუნებული ფეტელი მას მალე დაეწია და 32-ე წრეზე გაასწრო კიდეც, რის შემდეგაც ბატონმა ბოქსებისკენ გადაუხვია. ტრასაზე დაბრუნებული, მეოტხე ადგილზე აღმოჩნდა, თუმცა ფინიშამდე სამიოდ წრით ადრე, ალონსოს გაასწრო და მესამეზე გადაინაცვლა. მალე შუმახერმაც როსბერგს გაუარა და მეხუთე ადგილით აღნიშნა ფ1-ში თავისი დებიუტის 20-წლიანი იუბილე.

ბელგიის დიდი პრიზი

სპა ფრანკორშანი. დისტანცია 308.052 კმ (7.004 კმ, 44 წრე)

1. სებასტიან ფეტელი (გერმანია, რედ ბული) 1:26:44.893

2. მარკ უებერი (ავსტრალია, რედ ბული) 00:03.741

3. ჯენსონ ბატონი (ბრიტანეთი, მაკლარენი) 00:09.669

4. ფერნანდო ალონსო (ესპანეთი, ფერარი) 00:13.022

5. მიხაელ შუმახერი (გერმანია, მერსედესი) 00:47.464

6. ნიკო როსბერგი (გერმანია, მერსედესი) 00:48.674

7. ადრიან სუტილი (გერმანია, ფორს ინდია) 00:59.713

8. ფელიპე მასა (ბრაზილია, ფერარი) 01:06.076

9. ვიტალი პეტროვი (რუსეთი, რენო) 01:11.917

10. პასტორ მალდონადო (ვენესუელა, უილიამსი) 01:17.615

11. პოლ დი რესტა (ბრიტანეთი, ფორს ინდია) 01:23.994

12. კამუი კობაიაში (იაპონია, ზაუბერი) 01:31.976

13. ბრუნო სენა (ბრაზილია, რენო) 01:32.985

14. იარნო ტრული (იტალია, ლოტუსი) 1 წრე

15. ჰეიკი კოვალაინენი (ფინეთი, ლოტუსი) 1 წრე

16. რუბენს ბარიკელო (ბრაზილია, უილიამსი) 1 წრე

17. ჟერომ დ’ამბროზიო (ბელგია, ვირჯინი) 1 წრე

18. ტიმო გლოკი (გერმანია, ვირჯინი) 1 წრე

19. ვიტანტონიო ლიუცი (იტალია, ისპანია) 1 წრე

გ. სერხიო პერესი (მექსიკა, ზაუბერი) 17 წრე

გ. დანიელ რიკიარდო (ავსტრალია, ისპანია) 31 წრე

გ. ლუის ჰამილტონი (ბრიტანეთი, მაკლარენი) 32 წრე

გ. სებასტიან ბუემი (შვეიცარია, ტორო როსო) 38 წრე

გ. ხაიმე ალგერსუარი (ესპანეთი, ტორო როსო) 43 წრე

შენიშვნა: გ - გამოეთიშა

უსწრაფესი წრე: მარკ უებერი - 1:49.883, 33-ე წრე

პილოტების კლასიფიკაცია

1. სებასტიან ფეტელი - 259 ქულა; 2. მარკ უებერი - 167; 3. ფერნანდო ალონსო - 157; 4. ჯენსონ ბატონი - 149; 5. ლუის ჰამილტონი - 146; 6. ფელიპე მასა - 74; 7. ნიკო როსბერგი - 56; 8. მიხაელ შუმახერი - 42; 9. ვიტალი პეტროვი - 34; 10. ნიკ ჰაიდფელდი (გერმანია, რენო) - 34; 11. კამუი კობაიაში - 27; 12. ადრიან სუტილი - 24; 13. სებასტიან ბუემი - 12; 14. ხაიმე ალგერსუარი - 10; 15. სერხიო პერესი - 8; 16. პოლ დი რესტა - 8; 17. რუბენს ბარიკელო - 4; 18. პასტორ მალდონადო - 1

კონსტრუქტორთა პირველობა

1. რედ ბულ-რენო - 426 ქულა; 2. მაკლარენ-მერსედესი - 295; 3. ფერარი - 231; 4. მერსედესი - 98; 5. რენო - 68; 6. ზაუბერ-ფერარი - 35; 7. ფორს ინდია-მერსედესი - 32; 8. ტორო როსო-ფერარი - 22; 9. უილიამს-კოსუორტი - 5

მალდონადო დაჯარიმდა, ჰამილტონი გააფრთხილეს

2011-08-27T17:50:00.000-07:00

Pastor Maldonado penalised

27 აგვისტო

ლუის ჰამილტონთან კვალიფიკაციის მეორე სექტორში მომხდარი ინციდენტის გამო, ხუთი პოზიციით დაჯარიმდა ”უილიამსის” ვენესუელელი პილოტი პასტორ მალდონადო (ფოტოზე).

მოსახვევში, სახელად ავტობუსის გაჩერება, მალდონადო ტრეფიკს მიჰყვებოდა, როცა ამ ჯგუფს სწრაფ წრეზე მყოფი ჰამილტონი დაეწია. იმ მომენტში, ბრიტანელ პილოტს მოწინავე ათეულის დრო არ ჰქონდა და კვალიფიკაციის გადამწყვეტი ეტაპის გარეთ დარჩენა ემუქრებოდა. ჰამილტონმა დაუყოვნებლივ მიიტანა იერიში და მჭიდრო ბრძოლაში, გაასწრო კიდეც მეტოქეს. ამასთან, მათი მანქანები თითქოს ბორბლებით შეეხენ კიდეც. მერე კი, როდესაც ფინიშის ხაზი გადაკვეთა, ჰამილტონი შენელდა, მალდონადომ კი სწორ მონაკვეთზე, მანქანა მისკენ მიმართა და ისინი კიდევ ერთხელ შეეხენ ერთმანეთს.

სიტუაციის გარჩევისას, მალდონადოს ჰკითხეს, სპეციალურად ხომ არ უკეტავდა მეტოქეს გზას, რაზეც მან მიუგო: ”არა, ეს მნიშვნელოვანი მომენტი იყო. მე მისი გასწრება ვცადე, რადგან ძალიან შენელდა. ეს ადგილი სწორია, მაგრამ ოდნავ მოხრილია. მგონი, სწორედ აქ შევეხეთ, როცა ის მოხვევას ცდილობდა. ძნელი სათქმელია. კუბიკებიანი დროშა უკვე აქნეული იყო და არცერთს პაექრობის მიზეზი არ გვქონდა. აშკარაა, რომ ორივე მხრიდან შეცდომას ჰქონდა ადგილი”.

ვენესუელელმა დასძინა, რომ ჰამილტონთან ამ ინციდენტების შესახებ არ უსაუბრია და მისადმი არავითარი პრეტენზია არ აქვს ხისტი გასწრების გამო. მითუმეტეს, ჩვენს შორის კონტაქტი არ ყოფილაო. ასეა თუ ისე, ხიფათიანი მანევრის გამო, ჰამილტონმა გაფრთხილება მიიღო. სტიუარდების გადაწყვეტილებით, მომხდარში ორივე პილოტი მეტნაკლებად დამნაშავეა...

ჰამილტონი მალდონადოს ასწრებს

შეჯახება სტარტ/ფინიშის სწორზე

”რედ ბულმა” უებერი დაიტოვა

2011-08-27T15:01:00.000-07:00

Webber staying at Red Bull in 2012

27 აგვისტო

როგორც მოსალოდნელი იყო, ”რედ ბულ რეისინგმა” თავისი ავსტრალიელი მრბოლი მარკ უებერი მომავალი სეზონისთვისაც დაიტოვა. თან ეტყობა, გუნდმა ეს გადაწყვეტილება კარგა ხნის წინ მიიღო, მაგრამ მისი გამოცხადება, ოზი პილოტის დაბადების დღეს დაამთხვია. 27 აგვისტოს მას 35 წელი შეუსრულდა.

”ჩემი სურვილია, ფორმულა ერთის მოწინავე გუნდში გავაგრძელო გამოსვლა და როცა კონტრაქტის გაგრძელება შემომთავაზეს, ბევრი არ მიფიქრია. მე ისევ საუკეთესო შედეგებისთვის ბრძოლა მსურს როგორც გუნდისთვის, ისე საკუთარი თავისთვის. უკვე ხუთი წელია, ჩვენ კონკურენტულ მანქანას ვამზადებთ, რითაც ჩემპიონატიც მოვიგეთ. ჩვენ მოწინავე გუნდი ვართ და შემდეგ სეზონშიც, ყოველ რბოლაში მაქსიმალურად გავირჯები და ყოველ რბოლაში გამარჯვებისთვის ვიბრძოლებ”, - განაცხადა უებერმა.

ავსტრალიელი მრბოლი შარშანდელი სეზონის ბოლო ეტაპამდე, ტიტულის მოცილე იყო, მაგრამ საბოლოოდ, ჩემპიონი მისი თანაგუნდელი სებასტიან ფეტელი გახდა. მაგრამ მიმდინარე სეზონი უებერისთვის გაცილებით უფერულია. მართალია, მას მეორე ადგილი უკავია, მაგრამ ჯერ რბოლაც არ აქვს მოგებული. არადა, კვარცხლბეკზე უკვე ექვსჯერ ავიდა.

მისგან განსხვავებით, ფეტელმა პირველი რვა ეტაპიდან ექვსი მოიგო და ახლა სოლიდური უპირატესობით ლიდერობს ჩემპიონატს. უებერმა ბოლო გამარჯვება გასული სეზონის უნგრეთის დიდ პრიზზე მოიპოვა. ”რედ ბულის” პილოტებმა გასული 11-ვე რბოლა პოულიდან დაიწყეს და ბელგიაშიც სტარტს მოწინავე პოზიციიდან ფეტელი აიღებს, რომელსაც უკვე 9 კვალიფიკაცია აქვს მოგებული.

”სანამ მომავალი სეზონისთვის კონტრაქტის გაგრძელებაზე მოლაპარაკებას დავიწყებდით, ორივე მხარისთვის აშკარა იყო, რომ ჩვენ კვლავ ერთად მუშაობა გვსურდა. ამიტომ, ბევრი ლაპარაკი არც დაგვჭირვებია. მარკი გუნდს ძალიან კარგად იცნობს. ჩვენ კი ვხედავთ, რომ როგორც ყოველთვის, ის კვლავ მოტივირებულია, კარგ ფიზიკურ მდგომარეობაშია და ძალიან მონდომებულია”, - ამბობს გუნდის შეფი ქრისტიან ჰორნერი.

ამგვარად, ”რედ ბული” პილოტების შემადგენლობას ზედიზედ მეოთზე სეზონში შეინარჩუნებს. ამ სეზონში სულ სამი გუნდის - ”რედ ბულის”, ”მაკლარენის” და ”ფერარის” პილოტებს აქვთ რბოლები მოგებული და სამივე იმავე შემდგენლობას მომავალ სეზონშიც შეინარჩუნებს.

წვიმიანი ბელგიის პოული ფეტელს

2011-08-27T10:40:00.000-07:00

Vettel pips Hamilton for Spa pole

27 აგვისტო

მიმდინარე სეზონში ”რედ ბულ რეისინგის” საკვალიფიკაციო დომინაცია გრძელდება - ისევე როგორც წინა 11 ეტაპზე, ბელგიაშიც საუკეთესო სწორედ ავსტრიული გუნდი და ჩემპიონატის ლიდერი, მსოფლიოს მოქმედი ჩემპიონი სებასტიან ფეტელი არიან. ფეტელმა სესიის ბოლო წამებზე შეძლო ”მაკლარენის” ლუის ჰამილტონის ჯობნა და მიმდინარე სეზონში მეცხრე პოულს დაეუფლა.

შუმახერი ავარიის შემდეგ

მესამე შედეგი იუბილარ მარკ უებერს აქვს, რომელსაც ”რედ ბულმა” 35-ე დაბადების დღე კონტრაქტის გაგრძელებით მიულოცა. როგორც ჩანს, საიუბილეო ფაცი-ფუცმა ავსტრალიელზე იმდენად იმოქმედა, რომ თანაგუნდელ ფეტელს წამზე მეტით ჩამორჩა. უფრო სერიოზულად თუ ვიტყვით, ამაში ”დამნაშავე” უამინდობაა, რომლის გამოც რბოლა სველ ტრასაზე ჩატარდა და ამას დროებში დიდი გაბნევა და რამდენიმე მოულოდნელობა მოჰყვა.

ბრუნო სენას დებიუტი
რენოში წარმატებულია

მოულოდნელი იყო ინციდენტი, რომელიც მიხაელ შუმახერს სესიის პირველსავე სეგმენტში შეემთხვა. მსოფლიოს შვიდგზის ჩემპიონს, ვისი დებიუტიც ფ1-ში სწორედ სპაზე, 20 წლის წინ შედგა, სველ ტრასაზე მანქანა მოუცურდა, კედელს დაეჯახა და გამოსვლაც იქვე, დროის გარეშე შეწყვიტა. ბუნებრივია, მისი კარიერის საიუბილეო რბოლას ბოლო პოზიციიდან დაიწყებს.

ჰამილტონს სესიის მეორე სექტორში ინციდენტი შეემთხვა ვენესუელელ პასტორ მალდონადოსთან. რა თქმა უნდა, მათი ტემპები ძლიერ განსხვავდებოდა, მაგრამ მალდონადომ ბრიტანელის უბრძოლველად გატარება არ ისურვა, რითაც მას დრო დააკარგვინა. გასწრებისას მათი მანქანები ბორბლებით ერთმანეთს ორჯერ შეეხო, თუმცა ამას სერიოზული დაზიანება არ გამოუწვევია. ლუისმა მაშინვე რადიოთი თავისიანებს გადასცა, პასტორი ასე გამიზნულად მოიქცაო. მის მანქანას მცირე რემონტი მესამე სექტორის დაწყებამდე ჩაუტარეს. მოკლედ, ჰამილტონი რბოლას ”რედ ბულის” პილოტების ”სენდვიჩში” დაიწყებს.

