ფორმულა 1-ის სიახლეები ნახეთ საიტ ავტო პანორამა/ავტო მოტორზე

ფორმულა 1-ის სიახლეები ნახეთ საიტ ავტო პანორამა/ავტო მოტორზე
ფორმულა 1-ის სიახლეები ნახეთ საიტ ავტო პანორამა/ავტო მოტორზე

Sunday, September 11, 2011

ფეტელი თითქმის ორგზის ჩემპიონია

Vettel has a hand on title after Italy win
11 სექტემბერი
დღეს უკვე თამამად შეიძლება იმის თქმა, რომ სებასტიან ფეტელი ზედიზედ მეორედ გახდება მსოფლიო ჩემპიონი. დარჩენილ 6 რბოლაში, მას სულ 38 ქულაღა სჭირდება იმისათვის, რომ ტიტული გაინაღდოს. ესეც მხოლოდ იმ შემთხვევაში, თუ 6-ვე რბოლას ფერნანდო ალონსო მოიგებს. 38 ქულის მოგროვებისთვის კი მას ორი მეორე და ერთი მეცხრე ადგილი (ან სხვა კომბინაციები) ეყოფა...

Saturday, September 10, 2011

მოკლე გადაცემები - ფეტელის გამარჯვების ფორმულა?

Gear ratio key in Vettel's victory chances at the Italian Grand Prix
10 სექტემბერი
როგორც მისი მეტოქეები ამბობენ, სებასტიან ფეტელი იტალიის დიდი პრიზის მოგებას შეძლებს, თუ დასაწყისშივე შეძლებს მეტოქეების შორ მანძილზე ჩამოტოვებას. მართალია, კვალიფიკაციაზე მან თითქმის ნახევარი წამით აჯობა უახლოეს მდევარ ლუის ჰამილტონს, მაგრამ როგორც ირკვევა, ამას გადაცემათა კოლოფში შედარებით მოკლე გადაცემების წყალობით მიაღწია, რაც რბოლაში უპირატესობას ვერ მისცემს.

პოული მაინც ფეტელისაა

Vettel on pole for Red Bull in Italy
10 სექტემბერი
მიუხედავად იმისა, რომ თავისუფალი პრაქტიკების შემდგ, სებასტიან ფეტელი აღიარებდა, მონცას ტრასა ჩვენს მანქანას ნაკლებად შეეფერებაო, კვალიფიკაციაზე მაინც კიდევ ერთხელ, ”რედ ბულის” და ჩემპიონატის ლიდერის დომინაციის მომსწრენი გავხდით. ამგვარად, მიმდინარე ჩემპიონატის 13-ვე კვალიფიკაცია ”რედ ბულის” პილოტებმა მოიგეს.

Friday, September 9, 2011

კუბიცა მალე საჭეს მიუჯდება

Kubica set to start driving in October
9 სექტემბერი
რობერტ კუბიცას მენეჯერი დანიელე მორელი ამბობს, რომ ძალიან მალე, პოლონელი მრბოლი ავტომობილის, ან სიმულატორის საჭეს მიუჯდება და არც ის დროა შორს, როდესაც მას ფორმულა ერთის რბოლებში ისევ ვიხილავთ. ორი კვირის წინ, მას ტრავმირებულ მარჯვენა იდაყვზე ბოლო ოპერაცია გაუკეთეს, რის შემდეგაც, რეაბილიტაციის პროცესი მნიშვნელოვნად დაჩქარდა.

ჰამილტონი ფეტელზე სწრაფია

Hamilton fastest at Monza
9 სექტემბერი
იტალიის დიდი პრიზის პირველი ორი პრაქტიკის შემდეგ, საუკეთესო შედეგი ”მაკლარენის” ლუის ჰამილტონს აქვს, რომელმაც ერთადრთმა შეძლო წრის წუთსა და 24 წამზე ნაკლებში გავლა. საუკეთესო შედეგი (1:23.865) მან პირველივე სესიაზე დააფიქსირა და მართალია, მეორეზე მასზე სწრაფი ”რედ ბულის” სებასტიან ფეტელი იყო, მაგრამ ორი სესიის ჯამში, გერმანელს მაინც მეორე საუკეთესო შედეგი აღმოაჩნდა. მეორე სესიაზე ჰამილტონს მხოლოდ მოქმედმა ჩემპიონმა აჯობა და ისიც, 0.036 წამით.

