ლატვალას საოცნებო გამარჯვება

Latvala celebrates dream home win in Finland

31 ივლისი

ლატვალა და მისი შტურმანი მიიკა ანტილა გამარჯვებას ზეიმობენ

..............................

”ფორდის” ფინელი იარი-მატი ლატვალას გამარჯვებით დასრულდა რალის მსოფლიო ჩემპიონატის მერვე ეტაპი - ფინეთის რალი. ლატვალამ მიმდინარე სეზონში მეორე, კარიერაში კი მეოთხე გამარჯვება მოიპოვა. ამასთან, რაც ფინეთის რალი მსოფლიო ჩემპიონატის კალენდარში შევიდა (1973 წელს), 25 წლის ლატვალა მისი ყველაზე ახალგაზრდა გამარჯვებულია.

საბოლოოდ, მეორე ადგილი ”სიტროენის” ფრანგმა სებასტიან ოჟიემ დაიკავა, რომელიც გამარჯვებულს 10 წამით ჩამორჩა. თავის მხრივ, მან 16 წამით აჯობა თავის სახელოვან თანამემამულეს, მსოფლიოს ექვსგზის ჩემპიონსა და მიმდინარე ჩემპიონატის ლიდერ სებასტიან ლოებს.

”ამაზე ბავშვობიდან ვოცნებობდი. ფინეთში ფანტასტიური ფანები გვყავს და ძალიან მიხარია, რომ მათ წინაშე მივაღწიე ამ გამარჯვებას. აქ რბოლა შესანიშნავ გარემოში ტარდება და ის ყოველთვის ძალიან საინტერესო და ძნელია. ჩვენი გუნდის ბიჭებმა კი შესანიშნავად იმუშავეს და ეს გამარჯვებაც მათი დამსახურებაა”, - ნარბოლევს განაცხადა ლატვალამ, ვინც ამ სეზონში პირველი გამარჯვება ახალ ზელანდიაში მოიპოვა.

მეორე, გადამწყვეტი დღის წინ, ლატვალას მხოლოდ 9.1 წამით ჩამორჩებოდა ნორვეგიელი პეტერ სოლბერგი, მაგრამ ამან ”სიტროენის” ეკიპაჟების მაღალ ტემპს ვერ გაუძლო და საბოლოოდ, მეოთხე ადგილს დასჯერდა. არადა, პირველ დღეს, ”ფორდის” მიკო ჰირვონენის ავარიის შემდეგ, ცოტა ხანს ლიდერობდა კიდეც.

ლოები თავისი მესამე ადგილით ძალიან კმაყოფილი დარჩა - პირველ დღეს, როგორც თავად ჩიოდა, მისი მანქანა მართვას ძნელად ექვემდებარებოდა, რის გამოც, ის მიწაყრილსაც კი დაეჯახა. საბოლოოდ, მან ლიდერთან ჩამორჩენა ოდნავ კი შეამცირა, მაგრამ წინ გასვლა ვეღარ მოახერხა.

”რა თქმა უნდა, მესამე ადგილი ის შედეგი არაა, რომელსაც ვისურვებდი, მაგრამ აქ რომ მოვდიოდი, გამარჯვებაზე არც მიფიქრია - ეს ჩემთვის ძალიან ძნელი რალია. რაც მთავარია, ეს შედეგი მთავარი მიზნის, ჩემპიონობისთვის ბრძოლაში ძალიან გამომადგება”, - განაცხადა ლოებმა, ვისაც ახლა უკვე 166 ქულა აქვს და ის 48 ქულას უგებს ოჟიეს. 105 ქულით, ლატვალა მესამეზეა.

რბოლა მერვე ადგილზე დაასრულა მსოფლიოს ოთხგზის ჩემპიონმა, 51 წლის ფინელმა იუჰა კანკუნენმა, ვინც ბოლო რვა წელიწადში, რალის მსოფლიო ჩემპიონატის ეტაპზე საასპარეზოდ პირველად გამოვიდა. სამაგიეროდ, კვლავ ხელი მოეცარა ფორმულა 1-ში მსოფლიოს 2007 წლის ჩემპიონს, ფინელ კიმი რაიკონენს, რომელსაც მეორე დღეს ინციდენტი შეემთხვა და გზა მხოლოდ იმის წყალობით განაგრძო, რომ მისი მანქანა გზაზე მაყურებლებმა გამოაგორეს. საბოლოოდ, ის 25-ე ადგილს დასჯერდა.

ფინეთის რალის შედეგები

1. იარი-მატი ლატვალა (ფინეთი, ფორდი) 2:31:29.600

2. სებასტიან ოჟიე (საფრანგეთი, სიტროენი) +00:10.100

3. სებასტიან ლოები (საფრანგეთი, სიტროენი) 00:26.000

4. პეტერ სოლბერგი (ნორვეგია, სიტროენი) 00:30.700

5. დანიელ სორდო (ესპანეთი, სიტროენი) 01:45.000

6. მეტიუ უილსონი (ბრიტანეთი, ფორდი) 05:43.700

7. მადს ოსტბერგი (ნორვეგია, სუბარუ) 05:50.800

8. იუჰა კანკუნენი (ფინეთი, ფორდი) 07:49.000

9. იუჰო ჰანინენი (ფინეთი, შკოდა) 09:05.000

10. პერ-გუნარ ანდერსონი (შვედეთი, შკოდა) 10:15.700

პილოტების კლასიფიკაცია

1. სებასტიან ლოები - 166 ქულა; 2. სებასტიან ოჟიე - 118; 3. იარი-მატი ლატვალა - 105; 4. პეტერ სოლბერგი - 90; 5. მიკო ჰირვონენი (ფინეთი, ფორდი) - 86; 6. დანიელ სორდო - 77; 7. მეტიუ უილსონი - 48; 8. ფედერიკო ვილაგრა (არგენტინა, ფორდი) - 26; 9. ჰენინგ სოლბერგი (ნორვეგია, ფორდი) - 25; 10. მადს ოსტბერგი - 16; 11. კიმი რაიკონენი (ფინეთი, სიტროენი) - 15; 12. პერ-გუნარ ანდერსონი - 8...

კონსტრუქტორთა პირველობა

1. სიტროენ ტოტალ WRT - 265 ქულა; 2. BP-ფორდ აბუ-დაბი WRT - 210; 3. სიტროენ ჯუნიორ ტიმ - 145; 4. შტობარტ VK M-შპორტ ფორდ WRT -108; 5. მუნჩი'ს ფორდ WRT - 40

ჰუნგარორინგის აბსოლუტური რეკორდი ფეტელისგან

Vettel on pole in Hungary for rampant Red Bull

31 ივლისი

სებასტიან ფეტელი ასპარეზობისას

..............................