ჰამილტონის და მალდონადოს
ჯახი ბარიკელომ სარკეში დაინახა

ნარბოლევს ჰამილტონმა განაცხადა, ალბათ სტიუარდები ორივეს გამოგვიძახებენ და სანქციებით დაგვაჯილდოებენო. ალბათ გახსოვთ, რომ ისინი ერთმანეთს მონაკოს რბოლის ბოლოსაც შეეჯახნენ და მაშინ ბრიტანელმა ბევრი კრიტიკა დაიმსახურა. მაშინ მალდონადოს პირველი ქულების მოპოვების რეალური შანსი ჰქონდა, მაგრამ ჰამილტონმა იმდენად აგრესიული მანევრით გაუარა, გაოგნებულმა ვენესუელელმა საჭე ვერ დაიმორჩილა და ასპარეზობა კედელთან დაასრულა.

ყველაზე დიდი მოულოდნელობა, ჯენსონ ბატონის მე-13 შედეგია. ბრიტანელი, რომელმაც საზაფხულო არდადეგებამდე, უნგრეთის ეტაპი მოიგო, ”გაუგებრობაში” მოყვა - კვალიფიკაციის მეორე სექტორში ასპარეზობისას, სწრაფ წრეზე იყო, როცა ბოქსებში უხმეს. მან გაკვირვებულმა რადიოთი რამდენჯერმე იკითხა, დარწმუნებულები ხართო? და სანამ გაარკვევდა, მართლა იწვევდნენ თუ არა, ხელმოცარული დარჩა.

სამაგიეროდ, ”რენოში” კარგი სტარტი აქვს ბრუნო სენას, რომელმაც კვალიფიკაცია მეშვიდე შედეგით დაასრულა და რაც მთავარია, უკან მოიტოვა რუსი თანაგუნდელი ვიტალი პეტროვი. თუმცა, ეს რა სახსენებელია, როცა ლეგენდარული აირტონ სენას დისშვილმა თვით ფერნანდო ალონსოსაც კი აჯობა...

ბელგიის დიდი პრიზი

კვალიფიკაცია

1. სებასტიან ფეტელი (გერმანია, რედ ბული) 1:48.298

2. ლუის ჰამილტონი (ბრიტანეთი, მაკლარენი) 1:48.730

3. მარკ უებერი (ავსტრალია, რედ ბული) 1:49.376

4. ფელიპე მასა (ბრაზილია, ფერარი) 1:50.256

5. ნიკო როსბერგი (გერმანია, მერსედესი) 1:50.552

6. ხაიმე ალგერსუარი (ესპანეთი, ტორო როსო) 1:50.773

7. ბრუნო სენა (ბრაზილია, რენო) 1:51.121

8. ფერნანდო ალონსო (ესპანეთი, ფერარი) 1:51.251

9. სერხიო პერესი (მექსიკა, ზაუბერი) 1:51.374

10. ვიტალი პეტროვი (რუსეთი, რენო) 1:52.303

- - - - - - - - - -

11. სებასტიან ბუემი (შვეიცარია, ტორო როსო) 2:04.692

12. კამუი კობაიაში (იაპონია, ზაუბერი) 2:04.757

13. ჯენსონ ბატონი (ბრიტანეთი, მაკლარენი) 2:05.150

14. რუბენს ბარიკელო (ბრაზილია, უილიამსი) 2:07.349

15. ადრიან სუტილი (გერმანია, ფორს ინდია) 2:07.777

16. პასტორ მალდონადო (ვენესუელა, უილიამსი) 2:08.106

17. ჰეიკი კოვალაინენი (ფინეთი, ლოტუსი) 2:08.354

- - - - - - - - - -

18. პოლ დი რესტა (ბრიტანეთი, ფორს ინდია) 2:07.758

19. იარნო ტრული (იტალია, ლოტუსი) 2:08.773

20. ტიმო გლოკი (გერმანია, ვირჯინი) 2:09.566

კ.გ. ჟერომ დ’ამბროზიო (ბელგია, ვირჯინი) 2:11.601

კ.გ. ვიტანტონიო ლიუცი (იტალია, ისპანია) 2:11.616

კ.გ. დანიელ რიკიარდო (ავსტრალია, ისპანია) 2:13.077

კ.გ. მიხაელ შუმახერი (გერმანია, მერსედესი) დროის გარეშე

შენიშვნა: კ.გ - კვალიფიკაციის გარეშე

წვიმიან პრაქტიკებზე ყველაზე სწრაფი უებერი იყო

2011-08-26T12:02:00.000-07:00

Webber on top at rainy Spa

26 აგვისტო

ოცი წლის წინ, სწორედ ბელგიის დიდ პრიზზე შედგა მიხაელ შუმახერის დებიუტი ფორმულა ერთში. მაშინ მან ”ჯორდანით” იასპარეზა და ფ1-ში შემთხვევის წყალობით მოხვდა - ”ჯორდანის” ბელგიელი (ლუქსემბურგში დაბადებული და საფრანგეთში მცხოვრები) ბერტრან გაშო ლონდონის ტაქსისტთან მომხდარი ინციდენტის გამო, სამი თვით ციხეში მოხვდა და ბელგიურ ეტაპზე, სწორედ ის შეცვალა შუმახერმა.

თავისი დებიუტის 20 წლის იუბილე, შუმიმ პირველ თავისუფალ პრაქტიკაზე საუკეთესო შედეგით აღნიშნა. თუმცა იმის ილუზია სულაც არ აქვს, რომ იგივეს კვალიფიკაციასა და რბოლაშიც გაიმეორებს. ეს თუნდაც მეორე პრაქტიკამ აჩვენა, რომელზეც ლეგენდარულ გერმანელს მხოლოდ მე-11 შედეგი ჰქონდა. მისთვის საიუბილეო რბოლაში, შუმახერი ოქროსფერი შლემით ასპარეზობს. მან და მისმა თანაგუნდელმა ნიკო როსბერგმა პირველი სესიის დასაწყისში, გამშრალ ტრასაზე გამოსვლა მოასწრეს და ამის წყალობით, მეტოქეები, რომლებსაც სველ ტრასაზე ასპარეზობამ მოუწიათ, თითქმის 8 წამით ჩამოიტოვეს.

ორი პრაქტიკის ჯამში, საუკეთესო დრო ”რედ ბულ რეისინგის” მარკ უებერმა აჩვენა, რომელმაც ყველაზე კარგად აუღო ალღო წვიმით დასველებულ ტრასას. სხვათა შორის, უებერს, ვინც სპა-ზე პოული შარშანაც აიღო, შაბათს 35 წელი უსრულდება.

უნდა ითქვას, რომ ორივე სესიის დროს წვიმდა, თუმცა მეორეს მიწურულს, ტრასა შედარებით გაშრა და უებერმაც შეცვლილ კონდიციებს პურველმა აუღო ალღო. ასეთ პირობებში, მეორე შედეგი ფერნანდო ალონსოს ჰქონდა, შემდეგ კი საუკეთესონი ჯენსონ ბატონი და ლუის ჰამილტონი იყვნენ.

ბელგიის დიდი პრიზი

პირველი თავისუფალი პრაქტიკა

1. მიხაელ შუმახერი (გერმანია, მერსედესი) 1:54.355

2. ნიკო როსბერგი (გერმანია, მერსედესი) 1:54.829

3. ჯენსონ ბატონი (ბრიტანეთი, მაკლარენი) 2:02.740

4. სებასტიან ფეტელი (გერმანია, რედ ბული) 2:03.752

5. ლუის ჰამილტონი (ბრიტანეთი, მაკლარენი) 2:04.301

6. ადრიან სუტილი (გერმანია,ფორს ინდია) 2:04.663

7. ფელიპე მასა (ბრაზილია, ფერარი) 2:04.728

8. რუბენს ბარიკელო (ბრაზილია, უილიამსი) 2:05.391

9. ხაიმე ალგერსუარი (ესპანეთი, ტორო როსო) 2:06.583

10. კამუი კობაიაში (იაპონია, ზაუბერი) 2:06.886

11. ფერნანდო ალონსო (ესპანეთი, ფერარი) 2:07.055

12. სერხიო პერესი (მექსიკა, ზაუბერი) 2:07.481

13. იარნო ტრული (იტალია, ლოტუსი) 2:08.233

14. სებასტიან ბუემი (შვეიცარია, ტორო როსო) 2:08.239

15. პასტორ მალდონადო (ვენესუელა, უილიამსი) 2:08.918

16. მარკ უებერი (ავსტრალია, რედ ბული) 2:09.792

17. ტიმო გლოკი (გერმანია, ვირჯინი) 2:12.278

18. ვიტანტონიო ლიუცი (იტალია, ისპანია) 2:12.389

19. ჟერომ დ’ამბროზიო (ბელგია, ვირჯინი) 2:12.772

20. პოლ დი რესტა (ბრიტანეთი, ფორს ინდია) 2:13.058

21. კარუნ ჩანდჰოკი (ინდოეთი, ლოტუსი) 2:13.090

22. ვიტალი პეტროვი (რუსეთი, რენო) 2:13.601

23. ბრუნო სენა (ბრაზილია, რენო) 2:14.340

24. დანიელ რიკიარდო (ავსტრალია, ისპანია) 2:14.933

მეორე თავისუფალი პრაქტიკა

1. მარკ უებერი (ავსტრალია, რედ ბული) 1:50.321

2. ფერნანდო ალონსო (ესპანეთი, ფერარი) 1:50.461

3. ჯენსონ ბატონი (ბრიტანეთი, მაკლარენი) 1:50.770

4. ლუის ჰამილტონი (ბრიტანეთი, მაკლარენი) 1:50.838

5. ფელიპე მასა (ბრაზილია, ფერარი) 1:51.218

6. ნიკო როსბერგი (გერმანია, მერსედესი) 1:51.242

7. სერხიო პერესი (მექსიკა, ზაუბერი) 1:51.655

8. ნიკო ჰულკენბერგი (გერმანია, ფორს ინდია) 1:51.725

9. პოლ დი რესტა (ბრიტანეთი, ფორს ინდია) 1:51.751

10. სებასტიან ფეტელი (გერმანია, რედ ბული) 1:51.790

11. მიხაელ შუმახერი (გერმანია, მერსედესი) 1:51.922

12. პასტორ მალდონადო (ვენესუელა, უილიამსი) 1:52.750

13. კამუი კობაიაში (იაპონია, ზაუბერი) 1:52.780

14. ხაიმე ალგერსუარი (ესპანეთი, ტორო როსო) 1:52.911

15. სებასტიან ბუემი (შვეიცარია, ტორო როსო) 1:53.009

16. რუბენს ბარიკელო (ბრაზილია, უილიამსი) 1:53.156

17. ბრუნო სენა (ბრაზილია, რენო) 1:53.835

18. იარნო ტრული (იტალია, ლოტუსი) 1:55.051

19. ტიმო გლოკი (გერმანია, ვირჯინი) 1:55.494

20. ჰეიკი კოვალაინენი (ფინეთი, ლოტუსი) 1:56.202

21. ჟერომ დ’ამბროზიო (ბელგია, ვირჯინი) 1:56.816

22. ვიტანტონიო ლიუცი (იტალია, ისპანია) 1:57.450

23. დანიელ რიკიარდო (ავსტრალია, ისპანია) 1:57.612

24. ვიტალი პეტროვი (რუსეთი, რენო) 2:02.234

ლოებს ”ფოლკსვაგენი” ეპატიჟებოდა

2011-08-24T16:23:00.000-07:00

Sebastien Loeb says VW's attempts to lure him from Citroen were tempting

24 აგვისტო

სებასტიან ლოებმა აღიარა, რომ მის გადაბირებას ”ფოლკსვაგენი” ცდილობდა, რამაც ”სიტროენში” დარჩენის გადაწყვეტილება ძალიან გაურთულა. თუმცა, გერმანული კომპანიის შეთავაზებაში იყო მომენტი, რომელმაც ლოების გადაწყვეტილებაზე იმოქმედა.

რამდენიმე დღის წინ, მსოფლიოს შვიდგზის ჩემპიონმა გამოაცხადა, რომ რალის მსოფლიო ჩემპიონატზე კიდევ ორ სეზონს გაატარებს და ისვ ”სიტროენის” მანქანით იასპარეზებს, გუნდისა, რომელთან ერთადაც, თავისი ყველა ტიტული აქვს მოპოვებული.

მაგრამ 37 წლის ლოები ”ფოლკსვაგენის” მოტორსპორტის დირექტორ კრის ნისენს და მრჩეველსა და მსოფლიოს ორგზის ჩემპიონს, ესპანელ კარლოს საინსს შეხვდა, რომლებმაც ლამის გადაიბირეს კიდეც. თავად ლოები აღიარებს, რომ გერმანული კომპანიისგან ძალიან სოლიდური შეთავაზება მიიღო.

”კრისთან და კარლოსთან საუბრისას ვიგრძენი, რომ მათ ჩემი გადაბირება ძალიან უნდოდათ. მათ ყველაფერი იღონეს, რათა მიზნისთვის მიეღწიათ. ”ფოლკსვაგენში” გადასვლა ძალიან მიმზიდველი ვარიანტი იყო. ისინი ძალიან მონდომებულად ემზადებიან. იქ გადასვლა ჩემთვის ახალი საინტერესო გამოწვევა იქნებოდა. მაგრამ გარანტირებული კონტრაქტი მხოლოდ ერთწლიანი იყო და ამან საბოლოო გადაწყვეტილებამდე მიმიყვანა”, - ყვება ლოები და დასძენს:

”ჩემსა და ”სიტროენს” შორის ურთიერთობა 10 წლის განმავლობაში ყალიბდებოდა. და ”ფოლკსვაგენში” მხოლოდ ერთი სეზონისთვის ვერ გადავიდოდი. უფრო მეტ სეზონზე კი დაფიქრება შეიძლებოდა. მაგრამ ერთი წლის გულისთვის გადასვლა არასწორი არჩევანი იქნებოდა”.