”რედ ბული” ”რენოსთან” დარჩა

Red Bull and Renault extend F1 engine deal
9 სექტემბერი
იტალიის დიდი პრიზის წინ, თავიანტი კონტრაქტი ხუთი წლით განაახლეს ”რედ ბულმა” და ”რენომ”, რომელთა პარტნიორობაც 2007 წელს დაიწყო. ავსტრიულმა გუნდმა აღარ ისურვა იმ კომპანიასთან თანამშრომლობის გაწყვეტა, რომლის ძრავების დახმარებითაც, გასულ სეზონში ორივე ტიტულს დაეუფლა და მიმდინარე სეზონშიც, შარშანდელი წარმატების გამეორებასთან ახლოსაა.

Wednesday, September 7, 2011

”მაკლარენს” ჰამილტონის აგრესიის დაოკება არ სურს

McLaren says it won't ask Hamilton to change aggressive style
7 სექტემბერი
ჰამილტონის მანქანა ბელგიაში
ავარიის შემდეგ
”მაკლარენი” აცხადებს, რომ არ აპირებს, ლუის ჰამილტონს თავისი აგრესიული სარბოლი სტილის შეცვლა მოსთხოვოს, რამაც ბრიტანელს ამ სეზონში რამდენჯერმე ცუდი სამსახური გაუწია. უფრო მეტიც, სწორედ ამ ჭარბი აგრესიის გამო, მან ბელგიაში დასანანი შეცდომა დაუშვა, რამაც რბოლას გამოთიშა და პრაქტიკულად დააკარგვინა ჩემპიონობისთვის ბრძოლის შანსი.

Sunday, September 4, 2011

”რენოს” შეფი სენას გამოსვლით კმაყოფილია


Renault boss Eric Boullier says Bruno Senna has boosted team
4 სექტემბერი
”რენოს” გუნდის შეფი ერიკ ბულიე ამბობს, რომ ბრუნო სენას კარგმა გამოსვლამ ბელგიის დიდ პრიზზე, გუნდის წევრებზე დადებითად იმოქმედა და ისინი საბრძოლველად განაწყო. სენამ კვალიფიკაცია მეშვიდე შედეგით დაასრულა და მართალია, რბოლის დასაწყისშივე შეცდა, მაგრამ საერთო ჯამში, ფრანგულ გუნდში მისი დებიუტი დადებითად შეფასდა.

Thursday, September 1, 2011

ფორმულა 1-ის ახალი კალენდარში 20 ეტაპი შევიდა


Turkish Grand Prix loses place on revised 2012 Formula 1 calendar
1 სექტემბერი
და ამ კალენდარში აღარაა შეტანილი თურქული დიდი პრიზი, რომელიც პირველად 2005 წელს ჩატარდა. კალენდრის საბოლოო ვარიანტი საერთაშორისო საავტომობილო ფედერაციის (FIA-ს) მსოფლიო მოტორ სპორტის საბჭომ გამოაქვეყნა, რომელმაც კალენდრის ბერნი ეკლსტოუნისეულ ვარიანტში რამდენიმე ცვლილებაც შეიტანა.

Tuesday, August 30, 2011

კობაიაში: შეჯახება ჰამილტონის შეცდომამ გამოიწვია


Kobayashi says Lewis Hamilton was at fault in their Spa clash
29 აგვისტო
ბელგიის დიდი პრიზის შემდეგ, ”ზაუბერის” იაპონელმა მრბოლმა კამუი კობაიაშიმ განაცხადა, რომ რბოლის დროს, მასა და ლუის ჰამილტონს შორის მომხდარი შეჯახება, ბრიტანელის შეცდომამ გამოიწვია.

Sunday, August 28, 2011

ფეტელმა ბელგიაში მეშვიდე გამარჯვება მოიპოვა


Vettel wins Belgian Grand Prix
28 აგვისტო

სებასტიან ფეტელმა მიმდინარე სეზონში მეშვიდე გამარჯვება ბელგიაში იზეიმა და ამით, კიდევ ერთი ნაბიჯი გადადგა ზედიზედ მეორე ტიტულისკენ. ახლა ის უკვე 92 ქულას უგებს უახლოეს მდევარს, საკუთარ თანაგუნდელ მარკ უებერს და საეჭვოა, ავსტრალიელმა, რომელსაც ჯერ ამ სეზონში ერთი მოგებაც არ აქვს, ესოდენ სოლიდური ჰანდიკაპის აღმოფხვრა შეძლოს.

Saturday, August 27, 2011

მალდონადო დაჯარიმდა, ჰამილტონი გააფრთხილეს

Pastor Maldonado penalised
27 აგვისტო
ლუის ჰამილტონთან კვალიფიკაციის მეორე სექტორში მომხდარი ინციდენტის გამო, ხუთი პოზიციით დაჯარიმდა ”უილიამსის” ვენესუელელი პილოტი პასტორ მალდონადო (ფოტოზე).

