ბუკმეკერების პროგნოზები 2010 წლის სეზონის წინ
F1 2010 season
3 იანვარი
ახალი სეზონის დაწყებამდე, ჯერ კიდევ მაშინ, როდესაც გუნდებს თავიანთი სარბოლი ტექნიკა არავისთვის უჩვენებიათ და საჯაროდაც თავიანთი პრეტენზიების შესახებ განუცხადებიათ, ძნელია იმაზე ლაპარაკი, თუ ვინ იქნება ტიტულის გამორჩეული პრეტენდენტი. მაგრამ ბუკმეკერების საქმე ისეთია, რომ წლის ნებისმიერ მონაკვეთში უნდა ჰქონდეთ გარკვეული პროგნოზი, თუნდაც საკმაოდ სენსაციური. მოთამაშეს კი წლის წლის ნებისმიერ მომენტში უნდა ჰქონდეს ფსონზე შესვლის საშუალება...
თუ შარშანდელ სეზონს გავიხსენებთ, მის დაწყებამდე ვინ წარმოიდგენდა, თუ ჩემპიონატის დომინანტი ”ბრაუნი” და მისი ბრიტანელი პილოტი ჯენსონ ბატონი იქნებოდნენ? უილიამ ჰილის ბუკმეკერები ბატონის შანსს მეტისმეტად დაბალი მაჩვენებლით (1/40) აფასებდნენ, ზუსტად ისე, როგორც ბრაზილიელი ნელსინიუ პიკესას...
მაგრამ ამას ობიექტური მიზეზი ჰქონდა. სეზონის დაწყებამდე ერთი თვით ადრეც კი არ იყო გადაწყვეტილი, მიიღებდა თუ არა ”ბრაუნი” ჩემპიონატში მონაწილეობას. მაგრამ სეზონი გუნდმა ორმაგი ტრიუმფით დაასრულა...
რა იქნება ახალ სეზონში, ამაზეც წინასწარ ლაპარაკი ძალიან ძნელია. ახალ სეზონში ჯერ არნახული კონკურენციაა მოსალოდნელი - რამდენიმე გუნდს ტიტულებზე საფუძვლიანი პრეტენზია ექნება. თითქმის ყველას, მინიმუმ ერთი სუპერ პილოტი ჰყავს და ბუნებრივია, ისინი თავიანთი პოტენციალის სრულად გამოყენებას ეცდებიან.
მაგრამ ბუკმეკერებს ეს სულაც არ აშინებს და ისინიც თამამად იძლევიან საკუთარ საპროგნოზო მაჩვენებლებს. ისევე როგორც გასული სეზონის წინ, ამჯერადაც უილიამ ჰილის მთავარი ფავორიტი ლუის ჰამილტონია (სურათზე), რომელსაც ფერნანდო ალონსო, სებასტიან ფეტელი და მიხაელ შუმახერი მოჰყვებიან. მოქმედი ჩემპიონი ჯენსონ ბატონი კი მხოლოდ მეხუთეა - დღესაც კი ბევრია ისეთი, ვინც თვლის, რომ ბრიტანელი პილოტის ჩემპიონობა გარემოებათა მისთვის ხელსაყრელმა დამთხვევამ განაპირობა...
ბუკმეკერების პროგნოზი 2010 წლის სეზონისთვის
ლუის ჰამილტონი 9/4
ფერნანდო ალონსო 7/2
სებასტიან ფეტელი და მიხაელ შუმახერი 11/2
ჯენსონ ბატონი 6/1
ფელიპე მასა 8/1
ნიკო როსბერგი 12/1
მარკ უებერი 16/1
რობერტ კუბიცა 33/1
ნიკ ჰაიდფელდი 40/1
რუბენს ბარიკელო 50/1
კამუი კობაიაში და ნიკო ჰულკენბერგი 66/1
ადრიან სუტილი 80/1
ბრუნო სენა 100/1
ტიმო გლოკი და იარნო ტრული 125/1
ჰეიკი კოვალაინენი 150/1
ვიტანტონიო ლიუცი 200/1
სებასტიან ბუემი და ლუკას დი გრასი 250/1
ხაიმე ალგერსუარი 500/1
No comments:
Post a Comment