ფორმულა 1-ის სიახლეები ნახეთ საიტ ავტო პანორამა/ავტო მოტორზე

ფორმულა 1-ის სიახლეები ნახეთ საიტ ავტო პანორამა/ავტო მოტორზე
ფორმულა 1-ის სიახლეები ნახეთ საიტ ავტო პანორამა/ავტო მოტორზე

Wednesday, September 30, 2009

ალონსოს ”ფერარიში” გადასვლა რამდენიმე თვის წინ გადაწყდა

Fernando Alonso

30 სექტემბერი

მსოფლიოს ორგზის ჩემპიონი ფერნანდო ალონსო აცხადებს, რომ ”ფერარიში” მისი გადასვლა რამდენიმე თვის წინ გადაწყდა, თუმცა მაშინ ლაპარაკი იყო იმაზე, რომ ესპანელი პილოტი იტალიური გუნდის კომბინეზონს მერმის კი არა, 2011 წელს მოირგებდა.

”ზაფხულში ჩვენ მზად გვქონდა კონტრაქტი, რომლის მიხედვითაც, ”ფერარიში” 2011 წელს უნდა გადავსულიყავი, მაგრამ ბოლო დღეებში სიტუაცია უცებ შეიცვალა და ახლა მარანელოში ერთი წლით ადრე გადავბარგდები. ძალიან მიხარია, რომ უკვე ”ფერარის” მრბოლი ვარ. ყალყზე შემდგარი კვიცების მართვა ყველა პილოტის ოცნებაა და მე გამიმართლა, რომ ამ გუნდში გადასვლის პატივი მერგო. დიდ მადლობას ვუხდი ლუკა დი მონტეძემოლოს, რომლის გარჯის შედეგიც ეს კონტრაქტია”, - ამბობს ალონსო, ვინც ”სკუდერიაში” ფინელი კიმი რაიკონენის ადგილზე მივა.

გარიფების ფინანსური დეტალები არ გამოქვეყნებულა. თუმცა, ”ფერარიმ” თავის ვებგვერდზე დაწერა, რომ ესპანელი პილოტის ხელფასი მოსალოდნელზე მცირე იქნება, რისი მიზეზიც გლობალური ეკონომიკური კრიზისია.

”ზოგიერთ გაზეთს რომ წაიკითხავთ, იფიქრებთ, რომ მარანელოში ოქროს წვიმა მოდის, რაც ასე არაა. ზოგიერთს ისეთი რიცხვები მოჰყავს, რეალობასთან საერთო რომ არაფერი აქვს. რიცხვების წერა ადვილია, თუ დაივიწყებთ, რომ დღეს მსოფლიო ძლიერაა შეცვლილი”, - ნათქვამია ვებ გვერდზე გამოქვეყნებულ წერილში.

მიმდინარე სეზონის დარჩენილ სამ რბოლას ალონსო ისევ ”რენოში” გაატარებს და ფრანგულ გუნდს პირობას აძლევს, რომ მაქსიმალურად გაირჯება და გუნდს, რომელთან ერთადაც მსოფლიო ჩემპიონის ორი ტიტული აქვს მოპოვებული, ამით მადლობას გადაუხდის.

რაც შეეხება მის ახალ გუნდს, ალონსო ამბობს, რომ თავის სპორტულ კარიერას ”ფერარიში” დაასრულებს: ”ვიმედოვნებ, სპორტში მანამ დავრჩები, სანამ რბოლები სიამოვნებას მანიჭებს. კარიერის დასრულება კი ”ფერარიში” მსურს და იმედი მაქვს, რომ სანამ წავალ, არაერთ გამარჯვებას მოვიპოვებ. დღეს მართლა იმ განწყობაზე ვარ, რომ ”ფერარი” ჩემი ბოლო გუნდია. ”ფერარი” უფრო მეტია, ვიდრე გუნდი. და თუ მას ტოვებ, ესე იგი, ნაბიჯს უკან დგამ, მე კი ეს არ მინდა. მინდა, ამ გუნდთან ერთად შუმახერის მიღწევები გავიმეორო და რამდენიმე ტიტული მოვიპოვო. ვფიქრობ, წინ ჩემი კარიერის საუკეთესო პერიოდი მელის”.

ალონსო რაიკონენს შეცვლის

Alonso to replace Raikkonen

30 სექტემბერი

ბრიტანული ჟურნალი ”ავტოსპორტი” გვატყობინებს, რომ ”ფერარი” თავისი პილოტების ვინაობას ამ უქმეებზე, იაპონიის დიდი პრიზის დღეებში გამოაცხადებს. ამავე ჟურნალის ინფორმაციით, ყველა დაინტერესებულ პირს შორის სიტყვიერი შეთანხმება უკვე მიღწეულია და ახლა საქმე იურისტებზეა, რომლებიც ბოლო დეტალებს ათანხმებენ.