”რედ ბულმა” უებერი დაიტოვა


Webber staying at Red Bull in 2012
27 აგვისტო
როგორც მოსალოდნელი იყო, ”რედ ბულ რეისინგმა” თავისი ავსტრალიელი მრბოლი მარკ უებერი მომავალი სეზონისთვისაც დაიტოვა. თან ეტყობა, გუნდმა ეს გადაწყვეტილება კარგა ხნის წინ მიიღო, მაგრამ მისი გამოცხადება, ოზი პილოტის დაბადების დღეს დაამთხვია. 27 აგვისტოს მას 35 წელი შეუსრულდა.

წვიმიანი ბელგიის პოული ფეტელს

Vettel pips Hamilton for Spa pole

27 აგვისტო
მიმდინარე სეზონში ”რედ ბულ რეისინგის” საკვალიფიკაციო დომინაცია გრძელდება - ისევე როგორც წინა 11 ეტაპზე, ბელგიაშიც საუკეთესო სწორედ ავსტრიული გუნდი და ჩემპიონატის ლიდერი, მსოფლიოს მოქმედი ჩემპიონი სებასტიან ფეტელი არიან. ფეტელმა სესიის ბოლო წამებზე შეძლო ”მაკლარენის” ლუის ჰამილტონის ჯობნა და მიმდინარე სეზონში მეცხრე პოულს დაეუფლა.

Friday, August 26, 2011

წვიმიან პრაქტიკებზე ყველაზე სწრაფი უებერი იყო


Webber on top at rainy Spa
26 აგვისტო
ოცი წლის წინ, სწორედ ბელგიის დიდ პრიზზე შედგა მიხაელ შუმახერის დებიუტი ფორმულა ერთში. მაშინ მან ”ჯორდანით” იასპარეზა და ფ1-ში შემთხვევის წყალობით მოხვდა - ”ჯორდანის” ბელგიელი (ლუქსემბურგში დაბადებული და საფრანგეთში მცხოვრები) ბერტრან გაშო ლონდონის ტაქსისტთან მომხდარი ინციდენტის გამო, სამი თვით ციხეში მოხვდა და ბელგიურ ეტაპზე, სწორედ ის შეცვალა შუმახერმა.

Wednesday, August 24, 2011

ლოებს ”ფოლკსვაგენი” ეპატიჟებოდა


Sebastien Loeb says VW's attempts to lure him from Citroen were tempting
24 აგვისტო
სებასტიან ლოებმა აღიარა, რომ მის გადაბირებას ”ფოლკსვაგენი” ცდილობდა, რამაც ”სიტროენში” დარჩენის გადაწყვეტილება ძალიან გაურთულა. თუმცა, გერმანული კომპანიის შეთავაზებაში იყო მომენტი, რომელმაც ლოების გადაწყვეტილებაზე იმოქმედა.

რაიკონენმა ”პეჟოს” სარბოლი პროტოტიპი 908 გამოსცადა


Kimi Raikkonen completes Peugeot 908 test
24 აგვისტო
ფორმულა 1-ის მსოფლიოს 2007 წლის მსოფლიო ჩემპიონმა, ფინელმა კიმი რაიკონენმა ”პეჟოს” სპორტული პროტოტიპი 908 გამოსცადა, ავტომობილი, რომლითაც ფრანგული კომპანია ლე მანის 24-საათიან რბოლებში ასპარეზობს. ტესტები ესპანეთის ტრეკ მოტორლანდ არაგონზე ჩატარდა, სადაც რაიკონენის გარდა, ”პეჟოს” საქარხნო გუნდის პილოტებმა, ფრანგებმა ფრანკ მონტანიმ, სტეფან სარაზენმა და სიმონ პაჟენომ, ასევე ავსტრიელმა ალექს ვურცმა ივარჯიშეს.

სენა ჰაიდფელდს შეცვლის

Senna replaces Heidfeld at Renault
24 აგვისტო


მოსახდენი მოხდა - ჯერ კიდევ უნგრული ეტაპის შემდეგ, აშკარა იყო, რომ ნიკ ჰაიდფელდს ”რენოში” ადგილის დაკარგვა ემუქრებოდა. და აი, ბელგიური სარბოლი უქმეების წინ, ფრანგულმა გუნდმა გამოაცხადა, რომ გერმანელი პილოტის ნაცვლად, სპაზე ბრაზილიელი ბრუნო სენა იასპარეზებს.