რაიკონენმა ”პეჟოს” სარბოლი პროტოტიპი 908 გამოსცადა

2011-08-24T15:32:00.000-07:00

Kimi Raikkonen completes Peugeot 908 test

24 აგვისტო

ფორმულა 1-ის მსოფლიოს 2007 წლის მსოფლიო ჩემპიონმა, ფინელმა კიმი რაიკონენმა ”პეჟოს” სპორტული პროტოტიპი 908 გამოსცადა, ავტომობილი, რომლითაც ფრანგული კომპანია ლე მანის 24-საათიან რბოლებში ასპარეზობს. ტესტები ესპანეთის ტრეკ მოტორლანდ არაგონზე ჩატარდა, სადაც რაიკონენის გარდა, ”პეჟოს” საქარხნო გუნდის პილოტებმა, ფრანგებმა ფრანკ მონტანიმ, სტეფან სარაზენმა და სიმონ პაჟენომ, ასევე ავსტრიელმა ალექს ვურცმა ივარჯიშეს.

როგორც ბრიტანული გამოცემა ”ავტოსპორტი” იტყობინება, რაიკონენს წრიულ რბოლებში დაბრუნება სურს. რამდენადაც მომავალი სეზონისთვის, რალის მსოფლიო ჩემპიონატზე შესაძლოა უადგილოდ დარჩეს, ის სხვა ვარიანტებს განიხილავს. და შესაძლოა, სწორედ ”პეჟოსთან” ერთად იასპარეზოს ლე მანის რბოლაში.

ფინურ გამოცემა ”ტურუნ სანომატთან” საუბრისას რაიკონენს ნათქვამი აქვს, რომ ლე მანზე რბოლა კარგი იქნება. ტესტების შემდეგ კი, განაცხადა: ”ძალიან კმაყოფილი ვარ ”პეჟოსთან” ერთად ჩატარებული ტესტებით, 908 მართლა ძალიან სასიამოვნო სამართავია”.

ფინელ პილოტთან ნაცნობობით კმაყოფილი დარჩა ”პეჟო სპორტის” გუნდის მენეჯერი პასკალ დიმიტრი: ”კიმი ჩვენს მანქანას ძალიან სწრაფად შეეჩვია. უფრო მეტიც, ტესტების დროს ძალიან ფასეულ ტექნიკურ რჩევებს გვაძლევდა. საერთოდ, კიმის დოის პილოტებისგან რჩევების მიღება ყოველთვის სასარგებლო და საინტერესოა”.

”პეჟო სპორტის” სპორტული დიექტორი ოლივიე ქესნელი კი დასძენს, რომ რაიკონენთან ერთად ტესტების ჩატარება დიდი ხნის წინ დაიგეგმა, სამომავლო თანამშრომლობასთან დაკავშირებით კი ჯერ მხარეებს რაიმე კონკრეტული გადაწყვეტილება არ მიუღიათ.

სენა ჰაიდფელდს შეცვლის

2011-08-24T13:42:00.000-07:00

Senna replaces Heidfeld at Renault

24 აგვისტო

მოსახდენი მოხდა - ჯერ კიდევ უნგრული ეტაპის შემდეგ, აშკარა იყო, რომ ნიკ ჰაიდფელდს ”რენოში” ადგილის დაკარგვა ემუქრებოდა. და აი, ბელგიური სარბოლი უქმეების წინ, ფრანგულმა გუნდმა გამოაცხადა, რომ გერმანელი პილოტის ნაცვლად, სპაზე ბრაზილიელი ბრუნო სენა იასპარეზებს.

”რენომ” ჯერ კიდევ საზაფხულო არდადეგებამდე გამოაცხადა, რომ პილოტების გადახალისებას აპირებდა. მაშინვე აშკარა იყო, რომ პილოტების კი არა, ერთი პილოტის - ჰაიდფელდის ”გადახალისება” გადაწყვეტილი იყო. ბევრი მიმომცილველი თვლის, რომ ეს უფრო არა იმის გამო მოხდა, რომ ჰაიდფელდმა თავი ვერაფრით გამოიჩინა (არადა, ის გუნდის პირველი პილოტი იყო და რაც მთავარია, რუს ვიტალი პეტროვზე უკეთესი შედეგები აქვს), არამედ იმიტომ, რომ გუნდს სპონსორიანი პილოტი (ისეთი, როგორიც პეტროვია), ანუ პაიპილოტი ესაჭიროებოდა.

ასეა თუ ისე, ჰაიდფელდს კონტრაქტის შენარჩუნება სურდა და გუნდს მისი დარღვევის უფლებას არ აძლევდა. სხვათა შორის, რუსულმა ვებგვერდებმა უკვე ორშაბათს გამოაცხადეს, რომ გერმანელი პილოტი სენამ შეცვალა, თუმცა ამას არცერთი სოლიდური ვებგვერდი არ ადასტურებდა. ყველა მოლოდინში იყო. იმის მოლოდინში, რომ ”რენო” და ჰაიდფელდის მენეჯერები შეთანხმებას მიაღწევდნენ.

რა თქმა უნდა, შეთანხმება შედგა და მისი შედეგი თქვენთვის უკვე ცნობილია - ბელგიაში ჰაიდფელდის მონოპოსტს სენა დაიკავებს. თუმცა, ”რენო” აცხადებს, რომ სენა ჯერ მხოლოდ ბელგიური რბოლისთვის დასვეს მანქანაზე. და ვინ დამტკიცდება ამავე ადგილზე სეზონის დარჩენილი რბოლებისთვის, ეს მოგვიანებით (შესაძლოა, პარასკევამდეც) გაირკვევა.

არაა გამორიცხული, რომ სენამ ეს ადგილი სეზონის ბოლომდე შეინარჩუნოს. თუმცა ეს ბელგიაში მის გამოსვლაზე იქნება დამოკიდებული. სხვათა შორის, ”რენოს” ურჩევნია, რომ ეს მანქანა ფრანგული წარმოშობის შვეიცარიელ რომენ გროჟანს ჩააბაროს, ვინც ამჟამად სერია GP2-ის ლიდერია. სხვათა შორის, ამ სერიის ჩემპიონატი მონცაში, ფ1-ის იტალიის დიდი პრიზის დღეებში მთავრდება და მოსალოდნელია, რომ გროჟანი ”რენოში” სწორედ ამის შემდეგ გამოჩნდება.

ოჟიემ გერმანიაში ლოების გამარჯვებათა სერია დაასრულა

2011-08-22T15:30:00.000-07:00

Ogier ends Loeb's winning run in Germany

22 აგვისტო

მსოფლიოს შვიდგზის ჩემპიონ სებასტიან ლოებს გერმანიის რალი ზედიზედ რვაჯერ აქვს მოგებული და გამარჯვებათა სერიის გაგრძელება ამ სეზონშიც სცადა, თუმცა ამჯერად ტრიუმფში ხელი თანაგუნდელმა და თანამემამულე სებასტიან ოჟიემ, უფრო სწორედ კი, საკუთარმა უიღბლობამ შეუშალა.

საქმე ისაა, რომ შაბათის ბოლო სპეცმონაკვეთზე ლოებს საბურავი დაუზიანდა, რაზეც წუთზე მეტი დაკარგა და ეს საკმარისი გამოდგა იმისათვის, რომ გამარჯვება ოჟიეს დარჩენოდა. გამარჯვებულმა ჩემპიონს ნახევარ წუთზე მეტით აჯობა.

”ყოველთვის არ გაგიმართლებს და ყოველთვის ყველაფერი კარგად ვერ იქნება. ამას ყოველ წელს ვამბობ. ოდესღაც ყველაფერი მთავრდბა და ახლაც სწორედ ასეთი შემთხვევაა. ჩვენ კარგად ვიასპარეზეთ, მაგრამ გუშინ ცოტათი არ გაგვიმართლა და მერე დაკარგულის დაბრუნება ვეღარ შევძელით”, - ნარბოლევს განაცხადა ლოებმა, ვინც რბოლის ბოლო, სუპერ სპეცმონაკვეთი მოიგო და ამისათვის ბონუს ქულები დაიმსახურა.

მესამე ადგილი, ”მინით” მოასპარეზე ესპანელმა დანიელ სორდომ დაიკავა და ეს რბოლის ერთ-ერთი გამორჩეული მოვლენა გახდა, რადგან ინგლისურმა მარკამ, რალის მსოფლიო ჩემპიონატზე დაბრუნების შემდეგ, პირველად შეძლო სამეულში ადგილის დაკავება. თუმცა, ისიც აღსანიშნავია, რომ სორდომ მიკო ჰირვონენის უიღბლობით იხეირა, რომელიც საბურავებმა გააწამა.

ამ სეზონში საუკეთესო შედეგს მიაღწია ფინელმა კიმი რაიკონენმა, რომელმაც მეექვსე ადგილი დაიკავა. გამარჯვებულს ის 7 წუთზე მეტით ჩამორჩა, თუმცა კარგად გაართვა თავი ნორვეგიელ ჰენინგ სოლბერგთან კონკურენციას.

გერმანიის რალის შედეგები

1. სებასტიან ოჟიე (საფრანგეთი, სიტროენი) 3:32:15.900

2. სებასტიან ლოები (საფრანგეთი, სიტროენი) +00:39.800

3. დანიელ სორდო (ესპანეთი, მინი) 01:55.600

4. მიკო ჰირვონენი (ფინეთი, ფორდი) 02:43.700

5. პეტერ სოლბერგი (ნორვეგია, სიტროენი) 03:48.000

6. კიმი რაიკონენი (ფინეთი, სიტროენი) 07:24.600

7. ჰენინგ სოლბერგი (ნორვეგია, ფორდი) 07:45.900

8. არმინდო არაუჟო (პორტყგალია, მინი) 09:29.800

9. პეტერ ფან მერკსტაინი (ჰოლანდია, სიტროენი) 10:01.600

10. დენის კუიპერსი (ჰოლანდია, ფორდი) 10:09.000

პილოტთა კლასიფიკაცია

1. სებასტიან ლოები - 192 ქულა; 2. სებასტიან ოჟიე - 167; 3. მიკო ჰირვონენი - 156; 4. იარი-მატი ლატვალა (ფინეთი, ფორდი) - 96; 5. პეტერ სოლბერგი - 94; 6. მადს ოსტბერგი (ნორვეგია, ფორდი) - 56; 7. მეტიუ უილსონი (ბრიტანეთი, ფორდი) - 40; 8. კიმი რაიკონენი - 34; 9. ჰენინგ სოლბერგი - 32; 10. დანიელ სორდო - 23...

კონსტრუქტორთა პირველობა

1. სიტროენ ტოტალ WRT - 333 ქულა; 2. ფორდ აბუ დაბი WRT - 242; 3. M-შპორტ შტობარტ WRT - 105; 4. პეტერ სოლბერგ WRT - 83; 5. აის 1 რეისინგ - 48; 6. მიუნჩი’ს ფორდ WRT - 32; 7. ფერმ პაუერტულზ WRT - 22; 8. ტიმ აბუ დაბი - 20; 9. მონსტერ WRT - 9; 10. ფან მერკსტაინ მოტორსპორტს - 8; 11. ბრაზილ WRT - 1

შუმახერი წასვლას არ აპირებს

2011-08-18T15:37:00.000-07:00

Schumacher Denies Retirement Rumors

18 აგვისტო

ბოლო ხანს, კულუარებში სულ უფრო ხშირად ლაპარაკობდნენ იმაზე, რომ დროა, მიხაელ შუმახერმა კიდევ ერთხელ დაასრულოს თავისი სახელოვანი კარიერა. თვით ნიკი ლაუდამაც, შუმის წასვლა ურჩია. მერე იტალიურ პრესაში დაიწყეს დარწმუნებით წერა, რომ მსოფლიოს შვიდგზის ჩემპიონს, უკვე გადაწყვეტილი აქვს წასვლა - სხვა თუ არაფერი, ის თანაგუნდელ ნიკო როსბერგსაც კი ვერ უგებს, ვისაც ჯერ ერთი რბოლას არ მოუგია... მაგრამ ყველა ეს მითქმა-მოთქმა, შუმახერმა ერთი განცხადებით უარყო - ”მერსედეს ბენცის” ერთ-ერთ სარეკლამო ღონისძიებაზე მან განაცხადა, რომ არსად წასვლას არ აპირებს. გარწმუნებთ, მომავალ სეზონშიც რბოლებში ვიქნებიო. უფრო მეტიც, ის არც კონტრაქტის გაგრძელებას გამორიცხავს: ”ვნახოთ, როგორ განვითარდება მოვლენები და რამდენად მექნება რბოლებში მონაწილეობისთვისს საჭირო ენერგია და სურვილი”.

მოგვიანებით, მან მსგავსი განცხადება ”მერსედესის” ვებგვერდზეც გამოაქვეყნა, რომელშიც ნათქვამია, რომ მას სიამოვნებს, როცა ცდილობს, გუნდი და მანქანა გამარჯვების გზაზე დააყენოს. ”ზოგიერთი სულელური ჭორის მიუხედავად, კვლავაც ვიმეორებ, რომ მომავალ სეზონშიც აუცილებლად აქ ვიქნები. მოგწონთ, თუ არა ეს, მაინც ასე იქნება. გუნდისგან დიდ მხარდაჭერას ვგრძნობ და ჯერაც კარგად ვარ მომზადბული იმისათვის, რომ რბოლებში ვასპარეზობდე. და ჯერაც მიზიდავს გამოწვევები”, - ამბობს შუმი. ამასთან, იმასაც აღნიშნავს, რომ ”მაკლარენის”, ”ფერარის” და ”რედ ბულის” კონკურენცია ძალიან ძნელია და ჯერჯერობით, მის გუნდს ეს არ ხელეწიფება და ახლო მომავალში, ამაზე ოცნებაც არ ღირს. უფრო მეტიც, არც მომავალი სეზონის პერსპექტივაა ისეთი, რომ ”მერსედესმა” ტიტულისთვის ბრძოლა შეძლოს...