პირველ რიგში, საუბარია კიმი რაიკონენთან შეთანხმებაზე, რომლის ადგილასაც მარანელოელებს ფერნანდო ალონსო მოჰყავთ. ბოლო პრობლემა, რომელიც ამ გადასვლას ხელს უშლიდა, ფინელი პიკოტისთვის კონტრაქტის დარღვევის სანაცვლო კომპენსაციის გადახდა იყო. მაგრამ როგორც ჩანს, ეს პრობლემაც უკვე მოგვარებულია და საქმე კიმის თანხმობის იურიდიულ გაფორმებაზეღაა.

სინგაპურის რბოლოს შემდეგ, ”ფერარის” ხელმძღვანელმა სტეფანო დომენიკალიმ განაცხადა, რომ მისი გუნდი შემადგენლობას უახლოეს მომავალში გამოაცხადებს.

”როგორც კი ამისთვის მზად ვიქნებით, ყველას შეგატყობინებთ. ერთ რამეს კი ახლავე ვიტყვი - დიდხანს ლოდინს აღარ ვაპირებთ”, - განაცხადა დომენიკალიმ და კითხვაზე, ეს იაპონიის დიდი პრიზის დღეებში ხომ არ მოხდება, ასე უპასუხა - გარანტიას ვერ ვიძლევი, მაგრამ ეს შესაძლებელიაო.

მთავარი კი ისაა, რომ ახლა აღარც ”ფერარი” და აღარც ”რენო” არ უარყოფს იმას, რომ ალონსო იტალიურ გუნდში გადასვლას აპირებს. მაგალითად, ”რენოს” მმართველი დირექტორის მოვალეობის შემსრულებელმა ჟან-ფრანსუა კობემ განაცხადა - ვფიქრობ, ფერნანდოს ”რენო” მოენატრება, ”რენოს” კი ფერნანდო დააკლდებაო.

მოსალოდნელია, რომ ფრანგულ გუნდში ალონსოს ადგილს პოლონელი რობერტ კუბიცა დაიკავებს. გარდა ამისა, ”სკუდერიაში” ალონსოს გადასვლას სხვა გადასვლებიც მოჰყვება. კერძოდ, რაიკონენს უკვე ელიან ”მაკლარენში”, ნიკო როსბერგი კი ”უილიამსიდან” ”ბრაუნში” გადავა, სადაც რუბენს ბარიკელოს შეცვლის. საწყენია, რომ შესანიშნავ ფორმაში მყოფ ბრაზილიელს დიდი არჩევანი აღარ რჩება - მას ან ”ტოიოტაში” გადასვლა მოუწევს, სადაც იარნო ტრულის ადგილს დაიკავებს, ან... არჩევანი დიდია, ოღონდ არა ტოპ გუნდებს შორის.

Tuesday, September 29, 2009

ლოები შეიძლება ფორმულა 1-შიც ვიხილოთ

Sebastien Loeb

29 სექტემბერი

ფორმულა 1-ის მიმდინარე სეზონის ბოლოს, კერძოდ კი მის ბოლო ეტაპზე, რომელსაც აბუ დაბის (არაბეთის გაერთიანებული საემიროები) უახლესი ავტოდრომი ”იას მარინა ცირკვიტი” უმასპინძლებს, შესაძლოა რბოლის მონაწილეებს შორის რალიში მსოფლიოს ხუთგზის ჩემპიონი, ფრანგი სებასტიან ლოებიც ვიხილოთ.

ფრანგული გამოცემა ”პარისიენი” ვარაუდობს, რომ აბუ დაბის ეტაპზე ლოები ”რედ ბულის” მიწვევით, ”ტორო როსოს” მანქანით იასპარეზებს. ამ თემაზე მითქმა-მოთქმა მას შემდეგ გრძელდება, რაც ”ტორო როსომ” ფრანფი პილოტი სებასტიან ბურდე დაითხოვა.

მაშინ ფორმულაში ლოების გადასვლა იმ უბრალო მიზეზის გამო არ შედგა, რომ ის რალის მსოფლიო ჩემპიონატზე გამოდის და მეექვსე ტიტულისთვის იბრძვის. აბუ დაბის ეტაპი კი მას შემდეგ ტარდება, რაც რალის სეზონი დასრულებული იქნება. ამ შემთხვევაში კი ”სიტროენს”, რომლის მანქანითაც იქ ლოები ასპარეზობს, თავისი ლიდერის ფორმულაში გაშვების საწინააღმდეგო არაფერი ექნება.

თავად ლოები ამბობს, რომ ძალიან აინტერესებს საკუთარი შესაძლებლობების დიდი პრიზების ცირკში მოსინჯვა და არ გამორიცხავს, რომ ადრე თუ გვიან, ასეც მოიქცევა. მაგრამ მიმდინარე სეზონში გადასვლა გამორიცხა.