Monday, August 22, 2011

ოჟიემ გერმანიაში ლოების გამარჯვებათა სერია დაასრულა

Ogier ends Loeb's winning run in Germany
22 აგვისტო
მსოფლიოს შვიდგზის ჩემპიონ სებასტიან ლოებს გერმანიის რალი ზედიზედ რვაჯერ აქვს მოგებული და გამარჯვებათა სერიის გაგრძელება ამ სეზონშიც სცადა, თუმცა ამჯერად ტრიუმფში ხელი თანაგუნდელმა და თანამემამულე სებასტიან ოჟიემ, უფრო სწორედ კი, საკუთარმა უიღბლობამ შეუშალა.

Thursday, August 18, 2011

შუმახერი წასვლას არ აპირებს


Schumacher Denies Retirement Rumors
18 აგვისტო

ბოლო ხანს, კულუარებში სულ უფრო ხშირად ლაპარაკობდნენ იმაზე, რომ დროა, მიხაელ შუმახერმა კიდევ ერთხელ დაასრულოს თავისი სახელოვანი კარიერა. თვით ნიკი ლაუდამაც, შუმის წასვლა ურჩია. მერე იტალიურ პრესაში დაიწყეს დარწმუნებით წერა, რომ მსოფლიოს შვიდგზის ჩემპიონს, უკვე გადაწყვეტილი აქვს წასვლა - სხვა თუ არაფერი, ის თანაგუნდელ ნიკო როსბერგსაც კი ვერ უგებს, ვისაც ჯერ ერთი რბოლას არ მოუგია...

კუბიცას კიდევ ერთ ოპერაციას გაუკეთებენ


Robert Kubica's injury progress set to improve after final operation
18 აგვისტო

როგორც რობერტ კუბიცას მკურნალი ექიმი ამბობს, პოლონელი მრბოლის გამოჯანმრთელების პროცესი მნიშვნელოვნად მას შემდეგ დაჩქარდება, რაც მარჯვენა იდაყვის ბოლო ოპერაციას გაუკეთებენ. ეს კი იმისთვისაა საჭირო, რომ სახსარი სრულად გაიხსნას.

Monday, August 15, 2011

უიტმარშს ტიტულის იმედი აქვს

Whitmarsh says title is still possible for McLaren
15 აგვისტო

მაკლარენის” შეფი მარტინ უიტმარში ამბობს, რომ მისი გუნდის პილოტებს ჯერაც აქვთ ჩემპიონობისთვის ბრძოლის შანსი. მართალია, ჩემპიონატის ლიდერი სებასტიან ფეტელი ლუის ჰამილტონსა და ჯენსონ ბატონს შესაბამისად, 88 და 100 ქულით უსწრებს, მაგრამ ”მაკლარენის” პილოტებმა ბოლო ორი რბოლა მოიგეს. ეს კი იმაზე მეტყველებს, რომ ინგლისურმა გუნდმა თავისი მანქანა საკმარისად დახვეწა იმისათვის, რომ ”რედ ბულს” სერიოზული წინააღმდეგობა გაუწიოს.

Sunday, August 14, 2011

”პირელი” მყარ საბურავებზე უარს ამბობს


Pirelli is set to stop using its hardest compound
14 აგვისტო
”პირელიმ” გადაწყვიტა, რომ ამ სეზონში, მყარი საბურავების გამოყენებაზე უარი თქვას. უფრო მეტიც, იტალიური კომპანიის ავტოსპორტული დეპარტამენტის შეფი პოლ ჰემბრი ვარაუდობს, რომ ასეთ საბურავებს არც მომავალ სეზონში გამოიყენებენ.

Friday, August 12, 2011

ბერნი პიტლეინზე ელექტროძრავების წინააღმდეგია


Ecclestone Says No to Electric Engines in the Pit Lane
12 აგვისტო
ფორმულა ერთის მამებმა გადაწყვიტეს, რომ დიდი პრიზების ცირკს თანდათან მწვანე ტექნოლოგიები შეაპარონ და იქნებ, ჟან ტოდტის (FIA-ს პრეზიდენტი) ხელმძღვანელობით და ევროკავშირის გავლენით, სამომავლოდ ელექტროძრავებით აღჭურვილი ბოლიდებით რბოლებსაც გვიგეგმავენ. მაგრამ ეს პერსპექტივა, ბევრ თქვენგანზე მეტად, ფ1-ის პრომოუტერ ბერნი ეკლსტოუნს არ მოსწონს.

