ოჟიემ მეტოქეთა უიღბლობით იხეირა

Ogier storms to Japan victory, Loeb forced to wait

13 სექტემბერი

”სიტროენის” ფრანგი სებასტიან ოჟიეს (სურათზე, მისი სიტროენი ასპარეზობისას) გამარჯვებით დასრულდა რალის მსოფლიო ჩემპიონატის მეათე ეტაპი - იაპონიის რალი, რომლის მესამე დღეც მეტად დრამატული და წინა დღის ლიდერებისთვის უიღბლო გამოდგა სამაგიეროდ, მათი უიღბლობით, კარგად ისარგებლა ოჟიემ და მიმდინარე სეზონში მეორე გამარჯვება იზეიმა, რითაც 43 ქულამდე შეამცირა ჩამორჩენა ჩემპიონატის ლიდერთან, ფრანგ სებასტიან ლოებთან .

ლოებს შეეძლო, მეშვიდე ტიტული იაპონიაშივე, ჩემპიონატის დასრულებამდე სამი ეტაპით ადრე გაენაღდებინა. ამისათვის, მას უნდა მოეგო და მის მეტოქეებს რბოლა ექვსეულს მიღმა უნდა დაესრულებინათ. მაგრამ ახლა ფრანგულ ეტაპამდე ლოდინი მოუწევს.

ორი დღის შემდეგ, ოჟიე ნორვეგიელ ლიდერ პეტერ სოლბერგს 5.4 წამით ჩამორჩებოდა, ფინელ მიკო ჰირვონენთან კი ორი წამიც კი არ აშორებდა. მაგრამ ამ უკანასკნელს მოკლე, ბისანის სპეცმონაკვეთზე გადაცემათა კოლოფმა უმტყუნა და საბოლოოდ, ამის გამო მეექვსე ადგილს დასჯერდა. სხვათა შორის, იმავე სპეცზე რბოლას კიდევ ერთი ფინელი - კიმი რაიკონენი გამოეთიშა, ვისაც იმ მომენტისთვის მერვე ადგილი ეკავა.

გამარჯვებაში ხელი ტექნიკურმა პრობლემებმა შეუშალა სოლბერგსაც, ვისაც 2005 წლის შემდეგ, რალის მსოფლიო ჩემპიონატზე ერთი ეტაპიც არ მოუგია. არადა, ორი წლით ადრე, მსოფლიო ჩემპიონი გახდა. ნორვეგიელის მანქანაზე საჭის სისტემა და ამორტიზატორები გამოვიდა მწყობრიდან.

იაპონიის რალის შედეგები

1. სებასტიან ოჟიე (საფრანგეთი, სიტროენი) 3:10:26.400

2. პეტერ სოლბერგი (ნორვეგია, სიტროენი) +00:15.700

3. იარი-მატი ლატვალა (ფინეთი, ფორდი) 00:26.000

4. დანიელ სორდო (ესპანეთი, სიტროენი) 00:35.200

5. სებასტიან ლოები (საფრანგეთი, სიტროენი) 00:53.300

6. მიკო ჰირვონენი (ფინეთი, ფორდი) 01:13.500

7. ჰენინგ სოლბერგი (ნორვეგია,ფორდი) 03:03.100

8. ფედერიკო ვილაგრა (არგენტინა, ფორდი) 10:17.900

9. იარი კეტომაა (ფინეთი, ფორდი) 14:47.100

10. მარტინ პროკოპი (ჩეხეთი, ფორდი) 15:20.800

პილოტების კლასიფიკაცია

1. სებასტიან ლოები - 201; 2. სებასტიან ოჟიე - 158; 3. იარი-მატი ლატვალა - 132; 4. პეტერ სოლბერგი - 118; 5. დანიელ სორდო - 107; 6. მიკო ჰირვონენი - 94; 7. მეტიუ უილსონი (ბრიტანეთი, ფორდი)- 56; 8. ჰენინგ სოლბერგი - 31; 9. ფედერიკო ვილაგრა - 30; 10. კიმი რაიკონენი (ფინეთი, სიტროენი)- 21

კონსტრუქტორთა პირველობა

1. სიტროენ ტოტალ WRT - 345; 2. BP-ფორდ აბუ დაბი WRT - 250; 3. სიტროენ ჯუნიორ ტიმ - 183; 4. შტობარტ VK M-სპორტ ფორდ WRT - 130; 5. მუნჩი’ს ფორდ WRT - 46

ალონსომ მონცაზე საცნებო გამარჯვება მოიპოვა

ლიდერობა კი ისევ უებერის ხელში გადავიდა

Alonso celebrates dream Ferrari win at Monza

12 სექტემბერი

ალონსო გამარჯვებას ზეიმობს

..............................