კუბიცას კიდევ ერთ ოპერაციას გაუკეთებენ

2011-08-18T15:34:00.001-07:00

Robert Kubica's injury progress set to improve after final operation

18 აგვისტო

როგორც რობერტ კუბიცას მკურნალი ექიმი ამბობს, პოლონელი მრბოლის გამოჯანმრთელების პროცესი მნიშვნელოვნად მას შემდეგ დაჩქარდება, რაც მარჯვენა იდაყვის ბოლო ოპერაციას გაუკეთებენ. ეს კი იმისთვისაა საჭირო, რომ სახსარი სრულად გაიხსნას. ექიმი რიკარდო ჩეკარელი ამბობს, რომ კუბიცას შეზღუდული აქვს მარჯვენა იდაყვის სახსრის მოძრაობა, ეს კი რეაბილიტაციის პროცესის დაჩქარებას შეუძლებელს ხდის. თუმცა, ექიმი დარწმუნებულია, რომ ოპერაციის შემდეგ, ყველაფერი უკეთესობისკენ შეიცვლება. ის ფიქრობს, რომ იდაყვის უძრაობა, ხელის ქვედა ნაწილის მოუქნელობას იწვევს, ეს კი მთლიანად ხელის კუნთების ნორმალურ კონდიციაში მოყვანას უშლის ხელს.

”სანამ მისი იდაყვი დაბლოკილია, სრული რეაბილიტაციის შანსიც არ გვაქვს. მართალია, იდაყვის ქვედა ყველა სახსარს ვავარჯიშებთ, მაგრამ ეს საკმარისი არაა. მთავარია, ხელს მოქნილება მაქსიმალურად დაუბრუნდეს. ამის შემდეგ, რეაბილიტაციის პროცესი შესამჩნევად დაჩქარდება. კუნთოვანი მასის ზრდა მხოლოდ მას შემდეგ იქნება შესაძლებელი, რაც იდაყვის სახსარი გაიხსნება”, - ამბობს ჩეკარელი.

უიტმარშს ტიტულის იმედი აქვს

2011-08-15T17:23:00.000-07:00

Whitmarsh says title is still possible for McLaren

15 აგვისტო

მაკლარენის” შეფი მარტინ უიტმარში ამბობს, რომ მისი გუნდის პილოტებს ჯერაც აქვთ ჩემპიონობისთვის ბრძოლის შანსი. მართალია, ჩემპიონატის ლიდერი სებასტიან ფეტელი ლუის ჰამილტონსა და ჯენსონ ბატონს შესაბამისად, 88 და 100 ქულით უსწრებს, მაგრამ ”მაკლარენის” პილოტებმა ბოლო ორი რბოლა მოიგეს. ეს კი იმაზე მეტყველებს, რომ ინგლისურმა გუნდმა თავისი მანქანა საკმარისად დახვეწა იმისათვის, რომ ”რედ ბულს” სერიოზული წინააღმდეგობა გაუწიოს.

უიტმარში ამბობს, რომ მისი გუნდი ფოკუსირებულია არა ჩემპიონატში გამარჯვებაზე, არამედ ყველა დარჩენილი რბოლის მოგებაზე. რა თქმა უნდა, ეს ტიტულის მოსაპოვებლად საკმარისი შეიძლება არ იყოს. ამასთან, ყოველთვის ძალიან ძნელი იქნება ფეტელის დამარცხება.

”რა თქმა უნდა, ეს ძალიან ძნელია, თუმცა შესაძლებელი. ჩვენ ყოველთვის გამარჯვებას ვისახავთ მიზნად, მაგრამ ამის მიღწევა ყოველთვის ძალიან ძნელია. ასეთი ჩამორჩენის აღმოფხვრა ძალიან ძნელია, მაგრამ შეუძლებელი არაფერია. რა თქმა უნდა, ჩვენ ჩემპიონატზე ვართ ფოკუსირებული, მაგრამ როცა სხვა ლიდერობს, ამაზე ბევრი არ უნდა იფიქრო. ძალიან გამიცარდება, თუ რბოლებს დუბლებით მოვიგებთ და მესამე ადგილზე ”რედ ბულის” პილოტები ვერ გავლენ. კვარცხლბეკზე ”ფერარის” ხშირად გამოჩენას მივესალმებით. ჩვენ დანებება არ გვჩვევია, ბრძოლის ველს, მის დასრულებამდე არასდროს ვტოვებთ. მოკლედ, ყველა რბოლის მოგებას ვეცდებით და ეს შესანიშნავი გამოწვევაა”, - ამბობს უიტმარში. ის დასძენს, რომ ადვილად პროგნოზირებადია თუ როგორ წარიმართება სეზონის დარჩენილი ნაწილი, თუმცა დარწმუნებულია, რომ მისი გუნდი ყველაფერს გააკეთებს იმისათვის, რომ საწადელს მიაღწიოს. ”ავსტრალიაში რომ გეკითხათ, როგორ წარიმართებოდა სეზონი, პასუხის გაცემა გამიჭირდებოდა. ახლა გარანტირებულად მხოლოდ იმას გეტყვით, რომ თავს არ დავზოგავთ, რათა ყოველ დარჩენილ რბოლაში გამარჯვებას მივაღწიოთ. ჩვენ ორი შესანიშნავი პილოტი გვყავს, ჩვენ შესანიშნავი გუნდი ვართ. მანქანაც არაა ცუდი. აშკარა გროგრესი გვაქვს. ახლა ამ იმპულსის შენარჩუნება გვმართებს და მერე რთული მიზნების მიღწევაც შესაძლებელი იქნება”, - დასძენს უიტმარში.

”პირელი” მყარ საბურავებზე უარს ამბობს

2011-08-14T17:54:00.000-07:00

Pirelli is set to stop using its hardest compound
14 აგვისტო

”პირელიმ” გადაწყვიტა, რომ ამ სეზონში, მყარი საბურავების გამოყენებაზე უარი თქვას. უფრო მეტიც, იტალიური კომპანიის ავტოსპორტული დეპარტამენტის შეფი პოლ ჰემბრი ვარაუდობს, რომ ასეთ საბურავებს არც მომავალ სეზონში გამოიყენებენ.
ბრიტანულ გამოცემა ”ავტოსპორტის” ვარაუდით, ”პირელის” ეს გადაწყვეტილება ყველაზე მეტად, ”ფერარისთვის” არის სასარგებლო. მათს მანქანას უფრო მეტად, რბილი რეზინი მიესადაგება, რაზეც ის ფაქტი მეტყველებს, რომ ახალი მას საბურავების გახურება უჭირს.

”არა მგონია, მყარი საბურავები ამ სეზონში კიდევ გამოვიყენოთ. ასეთი კომპაუნდი მეტისმეტად მყარი გამოვიდა, საშუალო სიმყარის საბურავები კი საკმაოდ გამძლეა და ის ამ თვისებას რთულ ტრასებზეც ინარჩუნებს. შესაძლოა, მომავალ სეზონში, ჰარდის ნაცვლად სწორედ საშუალო სიმყარის საბურავები გამოვიყეონთ. ამ შემთხვევაში, რბილებსა და საშუალოებს შორის, რაღაც შუალედურს შევიმუშავებთ. რაც მთავარია, ვეცდებით, რომ ყოველი ტიპის საბურავებს შორის, წამიანი სხვაობა შევინარჩუნოთ. ამის აუცილებლობა სუპერ რბილ და რბილ საბურავებს შორის სხვაობამ დაგვანახა - ერთი მხრივ, სუპერ რბილი ძალიან ეფექტურია და დიდ მოგებას იძლევა, მაგრამ მეორე მხრივ, ძალიან სწრაფადაც ცვდება. ეს კი სტრატეგიული სქემებით ეფექტურად მანიპულირების საშუალებას იძლევა”, - ამბობს ჰემბრი.

ის დასძენს, რომ მისი კომპანია კვლავაც გააგრძელებს სხვადასხვა ტრასებისთვის განსხვავებული საბურავების გამოყენებას. საქმისადმი ამგვარმა მიდგომამ, მიმდინარე სეზონში რბოლების სანახაობრივი მნიშვნელოვნად გააუმჯობესა. რეზინის ტიპის შერჩევა კი ყველაზე ძნელი სინგაპურისთვის იქნება, რადგან ეს საქალაქო ტრასაა. ამასთან, რბოლა ღამით ტარდება და ჰაერის ტენიანბა ძალიან მაღალია.

დაკიდევ, მომავალი სეზონისთვის, ”პირელი” უკანა საბურავების კონსტრუქციის შეცვლას აპირებს. კერძოდ, შემცირდება უკანა საბურავების პროფილის დახრა, რისი წყალობითაც, საბურავის გზის საფართან შეხების ფართობი გაიზრდება, რაც ჩაჭიდებას გააუმჯობესებს. ამასთან, ”პირელი” ირწმუნება, რომ ამგვარად, რეზინი უფრო გამძლეც გახდება.

ბერნი პიტლეინზე ელექტროძრავების წინააღმდეგია

2011-08-12T16:16:00.001-07:00

Ecclestone Says No to Electric Engines in the Pit Lane

12 აგვისტო

ფორმულა ერთის მამებმა გადაწყვიტეს, რომ დიდი პრიზების ცირკს თანდათან მწვანე ტექნოლოგიები შეაპარონ და იქნებ, ჟან ტოდტის (FIA-ს პრეზიდენტი) ხელმძღვანელობით და ევროკავშირის გავლენით, სამომავლოდ ელექტროძრავებით აღჭურვილი ბოლიდებით რბოლებსაც გვიგეგმავენ. მაგრამ ეს პერსპექტივა, ბევრ თქვენგანზე მეტად, ფ1-ის პრომოუტერ ბერნი ეკლსტოუნს არ მოსწონს.

მას ჯერ ისიც ვერ მოუნელებია, რომ მალე V8-ს ნაცვლად, მანქანებს V6 გულებს ჩაუდგამენ, ლიტრაჟს კი 2.4-დან 2.6-მდე შეუმცირებენ. ბერნი შიშობს, რომ „სხვანაირი ხმა“ ფ1-ს ძალიან აზარალებს. ის ძლივს დაითანხმეს ძრავების ლიტრაჟის და ცილინდრების რიცხვის შემცირებაზე. ახლა კი ეს ელექტროძრავები...

ახალ რეგლამენტში, რომელიც 2014 წლის სეზონიდან უნდა ამოქმედდეს, ასევე აღნიშნულია, რომ ორჯერ გაიზრდება კერს-ის (კინეტიკური ენერგიის რეკუპერაციის სისტემა) სიმძლავრე. სწორედ ამ სისტემის ნაწილია ელექტროძრავი, რომელსაც პიტლეინზე მანქანის მთავარი ამძრავის მოვალეობაც დაეკისრება - სისტემის გაზრდილი სიმძლავრე ამის საშუალებას მისცემს.

ბერნი კი ამბობს, რომ ეს სიახლე ფ1-ს ძლიერ შეულახავს იმიჯს და პიტლეინზე უსაფრთხოებასაც დააზარალებს. მისი თქმით, პიტლეინზე ელექტროძრავით ბოლიდების გრიალს შეიძლება სავალალო შედეგი მოჰყვეს - ამ დროს, მანქანა უხმაუროდ იმოძრავებს და პიტლეინზე მის მოულოდნელად გამოჩენას, შეიძლება გუნდების პერსონალი მოუმზადებელი დახვდეს...

„ფორმულა ერთი ის ადგილი არაა, სადაც ელექტროძრავი შეიძლება გამოიყენო. ეს იგივეა, ბალეტის მოცეკვავეს რომ სპორტული ფეხსაცმლით ცეკვა დააძალო. ეს უფრო კომფორტულია, მაგრამ მოუხერხებელი. გამორიცხულია, რომ პიტლრინზე ელექტრული ძრავებით იარონ. ასე ხალხი დაიხოცება, რადგან ისინი ჩუმად მოახლოებული მანქანების ხმას ვერ გაიგებენ“, - „დეილი ექსპრესთან“ საუბრისას განაცხადა ბერნიმ.

შუმახერი წასვლაზე ფიქრობს

2011-08-09T06:25:00.000-07:00

Schumacher Admits Eyeing Return To Retirement

9 აგვისტო

მიხაელ შუმახერი აღიარებს, რომ ამჟამად ის კარიერის დასრულებაზე ფიქრობს. „კორიერე დელო სპორტის“ ინფორმაციით, მიუხედავად იმისა, რომ მსოფლიოს შვიდგზის ჩემპიონს „მერსედესის“ გუნდთან მომავალ სეზონზეც აქვს კონტრაქტი, არაა გამორიცხული, რომ ამ სეზონის დასრულების სემდეგ, თავისი შლემი ლურსმანზე დაკიდოს.

„როცა „მერსედესში“ მოვედი, ჩემი მიზანი იყო არა გამარჯვება ნებისმიერ ფასად, არამედ გუნდის ზრდა. არაა გამორიცხული, რომ პრობლემა ჩემშია. ფაქტია, რომ უწინდლზე მოდუნებული ვარ და არ ვიცი, ჩემი ეს განწყობა შეესაბამება თუ არა გუნდისას. მოვა დრო და გადავწყვეტ, გაჩერება სჯობს, თუ გაგრძელება“, - გაზეთთან საუბრისას ამბობს შუმახერი.

თუ ის ამ სეზონის ბოლოს წასვლას გადაწყვეტს, მისი ადგილის დაკავების ყველაზე რეალურ კანდიდატად „ფორს ინდიას“ ბრიტანელი პოლ დი რესტა მოიაზრება.