”რედ ბულ რეისინგის” გერმანელი პილოტი სებასტიან ფეტელი ერთადერთი ავტომრბოლია, ვინც ჰუნგარორინგის ერთი წრის გავლას, წუთსა და 19 წამზე ნაკლები მოანდომა. რაც მთავარია, ამ შედეგით მან უნგრეთის დიდი პრიზის საკვალიფიკაციო რბოლა მოიგო, რისი წყალობითაც, მიმდინარე სეზონში, მეშვიდე რბოლას დაიწყებს პოულ პოზიციიდან. თუმცაღა, ისიც აღსანიშნავია, რომ წინა 6 პოულიდან, მხოლოდ ერთი რბოლის მოგება შეძლო (სულ ამ სეზონში ორი აქვს მოგებული).

ფეტელმა თითქმის 0.4 წამით გააუმჯობესა ჰუნგარორინგის წინა აბსოლუტური რეკორდი, რომელიც 2004 წლის შემდეგ, მიხაელ შუმახერს ეკუთვნოდა. მსოფლიოს შვიდგზის ჩემპიონმა მეორე საკვალიფიკაციო სესიის გავლა ვერ შეძლო და რბოლას მე-14 ადგილიდან დაიწყებს. მასავით ხელი მოეცარა მსოფლიოს მოქმედ ჩემპიონ ჯენსონ ბატონს, რომელსაც მოწინავე ათეულამდე ერთი ნაბიჯი დააკლდა.

”ძალიან კარგია, რომ პოულის მოპოვება შევძელი. ამ სეზონში ეს რამდენჯერმე შევძელი და ვიმედოვნებ, რომ მოწინავე პოზიცია, ხვალინდელი რბოლის მოგებაში დამეხმარება”, - განაცხადა ფეტელმა, ვინც თავის ავსტრალიელ თანაგუნდელ მარკ უებერს 0.419 წამით აჯობა.

”დღეს საკმაოდ სწრაფი ვერ ვიყავი. ყოველ შემთხვევაში, ამაზე მეტი ვერ შევძელი და ამიტომ, მეორე ადგილი დავიმსახურე. სებასტიანი ძალიან სწრაფი იყო და მან ეს პოული სრულებით დაიმსახურა. ხვალ ძალიან საინტერესო სტარტი გვექნება. რბოლაც საინტერესო უნდა იყოს და ვეცდებით, მისი მსვლელობისას, მოწინავე პოზიციები შევინარჩუნოთ”, - განაცხადა უებერმა, ვისაც ამ სეზონში ფეტელზე ერთით მეტი - სამი გამარჯვება აქვს მოპოვებული.

მეორე სასტარტო რიგს ”ფერარის” პილოტები - ესპანელი ფერნანდო ალონსო და ბრაზილიელი ფელიპე მასა დაიკავებენ. ალონსომ ფეტელთან წამზე მეტი წააგო და ნარბოლევს განაცხადა, მესამე ადგილი საუკეთესო შედეგია, რისი მიღწევაც დღეს შემეძლოო.

”ვიცით, რომ ამ ტრასაზე გასწრება ძალიან ძნელია. ამიტომ, სტარტს, პირველ მოსახვევს და პირველ წრეს, რბოლის საბოლოო შედეგის 60-70 პროცენტით გადაწყვეტა შეუძლია”, - განაცხადა ესპანელმა.

ფეტელს თითქმის ორი წამით ჩამორჩა ჩემპიონატის ლიდერი ლუის ჰამილტონი, ვინც გაოგნებულმა განაცხადა, წარმოდგენა არ მაქვს, რა გაუკეთეს თავიანთ მანქანას ”რედ ბულში”, მაგრამ მათი შედეგები გამაოგნებელიაო. ჰამილტონი იმაზეც დარდობს, რომ უნგრეთის ეტაპის შემდგომი უქმე პერიოდი მისი გუნდისთვის სასარგებლო არ იქნება და ამის გამო, ”მაკლარენს” არც შემდგომ ეტაპებზე ექნება მეტოქეთა დაწევის შანსი - უნგრეთის შემდეგ, ფორმულა 1-ს ერთთვიანი შვებულების პერიოდი დაუდგება, რომლის პირველი ორი კვირის განმავლობაშიც, გუნდების ფაბრიკები დაიხურება, რადგან იქ ნებისმიერი სამუშაოს ჩატარება აიკრძალება.

უნგრეთის დიდი პრიზი

კვალიფიკაციის შედეგები

1. სებასტიან ფეტელი (გერმანია, რედ ბული) 1:18.773

2. მარკ უებერი (ავსტრალია, რედ ბული) 1:19.184

3. ფერნანდო ალონსო (ესპანეთი, ფერარი) 1:19.987

4. ფელიპე მასა (ბრაზილია, ფერარი) 1:20.331

5. ლუის ჰამილტონი (ბრიტანეთი, მაკლარენი) 1:20.499

6. ნიკო როსბერგი (გერმანია, მერსედესი) 1:21.082

7. ვიტალი პეტროვი (რუსეთი, რენო) 1:21.229

8. რობერტ კუბიცა (პოლონეთი, რენო) 1:21.328

9. პედრო დე ლა როსა (ესპანეთი, ზაუბერი) 1:21.411

10. ნიკო ჰულკენბერგი (გერმანია, უილიამსი) 1:21.710

- - - - - - - - - -

11. ჯენსონ ბატონი (ბრიტანეთი, მაკლარენი) 1:21.292

12. რუბენს ბარიკელო (ბრაზილია, უილიამსი) 1:21.331

13. ადრიან სუტილი (გერმანია, ფორს ინდია) 1:21.517

14. მიხაელ შუმახერი (გერმანია, მერსედესი) 1:21.630

15. სებასტიან ბუემი (შვეიცარია, ტორო როსო) 1:21.897

16. ვიტანტონიო ლიუცი (იტალია, ფორს ინდია) 1:21.927

17. ხაიმე ალგერსუარი (ესპანეთი, ტორო როსო) 1:21.998

- - - - - - - - - -

18. კამუი კობაიაში (იაპონია, ზაუბერი) 1:22.222

19. ტიმო გლოკი (გერმანია, ვირჯინი) 1:24.050

20. ჰეიკი კოვალაინენი (ფინეთი, ლოტუსი) 1:24.120

21. იარნო ტრული (იტალია, ლოტუსი) 1:24.199

22. ლუკას დი გრასი (ბრაზილია, ვირჯინი) 1:25.118

23. ბრუნო სენა (ბრაზილია, ისპანია) 1:26.391

24. საკონ იამამოტო (იაპონია, ისპანია) 1:26.453

ფინეთის რალის ლატვალა ლიდერობს

Latvala leads in Finland, Hirvonen crashes

30 ივლისი

იარი-მატი ლატვალა ტრამპლინზე

..............................

ფინეთში მიმდინარეობს რალის მსოფლიო ჩემპიონატის მერვე ეტაპი - ფინეთის რალი, რომელსაც პირველი დღის შემდეგ, ფინელი იარი-მატი ლატვალა ლიდერობს. პირველივე დღის მეოთხე სპეცმონაკვეთზე კი ასპარეზობას ფინელი მიკო ჰირვონენი გამოეთიშა, ვისაც საშინაო რბოლა შარშან აქვს მოგებული.