ერთადერთ პრობლემად, რამაც ლოებისთვის ფ1-ში გადასვლაში ხელის შეშლა შეუძლია, ტესტების აკრძალვაა. სწორედ ამის გამო ვერ გავხდით დიდ სპორტში მიხაელ შუმახერის დაბრუნება. მაგრამ როგორც ჩანს, ლოებს ამ პრობლემის მეტნაკლებად მოსაგვარებლად, გამოსავალი მოძებნილი აქვს.

კერძოდ, კატალონიის რალის შემდეგ, ლოები სერია GP2-ის გუნდ ”დევიდ პრაის რეისინგის” ბოლოდის საჭეს მიუჯდება ღიაბორბლიანი სარბოლი მანქანის მართვაში წაივარჯიშებს. ისე კი, ამის გამოცდილება მას უკვე აქვს - შარშან ”რედ ბულის” მანქანით ტესტები გაიარა.

Monday, September 28, 2009

”ფერარი” ალონსოსთან კონტრაქტს მალე გააფორმებს

Fernando Alonso

28 სექტემბერი

ბრიტანული ჟურნალი ”ავტოსპორტი” გვატყობინებს, რომ ”ფერარი” თავისი პილოტების ვინაობას ამ უქმეებზე, იაპონიის დიდი პრიზის დღეებში გამოაცხადებს. ამავე ჟურნალის ინფორმაციით, ყველა დაინტერესებულ პირს შორის სიტყვიერი შეთანხმება უკვე მიღწეულია და ახლა საქმე იურისტებზეა, რომლებიც ბოლო დეტალებს ათანხმებენ.

პირველ რიგში, საუბარია კიმი რაიკონენთან შეთანხმებაზე, რომლის ადგილასაც მარანელოელებს ფერნანდო ალონსო მოჰყავთ. ბოლო პრობლემა, რომელიც ამ გადასვლას ხელს უშლიდა, ფინელი პიკოტისთვის კონტრაქტის დარღვევის სანაცვლო კომპენსაციის გადახდა იყო. მაგრამ როგორც ჩანს, ეს პრობლემაც უკვე მოგვარებულია და საქმე კიმის თანხმობის იურიდიულ გაფორმებაზეღაა.

სინგაპურის რბოლოს შემდეგ, ”ფერარის” ხელმძღვანელმა სტეფანო დომენიკალიმ განაცხადა, რომ მისი გუნდი შემადგენლობას უახლოეს მომავალში გამოაცხადებს.

”როგორც კი ამისთვის მზად ვიქნებით, ყველას შეგატყობინებთ. ერთ რამეს კი ახლავე ვიტყვი - დიდხანს ლოდინს აღარ ვაპირებთ”, - განაცხადა დომენიკალიმ და კითხვაზე, ეს იაპონიის დიდი პრიზის დღეებში ხომ არ მოხდება, ასე უპასუხა - გარანტიას ვერ ვიძლევი, მაგრამ ეს შესაძლებელიაო.

მთავარი კი ისაა, რომ ახლა აღარც ”ფერარი” და აღარც ”რენო” არ უარყოფს იმას, რომ ალონსო იტალიურ გუნდში გადასვლას აპირებს. მაგალითად, ”რენოს” მმართველი დირექტორის მოვალეობის შემსრულებელმა ჟან-ფრანსუა კობემ განაცხადა - ვფიქრობ, ფერნანდოს ”რენო” მოენატრება, ”რენოს” კი ფერნანდო დააკლდებაო.

მოსალოდნელია, რომ ფრანგულ გუნდში ალონსოს ადგილს პოლონელი რობერტ კუბიცა დაიკავებს. გარდა ამისა, ”სკუდერიაში” ალონსოს გადასვლას სხვა გადასვლებიც მოჰყვება. კერძოდ, რაიკონენს უკვე ელიან ”მაკლარენში”, ნიკო როსბერგი კი ”უილიამსიდან” ”ბრაუნში” გადავა, სადაც რუბენს ბარიკელოს შეცვლის. საწყენია, რომ შესანიშნავ ფორმაში მყოფ ბრაზილიელს დიდი არჩევანი აღარ რჩება - მას ან ”ტოიოტაში” გადასვლა მოუწევს, სადაც იარნო ტრულის ადგილს დაიკავებს, ან... არჩევანი დიდია, ოღონდ არა ტოპ გუნდებს შორის.

ბატონი უკვე ჩემპიონი უნდა იყოს

Jenson Button

28 სექტემბერი

ეს იმ შემთხვევაში მოხდებოდა, თუ ბერნი ეკლსტოუნი თავისას გაიტანდა და ფორმულა 1-ში ჩემპიონის გამოსავლენ მთავარ პირობად გამარჯვებათა რაოდენობა გამოცხადდებოდა.