ბატონი ტიტულისთვის ბრძოლას გააგრძელებს

2011-08-07T18:13:00.000-07:00

Button determined to continue push for title

7 აგვისტო

ჯენსონ ბატონი ამბობს, რომ მიუხედავად იმისა, რომ ჩემპიონატის ლიდერ სებასტიან ფეტელთან ბევრი ქულა აშორებს, ტიტულისთვის ბრძოლას მაინც ბოლო შანსამდე აპირებს. ბრიტანელმა პილოტმა ამ სეზონში თავისი მეორე გამარჯვება ახლახანს, უნგრეთში მოიპოვა, მაგრამ ფეტელმა ფინიშის ხაზი მეორემ გადაკვეთა, რაც საკმარისი გამოდგა იმისათვის, რომ უახლოეს მდევართან უპირატესობა გაეზარდა.

ბატონი ჩემპიონატის ლიდერს 100 ქულით ჩამორჩება. მსოფლიოს 2009 წლის ჩემპიონი აღიარებს, რომ ახლა მისთვის ტიტულისთვის ბრძოლა ძალიან ძნელი გამოწვევაა, თუმცა ეს არ ნიშნავს, რომ დანებებას აპირებს: „სებასტიანთან 100 ქულა მაშორებს და ეს ძალიან ბევრია. ამიტომ, მისი დაწევა ურთულესი ამოცანაა. მაგრამ ჩვენ გვიყვარს ძნელი გამოწვევები. მე არასდროს ვნებდები. ასე რომ, ვნახოთ, რა მოხდება. ყველა რბოლას ისე მივუდგები, როგორც გადამწყვეტს, ქულებს კი სეზონის ბოლოს დავითვლი“.

ბატონი ამბობს, რომ აღფრთოვანებულია „მაკლარენის“ მიერ ბოლო რამდენიმე რბოლაში მიღწეული პროგრესით, რამაც მის პილოტებს ზედიზედ ორი რბოლის მოგების საშუალება მისცა: „რბოლაში ჩვენ ძალიან სწრაფები ვიყავით. არა მგონია, ჩვენს, „რედ ბულსა“ და „ფერარის“ შორის დიდი განსხვავება იყოს. თუმცა სტატისტიკას თუ გადავხედავთ ვნახავთ, რომ ბოლო ხუთი ეტაპიდან, სამი ჩვენ მოვიგეთ, ჩვენმა მეტოქეებმა კი - თითო. ასე რომ, ჩვენ სწორი მიმართულებით ვვითარდებით. გერმანიასა და უნგრეთში მოპოვებული გამარჯვებები მეტყველებს, რომ ჩვენ თავს არ ვზოგავთ“.

საბრძოლო განწყობა არც მის თანაგუნდელ ლუის ჰამილტონს აკლია, ვინც ასევე აპირებს ჩემპიონობისთვის ბრძოლას. თუმცა ბატონი დარწმუნებულია, რომ მასზე მეტ ქულას მოაგროვებს: „სეზონის ბოლომდე, მაქსიმუმ კიდევ 200 ქულაა მოსაპოვებელი. ყოველ რბოლას იმ რწმენით დავიწყებ, რომ მათი მოგება შემიძლია. რამდენიმე განსაკუთრებულ ტრასაზე მოგვიწევს ასპარეზობა, როგორებიცაა სპა, მონცა, სუძუკა და ინტერლაგოსი. ესენი ჩვენს სპორტში გამორჩეული ტრასებია, რომელთა ისტორიასაც ყოველ ნაბიჯზე გრძნობ. ამ ტრასებზე, სამი თითქმის გუნდი თითქმის თანაბარი სისწრაფის მანქანით იასპარეზებს, რაც იმის გარანტიას გვაძლევს, რომ საინტერესო პაექრობების მომსწრენი გავხდებით და რომ ეს ბრძოლა ბრაზილიამდე გაგრძელდება“.

„მერსედესი“ „ფერარის“ ყოფილი შეფის გადაბირებას ცდილობს

2011-08-07T18:11:00.001-07:00

Mercedes Targets Ex-Ferrari Chief Costa

7 აგვისტო

„მერსედესის“ გუნდი „ფერარიდან“ ახლახანს წამოსული ალდო კოსტას გადაბირებას აპირებს, ადამიანისა, რომელიც ახლახანს იტალიური გუნდის ტექნიკური დირექტორი იყო, მაგრამ მანქანის კონსტრუირების კონსერვატიული მეთოდბი დაუწუნეს და ჩამოაქვეითეს. მერე კი, თავად ისურვა „სკუდერიას“ დატოვება.

მართალია, კოსტამ „ფერარი“ დატოვა, მაგრამ სხვა გუნდში ამ სეზონის ბოლომდე ვერ გადავა, რადგან მარანელოელებთან მისი კონტრაქტი სწორედ ჩემპიონატის დასრულების შემდეგ იწურება. თუმცა, ეს სულაც არ ნიშნავს, რომ მანამდე ხელებჩამოშვებული უნდა იჯდეს.

არც ზის - როგორც იტალიური გამოცემა „ავტოსპრინტი“ იუწყება, მასთან მოლაპარაკება დაუწყია „ფერარის“ კიდევ ერთ ყოფილ ტექნიკურ დირექტორ როს ბრაუნს, ვინც ამჯერად, ამავე პოსტზე „მერსედესში“ მუშაობს. ბრაუნმა კარგად იცის კოსტას შესაძლებლობები და მიაჩნია, რომ მისი გადაბირებით, სამქიმიანები სწრაფად პროგრესირებას შეძლებენ.

სხვათა შორის, მარანელოდან კოსტას წამოსვლა იმ პერიოდს დაემთხვა, როდსაც „მერსედესმა“ თავისი შტატის გაზრდაზე ზრუნვა დაიწყო. ბრაუნი დიდი ხანია წუწუნებს, რომ მისი საჯინიბოს შტატი რიცხოვნობით ახლოსაც ვერ მივა სამი უძლიერესი გუნდის შტატთან.

„ავტოსპრინტის“ ინფორმაციით, ნურბურგრინგზე რბოლის დღეებში, ბრაუნი ამ თემაზე „დაიმლერის“ აღმასრულებელ დიტერ ცეტშეს ესაუბრა და ხაზი გაუსვა, რომ გუნდი სწორედ შტატის სიმცირის გამო ვერ ახერხებს მოწინავე სამეულთან ტოლსწორად პაექრობას. ამის პასუხად, ცეტშემ შტატის გაზრდა დაავალა...

კუბიცას გამოჯანმრთელება სწრაფი ტემპით მიმდინარეობს

2011-08-06T18:40:00.000-07:00

Kubica Making Steady F1 Return From Injury

6 აგვისტო

რაღა სწრაფი ტემპით, ნახევარი სეზონი გავიდა და ჯერაც არ ვიცით, დაუბრუნდება თუ არა ფორმულა ერთს პოლონელი პილოტი, რომელიც სეზონის დაწყებამდე, რალის კლასის რბოლისას მომხდარ ავარიაში, მძიმედ დაშავდა. თუმცა, ის ჯერაც არ კარგავს ამ სეზონშივე დაბრუნების იმედს.

გერმანული გამოცემა „დი ველტი“ გვატყობინებს, რომ კუბიცა უკვე ამოძრავებსთითებს და მაჯას, რომლის ფუნქციაც შესაძლოა, სრულად ვეღარ აღსდგეს, თუმცა ექიმები ამბობენ, რომ მისი არასრული ქმედუნარიანობითაც, პოლონელი რბოლებში მონაწილეობას შეძლებს. შუა თითს მოქნილება ჯერ ისევ აკლია. სამაგიეროდ, სხვა თითები სრულადაა აღდგენილი. „ველტის“ რეპორტიორი ბურკჰარდ ნუპენეი კი წერს, რომ ცერა თითს მოქნილობაც დაუბრუნდა და მას პილოტი სრულფასოვნა იყენეს.

„რენო“ გუნდი შეფ ჟერარ ლოპესს ნაქვამი აქვს, რომ სეზონის მიწურულს, კუბიცა შეიძლება რომელიმე თავისუფალ პრაქტიკაზე დასვან კიდეც სარბოლ მანქანაზე, მაგრამ ასეთი დაბრუნება რობერტს არ სურს. ამ თემაზე პოლონელის აზრი, მისმა მენეჯერმა დანიელე მორელიმ გამოთქვა: „თუ რობერტი დაბრუნდება, ეს სრულფასოვანი დაბრუნება იქნება. მას არ სურს სიბრალულით გამოწვეული საჩუქრები“!

მისი კარგად ესმის მსოფლიოს ორგზის ჩემპიონ ფერნანდო ალონსოს, ვისთანაც კუბიცას მეგობრული ურთიერთობა აქვს: „კარგად მესმის მისი. ის დასაბრუნებლად იბრძვის და ბევრს ფიქრობს თავის მომავალზე. და მხოლოდ ერთი მიზნით დაბრუნდება - თუ იმავე მიზნებისთვის ბრძოლის საშუალება ექნება, რისთვისაც ადრე ირჯებოდა“.

ალონსო დარწმუნებულია, რომ კუბიცა შეძლებს იმ ფსიქოლოგიური ბარიერის გადალახვას, რაც ავარიის გამო აუცილებლად შეექმნებოდა. ჯერ ერთი, მას მტკიცე ხასიათი აქვს. და მეორეც, ავარია ფორმულა ერთში არ მოსვლია. ისე, გაგახსენებთ, რომ კუბიცას ფ1-ში თავისი ერთადერთი გამარჯვება 2008 წელს, კანადაში აქვს მოპოვებული, ტრასაზე, სადაც ერთი წლით ადრე, ბეწვზე გადაურჩა სიკვდილს...

სუტილი და ჰულკენბერგი ბარიკელოს ადგილს უმიზნებენ

2011-08-06T18:39:00.000-07:00

Sutil, Hulkenberg Linked With Barrichello's Seat

6 აგვისტო

რუბენს ბარიკელოს ფორმულა ერთში კარიერის გაგრძელება სურს და თითქოს, „უილიამსშიც“ სურთ ვეტერანი ბრაზილიელის შენარჩუნება, მაგრამ უნგრული ეტაპის შემდეგ, კულუარებში გაიზმა ხმები იმის შესახებ, რომ თითქოს, რუბინიუს ადგილს ორი გერმანელი პილოტი - მისი შარშანდელი თანაგუნდელი ნიკო ჰულკენბერგი და ადრიან სუტილი უმიზნებს.

„უილიამსი“ კმაყოფილია თავის ვენესუელელ პილოტ პასტორ მალდონადოთი და მითუმეტეს, მის სპონსორ-მხარდამჭერით - ვენესუელას სახელმწიფო ნავთობკომპანიის მილიონებით. რაც შეეხება 39 წლის ბრაზილიელს, „უილიამსში“ მის დარჩენას ჯერ დიდი კითხვის ნიშანი უზის.

ბარიკელო ხშირად იმეორებს, რომ „უილიამსში“ დარჩენა სურს, მაგრამ თანდათან მის ლაპარაკში მოუთმენლობა შეინიშნება - თუ გროველები გადაწყვეტილების მიღებას არ ჩქარობენ, რუბინიუს ეჩქარება, რადგან იცის, რომ თუ ადგილს დაკარგავს, ნორმალურ გუნდში მოწყობა ძალიან გაუჭირდება. მართალია, დღეს „უილიამსი“ აუტსაიდერთა შორისაა, მაგრამ „რენოსთან“ ახლახანს გაფორმებული პარტნიორული კონტრაქტი ბრაზილიელისთვის ინგლისურ გუნდს მეტისმეტად მიმზიდველს და პერსპექტიულს ხდის.

გერმანული გამოცემა „აუტო მოტორ უნდ შპორტი“ გვაცნობებს, რომ უნგრეთამდე, „უილიამსი“ ბარიკელოს მანქანაზე ატარებდა ექსპერიმენტებს და არა მალდონადოსაზე. ეს თურმე ბრაზილიელს აღიზიანებდა - ტესტ პილოტის როლი არაასდროს მდომებიაო. „უილიამსს“ მისი გამოცდილება სჭირდებოდა და ამის გამო იყო, რომ სიახლეებს პირველ რიგში, სწორედ ბრაზილიელის მანქანაზე ნერგავდა. მაგრამ უნგრეთში ასე არ მოხდა და რუბინიუმაც აშკარად დაჩრდილა თავისი თანაგუნდელი.

რა თქმა უნდა, სუტილსა და ჰულკენბერგზე ხმები ბარიკელოს ყურამდეც მივიდა, რაც მისთვის არ უნდა იყოს სასიამოვნო. მაგრამ ის ტექნიკურ პრობლემებზე ლაპარაკით ცვლის თემას: „ჩვენი მანქანა უკანა საბურავებს წვავს, ძრავი საშინლად მუშაობს, სველ ტრასაზე კი ყველაფერი გაცილებით უარესადაა. მნიშვნელობა არ აქვს, რას ვაკეთებთ, ამით საბურავების პრობლემას მოგვარების არაფერი ეტყობა. მანქანის მოდიფიცირების პროცესში, მას მეტისმეტად ბევრი ახალ დეტალით ვტვირთავთ და ამით მხოლოდ საკუტარ თავს ვაბნევთ“, - გაწბილებას არ მალავს ბარიკელო.

უებერი მერმისსაც დარჩება, მერე კი მას რიკიარდო შეცვლის

2011-08-05T18:06:00.000-07:00

Webber Stays In F1 In 2012, Ricciardo Coming In 2013

5 აგვისტო

მალე „რედ ბულ რეისინგი“ და მარკ უებერი კონტრაქტს ერთი წლით გააგრძელებენ, რის შემდეგაც, ალბათ ისინი ერთმანეთს დაშორდებიან. ავსტრიული გუნდის კონსულტანტი, დოქტორი ჰელმუტ მარკო კი მყარ საფუძველს იძლევა იმისას, რომ ვიფიქროთ - ავსტრალიელ პილოტს გუნდში მისივე თანამემამულე დანიელ რიკიარდო შეცვლის.