იტალიის დიდი პრიზის შემდეგ, ფორმულა 1-ის მსოფლიო ჩემპიონის ტიტულისთვის მებრძოლთა რაოდენობა ისევ ხუთამდე გაიზარდა, რადგან ლიდერმა ლუის ჰამილტონმა ასპარეზობა პირველივე წრეზე დაასრულა, მისმა უახლოესმა მდევარმა მარკ უებერმა კი ბევრი ქულა დაკარგა, თუმცა ამის მიუხედავად, მაინც გადაასწრო ჰამილტონს და ლიდერობაც გადაიბარა.

ალონსო ფინიშის ხაზზე

..............................

გამარჯვება კი, 120 000 მაყურებლის გასახარად, ”ფერარის” ესპანელმა ფერნანდო ალონსომ მოიპოვა, რომელმაც, მართალია, სტარტი ჩააგდო და პოულ პოზიცია ვერ გამოიყენა, თუმცა შესანიშნავი და ოდნავ დაგვიანებული პიტ სტოპის წყალობით, ფინიშის ხაზი მაინც პირველმა გადაკვეთა და ჩემპიონატში მესამე ადგილზე გადაინაცვლა.

სხვათა შორის, ბოლო სამი ათწლეულის განმავლობაში, ალონსო მეორე ჩემპიონია, ვინც ”ფერარიში” გადასვლიდან პირველივე სეზონში, მონცაზე გამარჯვება შეძლო. მსოფლიოს ორგზის ჩემპიონამდე, ეს მიხაელ შუმახერმა 1996 წელს შეძლო, ვინც იტალიურ საჯინიბოში ასევე მსოფლიოს ორგზის ჩემპიონის რანგში გადავიდა. დაკიდევ, აქამდე ”ფერარის” მანქანით მონცაზე გამარჯვება ბოლოს იმავე შუმახერს, 2006 წელს ჰქონდა მოპოვებული და ახლა ტიფოზები ალონსომაც გაახარა.

რბოლის გადამწყვეტი მომენტი - ალონსო ბოქსიდან ბატონზე (უკანა მანქანა) წინ გამოდის

..............................

არადა, მან სტარტი ჩააგდო. უფრო სწორედ, ჯენსონ ბატონმა საუკეთესო რეაქცია გამოავლინა და მიუხედავად იმისა, რომ წამის მეათასედით შეყოვნებულმა ალონსომ თავისი მანქანა მის მხარეს მიმართა და გზის ჩაკეტვა სცადა, ოზმა პილოტმა მაინც თავისი გაიტანა და დაწინაურდა. ალონსოს კი თავისი ბრაზილილი თანაგუნდელის, ფელიპე მასას შეკავებაც ძლივს მოახერხა. იქვე ორივეს ჰამილტონი წამოეწია და მოსახვევ ლესმოში წინ წაწევა სცადა, მაგრამ ორ ”ფერარის” შორის მოექცა და განზრახვაზე ხელის აღება მოუხდა. უფრო მეტიც, მისი ”მაკლარენი” ბრაზილიელის მანქანას წინა მარჯვენა ბორბლით შეეჯახა, რამაც საკიდარი დაუზიანა. მან მოსახვევიდან გამოსვლა კი შეძლო, მაგრამ გზის გაგრძელება ვეღარ შეძლო და გზის პირას დაასრულა ასპარეზობა.

უებერი და სებასტიან ფეტელი კი თავიდანვე ჩამორჩნენ. მათ წინ ადგილები ნიკო როსბერგმა, რობერტ კუბიცამ და ნიკო ჰულკენბერგმა დაიკავეს. ავსტრალიელის წინ კი მიხაელ შუმახერი ჩადგა. მართალია, ორი გერმანელი მან მალევე ჩამოიტოვა, მაგრამ უფრო წინ წაწევა ვეღარ მოახერხა.

ბატონმა სტარტზევე იგდო ხელთ ლიდერობა, ალონსოს კი ლამის მასამაც (ორი ფერარიდან აქეთა) გაასწრო

..............................

ბატონმა კი შესანიშნავად იასპარეზა და პიტ სტოპამდე ლიდერობა საკმაოდ ადვილად შეინარჩუნა. მართალია, ალონსომ რამდენჯერმე სცადა ლიდერზე იერიშის მიტანა, თუმცა ბრიტანელმა მისი ყველა მცდელობა იოლად ალაგმა. მაგრამ როცა რეზინის შეცვლის დრო დადგა, შეიძლება ითქვას, რომ ”მაკლარენმა” თავის პილოტს უმტყუნა - ბატონს ალონაოზე ადრე უხმეს ბოქსში და როგორც მალევე გაირკვა, ამით მისი ოდენ ერთწამიანი უპირატესობა რისკის ქვეშ დააყენეს - ალონსომ ერთი წრის მერე მიაკითხა ბოქსებს, მანამდე კი უსწრაფესი წრე გაიარა და როგორც ჩანს, ამ ერთი წრის წყალობით ის უპირატესობა მიიღო, რაც დაწინაურებისთვის საკმარისი იყო.