ეკლსტოუნს ამ სეზონის დასაწყისში ეგრეთ წოდებული მედლების სისტემის შემოღება სურდა, რომლის მიხედვითაც, რბოლის ბოლოს, მხოლოდ მოწინავე სამ ადგილზე გასული პილოტების შედეგები დაფიქსირდებოდა. ჩემპიონად კი ის პილოტი გამოცხადდებოდა, რომელიც სეზონის განმავლობაში ყველაზე მეტ ოქროს მედალს მოუყრიდა თავს. თანაბარი რაოდენობის გამარჯვებათა შემთხვევაში, ანგარიშში ვერცხლის და ბრინჯაოს მედლების რაოდენობასაც ჩართავდნენ.

ამ სეზონში ჯენსონ ბატონს 6 გამარჯვება უკვე მოპოვებული აქვს. გამარჯვებათა რაოდენობით, მისი უახლოესი მდევრები რუბენს ბარიკელო, სებასტიან ფეტელი და ლუის ჰამილტონი არიან, რომელთა ანგარიშზე მხოლოდ 2-2 გამარჯვებაა. და თუ გავითვალისწინებთ იმას, რომ სეზონის დასრულებამდე სულ სამი ეტაპიღა დარჩა, ესე იგი, მოგებების მხრივ, ბატონი ყველასათვის მიუღწეველი რჩება და ეკლსტოუნს თავისი რომ გაეტანა, ბრიტანელი ჩემპიონად სინგაპურშივე გამოცხადდებოდა.

ისე კი, მედლების სისტემა თვალში არც თავად ბატონს მოსდის: ”პრინციპი ”მოგებული ყველაფერს ღებულობს”, ფორმულა 1-თვის უცნაურად ჟღერს. მიმაჩნია, რომ ქულების დარიცხვის სისტემა უნდა შევინარჩუნოთ, რომელიც ჩვენი სპორტის ისტორიის ნაწილია. ჩემპიონატის არსს ყველაზე მეტად ქულების სისტემა ასახავს და ძალიან მინდა, ტიტული სწორედ ამ სისტემით მოვიპოვო”.

მას ”ბრაუნ GP-ს” აღმასრულებელი დირექტორი ნიკ ფრაიც ეთანხმება, რომელსაც დამატებითი არგუმენტებიც მოჰყავს: ”ყოველთვის საინტერესოა, როდესაც ჩემპიონის ტიტულის ბედი ბოლო რბოლაში წყდება. არ მგონის, ოლიმპიური თამაშებისგან ნასესხები სისტემა ოდესმე ფორმულა 1-შიც დამკვიდრდეს. მართებულად მოვიქეცით, როდესაც მედლების სისტემაზე უარი ვთქვით და ყველაფერი უცვლელად დავტოვეთ”.

Sunday, September 27, 2009

ჩემპიონმა მოიგო, ახალი ჩემპიონი გამოიკვეთა

Singapore Grand Prix

27 სექტემბერი

მსოფლიოს ბრიტანელი ჩემპიონის, ლუის ჰამილტონის გამარჯვებით დასრულდა ფორმულა 1-ის მსოფლიო ჩემპიონატის მე-14 ეტაპი - სინგაპურის დიდი პრიზი. იმავდროულად, მიმდინარე ჩემპიონატის ბრიტანელმა ლიდერმა ჯენსონ ბატონმა მოწინავე პოზიცია კიდევ უფრო გაიმყარა და უახლოეს მდევარსა და თანაგუნდელთან, ბრაზილილ რუბენს ბარიკლოსთან უპირატესობა ერთი ქულით, 15 ქულამდე გაზარდა.

ჰამილტონმა რბოლა პოულ პოზიციიდან აიღო და ლიდერობა ფინიშამდე შეინარჩუნა. არადა, პარასკევის თავისუფალ პრაქტიკაზე მის მანქანას პრობლემები ჰქონდა. თუმცა შემდეგ გუნდმა მას შასი გამოუცვალა და მანქანამაც ისე იმუშავა, როგორც ჩემპიონს შეეფერებოდა. ამის შედეგი კი ისაა, რომ ”მაკლარენისა” და ”მერსედეს-ბენცის” ტანდემმა მე-60 გამარჯვება იზეიმა.