უნგრული ეტაპის დღეებში, „ტუტოსპორტთან“ და „კორიერე დელო სპორტთან“ საუბრისას, მარკომ განაცხადა, რომ მისი აზრით, კონტრაქტის დასრულების შემდეგ უებერი, ვინც ახლა 34 წლისაა, ფორმულა ერთში თავის კარიერას დაასრულებს: „ის ჩვენთან კიდევ ერთ სეზონს გაატარებს და შემდეგ გადაწყვეტს, როგორ მოიქცეს. ალბათ კარიერას დაასრულებს“.

მერე კი, „რედ ბული“ გადაწყვეტს, ვინ აიყვანოს მის ადგილზე. თუმცა, მარკოს ეს პრაქტიკულად გადაწყვეტილი აქვს - უებერი რიკიარდომ (ავსტრალიელი პილოტი თავის გვარს სწორედ ასე წარმოთქვამს) უნდა შეცვალოს. 22 წლის პილოტმა ახლახანს „ისპანია რეისინგის“ მანქანით, უნგრულ ეტაპზე იასპარეზა, მისი მხარდამჭერი კი „რედ ბული“ იყო.

ავსტრალიელი პილოტი თავის მომავალზე ლაპარაკს არ ჩქარობს. „ძალიან მადლობელი ვარ „რედ ბულის“ ბიჭების, რომლებიც ჩემთვის საქებარ სიტყვებს არ იშურებენ, მაგრამ ჩემს მომავალზე ლაპარაკი ჯერ ნაადრევია. ვიმედოვნებ, რომ მათთან ერთად ასპარეზობის საშუალება მომეცემა, მაგრამ ამჟამად ჩემი მიზანი, თანგუნდელ ვიტანტონიო ლიუცის ჯობნაა. ის ჯერ ჩემზე სწრაფია“, - ამბობს ფ1-ის ახალბედა.

თავის მხრივ, უებერი ამბობს, რომ გადაწყვეტილებას თავისი კარიერის შესახებ თავად მიიღებს. წავა მხოლოდ იმ შემთხვევაში, თუ რბოლის სურვილი აღარ ექნება. რაც შეეხება რიკიარდოს, უებერი მას დიდ მომავალს უწინასწარმეტყველებს...

„რენომ“ ჰაიდფელდის დამწვარი მანქანა ჩამოწერა

2011-08-05T17:25:00.000-07:00

Renault forced to write off Heidfeld's chassis after Hungarian GP fire

5 აგვისტო

„რენო“ იძულებული გახდა, ჩამოეწერა ნიკ ჰაიდფელდის მანქანის შასი, რომელიც უნგრეთის დიდი პრიზის დროს დაიწვა. ხანგრძლივი პიტსტოპის შემდეგ, მანქანას ცეცხლი გაუჩნდა და როგორც გერმანელმა პილოტმა სიცხე იგრძნო, პიტლეინიდან გამოსასვლელშივე გააჩერა მანქანა და კოკპიტი სასწრაფოდ დატოვა. პილოტი ტრავმას გადაურჩა, მაგრამ მანქანა - ვერა.

„ინციდენტი ძალიან არასასურველი იყო, მის შედეგად მანქანის ჩამოწერა დაგვჭირდა. შემდეგი რბოლისთვის ყველაფერს ვიზამთ იმისათვის, რომ ასეთი რამ აღარ განმეორდეს და საჰაერო ბალონი არ გადახურდეს. ახლა პატაკს ვამზადებთ, რომელსაც FIAS წარვუდგენთ. მასში მომხდარს დაწვრილებით აღვწერთ“, - ამბობს გუნდის ტექნიკური დირექტორი ჯეიმს ელისონი.

მისი თქმით, გამოკვლევის შედეგად დადგინდა, რომ ინციდენტის შემდეგ აფეთქება აირის ბალონის გადახურებამ გამოიწვია. ეს ბალონი დაჭირხნული აირით ამარაგებს ძრავის გამანაწილებელ სისტემას. გადახურება კი ცეცხლმა გამოიწვია. რაც შეეხება ხანძარს, ის რამდენიმე გარემოების დამთხვევის შედეგი იყო:

„ასეთი რამ ხდება ხოლმე. რამდენიმე ინციდენტის კომბინაციას ხანძარი მოჰყვა. ჯერ ერთი, კვალიფიკაციაზე ძრავის მართვის განსხვავებული პროგრამა გამოვიყენეთ. ამის შედეგი გახდა გამონაბოლქვი აირის უფრო გავარვარება. ამან ძრავის სივრცეში ტემპერატურის მნიშვნელოვნად გაზრდა გამოიწვია და გამოსაბოლქვ მილში ბზარები გაჩნდა. რბოლის დროს, ეს ბზარები გაფართოვდა და პიტსტოპისას ხანძარი გამოიწვია. რა ტქმა უნდა, სენსორებმა აჩვენა ტემპერატურის მატება, მაგრამ რადგან ძრავი გამართულად მუშაობდა, ვიფიქრეთ, რომ უბრალოდ, სენსორი გადახურდა. პიტლეინზე შემოსულ მანქანას, გამოსაბოლქვი ნაწილობრივ მწყობრიდან ჰქონდა გამოსული. მეორე გარემოება პიტსტოპის გაჭიანურება გახდა. ამ დროს, ძრავი შედარებით მაღალ ბრუნვებს 6 წამზე მეტხანს ინარჩუნებდა. ამ დროს, წვის კამერაში საწვავი ბოლომდე არ იწვის და გამოსაბოლქვ სისტემაში ასრულებს წვას, ეს კი მცირე დეტონაციებია. ამ დროს, გამონაბოლქვი აირის ტემპერატურა წამში შეიძლება 100 გრადუსით გაიზარდოს. ეს კი საკმარისი გამოდგა იმისათვის, რომ ნაწილობრივ მწყობრიდან გამოსულ მილს ბოლო მოღებოდა, რაც მანქანის გარეთ ცეცხლის პატარა ენების გამოპარვაში გამოიხატა, შემდეგ კი ცეცხლი მანქანის ტანსაც მოედო“, - დასძენს ელისონი.

„ფერარის“ შეფი მეტ გამარჯვებას ელის

2011-08-02T14:27:00.001-07:00

Ferrari boss Montezemolo expects more wins this year

2 აგვისტო

„ფერარის“ პრეზიდენტი ლუკა დი მონტეძემოლო ამბობს, რომ მისი კომპანიის საბრძოლო სულისკვეთება, სეზონის დასაწყისთან შედარებით, არნახულად გაიზარდა. ისევე როგორც შარშან, მარანელოელებმა შუა სეზონიდან მნიშვნელოვნად გააუმჯობესეს შედეგები - ბრიტანეთში ალონსოს გამარჯვების გარდა, მათ (ისევ ალონსომ) ვალენსიასა და გერმანიაში მეორე ადგილები დაიკავეს, უნგრეთში კი - მესამე.

დი მონტეძემოლო დარწმუნებულია, რომ სეზონის მეორე ნახევარში, მისი გუნდი ჩემპიონატის ერთ-ერთი მთავარი მოთამაშე გახდება და რბოლებსაც მოიგებს. თუმცა, არაფერს ამბობს მარანელოელთა საჩემპიონო ამბიციებზე:

„ჩვენთვის სეზონი ძალიან ძნელად დაიწყო, მაგრამ ახლა გუნდს თავდაჯერება დაუბრუნდა. დომენიკალი და მისი გუნდი ძალიან მონდომებულია და საქმეზე მობილიზებული. ჩვენ გვჯერა, რომ სეზონის მეორე ნახევარში, ჩვენ ჩემპიონატში ერთ-ერთ მთავარ როლს შევასრულებთ. უფრო მეტიც, გამარჯვებებსაც მოვიპოვებთ. ეს რწმენა კი სილვერსტოუნზე მოპოვებული მეტად მნიშვნელოვანი და ისტორიული გამარჯვების შემდეგ დაგვიბრუნდა“.

დი მონტეძემოლო გუნდის შეფ სტეფანო დომენიკალის და გუნდის ტექნიკურ ხელმძღვანელობას შეხვდა და ყველამ ერთად, მომავალი სეზონის მანქანის კონსტრუქციის ძირითადი ასპექტები განიხილეს. ამავე შეხვედრაზე, გუნდის სამომავლო გეგმებზე და ახალ ტექნიკურ რეგლამენტთან ადაპტაციაზე ილაპარაკეს. რა თქმა უნდა, საუბრის დეტალები არ გახმაურებულა.

ჰამილტონმა შეცდომის მიზეზად რადიოს გაუმართაობა დაასახელა

2011-07-31T14:21:00.001-07:00

Hamilton: Radio glitch caused Hungary strategy mistakes

31 ივლისი

უნგრეთის დიდი პრიზის შემდეგ, ლუის ჰამილტონმა პიტსტოპზე დაშვებული შეცდომა, რადიოს გაუმართაობას დააბრალა. მას თანაგუნდელ ჯენსონ ბატონთან უშეღავათო ბრძოლა ჰქონდა, როდესაც მოულოდნელად ბოქსებს მიაშურა და იქიდან სუსტი წვიმის საბურავებით დაბრუნდა. მაგრამ წვიმა მხოლოდ წამიერად წამოვიდა, ტრასა უცებ გაშრა და ჰამილტონსაც ისევ ბოქსში შესვლა და სლიკების დაყენება მოუწია.

„რადიო ვერ მუშაობდა. ჩემი ინჟინრების საუბარი მესმოდა, მათ კი ჩემი არ ესმოდათ. მე მუდმივად ვითხოვდი ამინდის შესახებ ინფორმაციას, მაგრამ პასუხს არ ვღებულობდი. ამიტომ, მათ ძალიან რთული გადაწყვეტილების მიღება მოუხდათ. მე ყური მოვკარი მათს საუბარს, როცა ამბობდნენ, გაწვიმდებაო. მერე წვეთებიც დამეცა. ამიტომ გადავწყვიტეთ, წვიმის საბურავებზე გადავსულიყავით. წვიმა რომ არა, ბოქსში მაინც უნდა შევსულიყავი, რადგან საბურავები აღარაფრად ვარგოდა. რას ვიზამთ, ასეთია რბოლები“, - განაცხადა ჰამილტონმა.

ეს შეცდომაც რომ არა, ჰამილტონის გამარჯვება მაინც სათუო იყო, რადგან სანამ ბოქსში შევიდოდა, მან შეცდომა დაუშვა და დატრიალდა. მანქანა მოძრაობის საპირისპიროდ შემოტრიალდა, რის გამოც, ბრიტანელმა ის ზედმეტი გაზით შემოაბზრიალა და გზა გააგრძელა. სწორედ ეს შემობზრიალება დაუჯდა ძვირად - ამ დროს, მოსახვევიდან პოლ დი რესტა გამოდიოდა, რომელიც იძულებული გახდა, გზიდან გადაეხვია.

„შეცდომა დავუშვი, ჩემი მარცხენა წინა საბურავი ძალიან გაცვეთილი იყო და მის დასაზოგად, მოსახვევში ცოტა გარედან შესვლა ვცადე. ამის გამო დავტრიალდი, რაც ძალიან იშვიათად ხდება ხოლმე. მაგრამ მთავარია, რომ დი რესტას შეცდომა დავაშვებინე, რის გამოც, მინდა მოვუბოდიშო. მე მას ვერ ვხედავდი. არც ვიცოდი, რა მოხდა, მაგრამ რაღაცისთვის დამაჯარიმეს და მეც პიტლეინზე გავიარე. მას კი ბოდიშს ვუხდი“, - დასძენს ჰამილტონი.

მისი თქმით, ბატონმა სამართლიანად გაიმარჯვა: „ვულოცავ ჯენსონს, ის მთელი რბოლის განმავლობაში მიტევდა და ეს გამარჯვებაც დაიმსახურა. უსწრაფესმა გაიმარჯვა. რა თქმა უნდა, უკეთესი იქნებოდა, ფინიშზე პირველი ორი ჩვენ ვყოფილიყავით. ნებისმიერ შემთხვევაში, გუნდმა შესანიშნავად იმუშავა. არდადეგებზე შესანიშნავი განწყობით მივდივართ და დაბრუნების შემდეგ, კვლავ გამარჯვებებისთვის ვიბრძოლებთ“.

უნგრეთის დიდი პრიზი ბატონს მიართვით

2011-07-31T09:21:00.000-07:00

Button wins in wet Hungary on 200th start

31 ივლისი

ჯენსონ ბატონისთვის უნგრეთის დიდი პრიზი მე-200 იყო კარიერაში და საიუბილეო რბოლა მან გამარჯვებით აღნიშნა. ამგვარად, ამ სეზონში ის მესამე პილოტია, ვისაც ერთზე მეტი რბოლა აქვს მოგებული. ამასთან, ეს ზედიზედ მესამე ეტაპია, რომლის მოგებასაც ვერ ახერხებს მსოფლიოს მოქმედი ჩემპიონი და მიმდინარე ჩემპიონატის გამოკვეთილი ლიდერი სებასტიან ფეტელი.

ძნელი სათქმელია, ვინ მოიგებდა უნგრეთის დიდ პრიზს, რომ არა რბოლის მეორე ნახევარში, „მაკლარენის“ მიერ დაშვებული შეცდომა, თუმცა, ერთის თქმა სამართლიანად შეიძლება - ბატონმა დამსახურებული გამარჯვება მოიპოვა! მართალია, ფორტუნამ მის თანაგუნდელ ლუის ჰამილტონს ზურგი შეაქცია, მაგრამ ისიც ფაქტია, რომ ბატონმა მთელი რბოლა უმაღლეს დონეზე ჩაატარა ჰამილტონის მექანიკოსების შეცდომა რომ არა, გამარჯვებისთვის მაინც იბრძოლებდა.

ერთი რამ უნგრეთში აშკარა იყო - ნელ ტრასაზე „მაკლარენმა“ ყველა მეტოქე დაჩრდილა. ახლა ერთი თვე მოგვიწევს ცდა, სანამ გავიგებთ, ინგლისური გუნდი რეალურად დაეწია „რედ ბულ რეისინგს“, თუ სწრაფ ტრასაზე ავსტრიული გუნდი ისევ გამოკვეთილი იქნება. ამას აგვისტოს ბოლოსღა შევიტყობთ, რადგან ახლა ჩემპიონატში „სავალდებულო“ არდადეგებია.