Tuesday, August 9, 2011

შუმახერი წასვლაზე ფიქრობს


Schumacher Admits Eyeing Return To Retirement
9 აგვისტო
მიხაელ შუმახერი აღიარებს, რომ ამჟამად ის კარიერის დასრულებაზე ფიქრობს. „კორიერე დელო სპორტის“ ინფორმაციით, მიუხედავად იმისა, რომ მსოფლიოს შვიდგზის ჩემპიონს „მერსედესის“ გუნდთან მომავალ სეზონზეც აქვს კონტრაქტი, არაა გამორიცხული, რომ ამ სეზონის დასრულების სემდეგ, თავისი შლემი ლურსმანზე დაკიდოს.

Sunday, August 7, 2011

ბატონი ტიტულისთვის ბრძოლას გააგრძელებს

Button determined to continue push for title
7 აგვისტო
ჯენსონ ბატონი ამბობს, რომ მიუხედავად იმისა, რომ ჩემპიონატის ლიდერ სებასტიან ფეტელთან ბევრი ქულა აშორებს, ტიტულისთვის ბრძოლას მაინც ბოლო შანსამდე აპირებს. ბრიტანელმა პილოტმა ამ სეზონში თავისი მეორე გამარჯვება ახლახანს, უნგრეთში მოიპოვა, მაგრამ ფეტელმა ფინიშის ხაზი მეორემ გადაკვეთა, რაც საკმარისი გამოდგა იმისათვის, რომ უახლოეს მდევართან უპირატესობა გაეზარდა.

„მერსედესი“ „ფერარის“ ყოფილი შეფის გადაბირებას ცდილობს

Mercedes Targets Ex-Ferrari Chief Costa
7 აგვისტო
„მერსედესის“ გუნდი „ფერარიდან“ ახლახანს წამოსული ალდო კოსტას გადაბირებას აპირებს, ადამიანისა, რომელიც ახლახანს იტალიური გუნდის ტექნიკური დირექტორი იყო, მაგრამ მანქანის კონსტრუირების კონსერვატიული მეთოდბი დაუწუნეს და ჩამოაქვეითეს. მერე კი, თავად ისურვა „სკუდერიას“ დატოვება.

Saturday, August 6, 2011

კუბიცას გამოჯანმრთელება სწრაფი ტემპით მიმდინარეობს

Kubica Making Steady F1 Return From Injury
6 აგვისტო
რაღა სწრაფი ტემპით, ნახევარი სეზონი გავიდა და ჯერაც არ ვიცით, დაუბრუნდება თუ არა ფორმულა ერთს პოლონელი პილოტი, რომელიც სეზონის დაწყებამდე, რალის კლასის რბოლისას მომხდარ ავარიაში, მძიმედ დაშავდა. თუმცა, ის ჯერაც არ კარგავს ამ სეზონშივე დაბრუნების იმედს.

სუტილი და ჰულკენბერგი ბარიკელოს ადგილს უმიზნებენ

Sutil, Hulkenberg Linked With Barrichello's Seat
6 აგვისტო
რუბენს ბარიკელოს ფორმულა ერთში კარიერის გაგრძელება სურს და თითქოს, „უილიამსშიც“ სურთ ვეტერანი ბრაზილიელის შენარჩუნება, მაგრამ უნგრული ეტაპის შემდეგ, კულუარებში გაიზმა ხმები იმის შესახებ, რომ თითქოს, რუბინიუს ადგილს ორი გერმანელი პილოტი - მისი შარშანდელი თანაგუნდელი ნიკო ჰულკენბერგი და ადრიან სუტილი უმიზნებს.

Friday, August 5, 2011

უებერი მერმისსაც დარჩება, მერე კი მას რიკიარდო შეცვლის

Webber Stays In F1 In 2012, Ricciardo Coming In 2013
5 აგვისტო
მალე „რედ ბულ რეისინგი“ და მარკ უებერი კონტრაქტს ერთი წლით გააგრძელებენ, რის შემდეგაც, ალბათ ისინი ერთმანეთს დაშორდებიან. ავსტრიული გუნდის კონსულტანტი, დოქტორი ჰელმუტ მარკო კი მყარ საფუძველს იძლევა იმისას, რომ ვიფიქროთ - ავსტრალიელ პილოტს გუნდში მისივე თანამემამულე დანიელ რიკიარდო შეცვლის.

„რენომ“ ჰაიდფელდის დამწვარი მანქანა ჩამოწერა

Renault forced to write off Heidfeld's chassis after Hungarian GP fire
5 აგვისტო
„რენო“ იძულებული გახდა, ჩამოეწერა ნიკ ჰაიდფელდის მანქანის შასი, რომელიც უნგრეთის დიდი პრიზის დროს დაიწვა. ხანგრძლივი პიტსტოპის შემდეგ, მანქანას ცეცხლი გაუჩნდა და როგორც გერმანელმა პილოტმა სიცხე იგრძნო, პიტლეინიდან გამოსასვლელშივე გააჩერა მანქანა და კოკპიტი სასწრაფოდ დატოვა. პილოტი ტრავმას გადაურჩა, მაგრამ მანქანა - ვერა.