ბატონმა ისღა შესძლო, რომ ”ფერარის” პილოტებს დუბლის შესრულებაში ხელი შეუშალა. რაც შეეხება უებერს, მან დიდი ბრძოლის შემდეგ, ჰულკენბერგის ჩამოტოვება შეძლო და რბოლა მეექვსე ადგილზე დაასრულა, რაც საკმარისი აღმოჩნდა იმისათვის, რომ ჰამილტონისთვის 5 ქულით გაესწრო. ალონსომ მესამეზე გადაინაცვლა და ის ლიდერს 21 ქულით ჩამორჩება. თუმცა ისიც უნდა ითქვას, რომ დარჩენილი 5 ეტაპი, ”რედ ბულის” მანქანების პარამეტრებისთვის შესაფერის ტრასებზე ჩატარდება, რაც იმას ნიშნავს, რომ უებერმა სატიტულო ბრძოლაში დიდი უპირატესობა მიიღო.

შესანიშნავი ტაქტიკა გამოიყენა ფეტელმა, ვინც ერთადერთი პიტ სტოპი რბოლის ბოლოსწინა წრეზე შეასრულა და ფინიშის ხაზი მეოთხემ გადაკვეთა. არადა, შუა რბოლისას, მას ძრავთან დაკავშირებული პრობლემები შეექმნა, რის გამოც, საკმაოდ იოლად გაატარა უებერი. ფეტელმა რადიოთი თავის ინჟინრებს აცნობა, რომ აჩქარების მომენტში, მის ძრავს ჩავარდნები ჰქონდა. ბოქსებში ეფექტურად იზრუნეს ძრავის ნორმალური მუშაობის აღსადგენად, რითაც გერმანელს რბოლა დაასრულებინა. გვიანმა პიტსტოპმა კი მას უებერის გასწრების საშუალებაც მისცა. ამგვარად, მას უებერისთვის გზის დათმობაც არ დასჭირდა. არადა, თანაგუნდელს 24 ქულით ჩამორჩება.

”ეს გამარჯვება მოტივაციის შესანიშნავი წყაროა ჩვენი გუნდისთვის. ახლა მთავარია, რომ სიმშვიდე შევინარჩუნოთ და სტაბილურები ვიყოთ. დარჩენილ ხუთ რბოლაში, ყველა ქულას დიდი მნიშვნელობა ექნება”, - განაცხადა ალონსომ, ვინც ბელგიის ეტაპი ავარიის გამო ვერ დაასრულა, თუმცა მონცას წინ ამბობდა, რომ ეს რბოლა მისთვის გადამწყვეტი იყო საჩემპიონო მარათონში.

რა თქმა უნდა, ტრასა გაწბილებულმა დატოვა ჰამილტონმა. ”ჩემპიონატი დღეს არ დამთავრებულა, თუმცა უნდა აღვნიშნო, რომ ასეთი შეცდომებით, ტიტულის მოპოვება შეუძლებელი იქნება. ყველაფერი ჩემი შეცდომის გამო მოხდა, ყველაფერში დამნაშავე მე ვარ”, - განაცხადა ჰამილტონმა.