”პარასკევს პრობლემები გვქონდა, მაგრამ შაბათს სიტუაცია გამოსწორდა. რბოლის დასაწყისიც ისეთი გამომივიდა, როგორსაც ვისურვებდი. პირველივე წრეზე ვიცოდი, რომ უპირატესობა მქონდა, რადგან სხვებზე გვიან შევდიოდი ბოქსში. მოკლედ, დასაწყისიდანვე სრულად ვაკონტროლებდი სიტუაციას, რისთვისაც ჩემს თანაგუნდელებს მადლობას ვუხდი. სწორედ მათი დამსახურებაა, რომ მთელი რბოლის განმავლობაში ასეთი უპირატესობა მქონდა”, - ნარბოლევს განაცხადა ჩემპიონმა, რომელმაც თავისი ტიტული ფაქტობრივად წინა რბოლაზე, მონცაზე მაშინ დაკარგა, როცა ბოლო წრეზე ავარია მოუვიდა. არადა, იმ მომენტში მეორე ადგილზე იმყოფებოდა.

ჰამილტონმა ფინიშთან თითქმის ათი წამით მიასწრო ”ტოიოტას” გერმანელ ტიმო გლოკს, ვინც მთელი რბოლის განმავლობაში მეწინავეთა შორის იმყოფებოდა, კარგად ისარგებლა მეტოქეთა შეცდომბით და საბოლოოდ, კარიერის საუკეთესო შედეგი გაიმეორა. გლოკისთვის ეს ამ სეზონში მეორე კვარცხლბეკია, კარიერაში კი მან მეორედ (უნგრეთი 2008-ს შემდეგ) დაიკავა მეორე ადგილი.

რაც შეეხება ბატონს, ის ერთ-ერთი მათგანი იყო, ვინც ტრასაზე პეისკარის გამოსვლით ისარგებლა. ეს კი მე-20 წრეზე მოხდა, მას შემდეგ, რაც ადრიან სუტილმა ხაიმე ალგერსუარის გასწრება სცადა. გერმანელს მანევრი არ გამოუვიდა და მას მანქანა დაუტრიალდა. თანაც, მისი ”ფორს ინდია” ცუდ ადგილზე ჩარჩა. მართალია, უკან მომავალმა იარნო ტრულიმ (ტოიოტა) მისთვის გვერდის ავლა მოასწრო, მაგრამ გერმანელ ნიკ ჰაიდფელდის ”ბეემვე ზაუბერმა” ზედ ცხვირზე გადაუარა. მოკლედ, ტრასის ეს მონაკვეთი ნამსხვრევებით მოიფინა და ტრასაზე გამოსვლა არც ”მშვიდობის მანქანას” დაუგვიანია.

ბატონი იმ პილოტებს შორის იყო, რომლებიც რეზინის შესაცვლელად ჯერ ბოქსში ნამყოფები არ იყვნენ და ეს მაშინ გააკეთეს, როდესაც მეტოქეთა ტმპი პეისკარმა შეზღუდა. მოკლედ, ჩემპიონატის ლიდერმა ამით ორი ადგილი მოიგო. მართალია, ბარიკელო ჯერაც მის წინ იყო, მაგრამ მეორე, გვიანი პიტსტოპის წყალობით, ბატონმა ისიც ჩამოიტოვა და საბოლოოდ, მასზე ერთით მეტი ქულა აიღო, რითაც ლიდერის პოზიცია კიდევ უფრო გაიმყარა.

მოკლედ, ბატონს დარჩენილ სამ რბოლაში 16 ქულა სჭირდება იმისათვის, რომ მისი ჩემპიონობა სხვაზე (ბარიკელოზე) აღარ იყოს დამოკიდებული. მის გუნდს კი ჩემპიონობის გასანაღდებლად 6 ქულაც კი ეყოფა.

შემდეგ ეტაპს ერთ კვირაში იაპონიის სუზუკა უმასპინძლებს.

სინგაპურის დიდი პრიზი

სინგაპური. დისტანცია 308.950 კმ (5.067 კმ - 61 წრე)