თავიდან რბოლას ჰირვონენი ლიდერობდა, მაგრამ მეოთხე მონაკვეთზე (11-დან), როდესაც მისი მანქანის სიჩქარე 160 კმ/სთ იყო, ტრამპლინიდან დაშვების შემდეგ, საჭე ვერ დაიმორჩილა და გზისპირა მიწაყრილს დაეჯახა. მანქანა რამდენჯერმე ამობრუნდა, თუმცა საბედნიეროდ, პილოტს და მის შტურმან იარმო ლეჰტინენს ტრავმა არ მიუღიათ.

”ამ ინციდენტმა არ უნდა შემაშინოს. საბედნიეროდ, მან ტრავმების გარეშე ჩაიარა და ახლა მომავალ რბოლებზე ვფიქრობ”, - განაცხადა ჰირვონენმა, ვინც ფინურ ეტაპამდე, მსოფლიო ჩემპიონატის კლასიფიკაციაში მესამე ადგილზე იმყოფებოდა.

მისი ავარიის შემდეგ, ლიდერი ნორვეგიელი პეტერ სოლბერგი გახდა, რომელმაც პირველი სპეცმონაკვეთი მოიგო, თუმცა შემდეგ შეგნებულად დათმო ლიდერობა, რათა მეორე დღის განმავლობაში, გზის მწმენდავის მოვალეობა არ შეესრულებინა.

ჰირვონენის ავარიამდე, მესამე მონაკვეთზე, მცირე ინციდენტი მსოფლიოს ექვსგზის ჩემპიონსა და მიმდინარე სეზონის ლიდერს, ფრანგ სებასტიან ლოებსდაც შეემთხვა - ისიც მიწაყრილს დაეჯახა, თუმცა მანქანას მხოლოდ წინა ბამპერი დაუზიანდა და დღის ბოლოს, ლოები ლიდერს მხოლოდ 32 წამით ჩამორჩებოდა. მესამე ადგილზე კი მისი თანაგუნდელი, თანამემამულე და სეხნია, სებასტიან ოჟიე იმყოფება.

”ავტომობილი უმართავია. საჭეს ვატრიალებ, მანქანა კი მაინც პირდაპირ მიდის და ამის გამო, მუხრუჭების უადგილოდ გამოყენება მიწევს. ძალიან გამიკვირდა, რომ მანქანა ასე იქცევა, მას აეროდინამიკური ეფექტებიც კი არ გააჩნია”, - ნარბოლევს წუწუნებდა ლოები, თუმცა თუ ლიდერთან მისი ჩამორჩენის მიხედვით ვიმსჯელებთ და მის პრობლემებსაც გავითვალისწინებთ, მისი მეოთხე ადგილი ნამდვილი გმირობის ტოლფასია.

ფინეთის რალიზე მონაწილეობს მსოფლიოს ოთხგზის ჩემპიონი, 51 წლის ფინელი იუჰა კანკუნენი, ვისთვისაც ეს ბოლო რვა წელიწადში, მსოფლიო ჩემპიონატის ეტაპზე პირველი გამოსვლაა. მართალია, პირველივე სპეცმონაკვეთის დასაწყისში, ნაადრევი სტარტისთვის, ის 10 წამით დააჯარიმეს, მაგრამ დღე მაინც მეშვიდე ადგილზე დაასრულა და უკან მოიტოვა ფორმულა 1-ში მსოფლიოს 2007 წლის ჩემპიონი, ფინელი კიმი რაიკონენი.

ფინეთის რალი (პირველი დღე)

1. იარი-მატი ლატვალა (ფინეთი, ფორდი) 1:10:30.700

2. პეტერ სოლბერგი (ნორვეგია, სიტროენი) 00:09.100

3. სებასტიან ოჟიე (საფრანგეთი, სიტროენი) 00:21.800

4. სებასტიან ლოები (საფრანგეთი, სიტროენი) 00:32.000

5. დანიელ სორდო (ესპანეთი, სიტროენი) 00:43.700

6. მეტიუ უილსონი (ბრიტანეთი, ფორდი) 02:35.300

7. იუჰა კანკუნენი (ფინეთი, ფორდი) 03:10.700

8. კიმი რაიკონენი (ფინეთი, სიტროენი) 03:18.200

9. იუჰო ჰანინენი (ფინეთი, შკოდა) 03:44.300

10. მატი რანტანენი (ფინეთი, შკოდა) 04:25.400

ჰირვონენის ავარია

http://www.youtube.com/watch?v=cyhO3KecF38

ფეტელი უნგრეთშიც ყველაზე სწრაფია

Vettel dominates Hungarian practice

30 ივლისი

უნგრეთის დიდი პრიზის თავისუფალ პრაქტიკებზე საუკეთესო შედეგები ”რედ ბულ რეისინგის” გერმანელმა სებასტიან ფეტელმა აჩვენა, ბრაზილიელი ფელიპე მასა კი იმ ადგილს დაუბრუნდა, სადაც შარშან ლამის სიცოცხლეს გამოემშვიდობა.

ფეტელს ზედიზედ წინა სამი ეტაპის საკვალიფიკაციო რბოლა აქვს მოგებული, სულ კი მიმდინარე სეზონში, 6 რბოლა დაიწყო პოულიდან. რა თქმა უნდა, ეს შესანიშნავი შედეგებია, თუმცა ჯერჯერობით, მსგავსი მაჩვენებელი მას რბოლებში არ აქვს. პარასკევის ორივე თავისუფალ პრაქტიკაზე საუკეთესო შედეგის დაფიქსირება კი ბევრი არაფრის მომტანია, რადგან ამ დროს გუნდების უმეტესობა მანქანას რბოლისთვის ამზადებს. თანაც, როგორც მოგვიანებით თავად განაცხადა, ფეტელმა მსუბუქი ავზებით იასპარეზა.

პირველ სესიაზე მეორე საუკეთესო შედეგი ფეტელის ავსტრალიელ თანაგუნდელ მარკ უებერს ჰქონდა, ”რედ ბულის” ორივე პილოტი კი დანარჩენებს თითქმის წამზე მეტით სჯობდა. თუმცა, მეორე პრაქტიკაზე მათს დომინირებას ხელი გერმანიის დიდი პრიზის გამარჯვებულმა, მსოფლიოს ორგზის ჩემპიონმა, ესპანელმა ფერნანდო ალონსომ შეუშალა.

”ვფიქრობ, პირველი პრაქტიკის შედეგები მეტოქეების შესაძლებლობების ნამდვილ სურათს არ იძლევა. როგორც მეორე პრაქტიკამაც აჩვენა, ”ფერარი” აქაც ძალიან სწრაფია და ამ სისწრაფეს, როგორც სავსე, ასევე ნაწილობრივ ავსებული ავზებით ავლენს”, - ამბობს ფეტელი.