იტალიის დიდი პრიზი

მონცა. წრის სიგრძე 5.793 კმ, 53 წრე, დისტანცია 306.720 კმ

1. ფერნანდო ალონსო (ესპანეთი, ფერარი) 1:16:24.572

2. ჯენსონ ბატონი (ბრიტანეთი, მაკლარენი) +00:02.938

3. ფელიპე მასა (ბრაზილია, ფერარი) 00:04.223

4. სებასტიან ფეტელი (გერმანია, რედ ბული) 00:28.196

5. ნიკო როსბერგი (გერმანია, მერსედესი) 00:29.942

6. მარკ უებერი (ავსტრალია, რედ ბული) 00:31.276

7. ნიკო ჰულკენბერგი (გერმანია, უილიამსი) 00:32.812

8. რობერტ კუბიცა (პოლონეთი, რენო) 00:34.028

9. მიხაელ შუმახერი (გერმანია, მერსედესი) 00:44.948

10. რუბენს ბარიკელო (ბრაზილია, უილიამსი) 01:04.213

11. სებასტიან ბუემი (შვეიცარია, ტორო როსო) 01:05.056

12. ვიტანტონიო ლიუცი (იტალია, ფორს ინდია) 01:06.106

13. ვიტალი პეტროვი (რუსეთი, რენო) 01:18.919

14. პედრო დე ლა როსა (ესპანეთი, ზაუბერი) 1 წრე

15. ხაიმე ალგერსუარი (ესპანეთი, ტორო როსო) 1 წრე

16. ადრიან სუტილი (გერმანია, ფორს ინდია) 1 წრე

17. ტიმო გლოკი (გერმანია, ვირჯინი) 2 წრე

18. ჰეიკი კოვალაინენი (ფინეთი, ლოტუსი) 2 წრე

19. საკონ იამამოტო (იაპონია, ისპანია) 2 წრე

20. ლუკას დი გრასი (ბრაზილია, ვირჯინი) 3 წრე

გ. იარნო ტრული (იტალია, ლოტუსი) 7 წრე

გ. ბრუნო სენა (ბრაზილია, ისპანია) 42 წრე

გ. ლუის ჰამილტონი (ბრიტანეთი, მაკლარენი) 53 წრე

გ. კამუი კობაიაში (იაპონია, ზაუბერი) 53 წრე

შენიშვნა: გ - გამოეთიშა

უსწრაფესი წრე: ფერნანდო ალონსო - 1:24.139, 52-ე წრე

პილოტთა კლასიფიკაცია

1. მარკ უებერი - 187 ქულა; 2. ლუის ჰამილტონი - 182; 3. ფერნანდო ალონსო - 166; 4. ჯენსონ ბატონი - 165; 5. სებასტიან ფეტელი - 163; 6. ფელიპე მასა - 124; 7. ნიკო როსბერგი - 112; 8. რობერტ კუბიცა - 108; 9. მიხაელ შუმახერი - 46; 10. ადრიან სუტილი - 45; 11. რუბენს ბარიკელო - 31; 12. კამუი კობაიაში - 21; 13. ვიტალი პეტროვი - 19; 14. ნიკო ჰულკენბერგი - 16; 15. ვიტანტონიო ლიუცი - 13; 16. სებასტიან ბუემი - 7; 17. პედრო დე ლა როსა - 6; 18. ხაიმე ალგერსუარი - 3;

კონსტრუქტორთა პირველობა

1. რედ ბულ-რენო - 350 ქულა; 2. მაკლარენ-მერსედესი - 347; 3. ფერარი - 290; 4. მერსედესი - 158; 5. რენო - 127; 6. ფორს ინდია-მერსედესი - 58; 7. უილიამს-კოსუორტი - 47; 8. ზაუბერ-ფერარი - 27; 9. ტორო როსო-ფერარი - 10

სოლბერგმა ლიდერობა შეინარჩუნა

Solberg maintains Japan lead as Loeb labours

11 სექტემბერი

მიუხედავად იმისა, რომ ერთ-ერთი სპეცმონაკვეთის სტარტზე დაშვებული შეცდომის გამო დააჯარიმეს, ნორვეგიელმა პეტერ სოლბერგმა მაინც შეინარჩუნა იაპონიის რალის პირველ დღეს მოპოვებული ლიდერობა. თუმცაღა, უახლოეს მდევარს, ფინელ მიკო ჰირვონენს 3 წამსღა უგებს. მეორე დღის შემდეგაც მეექვსე ადგილზეა მსოფლიოს ექვსგზის ჩემპიონი, ფრანგი სებასტიან ლოები, ვინც პირველი დღის შემდეგ ლიდერს თითქმის წუთით ჩამორჩებოდა, ახლა კი მისგან მხოლოდ 38 წამის სავალზეა.

მე-13 სპეცმონაკვეთზე სოლბერგმა სტარტი ნიშნის მიცემამდე 0.1 წამით ადრე აიღო, რისთვისაც 10 წამით დაჯარიმდა. ორ სპეცმონაკვეთზე წინ ფინელი იარი-მატი ლატვალა გაიჭრა, მაგრამ შემდეგ ამის ”ფორდზე” საჭის სისტემა დაზიანდა და სოლბერგმაც ლიდერობა დაიბრუნა.

”სტარტზე დაშვებული შეცდომა რომ არა, მეტი უპირატესობა მექნებოდა. და მაინც, დარწმუნებული ვარ, რომ ამ რბოლის მოგება შემიძლია. ყოველ შემთხვევაში, ამისათვის ყველაფერს გავაკეთებ”, - განაცხადა სოლბერგმა, ვისაც უკვე ხუთი წელია, რბოლა არ მოუგია.

დღის ოლოს, მეორე ადგილზე ჰირვონენმა გადაინაცვლა, მას კი სულ 2 წამით ჩამორჩება ჩემპიონატში მეორეზე მყოფი ფრანგი სებასტიან ოჟიე. წინა დღესთან შედარებით, ორი ადგილით წინ წაიწია ფორმულა 1-ის მსოფლიოს ყოფილმა ჩემპიონმა კიმი რაიკონენმა. თუმცა, ლიდერს ის მაინც 7 წუთით ჩამორჩება.