1. ლუის ჰამილტონი (ბრიტანეთი, მაკლარენი) 1:56:6.337

2. ტიმო გლოკი (გერმანია, ტოიოტა) +9.634

3. ფერნანდო ალონსო (ესპანეთი, რენო) 0:16.624

4. სებასტიან ფეტელი (გერმანია, რედ ბულ-რენო) 0:20.261

5. ჯენსონ ბატონი (ბრიტანეთი, ბრაუნ GP) 0:30.015

6. რუბენს ბარიკელო (ბრაზილია, ბრაუნ GP) 0:31.858

7. ჰეიკი კოვალაინენი (ფინეთი, მაკლარენი) 0:36.157

8. რობერტ კუბიცა (პოლონეთი, BMW ზაუბერი) 0:55.054

9. კაზუკი ნაკაძიმა (იაპონია, უილიამს-ტოიოტა) 0:56.054

10. კიმი რაიკონენი (ფინეთი, ფერარი) 0:58.892

11. ნიკო როსბერგი (გერმანია, უილიამს-ტოიოტა) 0:59.777

12. იარნო ტრული (იტალია, ტოიოტა) 1:13.009

13. ჯანკარლო ფიზიკელა (იტალია, ფერარი) 1:19.890

14. ვიტანტონიო ლიუცი (იტალია,ფორს ინდია) 1:33.502

. ხაიმე ალგერსუარი (ესპანეთი, ტორო როსო) 14 წრე

. სებასტიან ბუემი (შვეიცარია, ტორო როსო) 14 წრე

. მარკ უებერი (ავსტრალია,რედ ბულ-რენო) 16 წრე

. ადრიან სუტილი (გერმანია, ფორს ინდია) 38 წრე

. ნიკ ჰაიდფელდი (გერმანია, BMW ზაუბერი) 42 წრე

. რომენ გროჟანი (საფრანგეთი, რენო) 58 წრე

შენიშვნა: გ - გამოეთიშა

უსწრაფესი წრე: ფერნანდო ალონსო - 1:48.240, 53-ე წრე

პილოტთა კლასიფიკაცია

1. ჯენსონ ბატონი - 84 ქულა; 2. რუბენს ბარიკელო - 69; 3. სებასტიან ფეტელი - 59; 4. მარკ უებერი - 51.5; 5. კიმი რაიკონენი - 40; 6. ლუის ჰამილტონი - 37; 7. ნიკო როსბერგი - 30.5; 8. ფერნანდო ალონსო - 26; 9. ტიმო გლოკი - 24; 10. იარნო ტრული - 22.5; 11. ფელიპე მასა (ბრაზილია, ფერარი) - 22; 12. ჰეიკი კოვალაინენი - 22; 13. ნიკ ჰაიდფელდი - 12; 14. რობერტ კუბიცა - 9; 15. ჯანკარლო ფიზიკელა - 8 *; 16. ადრიან სუტილი - 5; 17. სებასტიან ბუემი - 3; 18. სებასტიან ბუემი ბურდე (საფრანგეთი, ტორო როსო) - 2; 19. კაზუკი ნაკაძიმა - 0; 20. ნელსონ პიკე (ბრაზილია, რენო) -0; 21. ლუკა ბადოერი (იტალია, ფერარი) - 0; 22. ვიტანტონიო ლიუცი - 0; 23. რომენ გროჟანი - 0; 24. ხაიმე ალგერსუარი - 0

* - ფიზიკელამ ყველა ქულა ”ფორს ინდიას” მანქანით მოიპოვა

კონსტრუქტორთა პირველობა

1. ბრაუნ-მერსედესი - 153 ქულა; 2. რედ ბულ-რენო - 110.5; 3. ფერარი - 62; 4. მაკლარენ-მერსედესი - 59; 5. ტოიოტა - 46.5; 6. უილიამს-ტოიოტა - 30.5; 7. რენო - 26; 8. ბეემვე ზაუბერი - 21; 9. ფორს ინდია-მერსედესი - 13; 10. ტორო როსო-ფერარი - 5

”ბეემვე ზაუბერი” მოდერნიზებული მანქანით

BMW Sauber

27 სექტემბერი

”ბეემვე” ფორმულა ერთს ტოვებს, მაგრამ ამის მიუხედავად, სეზონის ბოლომდე ისე იბრძვის, გეგონებათ მომავალი გარანტირებული აქვსო. ამის დასტური კი ისაა, რომ სინგაპურში გუნდმა მნიშვნლოვნად მოდიფიცირებული მანქანა გამოიყვანა. დაიხვეწა არამხოლოდ მანქანის აეროდინამიკა, არამედ სერიოზულად გადახალისდა მთელი შასი.

”შემიძლია ვთქვა, რომ კოკპიტისა და საჭის გარდა, ყველაფერი ახალი გვაქვს. ჩატარებული სამუშაო კი წრეზე დაახლოებით 0.1 წამს მოგვცემს”, - ამბობს გუნდის საინჟინრო განყოფილების შეფი (მთავარი ინჟინერი) ვილი რამპფი.

რამპფისვე თქმით, ყველა სიახლე, რომლებსაც გუნდი სინგაპურში გამოიყენებს, მომავალი სეზონის მანქანაზეც დაინერგება. სწორედ ამით აიხსნება ის ფაქტი, რომ სეზონის მიწურულს გუნდმა შასის მოდერნიზება გადაწყვიტა.

მოდერნიზებული F1.09-ს წინა ფრთა ძლიერ დაემგვანა ”ბრაუნის” მანქანის შესაბამის ელემენტს. მაგალითად, ზომებში შემცირებულია ფრთების ტორსული ფირფიტები, ავტომობილის კორპუსზე კი რამდენიმე დამატებითი აეროდინამიკური ელემენტი გამოჩნდა, რომლების უკანა ხედვის სარკეების არეალში გამოჩნდა, სადაც მსგავსი ელემენტების გამოყენება აკრძალული არაა. სარკეები რადიატორების კორპუსებზეა გადატანილი.