Tuesday, August 2, 2011

„ფერარის“ შეფი მეტ გამარჯვებას ელის


Ferrari boss Montezemolo expects more wins this year
2 აგვისტო

„ფერარის“ პრეზიდენტი ლუკა დი მონტეძემოლო ამბობს, რომ მისი კომპანიის საბრძოლო სულისკვეთება, სეზონის დასაწყისთან შედარებით, არნახულად გაიზარდა. ისევე როგორც შარშან, მარანელოელებმა შუა სეზონიდან მნიშვნელოვნად გააუმჯობესეს შედეგები - ბრიტანეთში ალონსოს გამარჯვების გარდა, მათ (ისევ ალონსომ) ვალენსიასა და გერმანიაში მეორე ადგილები დაიკავეს, უნგრეთში კი - მესამე.

Sunday, July 31, 2011

ჰამილტონმა შეცდომის მიზეზად რადიოს გაუმართაობა დაასახელა

Hamilton: Radio glitch caused Hungary strategy mistakes
31 ივლისი
უნგრეთის დიდი პრიზის შემდეგ, ლუის ჰამილტონმა პიტსტოპზე დაშვებული შეცდომა, რადიოს გაუმართაობას დააბრალა. მას თანაგუნდელ ჯენსონ ბატონთან უშეღავათო ბრძოლა ჰქონდა, როდესაც მოულოდნელად ბოქსებს მიაშურა და იქიდან სუსტი წვიმის საბურავებით დაბრუნდა. მაგრამ წვიმა მხოლოდ წამიერად წამოვიდა, ტრასა უცებ გაშრა და ჰამილტონსაც ისევ ბოქსში შესვლა და სლიკების დაყენება მოუწია.

უნგრეთის დიდი პრიზი ბატონს მიართვით

Button wins in wet Hungary on 200th start
31 ივლისი
ჯენსონ ბატონისთვის უნგრეთის დიდი პრიზი მე-200 იყო კარიერაში და საიუბილეო რბოლა მან გამარჯვებით აღნიშნა. ამგვარად, ამ სეზონში ის მესამე პილოტია, ვისაც ერთზე მეტი რბოლა აქვს მოგებული. ამასთან, ეს ზედიზედ მესამე ეტაპია, რომლის მოგებასაც ვერ ახერხებს მსოფლიოს მოქმედი ჩემპიონი და მიმდინარე ჩემპიონატის გამოკვეთილი ლიდერი სებასტიან ფეტელი.

Saturday, July 30, 2011

ამ წრემ ფეტელს უნგრული პოული მოაპოვებინა


„პირელის“ პროგნოზი სამი პიტსტოპია

Pirelli expects three stops in Hungary
30 ივლისი
„პირელი“ ვარაუდობს, რომ უნგრეთის დიდ პრიზზე, პილოტების უმეტესობა სამ პიტსტოპიანი სტრატეგიით იასპარეზებს. თუმცა, ბევრი რამ ამინდზე იქნება დამოკიდებული - ძლიერი სიცხის შემთხვევაში, ბევრმა შეიძლება საბურავები ოთხჯერაც კი შეცვალოს.

„ლეიკერსის“ მოთამაშე „ისპანია რეისინგის“ შეძენას აპირებს

LA Lakers Player Could Buy HRT
30 ივლისი
„ისპანია რეისინგი“ ახლახანს ესპანურმა საინვესტიციო კომპანია „თესან კპიტალმა“ შეიძინა, თუმცა ამის შემდეგაც. პადოკში ხშირად ლაპარაკობენ იმაზე, რომ ესპანურ გუნდს მფლობელი მალე ისევ შეეცვლება. ყოველ შემთხვევაში, ამ თემაზე ესპანურ პრესაში ბევრს წერენ.

ფეტელს პოულს ვინ წაართმევს

Vettel storms back to take Hungary pole
30 ივლისი

საკვალიფიკაციო რბოლის დაწყებამდე, ბიბისის ერთ-ერთ კომენტატორად მომუშავე ედი ჯორდანმა შეგვახსენა, ფეტელს მხოლოდ ორჯერ აქვს ისეთი რბოლა მოგებული, რომელიც პოულიდან არ დაუწყიაო. და თუ პოულის მოგება, გერმანელი მსოფლიო ჩემპიონისთვის გამარჯვების მთავარი წინაპირობაა, მაშინ შეიძლება ვთქვათ, რომ საქმის თუნდაც მეათედი გაკეთებული აქვს.