მესამე და მეშვიდე შედეგები აჩვენა პოლონელმა რობერტ კუბიცამ, რომელიც სახლთან ახლოს ასპარეზობს და ბუნებრივია, ტრიბუნიდანაც მას ჩვეულებრივზე მეტი მაყურებელი ამხნევებს. სამაგიეროდ, პელოტონში ”ჩაიკარგნენ” ”მაკლარენის” პილოტები - ჩემპიონატის ლიდერმა ლუის ჰამილტონი და მსოფლიოს მოქმედი ჩემპიონი ჯენსონ ბატონი. პირველმა პირველ პრაქტიკაზე მხოლოდ მე-18 შედეგი აჩვენა, თუმცა მეორე პრაქტიკაზე მე-6 შედეგიც მისთვის ბევრს არაფერს ნიშნავს. ბატონი კი უფრო სტაბილური იყო მე-4 და მე-9 შედეგებით.

”ბევრი მუშაობა მოგვიწევს და რამდენსაც შევძლებთ, იმდენ ქულას წამოვიღებთ უნგრეთიდან. ვთვლი, რომ მოწინავე ხუთეულში მოხვედრა ჩემთვის კარგი შედეგი იქნება”, - განაცხადა მსოფლიოს 2008 წლის ჩემპიონმა ჰამილტონმა, ვისაც უნგრეთის დიდ პრიზზე სამჯერ უასპარეზია და მათგან ორჯერ გაიმარჯვა.

”მაკლარენის” შეფმა მარტინ უიტმარშმა განაცხადა, რომ მისმა გუნდმა რამდენიმე სიახლე გამოსცადა, რომლებმაც მანქანების შესაძლებლობები გააუმჯობესა, თუმცა იმავდროულად, ძალიან გაოცებული დარჩა მეტოქეთა სისწრაფით.

უნგრეთის დიდი პრიზი

პირველი თავისუფალი პრაქტიკა

1. სებასტიან ფეტელი (გერმანია, რედ ბული) 1:20.976

2. მარკ უებერი (ავსტრალია, რედ ბული) 1:21.106

3. რობერტ კუბიცა (პოლონეთი, რენო) 1:22.072

4. ჯენსონ ბატონი (ბრიტანეთი, მაკლარენი) 1:22.444

5. რუბენს ბარიკელო (ბრაზილია, უილიამსი) 1:22.601

6. პედრო დე ლა როსა (ესპანეთი, ზაუბერი) 1:22.764

7. ფერნანდო ალონსო (ესპანეთი, ფერარი) 1:22.772

8. ნიკო როსბერგი (გერმანია, მერსედესი) 1:22.777

9. მიხაელ შუმახერი (გერმანია, მერსედესი) 1:22.792

10. ნიკო ჰულკენბერგი (გერმანია, უილიამსი) 1:22.966

11. ადრიან სუტილი (გერმანია, ფორს ინდია) 1:23.003

12. ფელიპე მასა (ბრაზილია, ფერარი) 1:23.007

13. ვიტალი პეტროვი (რუსეთი, რენო) 1:23.249

14. კამუი კობაიაში (იაპონია, ზაუბერი) 1:23.327

15. პოლ დი რესტა (ბრიტანეთი, ფორს ინდია) 1:23.520

16. სებასტიან ბუემი (შვეიცარია, ტორო როსო) 1:23.780

17. ხაიმე ალგერსუარი (ესპანეთი, ტორო როსო) 1:23.868

18. ლუის ჰამილტონი (ბრიტანეთი, მაკლარენი) 1:24.075

19. იარნო ტრული (იტალია, ლოტუსი) 1:25.032

20. ჰეიკი კოვალაინენი (ფინეთი, ლოტუსი) 1:25.210

21. ტიმო გლოკი (გერმანია, ვირჯინი) 1:25.990

22. ლუკას დი გრასი (ბრაზილია, ვირჯინი) 1:26.686

23. ბრუნო სენა (ბრაზილია, ისპანია) 1:26.990

24. საკონ იამამოტო (იაპონია, ისპანია) 1:28.157

მეორე თავისუფალი პრაქტიკა

1. სებასტიან ფეტელი (გერმანია, რედ ბული) 1:20.087

2. ფერნანდო ალონსო (ესპანეთი, ფერარი) 1:20.584

3. მარკ უებერი (ავსტრალია, რედ ბული) 1:20.597

4. ფელიპე მასა (ბრაზილია, ფერარი) 1:20.986

5. ვიტალი პეტროვი (რუსეთი, რენო) 1:21.195

6. ლუის ჰამილტონი (ბრიტანეთი, მაკლარენი) 1:21.308

7. რობერტ კუბიცა (პოლონეთი, რენო) 1:21.375

8. ნიკო ჰულკენბერგი (გერმანია, უილიამსი) 1:21.623

9. ჯენსონ ბატონი (ბრიტანეთი, მაკლარენი) 1:21.730

10. მიხაელ შუმახერი (გერმანია, მერსედესი) 1:21.773

11. პედრო დე ლა როსა (ესპანეთი, ზაუბერი) 1:21.809

12. რუბენს ბარიკელო (ბრაზილია, უილიამსი) 1:21.844

13. ნიკო როსბერგი (გერმანია, მერსედესი) 1:22.039

14. კამუი კობაიაში (იაპონია, ზაუბერი) 1:22.212

15. ხაიმე ალგერსუარი (ესპანეთი, ტორო როსო) 1:22.469

16. ადრიან სუტილი (გერმანია, ფორს ინდია) 1:22.507

17. სებასტიან ბუემი (შვეიცარია, ტორო როსო) 1:22.602

18. ვიტანტონიო ლიუცი (იტალია, ფორს ინდია) 1:23.138

19. იარნო ტრული (იტალია, ლოტუსი) 1:24.553

20. ტიმო გლოკი (გერმანია, ვირჯინი) 1:25.376

21. ლუკას დი გრასი (ბრაზილია, ვირჯინი) 1:25.669

22. ბრუნო სენა (ბრაზილია, ისპანია) 1:26.745

23. საკონ იამამოტო (იაპონია, ისპანია) 1:26.798

24. ჰეიკი კოვალაინენი (ფინეთი, ლოტუსი) 1:27.705

ჰუნგრორინგის ერთი წრე მარკ უებერთან ერთად

Hungarian GP preview

29 ივლისი

მარკ უებერი უნგრეთის შარშანდელ დიდ პრიზზე ასპარეზობისას

..............................

დიდი პრიზების ქარავანი დიდ დასვენებას მიუახლოვდა, რომლის დაწყებამდეც, საჩემპიონო პაექრობას ”ფერარი” დაუბრუნდა. იტალიური საჯინიბოს სტაბილურობაზე ჯერ ლაპარაკი ნაადრევია, თუმცა ის ფაქტი, რომ მისმა პილოტებმა - ესპანელმა ფერნანდო ალონსომ და ბრაზილიელმა ფელიპე მასამ გერმანიის დიდ პრიზზე დუბლი შეასრულეს, მრავლის მეტყველია. უნგრეთში გამოჩნდება, რამდენად საფუძვლიანია ალონსოს განცხადება იმის თაობაზე, რომ ის ჩემპიონობისთვის ბრძოლას კვლავაც აპირებს.