უფრო სერიოზული ცვლილება კი მანქანამ უკანა ნაწილში განიცადა. აქ შეცვლილია მისი აგრეგატების შეთანწყობა. დადაბლდა ძარის ის ნაწილი, რომელიც ძრავს ფარავს. რაც მთავარია, წინ წაიწია დიფუზორის წინა ნაწილმა, რაც მის ეფექტურობას გაზრდის. მარიო თაისენის თქმით, გაბარიტებში შემცირდა გადაცემათა კოლოფი, რომელიც მანქანის კორპუსის ქვეშ ნაკლებ ადგილს იკავებს. შედარებით დაბლა განლაგდა ამორტიზატორებიც. თუმცა, უკანა საკიდარის გეომეტრია უცვლელი დარჩა. სამაგიეროდ, ავტომობილის სიმძიმის ცენტრმა დაბლა დაიწია, რაც მის მანევრულობას გამოადგება.

ჟურნალ ”ავტოსპორტის” შეფასებით, სიახლეთაგან ”ბეემვეს” ყველაზე ძვირი გადაცემათა კოლოფის მოდერნიზაცია დაუჯდებოდა. არადა, თუ გუნდი ჩემპიონატში დარჩა, ეს კოლოფი მაინც აღარ გამოადგება, რადგან მერმისიდან ის ”ფერარის” აგრეგატებზე გადავა.

”სანტანდერი” რაიკონენს 25 მილიონად გამოისყიდის?

Kimi Raikkonen

26 სექტემბერი

რაიკონენის გაშვებაში ”სანტანდერი” 25 მილიონ ევროს იხდის

.....................................................................................................

ესპანური საბანკო გაერთიანება ”სანტანდერი” მზადაა, კიმი რაიკონენს 25 მილიონი ევრო გადაუხადოს იმ შემთხვევაში, თუ ფინელი პილოტი ”ფერარისთან” კონტრაქტის ერთი წლით ადრე გაწყვეტას დათანხმდება.

დიდი ხანია, არავინ მალავს, რომ მარანელოელებს მსოფლიოს ყოფილი ჩემპიონის ადგილზე ესპანელი ფერნანდო ალონსოს მოყვანა სურთ, მაგრამ იმისათვის, რომ ეს გააკეთონ, ჯერ მისთვის ადგილი უნდა გამოათავისუფლონ. ”სკუდერია” ფელიპე მასას გაშვებას არ აპირებს. თუმცა, მისი გაშვებაც რომ მოენდომებინა, კონტრაქტის გაწყვეტისთვის სოლიდური თანხის გადახდა მაინც მოუწევდა.

მაგრამ როგორც ირკვევა, რაიკონენი სრულად მოითხოვს იმ თანხას, რომელიც კონტრაქტის შესაბამისად, მომავალ სეზონში ხელფასის სახით უნდა მიეღო. მოკლედ, სანამ კიმი ჯიუტობს, ”ფერარისა” და ალონსოს ”ქორწინება” არ გამოდის. არადა, სხვა გუნდები და პილოტებიც კი აღიარებენ, რომ ისინიც ამ გადასვლის მოლოდინში არიან და როგორც კი ალონსო წითელ კომბინეზონს მოირგებს, სხვა გადასვლებიც მალევე განხორციელდება.

მოკლედ, რაიკონენი ერთგვარი გორდიას კვანძი გახდა და როგორც ჩანს, კეისრის როლის თამაში ”სანტანდერს” აქვს გადაწყვეტილი. ოღონდ, ხმლის როლს ამ შემთხვევაში საბანკო ანგარიში შეასრულებს.

რა თქმა უნდა, ამის საწინააღმდეგო არაფერი აქვს ”მაკლარენის” შეფ მარტინ უიტმარშს, რომელმაც ”სპორტ ბილდთან” საუბარში განაცხადა - შესაძლოა, კიმი ყველაზე ნიჭიერია ახლანდელ პილოტებს შორისო.

”მერსედეს მოტორშპორტის” ვიცე პრეზიდენტი ნორბერტ ჰაუგი უიტმარშს კვერს უკრავს - ჩვენ რომ კიმისთვის 2005-ში საიმედო ძრავები მიგვეწოდებინა, ის ჩემპიონი ალბათ იმ სეზონშივე გახდებოდაო.

და აი, სინგაპურში ფინელმა პილოტმა განაცხადა, რომ მის კარიერაში ცვლილებაა მოსალოდნელი - კონტრაქტით, ”ფერარიში” მერმისაც უნდა ვიყო, მაგრამ ვფიქრობ, გუნდს ამ თემის განხილვის სურვილი აქვსო.