იაპონიის რალი. მეორე დღე

1. პეტერ სოლბერგი (ნორვეგია, სიტროენი) 2:28:46.100

2. მიკო ჰირვონენი (ფინეთი, ფორდი) +00:03.700

3. სებასტიან ოჟიე (საფრანგეთი, სიტროენი) 00:05.400

4. დანიელ სორდო (ესპანეთი, სიტროენი) 00:15.300

5. იარი-მატი ლატვალა (ფინეთი, ფორდი) 00:30.700

6. სებასტიან ლოები (საფრანგეთი, სიტროენი) 00:37.900

7. ჰენინგ სოლბერგი (ნორვეგია,ფორდი) 02:07.200

8. კიმი რაიკონენი (ფინეთი, სიტროენი) 07:01.300

9. ფედერიკო ვილაგრა (არგენტინა, ფორდი) 07:42.100

10. იარი კეტომაა (ფინეთი, ფორდი) 11:33.300

ალონსომ ”ფერარის” ნანატრი პოული მოუპოვა

Alonso ends Ferrari's pole drought

11 სექტემბერი

ორი წლის წინ, სეზონის ბოლო რბოლის, ბრაზილიის დიდი პრიზის საკვალიფიკაციო რბოლა ბრაზილიელმა ფელიპე მასამ მოიგო, ვინც ჩემპიონობისთვის იბრძოდა. მას შემდეგ კი, 30 რბოლა ისე გავიდა, წითელ ბოლიდებს სტარტი პოულ პოზიციიდან არ აუღიათ. ამასთან, ”ფერარის” მანქანა 2004 წლის შემდეგ, პირველად დადგება იტალიური ეტაპის პოულზე.

და აი, იტალიელი ტიფოზების გასახარად, ესპანელმა ფერნანდო ალონსომ იტალიის დიდი პრიზის კვალიფიკაცია მოიგო. მან სულ რაღაც 0.122 წამით აჯობა მსოფლიოს მოქმედ ჩემპიონს, ბრიტანელ ჯენსონ ბატონს. ორივე პილოტს ჰაერივით სჭირდება გამარჯვება, რათა სატიტულო მარათონის გაგრძელება შეძლოს. ამის კარგი შანსი მათ ექნებათ, რადგან ტიტულის მთავარი ფავორიტები - ბრიტანელი ლუის ჰამილტონი და ავსტრალიელი მარკ უებერი სტარტს მესამე რიგიდან აიღებენ.

სხვათა შორის, ბოლო 18 რბოლაში პირველად ხდება, რომ სტარტის პირველ რიგში ”რედ ბულის” მანქანა არ დადგება. ამასთან, ამ სეზონში ეს მეორე შემთხვევაა, როდესაც ავსტრიული გუნდის პილოტი პოულს ვერ იგებს.

”იმისათვის, რომ ტიტულისთვის ბრძოლის გაგრძელება შევძლოთ, მინიმუმ კვარცხლბეკზე ასვლა მჭირდება. ამჟამად, დიდ ზეწოლას ვერ ვგრძნობთ, რადგან მთელი სეზონის განმავლობაში, მდევრის როლში ყოფნა გვიწევს. მაგრამ არაფრით არ უნდა დავუშვათ, რომ მორიგი რბოლა დავასრულოთ უქულოდ”, - ამბობს ალონსო, ვინც იტალიელი მაყურებლის წინაშე, პირველად წარსდგა ”ფერარის” კომბინეზონში.

მსგავს მდგომარეობაშია ბეტონიც, ვინც მოწინავე სასტარტო რიგში ბოლოს თურქულ ეტაპზე იდგა. სხვათა შორის, ბატონმა თავის მანქანაზე აეროდინამიკური მილი დაიტოვა. მისგან განსხვავებით, ჰამილტონმა ის მოახსნევინა და ამით წაგებული დარჩა. ნარბოლევს მან განაცხადა, რომ მანქანას მოსახვევებში ძლივს იმორჩილებდა.

სხვათა შორის, ჩემპიონატის ყველაზე სწრაფ ტრასაზე, ფავორიტად ”მაკლარენი” იყო მიჩნეული და ამიტომ, ალონსოს და მასას სიჩქარით, ბატონი გაოცებული დარჩა: პირადად მე არ ველოდი, რომ ”ფერარი” აქ ასე სწრაფი იქნებოდაო, - განაცხადა მოქმედმა ჩემპიონმა.