მანამდე კი, ტრადიციულად, ”რედ ბულ რეისინგი” და მისი ავსტრალიელი პილოტი მარკ უებერი, გუნდის ულტრათანამედროვე კომპიუტერული სიმულატორის მოშველიებით, ჰუნგარორინგზე ერთ საჩვენებელ წრეს ჩვენთან ერთად შეასრულებენ. მაშ ასე:

”უნგრეთის დიდი პრიზი. ამ სიტყვების გახსენებისთანავე, ვიწრო, მოსახვევებიანი ტრასა, გაჭიანურებული რბოლა და გოგონები, რომელთა ცქერაც სასიამოვნოა. ბუდაპეშტის ტრასის სიგრძე 4.4 კილომეტრია, გასავლელი გვაქვს 70 წრე, რაც ჟამში 306 კილომეტრს შეადგენს. ტრასას 4 ჩქაროსნული მონაკვეთი, სამი ნელი მოსახვევი და გასწრებისთვის ერთი ხელსაყრელი ადგილი აქვს. აქ მაქსიმალური სიჩქარე 315 კმ/სთ-ს აღწევს.

ვიწყებთ წრის გავლას და პირველ მოსახვევში შესვლის წინ მკვეთრად ვამუხრუჭებთ. ამ მოსახვევს მეორე გადაცემით გავდივართ. რა თქმა უნდა, რბოლის დასაწყისში, ამ მოსახვევს განსაკუთრებული მნიშვნელობა აქვს. შემდეგ ვიქყებ აჩქარებას, ტრასას კი დაღმართში, ძალიან საინტერესო, გრძელსა და ვიწრო მოსახვევისკენ მივყავარ. მასაც მეორე გადაცემით გავდივარ და თანაც, დაღმართი გრძელდება. მანქანა განსაკუთრებულ ყურადღებას მოითხოვს, რათა გამოსასვლელი სუფთად გავიარო. ამას მოსდევს ჩქაროსნული ტეხილი და მოკლე სწორი მონაკვეთი, რის შემდეგაც გზა აღმართს შეუყვება.

ამ ადგილას ასფალტი უსწორმასწოროა. მეხუთე მოსახვევიდან გამოსვლისას, აღმართის უმაღლეს წერტილს გავდივართ, შემდეგ კი მოსახვევების S-კომბინაციას მივადგებით. ეს ძალიან ვიწრო და ნელი მოსახვევია, რომლის გავლისას, ფაქიზად უნდა გამოვიყენოთ ბორდიური. შემდეგი მოსახვევები სწრაფად ენაცვლებიან ერთმანეთს: ჯერ მარცხენა ტეხილი, რომელსაც თითქმის სიჩქარის შეუმცირებლად გავდივართ, მას კი ძალიან საინტერესო მარჯვენა მოსახვევი მოსდევს. აქ, მარცხენა მხარეს, ყოველთვის ბევრი მაყურებელი იყრის თავს.

ამის შემდეგ კი ბოლოსწინა მოსახვევს ვუახლოვდები. ეს მოსახვევი ბოქსების უკან მდებარეობს. აქედან გამოსასვლელში ძალიან უსწორმასწორო ასფალტია. ბოლო მოსახვევს ვუახლოვდები, რომლის სწორად გავლასაც დიდი მნიშვნელობა აქვს. აქაც გამოსასვლელში ბევრი დაბორცვილი ადგილია, რის გამოც, მანქანას იდეალურად ვერასდროს იმორჩილებ. მოსახვევი გამოსასვლელისკენ ფართოვდება და მას სტარტ/ფინისშის სწორზე გამოვყავართ...

”მაკლარენს” ჩასაბერი დიფუზრი ჯერ არ გამოსდის

McLaren 'behind the curve' on diffuser

28 ივლისი

”მაკლარენის” საინჟინრო შტაბის დირექტორი პადი ლოუ ამბობს, რომ ეგრეთ წოდებული ჩასაბერი დიფუზორის შემუშავების პროცესის მხრივ, მისი გუნდი კონკურენტებს ჩამორჩება. სწორედ ესაა იმის მიზეზი, რომ გერმანიის დიდი პრიზის დროს, ”მაკლარენის” ორივე პილოტი ”ფერარის” და ”რედ ბულის” ჩრდილში აღმოჩნდა.

ჰოკენჰაიმის რბოლაში,”ფერარი” დომინირებდა, რომელსაც მეტნაკლები კონკურენცია ”რედ ბულმა” გაუწია. ლუის ჰამილტონმა და ჯენსონ ბატონმა, შესაბამისად, მეოთხე და მეხუთე ადგილები დაიკავეს და გამარჯვებულ ფერნანდო ალონსოს 25 წამზე მეტით ჩამორჩნენ.

ჩასაბერი დიფუზორის პიონერი ”რედ ბულ რეისინგია”, რომელიც ამ აეროდინამიკურ ელემენტს სეზონის დასაწყისიდან იყენებს. ”ფერარიმ” ასეთი ელემენტი პირველად ევროპის დიდ პრიზზე, ვალენსიას რბოლისას გამოიყენა და მას შემდეგ, მის დახვეწაზე მუშაობდა. ”მაკლარენმა კი მსგავსი დიფუზორის გამოყენება პირველად ბრიტანეთის დიდ პრიზზე სცადა, თუმცა თავისუფალი პრაქტიკების შემდეგ, რბოლაში მისი გამოყენებისგან თავის შეკავება ამჯობინა. გერმანიაში კი ის კვალიფიკაციაზეც და რბოლაშიც გამოიყენა.

მაგრამ, როგორც ლოუ ამბობს, ახალი აეროდინამიკური ელემენტი ჯერ სრულყოფილი არაა და იმ ეფექტს ვერ იძლევა, რომელსაც მისგან ელიან. და მაინც, ჰოკენჰაიმამდე, მისი იმ დონემდე მომზადება მოესწრო, რომ რბოლაში გამოყენება ყოფილიყო შესაძლებელი.

”შემიძლია ვთქვა, რომ ასეთი დიფუზორის შემუშავების საკითხში, ჩვენ ”ფერარის” რამდენიმე რბოლით ჩამოვრჩებით, ”რედ ბული” კი ნახევარი სეზონით წინაა. ჰოკენჰაიმის წინ, ჩვენ იმ ზღვარს მივაღწიეთ, რომ ამ დიფუზორის რბოლის დროს გამოყენება ყოფილიყო შესაძლებელი. რაც მთავარია, სისტემა გამძლეა და მანქანის შესაძლებლობებს აუმჯობესებს. ის ფაქტი, რომ დიფუზორის შემუშავების მხრივ, უკან ვართ, იმის იმედს მაძლევს, რომ მალე მეტოქეებს დავეწევით. იმედი მაქვს, რომ უნგრეთში ჩვენ კიდევ უფრო ძლიერები ვიქნებით”, - ამბობს ლოუ და დასძენს, რომ არასწორია მოსაზრება, რომლის მიხედვითაც, მეტოქეების განვითარება უფრო პროდუქტიულია, ვიდრე ”მაკლარენისა”.