უფრო ადრე, ფრანკფურტის მოტორ შოუზე, ”ფერარის” პრეზიდენტმა ლუკა დი მონტეძემოლომ ჟურნალისტებს განუცხადა, რომ მისი გუნდი პილოტების ვინაობას უახლოეს მომავალში დაასახელებს. ერთი შეხედვით, ამის საჭიროება არ არსებობს - რაიკონენსაც და ფელიპე მასასაც კონტრაქტები ჯიბეში აქვთ. და რამდენადაც მარანელოელები პილოტების დასახელებაზე ლაპარაკობენ, ესე იგი, ცვლილება მზადდება.

ამ თემაზე კითხვა ალონსოს ესპანურმა გაზეთმა ”ელ მუნდომ” დაუსვა, რაზეც შემდეგი პასუხი მიიღო: ”მონტეძემოლომ თქვა, რომ ეს მალე მოხდება, მაგრამ მე არ ვიცი, ეზ ზუსტად როდის მოხდება. პირადად მე, გადაწყვეტილება მეტ-ნაკლებად მიღებული მაქვს, მაგრამ ერთი კი არა, რამდენიმე ვარიანტი მაქვს”.

ეს ალბათ იმასაც ნიშნავს, რომ ნებისმიერ შემთხვევაში, ალონსო ”რენოს” დატოვებს...

Saturday, September 26, 2009

სინგაპურის დიდი პრიზი

Singapore Grand Prix

27 სექტემბერი


დისტანცია 308.950 კმ - 61 წრე, 5.067 კმ
.............................................................................

სინგაპურის დიდი პრიზი უახლესია ფორმულა 1-ის ეტაპებს შორის (სანამ აბუ დაბის ეტაპი ჩატარდება) და ის ქალაქ-სახელმწიფოს ქუჩებში, სანაპირო ზოლში ტარდება. რაც მთავარია, ფორმულა 1-ის ისტორიაში, ღამის პირველ რბოლას შარშან სწორედ სინგაპურმა უმასპინძლა. დაკიდევ, საქალაქო ტრასებს შორის, სინგაპურული ყველაზე სწრაფია - აქ მანქანების სიჩქარე სამჯერ უახლოვდება 280 კმ/სთ-ს. თუმცა, ჩემპიონატში შემავალ ეტაპებს შორის, სინგაპურული მეორე ყველაზე ნელია მონაკოს შემდეგ.

ტრასა ერთ წელიწადში მომზადდა. თითქოს, რეკორდული ვადა არაა, მაგრამ აქ ისიც გასათვალისწინებელია, რომ რბოლის ორგანიზატორებს 5067-მეტრიანი გზის გასწვრივ, განათების მძლავრი სისტემების დამონტაჟება დასჭირდათ. თანაც, ტრასის გზის საფარისთვის ასფალტის სპეციალური მარკა შეიქმნა, რომლის შემუშავებაშიც, მონაწილეობა ნავთობგიგანტ შელის სპეციალისტებმაც მიიღეს. ”შელი” ირწმუნება, რომ ახალი ასფალტი დაახლოებით 20 პროცენტით აუმჯობესებს გზასთან საბურავების ჩაჭიდების ხარისხს და საშუალო სიჩქარის ზრდაც ამის შედეგია.

ტრასას გასწვრივ მიჰყვება უნიკალური, დასაშლელი ზღუდე, რომელიც 2000 ბლოკისგან შედგება. ამ ბლოკებს სარბოლი უქმეების წინა დღეებში აწყობენ და რბოლის დასრულებისთანავე შლიან. ასე რომ, არასარბოლ დღეებში გზას არც კი ეტყობა, თუ მას სარბოლ ტრასად იყენებენ.

ტრასის გასწვრივ 240 ბოძია განლაგებული, რომლებზეც 1500 პროჟექტორი განათავსეს. თითოეულის სიმძლავრე 2000 ვატს აღწევს. ტრასის განათების სისტემა კი ჯამში 3 მილიონ ვატზე მეტ ელექტროენერგიას მოიხმარს.

ტრასას 13 მარცხენა და 10 მარჯვენა მოსახვევი აქვს. მათგან გასწრებისთვის ყველაზე მოსახერხებელი სამია - პირველი, მეშვიდე და მე-14 მოსახვევები. ყველაზე ნელ მოსახვევში სიჩქარე 75 კმ/სთ-მდე ეცემა, ყველაზე ჩქარში კი 275 კმ/სთ-ს აღწევს.

სინგაპურის ტრასა ძლიერ მომთხოვნია მუხრუჭებისადმი. მასზე მაქსიმალური ჩაჭიდების მისაღწევად კი მანქანების ანტი ფრთებს მაქსიმალურად ტვირთავენ - იზრდება მათი დახრის (შეტევის) კუთხე, რითაც მასზე აეროდინამიკური დატვირთვაც იზრდება და ეს მანქანის მანევრულობას აუმჯობესებს.