პეტერ ზაუბერმა კობაიაში შეაფასა
6 ივლისი
პეტერ ზაუბერი და კამუი კობაიაში
..............................
ევროპის დიდი პრიზის ერთ-ერთი გამორჩეული გმირი ”ზაუბერის” იაპონელი კამუი კობაიაში გახდა. მან მთელი რბოლა სტაბილურად ჩაატარა, ისარგებლა იმით, რომ მარკ უებერის ავარიის შემდეგ, მეტოქეების უმეტესობამ ბოქსებს მიაშურა და ასე მოპოვებული მესამე პოზიცია თითქმის ბოლომდე შეინარჩუნა. შემდეგ, ბოქსებში რეგლამენტირებულმა შესვლამ მაინც მოუწია და რამდენიმე ადგილი დაკარგა, თუმცა ფინიშამდე ორი პილოტის ჩამოტოვება მაინც მოასწრო და რბოლა მეშვიდემ დაასრულა.
სილვერსტოუნის რბოლის (ბრიტანული დიდი პრიზი) წინ, გუნდის შეფმა და დამაარსებელმა, შვეიცარელმა პეტერ ზაუბერმა ქება არ დაიშურა თავისი გუნდის ახალგამომცხვარი ვარსკვლავისადმი, ვისაც ფორტუნის საჩუქარი რომ არა, ახლა მამამისის რესტორანში, სუშის მომზადება არ ასცდებოდა.
”ვალენსიური შედეგი ჩვენთვის და განსაკუთრებით მისთვის, ძალიან მნიშვნელოვანია. მან დაამტკიცა, რომ სწრაფიცაა და სტაბილურიც და რაც მთავარია, ჟინიანი მებრძოლია. ვალენსიამდე მას თავის გამოჩენის საშუალება არ მისცემია და მეც ბევრი კითხვა მქონდა მის შესაძლებლობებთან დაკავშირებით. მაგრამ ვალენსიაში ყველა კითხვას პასუხი გაეცა.
მართალია, ასეთ რბოლას მხოლოდ კარგი მანქანით თუ ჩაატარებ, თუმცა, ამასაც გამოყენება უნდა. ახლა ჩვენი მიზანია, რომ კვალიფიკაციაშიც წინ წავიწიოთ, კამუის კი გამოცდილება სჭირდება. ახლა მთავარი ისაა, რომ კობაიაში სწრაფი პილოტია და ჩემთვის ეს მნიშვნელოვანია.
admin mec f1 magari moyvaruli var tavad maqvs saiti italy.ge tu ginda banerebi gavcvalot chemi skypia www.italy.ge
ReplyDeleteshedzlebis dagvarat dagexmarebi statiebis wershic exla ubralot gadatvirtuli var da vecdebi uikendze rodesac rbola iqneba 2-3 statia davagdo
ReplyDelete