”ტაბულაზე მარტო მშრალი რიცხვები ჩანს, რომელთა მიხედვითაც ვერ იტყვით, რა ტემპით ვითარდება ესა თუ ის გუნდი. სეზონის განმავლობაში, ჩვენი მანქანების სისწრაფე ორი ან მეტი წამით იზრდება, მაგრამ ეს რბოლებისას ნაკლებადაა შესამჩნევი, რადგან ერთ ადგილს არც სხვები ტკეპნიან. გუნდებს შორის სხვაობა მაშინ ვლინდება, როცა ამათუიმ დეტალის სრულყოფას ასრულებენ. დღეს შემიძლია ვთქვა, რომ ”რედ ბულმა” და ”ფერარიმ” უკვე დაასრულეს აეროდინამიკური ჰაერსადინარების სრულყოფა. ჩასაბერი დიფუზორის შემუშავების და სრულყოფის პროცესში კი ჩვენ ოდნავ უკან ვართ, რადგან ეს პროცესი გვიან დავიწყეთ. ალბათ სწორედ ესაა იმის მიზეზი, რომ გერმანიაში მათზე ოდნავ უკან ვიყავით”, - განმარტავს ლოუ.

”მაკლარენის” მთავარი ინჟინერი იქადნის, რომ მისი გუნდის მანქანები უნგრეთში ისევ კონკურენტუნარიანები იქნება. მისი თქმით, არის ნიუანსები, რომლებიც ჰუნგარორინგზე მისი მანქანის სასარგებლოდ არ მუშაობს, თუმცა ისეთი ნიუანსებიცაა, რომლებიც ”მაკლარენს” უპირატესობას მიანიჭებს.

ეკლსტოუნი გუნდების რაოდენობის შემცირებას მოელის

Ecclestone suspects grid will shrink

28 ივლისი

ბერნი ეკლსტოუნი ეჭვობს, რომ მიმდინარე სეზონის ბოლომდე, ფორმულა 1-ს ერთი, ან ორი გუნდი გამოაკლდება. ის თვლის, რომ მხოლოდ ”ლოტუსია” ის ახალი გუნდი, რომლის დაკარგვაც დასანანი იქნებოდა.

გარდა ამისა, ”დეილი ტელეგრაფთან” საუბრისას, ბერნიმ განაცხადა, რომ არ ღირს, ზედმეტი ყურადღების მიქცევა იმ ფაქტისადმი, რომ ”რენომ” სატელევიზიო შემოსავლების წინასწარი გადახდა მოითხოვა. ის დარწმუნებულია, რომ ენსტოუნში ბაზირებულ ფრანგულ გუნდს ფინანსური პრობლემები არ გააჩნია. თუმცა სხვა გუნდებთან დაკავშირებით, ნაკლებ ოპტიმიზმს ავლენს.

”მე ვიცი, რომ ”რენოს” მოთხოვნა, მისი მფლობელების კორპორატიული მართვის სისტემასთანაა დაკავშირებული. იმისათვის, რომ მათ მფლობელობაში მყოფი ერთი კომპანიიდან მეორეს თანხა გადაურიცხონ, მმართველთა საბჭოს მოწვევა მოუწევთ და მათი თხოვნაც სწორედ ამას უკავშირდება. მაგრამ მათ პრობლემა უკვე მოაგვარეს და ყველაფერი წესრიგში აქვთ. თუმცა სულაც არ გამიკვირდება, თუ ამ სეზონის ბოლომდე, ერთი ან ორი გუნდი ვერ მიაღწევს. ფორმულა 1-ში არის რამდენიმე გუნდი, რომლებიც აქ არ უნდა იყვნენ”, - ამბობს ეკლსტოუნი.

ის დასძენს, რომ მართალია, მომავალი სეზონისთვის, ჩემპიონატში მონაწილეთა რაოდენობის 13-მდე გაზრდაა გადაწყვეტილი, თუმცა ეს არ ნიშნავს, რომ ეს აუცილებლად მოხდება და არც იმას გამორიცხავს, ოდესმე ფ1-ის მონაწილე გუნდების რაოდენობა ისევ 10-მდე შემცირდეს.

როგორც ცნობილია, ამ სეზონში ჩემპიონატს სამი გუნდი - ბრიტანული ”ვირჯინი”, ბრიტანულ-მალაიზიური ”ლოტუსი” და ესპანური ”ისპანია” დაემატა. ამათგან მხოლოდ ”ლოტუსმა” შეძლო აშკარა პროგრესირება და სეზონის შუაწელში უკვე ძველი სუსტი გუნდების დონემდეც კი შეძლო მიღწევა. ”ვირჯინს” და განსაკუთრებით კი ”ოსპანიას” კი ძალიან უჭირთ. ამ სეზონის კიდევ ერთი ახალბედა ამერიკული US F1 უნდა ყოფილიყო, მაგრამ ამან დროულად მომზადება ვერ შეძლო და მის ადგილზე, მომავალი სეზონისთვის რამდენიმე ახალი გუნდი აცხადებს პრეტენზიას.

”გუნდების ოპტიმალური რაოდენობა ათია. ”ლოტუსი” კარგი სახელია და მის კიდევ ერთხელ დაკარგვას არ ვისურვებდი. ახალი გუნდების შენახვა ძალიან ძვირი ჯდება. იმისათვის, რომ პელოტონის ბოლოში ყოფილიყვნენ, მათი ჩემპიონატში გამოსვლა საჭირო არ იყო. არა მგონია, ეს გუნდები ჩემპიონატში რომ არ დაგვეშვა, ამით რბოლებს ნაკლები მაყურებელი ეყოლებოდა. არც ტელემაყურებელთა რაოდენობა დაგვაკლდებოდა და არც გაზეთები შეწყვეტდნენ ფ1-ზე წერას”, - დასძენს ეკლსტოუნი.

”მინი” რალის მსოფლიო ჩემპიონატს უბრუნდება

Mini confirms 2011 WRC programme

28 ივლისი

ინგლისურმა კომპანია ”მინიმ” დაადასტურა, რომ რალის მსოფლიო ჩემპიონატზე საასპარეზოდ ემზადება და ამ საქმეში, მას ავტოსპორტში გაწაფული ინგლისურივე კომპანია ”პროდრაივი” გაუწევს პარტნიორობას. მომავალ სეზონში, ”მინის” გუნდი მსოფლიო ჩემპიონატის რამდენიმე ეტაპზე იასპარეზებს, 2012 წლის სეზონიდან კი მასში სრული პროგრამით ჩაერთვება.