Friday, July 29, 2011

„ზაუბერმა“ კობაიაში და პერესი შეინარჩუნა

Sauber confirm Kobayashi and Perez for 2012
29 ივლისი
მარცხნიდან: გუტიერესი, ზაუბერი,
პერესი, მმართველი დირექტორი
მონიშა კალტენბორნი და კობაიაში
იაპონელი კამუი კობაიაში და მექსიკელი სერხიო პერესი მომავალ სეზონშიც „ზაუბერის“ ბოლიდებით იასპარეზებენ - ასე გადაწყვიტა შვეიცარული საჯინიბოს დამაარსებელმა და მფლობელმა პეტერ ზაუბერმა.

ფორმულა 1 თურქეთზე უარს იტყვის

Turkey set to be dropped from 2012 F1 calendar
29 ივლისი
ფორმულა ერთის კომერციულ უფლებათა მფლობელი და გამგებელი ბერნი ეკლსტოუნი არ აპირებს მომავალი სეზონის კალენდარში 21 ეტაპის შეტანას და აცხადებს, რომ ძირეულად შეცვლის კალენდრის იმ ვარიანტს, რომლის კონცეპტუალური ვერსიაც, ცოიტა ხნის წინ, საერთაშორისო საავტომობილო ფედერაციამ (FIA) წარმოადგინა.

პარასკევი ჰამილტონისაა

Hamilton quickest in both sessions
29 ივლისი
ლუის ჰამილტონი გერმანიაში დაწყებულ საქმეს უნგრეთშიც აგრძელებს. ყოველ შემთხვევაში, პარასკევის ორივე თავისუფალ პრაქტიკაზე, მას საუკეთესო შედეგები ჰქონდა. პირველ სესიაზე ჩემპიონატის ლიდერსა და მოქმედ ჩემპიონ სებასტიან ფეტელს აჯობა, მეორედ კი - ფერნანდო ალონსოს.

Thursday, July 28, 2011

რბილი და სუპერრბილი საბურავები უნგრეთის დიდი პრიზისთვის

Pirelli Brings Soft And Supersoft Tyres For Hungarian GP
28 ივლისი
სილვერსტოუნისა და ნურბურგინგის სწრაფი მოსახვევებისა და გრილი ამინდების შემდეგ, უნგრეთის ცხელი დიდი პრიზის და ჰუნგარორინგის ნელი ტრასის ჯერი მოვიდა. უნგრული რბოლისთვის, „პირელიმ“ რბილი (ყვითელზოლიანი) და სუპერრბილი (წითელზოლიანი) საბურავები შეარჩია, რომლებმაც, იტალიური კომპანიის სპეციალისტთა აზრით, საინტერესო რბოლა უნდა განაპირობოს.

„ფოლკსვაგენი“ ფორმულა 1-ზე 1918 წლიდან იფიქრებს

VW could consider F1 in 2018, motorsports boss says
28 ივლისი
„ფოლკსვაგენის“ მოტორსპორტის შეფი აცხადებს, რომ შესაძლოა, მისმა კომპანიამ ფორმულა ერთის მსოფლიოს ჩემპიონატში მონაწილეობაზე 2018 წლიდან იფიქროს. ეს ის წელია, როდისთვისაც ვოლფსბურგული გიგანტი მსოფლიო ლიდერობას (გაყიდვების მოცულობით) გეგმავს.

მომავალი სეზონისთვის, „ფერარი“ განსხვავებულ მანქანას მოამზადებს

2012 Ferrari To Be Very Different - Tombazis
28 ივლისი
„ფერარის“ მთავარი ინჟინერი ნიკოლას ტომბაზისი (ფოტოზე) ამბობს, რომ მომავალი სეზონის მანქანა ახლანდელისგან ძლიერ განსხვავებული იქნება. გუნდი აღიარებს, რომ მანქანის შემუშავებისას, თამამი გადაწყვეტების აგრესიულ დანერგვას მოისაკლისებს, რისი შედეგიც ისაა, რომ ბოლო წლებში, გუნდი სეზონს ყოველთვის მდევრის რანგში იწყებს.