იტალიის დიდი პრიზი

კვალიფიკაციის შედეგები

1. ფერნანდო ალონსო (ესპანეთი, ფერარი) 1:21.962

2. ჯენსონ ბატონი (ბრიტანეთი, მაკლარენი) 1:22.084

3. ფელიპე მასა (ბრაზილია, ფერარი) 1:22.293

4. მარკ უებერი (ავსტრალია, რედ ბული) 1:22.433

5. ლუის ჰამილტონი (ბრიტანეთი, მაკლარენი) 1:22.623

6. სებასტიან ფეტელი (გერმანია, რედ ბული) 1:22.675

7. ნიკო როსბერგი (გერმანია, მერსედესი) 1:23.027

8. ნიკო ჰულკენბერგი (გერმანია, უილიამსი) 1:23.037

9. რობერტ კუბიცა (პოლონეთი, რენო) 1:23.039

10. რუბენს ბარიკელო (ბრაზილია, უილიამსი) 1:23.328

- - - - - - - - - -

11. ადრიან სუტილი (გერმანია, ფორს ინდია) 1:23.199

12. მიხაელ შუმახერი (გერმანია, მერსედესი) 1:23.388

13. კამუი კობაიაში (იაპონია, ზაუბერი) 1:23.659

14. სებასტიან ბუემი (შვეიცარია, ტორო როსო) 1:23.681

15. ვიტალი პეტროვი (რუსეთი, რენო) 1:23.819

16. ხაიმე აკგერსუარი (ესპანეთი, ტორო როსო) 1:23.919

17. პედრო დე ლა როსა (ესპანეთი, ზაუბერი) 1:24.044

- - - - - - - - - -

18. იარნო ტრული (იტალია, ლოტუსი) 1:25.540

19. ჰეიკი კოვალაინენი (ფინეთი, ლოტუსი) 1:25.742

20. ვიტანტონიო ლიუცი (იტალია, ფორს ინდია) 1:25.774

21. ტიმო გლოკი (გერმანია, ვირჯინი) 1:25.934

22. ლუკას დი გრასი (ბრაზილია, ვირჯინი) 1:25.974

23. ბრუნო სენა (ბრაზილია, ისპანია) 1:26.847

24. საკონ იამამოტო (იაპონია, ისპანია) 1:27.020

იაპონიის რალიზე პეტერ სოლბერგი დაწინაურდა

Solberg leads in Japan as Loeb falls behind

10 სექტემბერი

იაპონიაში, ქალაქ საპოროს შემოგარენში, სტარტი აიღო რალის მსოფლიო ჩემპიონატის მეათე ეტაპმა - იაპონიის რალიმ, რომლის პირველ დღესაც, წარუმტებლად იასპარეზა მსოფლიოს ექვსგზის ჩემპიონმა, ფრანგმა სებასტიან ლოებმა, ვინც თითქმის ერთი ქუთით ჩამორჩა რბოლის ნორვეგიელ ლიდერ პეტერ სოლბერგს (სურათზე, ასპარეზობისას).

სოლბერგმა ასპარეზობა სიცხიანმა დაიწყო, თუმცა ვიწრო და მიხვეულ-მოხვეულ გზებზე, მაინც შეძლო დაწინაურება. არადა, ”ფორდის” მიკო ჰირვონენმა და იარი-მატი ლატვალამ ბოლო სამივე სპეცმონაკვეთი მოიგეს. ამის მიუხედავად, ჰირვონენმა მესამეზე მყოფ სებასტიან ოჟიეს, ვინც გზის ცუდ მდგომარეობაზე წუწუნებდა, მხოლოდ წამით აჯობა.

”ძალიან გამიჭირდა. ახლა ყველაზე მეტად კარგად გამოძინება მჭირდება, რომ სიცხემ გამიაროს და დღეს მოპოვებული უპირატესობა შევინარჩუნო. მანქანამ შესანიშნავად იმუშავა, რამაც მაღალი ტემპით რბოლის საშუალება მომცა. მოკლედ, ჩემი გამოსვლით კმაყოფილი ვარ”, განაცხადა სოლბერგმა, ვისაც მსოფლიო ჩემპიონის ტიტული 2003 წელს აქვს მოგებული.

მისგან განსხვავებით, მანქანით უკმაყოფილო დარჩა ლოები. უპირველესად, მან ხაზი საკიდარის ცუდ მუშაობას გაუსვა. რაც შემეძლო, გავაკეთე, მაგრამ ამით ვერაფერი მოვიგეო, - ნარბოლევს განაცხადა მსოფლიო ჩემპიონმა, ვისაც ყველაფერთან ერთად, კარგი შედეგების ჩვენებაში, ხელი იმანც შეუშალა, რომ როგორც ჩემპიონატის ლიდერს, ტრასაზე პირველს უწევდა გასვლა.

ასეა თუ ისე, ლოებს დიდი შანსი აქვს, რომ მეშვიდე ტიტული საპოროშივე გაინაღდოს. ამისათვის კი მარტო გამარჯვება არ ყოფნის, მისმა კონკურენტებმაც მოწინავე ექვსეულში შესვლა ვერ უნდა შეძლონ.