ინფორმაცია იმის შესახებ, რომ ”ბეემვეს” ჯგუფში შემავალი ”მინი” მსოფლიო ჩემპიონატზე ასპარეზობას აპირებდა, პირველად რამდენიმე თვის წინ გამოჩნდა. ამ საკითხზე ჭორაობას კი წერტილი კომპანიის ოფიციალურმა განცხადებამ დაუსვა, რომელიც მიუნხენში გამოქვეყნდა. რალის მსოფლიო ჩემპიონატზე საასპარეზოდ, ”პროდრაივი”, რომელიც ერთ დროს, რალის მსოფლიო ჩემპიონატზე ”სუბარუს” საქარხნო გუნდის პარტნიორი იყო, ქროსოვერ ”ქანთრიმენს” მოამზადებს.

განცხადების თანახმად, რალის მსოფლიო ჩემპიონატისთვის მომზადებული ”მინი ქანთრიმენი” ”ბეემვეს” წარმოების 1.6-ლიტრიანი ტურბოძრავით აღიჭურვება. ასეთი ავტომობილის პირველი ტესტირება კი წელს, შემოდგომაზე ჩატარდება.

”მინის” საქარხნო გუნდს რალის უმაღლესი დონის შეჯიბრებებში 1967 წლის შემდეგ არ უასპარეზია. ინგლისური კომპანიის ისტორიაში იმ ტრიუმფულ სეზონში, მისმა მანქანებმა სამი დიდი რბოლა - მონტე კარლოს, 1000 ტბისა და აკროპოლისის რალი მოიგეს, თუმცა მას შემდეგ, ”მინი” დიდი რალიდან გაქრა.

”დარწმუნებული ვარ, რალიში ”მინის” გამოსვლების ისტორიას ახალი წარმატებებით გავამდიდრებთ. ამისთვის, ქანთრიმენი” შესაბამის ბაზას გვაძლევს, მისგან კონკურენტული მანქანის შექმნა შეიძლება, რაშიც ”პროდრაივი” დაგვეხმარება, რომლის სახითაც, ძალიან ძლიერი და გამოცდილი პარტნიორი შევიძინეთ”, - პროექტის პრეზენტაციაზე განაცხადა ”ბეემვეს” მმართველთა საბჭოს წევრმა იან რობერტსონმა.

თავის მხრივ, ”მინისთან” თანამშრომლობის დაწყებით კმაყოფილია ”პროდრაივის” შეფი დევიდ რიჩარდსიც: ”ძალიან გახარებული ვარ, რომ მოტორსპორტის ახალ, საინტერესო პროგრამაში მივიღებთ მონაწილეობას. დარწმუნებული ვარ, ახალი სარბოლი მინი, რალის ბევრი ფანის ფავორიტი მანქანა გახდება. თანაც, ახალ მანქანაზე, 2011 წლის სეზონისთვის, უკვე რამდენიმე კერძო გუნდისგან მივიღეთ შეკვეთა.

სავარაუდოდ, პირველი რბოლა, რომელზეც რალის მსოფლიო ჩემპიონატისთვის მომზადებული ”მინი ქანთრიმენი” გამოჩნდება, არის რალი დ’იტალია სარდინია, რომელიც მაისში ჩატარდება. სავარაუდოდ, ახალ ავტომობილის პილოტირებას პირველად ფინელ მარკუს გრონჰოლმს და ესტონელ მარკო მარტინს მიანდობენ.

გუნდური ტაქტიკა მოქმედებაში

Alonso leads controversial Ferrari one-two

25 ივლისი

ახლა უკვე აშკარაა - ”ფერარის” პირველი ნომერი ფერნანდო ალონსოა

..... ..... ..... ..... ..... .....

ანუ, ფორმულა 1-ში კვლავაც არიან პირველი და მეორე პილოტები. რა თქმა უნდა, ყოველთვის ისე ხდება, რომ პილოტს, რომელიც ჩემპიონობისთვის იბრძვის, გუნდის ხელმძღვანელობა უპირატესობას ანიჭებს. თუმცა 2002 წლის ავსტრიის დიდი პრიზის შემდეგ, როდესაც რუბენს ბარიკელომ ბოლო მოსახვევის შემდეგ, ზედ ფინიშის ხაზთან, დემონსტრაციულად გაატარა მიხაელ შუმახერი, გუნდური მითითებები დასჯადი გახდა. მართალია, დღემდე ამის გამო არავინ დასჯილა, მაგრამ ფორმულა 1-ის სპორტული რეგლამენტით, ამგვარი რამ აღნიშნულია.

”ფერნანდო შენზე სწრაფია, შენ იცი, როგორც უნდა მოიქცე”, - ასე მიმართა ფელიპე მასას მისმა სარბოლო ინჟინერმა რობ სმედლიმ. ეს იმას ნიშნავდა, რომ მასამ ფერნანდო ალონსოს წინ გაშვების მითითება მიიღო. ერთი წრეც არ გასულა, რომ ბრაზილიელმა პილოტმა მითითება შეასრულა, რის შემდეგაც, იმავე სმედლისგან შემდეგი ფრაზა გაისმა - ”კარგი ბიჭი ხარ. შეეგუე ამას, ვწუხვარ”. სწორედაც, მასას სარბოლმა ინჟინერმა თავისი ”მოვალეობა” საკუთარი სურვილის გარეშე შეასრულა.

მასა ალბათ ალონსოზე მეტად იმსახურებდა გამარჯვებას

..... ..... ..... ..... ..... .....

არადა, მასამ რბოლა შესანიშნავად დაიწყო - სანამ მისი ესპანელი თანაგუნდელი და პოულის გერმანელი მფლობელი სებასტიან ფეტელი ლიდერობისთვის იბრძოდნენ, ბრაზილიელმა შესანიშნავი მანევრით, ორივეს გვერდი აუარა და დაწინაურდა. თავის მხრივ, ალონსომ შეძლო ფეტელის ჩამოტოვება და თანაგუნდელს კვალში ჩაუდგა. უფრო მეტიც, 21-ე წრეზე მან მასას გასწრებაც სცადა, როდესაც ბრაზილიელმა ერთ-ერთი მოსახვევის გავლისას, შეცდომა დაუშვა. ალონსოს სლიპსტრიმით გასწრების საშუალება მიეცა და მანაც ამ შანსის გამოყენება სცადა, მაგრამ მასამ არ დაუთმო და საკმაოდ რისკიანი მანევრით, ესპანელის მანევრი აღკვეთა. ალონსომ თანაგუნდელის ქმედება რადიოთი ”იდიოტობად” შეაფასა, თუმცა იმ მომენტში ბედთან შეგუება მოუხდა.