მართალია, კვარცხლბეკის უმაღლეს საფეხურზე ზედიზედ მესამედ ვერ ავიდა, მაგრამ სამაგიეროდ, ჩემპიონატში ლიდერობა განიმტკიცა ფეტელმა, ვინც უნგრეთის შემდეგ, თანაგუნდელ მარკ უებერს უკვე 85 ქულას უგებს. ჰამილტონი ისევ მესამეა, ოღონდ ახლა ავსტრალიელს სამი ქულითღა ჩამორჩება.

„შესანიშნავია, არდადეგებზე გამარჯვებულები გავდივართ. კარგი იქნება, თუ დაბრუნების შემდეგაც გავაგრძელებთ გამარჯვებებს“, - ამ სიტყვებით მიმართა თავის თანაგუნდელებს ბატონმა, ვინც თავისი პირველი გამარჯვებაც უნგრეთში, 2006 წელს, წვიმიან ამინდში მოიპოვა.

„ვულოცავ ჯენსონს, მთელი რბოლის განმავლობაში, ის მაგრად მიტევდა. საბოლოოდ კი დღეს უსწრაფესმა მოიგო. რა თქმა უნდა, გვერჩივნა, რომ ორივეს დაგვესრულებინა რბოლა და პირველი ორი ადგილი დაგვეკავებინა. ვგრძნობ, რომ გუნდს დავაღალატე, მაგრამ შემდეგ რბოლაში უკეთესი შედეგისთვის ვიბრძოლებ“, - განაცხადა ჰამილტონმა, ვინც კარგა ხანს დამაჯერებლად ლიდერობდა, მაგრამ შემდეგ ჯერ თავად შეცდა და თანაგუნდელს გასწრების საშუალება მისცა. შემდეგ კი, მართალია ბატონს ისევ გაასწრო, მაგრამ ამჯერად გუნდმა დაუშვა შეცდომა - უებერის მსგავსად, მეოთზე პიტსტოპზე მასაც სუსტი წვიმის საბურავი დაუყენეს, რის გამოც მას ბოქსში განმეორებით შესვლამ მოუწია.

სანამ ბოქსებს მეხუტედ მიაშურებდა, ჰამილტონმა ტრეფიკის დევნაში შეცდომა დაუშვა და შუა გზაზე დატრიალდა. მან იქვე შემოაბზრიალა მანქანა და ტრაექტორიას დაუბრუნდა, მაგრამ ამ მანევრით, სახიფათო სიტუაცია შექმნა, რის გამოც, პიტლეინზე ტყუილად გავლითაც დაჯარიმდა. მოკლედ, ერთი რბოლის განმავლობაში, ბოქსში 6-ჯერ შევიდა, მაგრამ ამის მიუხედავად, ფარ-ხმალი არ დაუყრია, ფელიპე მასას და უებერს გაასწრო და რბოლა მეოთხე ადგილზე დაასრულა.

1986 წლიდან მოყოლებული, რაც უნგრეთის დიდი პრიზი იმართება, მხოლოდ მეორე რბოლა ჩატარდა სველ ტრასაზე. უფრო სწორედ, ამჯერად პილოტებს სტარტის აღებამ ნაწვიმარზე მოუწიათ. ფეტელმა იოლად შეინარჩუნა მოწინავე პოზიცია, მეორე ადგილისთვის კი საკმაოდ ხისტი პაექრობა გამართეს ბატონმა და ჰამილტონმა. საბოლოოდ, ჰამილტონმა უკეთესი ტრაექტორიით ისარგებლა და მეორეზე დარჩა. მათ უკან კი ორმა „მერსედესმა“ ორივე „ფერარი“ ჩამოიტოვა. თუმცა, მალე ალონსომ მიხაელ შუმახერს გაასწრო და ერთი პოზიცია დაიბრუნა, მერე კი ნიკო როსბერგიც ჩამოიტოვა. თუმცა მალე შეცდა და როსბერგი წინ გაუშვა. ჰამილტონი თავიდანვე ცდილობდა ფეტელის გასწრებას და მე-5 წრეზე, გერმანელის შეცდომით ისარგებლა. პირველი პიტსტოპის შემდეგ, ფეტელს ბატონმაც გაუარა.

25-ე წრეზე, ტრასაზე სერიოზული ინციდენტი მოხდა: ნიკ ჰაიდფელდი პიტსტოპზე დიდხანს გააჩერეს, იქიდან ტრასაზე დაბრუნებისას კი მის მანქანას მარცხენა მხარეს ცეცხლი „გამოჰყვა“. გერმანელმა პიტლეინიდან გამოსასვლელშივე გააჩერა მანქანა და კოკპიტიც სწრაფად დატოვა. მარშლები ცეცხლის ჩაქრობას შეუდგნენ, მაგრამ უცებ მანქანის მარცხენა ნაწილში რაღაც აფეთქდა. საბედნიეროდ, ინციდენტი ტრავმების გარეშე დასრულდა.

შემდეგ კი საქმეში ამინდი წამიერად ჩაერია, რამაც რბოლის გამარჯვებულის გარკვევაში დიდი როლი ითამაშა. ამინდის პროგნოზით, რბოლის დასკვნით ნაწილში უნდა გაწვიმებულიყო. წამოწინწკლა კიდეც და ჰამილტონმა და უებერმა ჩათვალეს, რომ ტრასა ისევ დასველდებოდა. თან, უკვე მორიგი პიტსტოპის დროც დამდგარიყო. თუნდაც ერთი წრეც რომ მოეცადათ, ისინი შეცდომას არ დაუშვებდნენ, მაგრამ ფორტუნამ ასე არ ინება. ორივემ ინტერმედიატი (სუსტი წვიმის) რეზინი დააყენა, მაგრამ მალე გაირკვა, რომ წვიმა არ გაგრძელდებოდა. ამიტომ, ორივემ ორი წრის შემდეგ ისევ შეცვალა საბურავი. მერე ჰამილტონმა ტრასაზე იბზრიალა და დაჯარიმდა...

ნარბოლევს ჰამილტონმა პოლ დი რესტას მოუბოდიშა - მანქანა რომ მოაბზრიალა, ბრიტანელს შეცდომა დააშვებინა. თუმცა ამის მიუხედავად, დი რესტამ შესანიშნავად იასპარეზა და რბოლა მეშვიდე ადგილზე დაასრულა.

უნგრეთის დიდი პრიზი

ჰუნგარორინგი. დისტანცია 306.630 კმ (70 წრე, 4.381 კმ)

1. ჯენსონ ბატონი (ბრიტანეთი, მაკლარენი) 1:46:42.337

2. სებასტიან ფეტელი (გერმანია, რედ ბული) +00:03.588

3. ფერნანდო ალონსო (ესპანეთი, ფერარი) 00:19.819

4. ლუის ჰამილტონი (ბრიტანეთი, მაკლარენი) 00:48.338

5. მარკ უებერი (ავსტრალია, რედ ბული) 00:49.742

6. ფელიპე მასა (ბრაზილია, ფერარი) 01:23.176

7. პოლ დი რესტა (ბრიტანეთი, ფორს ინდია) 1 წრე

8. სებასტიან ბუემი (შვეიცარია, ტორო როსო) 1 წრე

9. ნიკო როსბერგი (გერმანია, მერსედესი) 1 წრე

10. ხაიმე ალგერსუარი (ესპანეთი, ტორო როსო) 1 წრე

11. კამუი კობაიაში (იაპონია, ზაუბერი) 1 წრე

12. ვიტალი პეტროვი (რუსეთი, რენო) 1 წრე

13. რუბენს ბარიკელო (ბრაზილია, უილიამსი) 2 წრე

14. ადრიან სუტილი (გერმანია, ფორს ინდია) 2 წრე

15. სერხიო პერესი (მექსიკა, ზაუბერი) 2 წრე

16. პასტორ მალდონადო (ვენესუელა, უილიამსი) 2 წრე

17. ტიმო გლოკი (გერმანია, ვირჯინი) 4 წრე

18. დანიელ რიკიარდო (ავსტრალია, ისპანია) 4 წრე

19. ჟერომ დ’ამბროზიო (ბელგია, ვირჯინი) 5 წრე

20. ვიტანტონიო ლიუცი (იტალია, ისპანია) 5 წრე

გ. ჰეიკი კოვალაინენი (ფინეთი, ლოტუსი) 15 წრე

გ. მიხაელ შუმახერი (გერმანია, მერსედესი) 44 წრე

გ. ნიკ ჰაიდფელდი (გერმანია, რენო) 47 წრე

გ. იარნო ტრული (იტალია, ლოტუსი) 53 წრე

შენიშავნა: გ - გამოეთიშა

უსწრაფესი წრე: ფელიპე მასა - 1:23.415, 61-ე წრე

მრბოლთა კლასიფიკაცია

1. სებასტიან ფეტელი - 234 ქულა; 2. მარკ უებერი - 149; 3. ლუის ჰამილტონი - 146; 4. ფერნანდო ალონსო - 145; 5. ჯენსონ ბატონი - 134; 6. ფელიპე მასა - 70; 7. ნიკო როსბერგი - 48; 8. ნიკ ჰაიდფელდი - 34; 9. ვიტალი პეტროვი - 32; 10. მიხაელ შუმახერი - 32; 11. კამუი კობაიაში - 27; 12. ადრიან სუტილი - 18; 13. სებასტიან ბუემი - 12; 14. ხაიმე ალგერსუარი - 10; 15. სერხიო პერესი - 8; 16. პოლ დი რესტა - 8; 17. რუბენს ბარიკელო - 4

კონსტრუქტორთა პირველობა

1. რედ ბულ-რენო - 383 ქულა; 2. მაკლარენ-მერსედესი - 280; 3. ფერარი - 215;

4. მერსედესი - 80; 5. რენო - 66; 6. ზაუბერ-ფერარი - 35; 7. ფორს ინდია-მერსედესი - 26; 8. ტორო როსო-ფერარი - 22; 9. უილიამს-კოსუორტი - 4

ამ წრემ ფეტელს უნგრული პოული მოაპოვებინა

2011-07-30T17:44:00.000-07:00

„პირელის“ პროგნოზი სამი პიტსტოპია

2011-07-30T12:12:00.000-07:00

Pirelli expects three stops in Hungary

30 ივლისი

„პირელი“ ვარაუდობს, რომ უნგრეთის დიდ პრიზზე, პილოტების უმეტესობა სამ პიტსტოპიანი სტრატეგიით იასპარეზებს. თუმცა, ბევრი რამ ამინდზე იქნება დამოკიდებული - ძლიერი სიცხის შემთხვევაში, ბევრმა შეიძლება საბურავები ოთხჯერაც კი შეცვალოს.

თავისუფალი პრაქტიკების დროს გამოვლინდა, რომ სუპერ რბილი და რბილი საბურავებით რბოლისას, წრის გავლის დროებს შორის სხვაოვა დაახლოებით 0.8 წამია უფრო რბილის სასარგებლოდ. თუმცა, ასეთი რეზინი ძალიან სწრაფად ცვდება, რის გამოც, პილოტები დისტანციის დიდ ნაწილს რბილი საბურავებით გაივლიან.

„ისე ეტყობა, რომ უმეტესობა სამსტოპიან სტრატეგიას აირჩევს. ჩვენი გათვლებით, რბილი საბურავები 24 წრისთვის იქნება საკმარისი, სუპერ რბილები კი ალბათ 14 წრეს გაუძლებენ. მაგრამ ეს მონაცემები მკვეთრად შეიცვლება, თუ ტემპერატურა გაიზრდება. ჩემი აზრით, კვალიფიკაციას ყველა სუპერ რბილით გაივლის, ამავე რეზინით დაიწყებენ რბოლასაც და მერე ყველა რბილებზე გადავა“, - ამბობს „პირელის“ მოტორსპორტის განყოფილების დირექტორი პოლ ჰემბრი.

ის დასძენს, რომ მოწინავე სამი გუნდის მანქანები საბურავებს დაახლოებით ერთნაირი ინტენსივობით ცვეთს. ამიტომ, მათი სტრატეგიებიც დაახლოებით ერთნაირი უნდა იყოს. თუმცა, არც განსხვავებულ სცენარებს გამორიცხავს.

„მდევრები ლიდერებს ძალიან მიუახლოვდნენ. მათ შორის განსხვავება მცირდება და ეს ისეთ ტრასებზე, როგორიც ჰუნგარორინგია, აშკარად ჩანს. ნურბურგრინგის ასფალტი გაცილებით გლუვი ზედაპირით გამოირჩევა, რასაც ვერ ვიტყვით ბუდაპეშტის ტრასაზე. მაგრამ ორივეგან, ტოპ გუნდების მანქანები საბურავებს პრაქტიკულად ერთნაირი ინტენსივობით ცვეთენ“, - დასძენს ჰემბრი.

„ლეიკერსის“ მოთამაშე „ისპანია რეისინგის“ შეძენას აპირებს

2011-07-30T12:11:00.001-07:00

LA Lakers Player Could Buy HRT

30 ივლისი

„ისპანია რეისინგი“ ახლახანს ესპანურმა საინვესტიციო კომპანია „თესან კპიტალმა“ შეიძინა, თუმცა ამის შემდეგაც. პადოკში ხშირად ლაპარაკობენ იმაზე, რომ ესპანურ გუნდს მფლობელი მალე ისევ შეეცვლება. ყოველ შემთხვევაში, ამ თემაზე ესპანურ პრესაში ბევრს წერენ.

მაგალითად, ახლახანს გაზეთებმა „ას-მა“ და „ელ ეკონომისტამ“ გაავრცელეს ინფორმაცია იმის შესახებ, რომ „ისპანია რეისინგის“ შეძენას, ესპანეთის საკალათბურთო ნაკრებისა და ეროვნული საკალათბურთო ასოციაციის გუნდ „ლოს ანჯელეს ლეიკერსის“ ვარსკვლავი პაუ გასოლი აპირებს.