”ისეთი რბოლებიც მქონია, როცა უფრო უკანაც ვყოფილვარ, მაგრამ მომიგია. მექსიკის რალის პირველი დღის შემდეგ, ლიდერთან წუთნახევარს ვაგებდი. თუმცა, ახლა ამ ჩამორჩენის ლიკვიდირება ალბათ უფრო ძნელი იქნება. მაგრამ მე მაინც ვეცდები”, - ამბობს ლოები.

იაპონიის რალი. პირველი დღე

1. პეტერ სოლბერგი (ნორვეგია, სიტროენი) 1:13:31.200

2. მიკო ჰირვონენი (ფინეთი, ფორდი) +00:09.400

3. სებასტიან ოჟიე (საფრანგეთი, სიტროენი) 00:21.300

4. იარი-მატი ლატვალა (ფინეთი, ფორდი) 00:22.400

5. დანიელ სორდო (ესპანეთი, სიტროენი) 00:36.500

6. სებასტიან ლოები (საფრანგეთი, სიტროენი) 00:54.500

7. ჰენინგ სოლბერგი (ნორვეგია,ფორდი) 01:22.200

8. მეტიუ უილსონი (ბრიტანეთი, ფორდი) 03:16.900

9. ფედერიკო ვილაგრა (არგენტინა, ფორდი) 03:46.500

10. კიმი რაიკონენი (ფინეთი, სიტროენი) 04:03.100

პრაქტიკებზე ფეტელი უსწრაფესია

Vettel fastest in Italian GP practice

10 სექტემბერი

თავისუფალი პრაქტიკების შედეგების მიხედვით თუ ვიმსჯელებთ, იტალიის დიდი პრიზის მოსაპოვებლად, სამი გუნდის - ”რედ ბულის”, ”მაკლარენის” და ”ფერარის” პილოტები იბრძოლებენ. ორივე პრაქტიკის ჯამში, საუკეთესო შედეგი სებასტიან ფეტელს ჰქონდა, თუმცაღა პირველ პრაქტიკაზე უსწრაფესი ჯენსონ ბატონი იყო.

მილანიდან ჩრდილოეთით, 20 კილომეტრში მდებარე ქალაქ მონცას ავტოდრომი, სადაც ადრე სამეფო პარკი მდებარეობდა, უსწრაფესია ფორმულა 1-ის კალენდარში და მასზე ის აეროდინამიკური ეშმაკობები, რომელთა წყალობითაც, ”რედ ბულს” ყველაზე კონკურენტუნარიანი მანქანა ჰყავს, ნაკლებად ეფექტურია. და მაინც, ფეტელმა (სურათზე) დაამტკიცა, რომ მის წარმატებებში, მანქანის გარდა, მის ოსტატობასაც დიდი წვლილი მიუძღვის. სხვა თუ არაფერი, 2008 წელს, თავისი პირველი გამარჯვება სწორედ მონცაზე, ოღონდ ”ტორო როსოს” ნაკლებად კონკურენტუნარიანი მანქანით მოიპოვა.

ფეტელს ამ სეზონში შვიდი პოულ პოზიცია აქვს მოპოვებული, თუმცა აქედან მხოლოდ ერთი მიიყვანა გამარჯვებამდე, ერთი რბოლაც პოულ პოზიციის გარეშე მოიგო. ორივე პრაქტიკაზე ყველაზე სწრაფები ”მაკლარენის” პილოტები იყვნენ, თუმცა შემდეგ ფეტელი მსუბუქი ავზებით გამოვიდა და პირველმა შეძლო წრის წუთსა და 23 წამზე ნაკლებში გავლა. მეორე, ვინც ეს მოახერხა, ”ფერარის” ფერნანდო ალონსოა.

”მაკლარენის” პილოტებმა კი აეროდინამიკური ჰაერსადინარის გარეშეც სცადეს ასპარეზობა და როგორც აღმოჩნდა, ამას მანქანის თვისებები დიდად არ შეუცვლია. ასეა თუ ისე, ჰამილტონმა ამ სადინარის გარეშე, მეორე პრაქტიკაზე, თავის თანაგუნდელთან შედარებით, ოდნავ უკეთესი დრო აჩვენა.

”რედ ბულის” ავსტრალიელ მარკ უებერს პირველ პრაქტიკაზე, წყლის ტუმბო გაუჭირვეულდა, რის გამოც, მხოლოდ მეექვსე შედეგს დასჯერდა. თუმცა, პრობლემების გარეშე, მეორე პრაქტიკაზეც მეექვსე იყო.