რბოლაში სწორედ ეს ორი მომენტი იყო მთავარი და გადამწყვეტი. სტარტზე საინტერესო კიდევ ის მოხდა, რომ ფეტელის მსგავსად, მწვანე შუქზე რეაგირება მის თანაგუნდელ მარკ უებერსაც დააგვიანდა, რითაც ”მაკლარენის” პილოტებმა - ლუის ჰამილტონმა და ჯენსონ ბატონმა კარგად ისარგებლეს და ავსტრალიელი უკან ჩამოიტოვეს. ამასთან, ჰამილტონმა თავის თანაგულდელსაც გაასწრო. მოწინავეთა განლაგება არც პიტ სტოპების სერიას შეუცვლია.

სტარტზე ფეტელმა ალონსო მარჯვენა კიდესკენ გარყა, რითაც მასამ ისარგებლა და ორივეს გაასწრო

..... ..... ..... ..... ..... .....

შუა რბოლაში, ჰამილტონს და უებერს რადიოთი აცნობეს, რომ შეიძლებოდა საწვავის ბოლომდე არ ჰყოფნოდათ და რბოლის ეკონომიურ რეჟიმზე გადასვლა სთხოვეს. ასე რომ, მათ მიერ ასეთ პირობებში პოზიციების შენარჩუნებაც დიდი მიღწევა იყო.

მოკლედ, ”ფერარიმ” მეორე რბოლა მოიგო და მეორედაც, კვარცხლბეკის უმაღლესი საფეხური მსოფლიოს ორგზის ჩემპიონმა ალონსომ დაიკავა, ვისაც რამდენიმე დღეში 29 წელი შეუსრულდება. ისევე როგორც ბაჰრეინში, ამჯერადაც იტალიურმა საჯინიბომ დუბლის შესრულება შესძლო. სხვათა შორის, სეზონის პირველ რბოლაშიც, მასამ ლიდერის პოზიცია გუნდის მითითების შემდეგ დათმო.

მარანელოელთა ორმაგი გამარჯვების მიუხედავად, პირად და გუნდურ კლასიფიკაციებში, მოწინავეთა შორის ბევრი არაფერი შეცვლილა. ლიდერი ისევ ჰამილტონია, რომელიც მეორეზე მყოფ ბატონს ახლა უკვე 14 ქულას უგებს. ფეტელი კი უებერს დაეწია. ახლა ორივეს ქულათა თანაბარი რაოდენობა აქვთ და მესამე ადგილს იყოფენ. ალონსომაც მეხუთე ადგილი შეინარჩუნა, თუმცა მის წინ მყოფებთან ჩამორჩენა, 23-დან 13 ქულამდე შეამცირა.

P.S. რბოლის შემდეგ, მისმა სტიუარდებმა ”ფერარის” ორივე პილოტი, შეფი სტეფანო დომენიკალი და მენეჯერი მასიმო რივოლა დაიბარეს, რომლებთან თათბირის შემდეგაც გადაწყდა, რომ გუნდური ტაქტიკის გამოყენებით, ”ფერარიმ” ფორმულა 1-ის იმიჯს ავნო და საერთაშორისო სპორტული კოდექსის 151 C მუხლი დაარღვია, რის გამოც, ის 100 000 დოლარით დაჯარიმდა.

გადაწყდა, რომ გერმანიის დიდი პრიზის შედეგების გადახედვა დღეს არ მოხდება. თუმცა საკითხი განსახილველად საერთაშორისო საავტომობილო ფედერაციის ავტოსპორტის მსოფლიო საბჭოს გადაეცემა.

გერმანიის დიდი პრიზი

ჰოკენჰაიმრინგი. წრის სიგრძე 4.574 კმ, 67 წრე. დიტანცია 306.458 კმ

1. ფერნანდო ალონსო (ესპანეთი, ფერარი) 1:27:38.864

2. ფელიპე მასა (ბრაზილია, ფერარი) +00:04.196

3. სებასტიან ფეტელი (გერმანია, რედ ბული) 00:05.121

4. ლუის ჰამილტონი (ბრიტანეთი, მაკლარენი) 00:26.896

5. ჯენსონ ბატონი (ბრიტანეთი, მაკლარენი) 00:29.482

6. მარკ უებერი (ავსტრალია, რედ ბული) 00:43.606

7. რობერტ კუბიცა (პოლონეთი, რენო) 1 წრე

8. ნიკო როსბერგი (გერმანია, მერსედესი) 1 წრე

9. მიხაელ შუმახერი (გერმანია, მერსედესი) 1 წრე

10. ვიტალი პეტროვი (რუსეთი, რენო) 1 წრე

11. კამუი კობაიაში (იაპონია, ზაუბერი) 1 წრე

12. რუბენს ბარიკელო (ბრაზილია, უილიამსი) 1 წრე

13. ნიკო ჰულკენბერგი (გერმანია, უილიამსი) 1 წრე

14. პედრო დე ლა როსა (ესპანეთი, ზაუბერი) 1 წრე

15. ხაიმე ალგერსუარი (ესპანეთი, ტორო როსო) 1 წრე

16. ვიტანტონიო ლიუცი (იტალია, ფორს ინდია) 2 წრე

17. ადრიან სუტილი (გერმანია, ფორს ინდია) 2 წრე

18. ტიმო გლოკი (გერმანია, ვირჯინი) 3 წრე

19. ბრუნო სენა (ბრაზილია, ისპანია) 4 წრე

გ. ჰეიკი კოვალაინენი (ფინეთი, ლოტუსი) 11 წრე

გ. ლუკას დი გრასი (ბრაზილია, ვირჯინი) 17 წრე

გ. საკონ იამამოტო (იაპონია, ისპანია) 48 წრე

გ. იარნო ტრული (იტალია, ლოტუსი) 64 წრე

გ. სებასტიან ბუემი (შვეიცარია, ტორო როსო) 66 წრე

შენიშვნა: გ - გამოეთიშა

უსწრაფესი წრე: სებასტიან ფეტელი - 1:15.824, 67-ე წრე

პილოტთა კლასიფიკაცია

1. ლუის ჰამილტონი - 157 ქულა; 2. ჯენსონ ბატონი - 143; 3. მარკ უებერი - 136; 4. სებასტიან ფეტელი - 136; 5. ფერნანდო ალონსო - 123; 6. ნიკო როსბერგი - 94; 7. რობერტ კუბიცა - 89; 8. ფელიპე მასა - 85; 9. მიხაელ შუმახერი - 38; 10. ადრიან სუტილი - 35; 11. რუბენს ბარიკელო - 29; 12. კამუი კობაიაში - 15; 13. ვიტანტონიო ლიუცი - 12; 14. ვიტალი პეტროვი - 7; 15. სებასტიან ბუემი - 7; 16. ხაიმე ალგერსუარი - 3;

კონსტრუქტორთა პირველობა

1. მაკლარენ-მერსედესი - 300 ქულა; 2. რედ ბულ-რენო - 272; 3. ფერარი - 208; 4. მერსედესი - 132; 5. რენო - 96; 6. ფორს ინდია-მერსედესი - 47; 7. უილიამს-კოსუორტი - 31; 8. ზაუბერ-ფერარი - 15; 9. ტორო როსო-ფერარი - 10