გასოლი ამჟამადაც „ისპანიას“ აქციების მცირე პაკეტის მფლობელია. ამასთან, „თესანთან“ აქვს გარიგება, რომლის თანახმადაც, თუ ეს კომპანია „ისპანიას“ გაყიდვას გადაწყვეტს, პირველ რიგში, თავისი წილი სწორედ კალათბურთელს უნდა შესთავაზოს.

ეს გაზეთები იმასაც წერენ, რომ „თესანს“ „ისპანიას“ შეძენის ხელშეკრულება ჯერ ბოლომდე გაფორმებულიც არ აქვს. გუნდი კი 48 მილიონი ევრო ღირს. ისიც უნდა აღინიშნოს, რომ გასოლს გვერდში ორი ძლიერი პარტნიორი ჰყავს. ერთია სამენეჯერო კომპანია „ვასერმან მედია გრუპი“, რომელიც გასოლის საქმეებს ნბა-ში განაგებს. მეორე კი ჩინური კომპანია „ერდოსია“. არსებობს ვარაუდი, რომ გასოლი ამ ორიდან სწორედ ერთ-ერთის ინტერესებს გამოხატავს და არა საკუთარს.

ფეტელს პოულს ვინ წაართმევს

2011-07-30T07:28:00.000-07:00

Vettel storms back to take

Hungary

pole

30 ივლისი

საკვალიფიკაციო რბოლის დაწყებამდე, ბიბისის ერთ-ერთ კომენტატორად მომუშავე ედი ჯორდანმა შეგვახსენა, ფეტელს მხოლოდ ორჯერ აქვს ისეთი რბოლა მოგებული, რომელიც პოულიდან არ დაუწყიაო. და თუ პოულის მოგება, გერმანელი მსოფლიო ჩემპიონისთვის გამარჯვების მთავარი წინაპირობაა, მაშინ შეიძლება ვთქვათ, რომ საქმის თუნდაც მეათედი გაკეთებული აქვს.

თუმცა, შარშანდელი სეზონი ხომ გახსოვთ, პოულებს იგებდა, რბოლებს კი - კარგა ხანს ვერა. მაგრამ ის ფსიქოლოგიური ბარიერი სებმა დიდი ხნის წინ დაძლია და ამ სეზონში გამოკვეთილი ლიდერიც სწორედ ამიტომაა. თუმცა, ისიც ფაქტია, რომ კვალიფიკაციაზე მოპოვებული უპირატესობის გამოყენება ჰუნგარორინგზე გაცილებით ძნელი იქნება, ვიდრე ოდესმე. და არა იმიტომ, რომ ამ ტრასაზე გასწრება იოლია. არამედ იმიტომ, რომ „პირელის“ საბურავები განსხვავებული ტაქტიკური მონახაზით ასპარეზობის საშუალებას იძლევა და რბოლას ერთგვარ ლატარეადაც აქცევს.

უნდა ითქვას, რომ ფეტელის მექანიკოსებს პარასკევ/შაბათის ღამე გაუთენებიათ, რათა მანქანა ჭკუაზე მოეყვანათ და თავიანთი პილოტისთვის, პოულისთვის ბრძოლის საშუალება მიეცათ. ფეტელს კი რა გაუჭირდებოდა ისეთი, რომ მათი შრომა არ დაეფასებინა. ცოტა გაუჭირდა ლუის ჰამილტონის ჯობნა, მაგრამ მთავარია, რომ აჯობა.

მოკლედ, „რედ ბულ რეისინგმა“ ამ სეზონის 11-დან ყველა კვალიფიკაცია მოიგო. ფეტელისთვის ეს ამ სეზონში მერვე, კარიერაში კი 23-ე პოულია. მხოლოდ მეექვსე ადგილს დასჯერდა მისი ავსტრალიელი თანაგუნდელი მარკ უებერი.

„თავდაჯერებულობა დამიბრუნდა. ახლა მანქანაში თავს უფრო კომფორტულად ვგრძნობ. რა ტქმა უნდა, შედეგით კმაყოფილი ვარ. ბიჭებმა მტელი ღამე თეთრად გაათენეს და მიხარია, რომ მათი შრომა დაფასდა“, - განაცხადა ფეტელმა.

მხოლოდ ორმა პილოტმა - ფეტელმა და ჰამილტონმა შეძლო ჰუნგარორინგის წუთსა და 20 წამზე ნაკლებში გავლა. ამასთან, პირველმა ეს ბრიტანელმა გააკეთა, თუმცა კვალიფიკაციის მესამე, გადამწყვეტი სესიის მეორე ცდაზე, გერმანელმა მას სულ რაღაც, 0.163 წამით აჯობა.

„წავაგე, მაგრამ მაინც მიმაჩნია, რომ ჩვენთვის ეს შესანიშნავი შედეგია. როგორც ჩანს, მათ (რედ ბულმა) დღეს სიჩქარეს უმატეს“, - განაცხადა ჰამილტონმა, ვისაც სულ რაღაც, 0.046 წამით ჩამორჩა მისი თანაგუნდელი ჯენსონ ბატონი. სხვათა შორის, უნგრული რბოლა ბატონისთვის მეორასე დიდი პრიზია კარიერაში.

„ფერარიში“ კი სტატუს ქვო დაირღვა - ფელიპე მასამ მსოფლიოს ორგზის ჩემპიონი ფერნანდო ალონსო ჩამოიტოვა. მათ შორის განსხვავება მხოლოდ 0.015 წამი იყო. აღსანიშნავია, რომ პარასკევს ალონსოს 30 წელი შეუსრულდა.

უნგრეთის დიდი პრიზი

კვალიფიკაცია

1. სებასტიან ფეტელი (გერმანია, რედ ბული) 1:19.815

2. ლუის ჰამილტონი (ბრიტანეთი, მაკლარენი) 1:19.978

3. ჯენსონ ბატონი (ბრიტანეთი, მაკლარენი) 1:20.024

4. ფელიპე მასა (ბრაზილია, ფერარი) 1:20.350

5. ფერნანდო ალონსო (ესპანეთი, ფერარი) 1:20.365

6. მარკ უებერი (ავსტრალია, რედ ბული) 1:20.474

7. ნიკო როსბერგი (გერმანია, მერსედესი) 1:21.098

8. ადრიან სუტილი (გერმანია, ფორს ინდია) 1:21.445

9. მიხაელ შუმახერი (გერმანია, მერსედესი) 1:21.907

10. სერხიო პერესი (მექსიკა, ზაუბერი) დროის გარეშე

- - - - - - - - - -

11. პოლ დი რესტა (ბრიტანეთი, ფორს ინდია) 1:22.256

12. ვიტალი პეტროვი (რუსეთი, რენო) 1:22.284

13. კამუი კობაიაში (იაპონია, ზაუბერი) 1:22.435

14. ნიკ ჰაიდფელდი (გერმანია, რენო) 1:22.470

15. რუბენს ბარიკელო (ბრაზილია, უილიამსი) 1:22.684

16. ხაიმე ალგერსუარი (ესპანეთი, ტორო როსო) 1:22.979

17. პასტორ მალდონადო (ვენესუელა, უილიამსი) დროის გარეშე

- - - - - - - - - -

18. სებასტიან ბუემი (შვეიცარია, ტორო როსო) 1:24.070

19. ჰეიკი კოვალაინენი (ფინეთი, ლოტუსი) 1:24.362

20. იარნო ტრული (იტალია, ლოტუსი) 1:24.534

21. ტიმო გლოკი (გერმანია, ვირჯინი) 1:26.294

22. ვიტანტონიო ლიუცი (იტალია, ისპანია) 1:26.323

23. დანიელ რიკიარდო (ავსტრალია, ისპანია) 1:26.479

24. ჟერომ დ’ამბროზიო (ბელგია, ვირჯინი) 1:26.510

„ზაუბერმა“ კობაიაში და პერესი შეინარჩუნა

2011-07-29T15:32:00.000-07:00

Sauber confirm Kobayashi and Perez for 2012

29 ივლისი

მარცხნიდან: გუტიერესი, ზაუბერი,
პერესი, მმართველი დირექტორი
მონიშა კალტენბორნი და კობაიაში

იაპონელი კამუი კობაიაში და მექსიკელი სერხიო პერესი მომავალ სეზონშიც „ზაუბერის“ ბოლიდებით იასპარეზებენ - ასე გადაწყვიტა შვეიცარული საჯინიბოს დამაარსებელმა და მფლობელმა პეტერ ზაუბერმა.

„ორივე მრბოლით ძალიან კმაყოფილები ვართ. კამუი ძალიან სწრაფად გახდა გუნდის ლიდერი, არადა ეს მისთვის მხოლოდ მეორე სრული სეზონია ფორმულა ერთში. მას ბევრი ისეთი საქმის გაკეთება უწევს, რასაც ჩვეულებრივ, გამოცდილი პილოტები აკეთებენ. გარდა იმისა, რომ მისი გამოსვლებით კმაყოფილები ვართ, ის პიროვნულადაც კარგი ადამიანია. კონტრაქტით, მისი გაგრძელების ოპცია ჩვენ გვეკუთვნოდა და მის გამოყენებაზე ბევრი არც გვიფიქრია“, - ასე ახასიათებს იაპონელ პილოტს ზაუბერი, ვინც საქებარ სიტყვებს არც მექსიკელი დებიუტანტისთვის იშურებს:

„სერხიოს მოყვანით, ჩვენ გარკვეული რისკი გავწიეთ, თუმცა მან ძალიან სწრაფად დაგვიმტკიცა, რომ ჩვენს ნდობას იმსახურებდა. ის სწრაფი და რაც არანაკლებ მნიშვნელოვანია, სტაბილური პილოტია და განვითარების დიდი პოტენციალი აქვს“.

გუნდში რჩება ტესტ და სარეზერვო პილოტი მექსიკიდან, ესტებან გუტიერესი. ზაუბერი ამბობს, რომ ამ პატარა ბიჭს არსად გაშვებას არ უოირებს და მას საპრიზო ბოლიდს მაშინ ჩააბარებს, როცა ამისათვის ყველანაირად მზად იქნება..

მიმდინარე სეზონში კობაიაშის 27 ქულა აქვს მოგროვებული და პირად ჩათვლაში მე-11 ადგილი უკავია. ჯერ მხოლოდ 11 ქულა აქვს პერესს, რომელსაც ტრასმის გამო, მონაკოს ეტაპის გაცდენა მუხდა.

ფორმულა 1 თურქეთზე უარს იტყვის

2011-07-29T14:59:00.001-07:00

Turkey set to be dropped from 2012 F1 calendar

29 ივლისი

ფორმულა ერთის კომერციულ უფლებათა მფლობელი და გამგებელი ბერნი ეკლსტოუნი არ აპირებს მომავალი სეზონის კალენდარში 21 ეტაპის შეტანას და აცხადებს, რომ ძირეულად შეცვლის კალენდრის იმ ვარიანტს, რომლის კონცეპტუალური ვერსიაც, ცოიტა ხნის წინ, საერთაშორისო საავტომობილო ფედერაციამ (FIA) წარმოადგინა.

პრაქტიკულად გადაწყვეტილია, რომ ახალ კალენდარში, რომელშიც მხოლოდ 20 ეტაპი შევა, ვერ ვნახავთ თურქულ დიდ პრიზს. როგორც ჩანს, ამ რბოლის ორგანიზატორებსა და ბერნის შორის უთანხმოება უფრო საფუძვლიანი და სერიოზულია, ვიდრე ადრე ჩანდა. ამის მთავარი მიზეზი კი არა თურქების მიერ გაზრდილ გადასახადზე უარის თქმაა, არამედ ის ფაქტი, რომ ისტანბულ პარკის ტრიბუნები თითქმის ყოველტვის სანახევროდ ივსება.

ცვლილებები სხვა მხრივაცაა მოსალოდნელი. კერძოდ, სეზონის ბოლოსკენ გადაინაცვლებს ბაჰრეინის დიდი პრიზი. ამასთან, ბაჰრეინის და აბუ დაბის რბოლები ერთკვირიან ინტერვალში ჩატარდება. ჯერ ერთი, ამგვარად შემცირდება გუნდების და ჩემპიონატის საორგანიზაციო ჯგუფის ლოგისტიკური ხარჯებო. მეორეც, კალენდრის ბოლოში გადატანით, ბერნი ბაჰრეინის ხელისუფლებას იმის შანსს აძლევს, რომ ქვეყანაში არეულობა დაასრულოს.

ამგვარად, მომავალ სეზონსაც ავსტრალია გახსნის. სეზონის პირველ ნახევარში გადაინაცვლებს ინდური ეტაპიც, რომელიც თავიდან ოქტომბერში იყო დანიშნული. სამაგიეროდ, სეზონის მეორე ნახევარში გადაინაცვლებს ამერიკული ეტაპიც, რომელიც ფ1-ს ისევ უბრუნდება. ოღონდ, ამჯერად რბოლას ინდიანაპოლისის ტრეკი კი არა, ოსტინის (შტატი ტექსასი) უახლესი ავტოდრომი უმასპინძლებს, რომელიც ჯერ არ აშენებულა. რბოლის გადატანის მთავარი მიზეზი ისაა, რომ ზაფხულში ტექსასში პაპანაქება სიცხეები სცოდნია. მოკლედ, აშშ-ის დიდი პრიზი ბოლოსწინა იქნება კალენდარში. მას და სეზონის ბოლო ეტაპს - ბრაზილიის დიდ პრიზს მხოლოდ ერთი კვირა დააშორებს.

ამ ეტაპზე, კალენდრის ეკლსტოუნისეული ვერსია შეთავაზების ფაზაშია. თუ მას გუნდები მოიწონებენ, მაშინ ფ1-ის პრომოუტერი მას დასამტკიცებლად FIA-ს მოტორსპორტის მსოფლიო საბჭოს წარუდგენს.