მეათე შედეგი ჰქონდა მიხაელ შუმახერს, ვისაც იტალიელი ფანები, მიუხედავად იმისა, რომ გერმანელმა მათი სათაყვანებელი გუნდი დატოვა, გულითადად მიესალმნენ ტრანსპარანტით: ”მიხაელ, ჩვენ ყოველთვის საუკეთესოს გისურვებთ”. მაგრამ ამ სეზონში შუმახერის საუკეთესო რბოლა ჯერ არ გვინახავს და ალბათ ამას აღარც უნდა ველოდოთ. მომავალ სეზონში კი...

იტალიის დიდი პრიზი

პირველი თავისუფალი პრაქტიკა

1. ჯენსონ ბატონი (ბრიტანეთი, მაკლარენი) 1:23.693

2. სებასტიან ფეტელი (გერმანია, რედ ბული) 1:23.790

3. ლუის ჰამილტონი (ბრიტანეთი, მაკლარენი) 1:23.967

4. რობერტ კუბიცა (პოლონეთი, რენო) 1:24.120

5. ნიკო როსბერგი (გერმანია, მერსედესი) 1:24.129

6. მარკ უებერი (ავსტრალია, რედ ბული) 1:24.446

7. ვიტანტონიო ლიუცი (იტალია, ფორს ინდია) 1:24.512

8. ფერნანდო ალონსო (ესპანეთი, ფერარი) 1:24.543

9. ფელიპე მასა (ბრაზილია, ფერარი) 1:24.648

10. მიხაელ შუმახერი (გერმანია, მერსედესი) 1:24.756

11. ნიკო ჰულკენბერგი (გერმანია, უილიამსი) 1:24.841

12. პოლ დი რესტა (ბრიტანეთი, ფორს ინდია) 1:24.923

13. ვიტალი პეტროვი (რუსეთი, რენო) 1:25.292

14. სებასტიან ბუემი (შვეიცარია, ტორო როსო) 1:25.318

15. პედრო დე ლა როსა (ესპანეთი, ზაუბერი) 1:25.320

16. კამუი კობაიაში (იაპონია, ზაუბერი) 1:25.334

17. ხაიმე აკგერსუარი (ესპანეთი, ტორო როსო) 1:25.897

18. ტიმო გლოკი (გერმანია, ვირჯინი) 1:26.772

19. იარნო ტრული (იტალია, ლოტუსი) 1:26.898

20. ლუკას დი გრასი (ბრაზილია, ვირჯინი) 1:26.956

21. ჰეიკი კოვალაინენი (ფინეთი, ლოტუსი) 1:27.374

22. ბრუნო სენა (ბრაზილია, ისპანია) 1:28.256

23. რუბენს ბარიკელო (ბრაზილია, უილიამსი) 1:28.516

24. საკონ იამამოტო (იაპონია, ისპანია) 1:29.870

მეორე თავისუფალი პრაქტიკა

1. სებასტიან ფეტელი (გერმანია, რედ ბული) 1:22.839

2. ფერნანდო ალონსო (ესპანეთი, ფერარი) 1:22.915

3. ფელიპე მასა (ბრაზილია, ფერარი) 1:23.061

4. ლუის ჰამილტონი (ბრიტანეთი, მაკლარენი) 1:23.154

5. ჯენსონ ბატონი (ბრიტანეთი, მაკლარენი) 1:23.210

6. მარკ უებერი (ავსტრალია, რედ ბული) 1:23.415

7. რუბენს ბარიკელო (ბრაზილია, უილიამსი) 1:23.708

8. რობერტ კუბიცა (პოლონეთი, რენო) 1:23.709

9. ნიკო ჰულკენბერგი (გერმანია, უილიამსი) 1:23.852

10. ნიკო როსბერგი (გერმანია, მერსედესი) 1:23.857

11. ადრიან სუტილი (გერმანია, ფორს ინდია) 1:24.181

12. ვიტანტონიო ლიუცი (იტალია, ფორს ინდია) 1:24.380

13. ვიტალი პეტროვი (რუსეთი, რენო) 1:24.407

14. მიხაელ შუმახერი (გერმანია, მერსედესი) 1:24.448

15. სებასტიან ბუემი (შვეიცარია, ტორო როსო) 1:24.517

16. პედრო დე ლა როსა (ესპანეთი, ზაუბერი) 1:24.547

17. კამუი კობაიაში (იაპონია, ზაუბერი) 1:24.785

18. ხაიმე აკგერსუარი (ესპანეთი, ტორო როსო) 1:25.106

19. იარნო ტრული (იტალია, ლოტუსი) 1:26.204

20. ჰეიკი კოვალაინენი (ფინეთი, ლოტუსი) 1:26.306

21. ლუკას დი გრასი (ბრაზილია, ვირჯინი) 1:26.631

22. ტიმო გლოკი (გერმანია, ვირჯინი) 1:26.676

23. საკონ იამამოტო (იაპონია, ისპანია) 1:29.498

24. ბრუნო სენა (ბრაზილია, ისპანია) დროის გარეშე