Sunday, July 24, 2011

ალონსო ჯარიმას გადაურჩა

Alonso's car passes FIA fuel checks
24 ივლისი
ვინც გერმანიის დიდ პრიზს უყურა, ნახავდა, რომ რბოლის შემდეგ, ფერნანდო ალონსო, მარკ უებერის „რედ ბულზე“ ამხედრებული დაუბრუნდა დახურულ პარკს. ფინიშის გადაკვეთიდან ცოტა ხანში, მან მანქანა გააჩერა და შორიახლო მიმავალ უებერს ანიშნა, მიმიყვანეო.

ჰაიდფელდთან შეჯახება ბუემის ბრალი იყო

Buemi gets five-place grid penalty for Hungary after Heidfeld crash
24 ივლისი
გერმანიის დიდი პრიზის სტიუარდებმა, რბოლის ბოლოს განიხილეს სებასტიან ბუემისა და ნიკ ჰაიდფელდს შორის მომხდარი ავარიის მიზეზები და დაასკვნეს, რომ ინციდენტი შვეიხარელი პილოტის მიზეზით მოხდა, რის გამოც, ის უნგრეთის რბოლის სტარტზე,, კვალიფიკაციაზე მოპოვებულზე ხუთი ადგილით უკან დადგება.

ჰამილტონი ისევ მწვერვალზეა

Hamilton wins in style in Germany
24 ივლისი

გერმანიის დიდი პრიზი ამ სეზონის ერთ-ერთი ყველაზე გამორჩეული ეტაპია. არამხოლოდ იმიტომ, რომ საშინაო რბოლაში კვარცხლბეკზეც ვერ ავიდა მსოფლიოს მოქმედი ჩემპიონი სებასტიან ფეტელი, რომელსაც ამ სეზონის განვლილი ათი რბოლიდან, ექვსი აქვს მოგებული. არამედ იმიტომაც, რომ მიმდინარე ჩემპიონატში ეს პირველი შემთხვევაა, როდესაც „რედ ბულს“ ერთბაშად ორი მეტოქე გუნდის პილოტებმა აჯობეს.

Saturday, July 23, 2011

უებერმა ზედიზედ მეორე პოული მოიგო

Webber grabs German pole, Hamilton second
23 ივლისი
ავსტრალიელი მარკ უებერი ზედიზედ მეორე რბოლას დაიწყებს მოწინავე პოზიციიდან, სტარტზე მის გვერდით კი ამჯერად ლუის ჰამილტონი დადგება, ვისაც კვალიფიკაციის მოგებამდე 0.055 წამი დააკლდა. არადა, თავისუფალი პრაქტიკების შემდეგ ვერავინ წარმოიდგენდა, რომ „მაკლარენის“ რომელიმე პილოტი პოულისთვის ბრძოლას შეძლებდა.

Friday, July 22, 2011

„პირელი“ ბოლო წუთების პიტსტოპების მოლოდინშია

Pirelli predicts last-minute pitstops in the German Grand Prix
22 ივლისი
„პირელი“ დარწმუნებულია, რომ გერმანიის დიდი პრიზის გამარჯვებული, რბოლის ბოლო წრეებზე გაირკვევა, პილოტების დიდი ნაწილი კი მედიუმ-სიმყარის საბურავებს რბოლის მიწურულს დააყენებს. ამის მიზეზი კი ისაა, რომ ამ ტიპის რეზინით, წრის გავლის საშუალო დრო, დაახლოებით 1.5 წამით უარესი იქნება რბილი საბურავით გავლის დროზე.

ალონსო „ფერარის“ რისკზე წასვლას ურჩევს

Alonso urges Ferrari to start taking risks
22 ივლისი
ფერნანდო ალონსო თვლის, რომ კარგი იქნება, თუ „ფერარი“ მანქანის მოდერნიზაციის პროცესში, გაბედულ რისკზე წავა და ისეთ სიახლეებს დანერგავს, რომლებისგანაც შესაძლოა, სხვა დროს თავი შეეკავებინა. მხოლოდ ასე იქნება შესაძლებელი დაწინაურებული „რედ ბულის“ და სებასტიან ფეტელის დაწევა.

ალონსო და „ფერარი“ ისევ ფორმაში არიან

Webber hits back at Alonso in practice
22 ივლისი
ჯერ ამაზე ლაპარაკი ნაადრევია, თუმცა გერმანიის დიდი პრიზის პრაქტიკებმა აჩვენა, რომ მარანელოელთა დუეტი კვლავაც ფორმაშია და უბრძოლველად არც მსოფლიო ჩემპიონ სებასტიან ფეტელის საშინაო რბოლაში აპირებს ყურების დანებებას. ალონსო პელოტონში ერთადერთი პილოტია, ვინც ორივე სესიაზე, წრე წუთსა და 32 წამზე ნაკლებში გაიარა.