კორეაში უებერს ვერავინ სჯობნის

Spinning Webber fastest in South Korea

21 ოქტომბერი

უებერი იონგამის ტრასაზე ასპარეზობისას

..............................

როგორც ყოველთვის, პარასკევის თავისუფალ პრაქტიკებზე ნაჩვენებ შედეგებს დიდი მნიშვნელობა არ აქვს, მაგრამ ამ შემთხვევაში ასრ არაა და ამის მიზეზი ისაა, რომ უკლებლივ ყველა პილოტისთვის, სამხრეთ კორეის სამხრეთში მდებარე იონგამის ტრასა ახალი და მიუჩვეველია. არის კიდევ ერთი ფაქტორი - ამ ტრასაზე ასფალტის დაგებას რამდენიმე დღის წინ მორჩნენ და რამდენადაც მასზე მანქანებს ჯერ არ უვლიათ, მას შედარებით მცირე ჩაჭიდება აქვს, რაც პილოტებს ბევრ პრობლემას უქმნის.

ამიტომაა, რომ უკლებლივ ყველა დარწმუნებულია - ყოველ მომდევნო დღეს, პილოტების სიჩქარეები გაიზრდება. და, შეიძლება, ყველაფერი თავდაყირა დადგეს. მოკლედ, ჯერ დასკვნების გაკეთება ნაადრევია. და მაინც ფაქტია, რომ პირველი ორი პრაქტიკის შემდეგ, საუკეთესო შედეგი ჩემპიონატის ავსტრალიელ ლიდერ მარკ უებერს აქვს. არადა, სანამ თავის საუკეთესო წრეს გაივლიდა, ოზმა პილოტმა მე-12 მოსახვევში მანქანაზე კონტროლი დაკარგა და დატრიალდა. მაგრამ ტრასაზე დაბრუნებისთანავე, საუკეთესო შედეგი დააფიქსირა.

პიტლაინის გასასვლელი

..............................

პირველ პრაქტიკაზე საუკეთესო ლუის ჰამილტონი იყო, მაგრამ შემდეგ ის მხოლოდ მესამე შედეგს დასჯერდა. სხვათა შორის, უებერის საუკეთესო შედეგი, ჰამილტონის პირველი პრაქტიკის საუკეთესო შედეგზე თითქმის სამი წამით უკეთესი იყო. ეს კიდევ ერთხელ მეტყველებს იმაზე, რომ ყოველი შემდეგი სესიისას, პილოტების სიჩქარე გაიზრდება.

ორი პრაქტიკის შედეგად, მეორე საუკეთესო შედეგი ფერნანდო ალონსოს ჰქონდა, ვინც პირველ სესიაზე მხოლოდ მე-15 შედეგს დასჯერდა. ორი სესიის ჯამში, მხოლოდ მეშვიდე დრო ჰქონდა ფეტელს, მეოთხე საუკეთესო კი რობერტ კუბიცა იყო. რაც შეეხება ჯერაც მსოფლიო ჩემპიონის რანგში მოასპარეზე ჯენსონ ბატონს, ის მეხუთე შედეგს დასჯერდა. სხვათა შორის, მეორე სესიაზე მის მანქანას გამოსაბოლქვ არეში ცეცხლი წაეკიდა, თუმცა ამას ის ძლიერ არ დაუზიანებია - ბატონი ტრასას მალევე დაუბრუნდა.

სამხრეთ კორეის დიდი პრიზი

პირველი თავისუფალი პრაქტიკა

1. ლუის ჰამილტონი (ბრიტანეთი, მაკლარენი) 1:40.887

2. რობერტ კუბიცა (პოლონეთი, რენო) 1:40.968

3. ნიკო როსბერგი (გერმანია, მერსედესი) 1:41.152

4. სებასტიან ფეტელი (გერმანია, რედ ბული) 1:41.371

5. ჯენსონ ბატონი (ბრიტანეთი, მაკლარენი) 1:41.940

6. მიხაელ შუმახერი (გერმანია, მერსედესი) 1:42.022

7. მარკ უებერი (ავსტრალია, რედ ბული) 1:42.202

8. ნიკ ჰაიდფელდი (გერმანია, ზაუბერი) 1:42.293

9. ნიკო ჰულკენბერგი (გერმანია, უილიამსი) 1:42.678

10. რუბენს ბარიკელო (ბრაზილია, უილიამსი) 1:42.883

11. ვიტალი პეტროვი (რუსეთი, რენო) 1:42.896

12. ფელიპე მასა (ბრაზილია, ფერარი) 1:43.054

13. კამუი კობაიაში (იაპონია, ზაუბერი) 1:43.309

14. ადრიან სუტილი (გერმანია, ფორს ინდია) 1:43.602

15. ფერნანდო ალონსო (ესპანეთი, ფერარი) 1:43.928

16. სებასტიან ბუემი (შვეიცარია, ტორო როსო) 1:43.940

17. ვიტანტონიო ლიუცი (იტალია, ფორს ინდია) 1:44.887

18. ხაიმე ალგერსუარი (ესპანეთი, ტორო როსო) 1:45.141

19. ტიმო გლოკი (გერმანია, ვირჯინი) 1:45.588

20. ჟერომ დ’ამბროსიო (ბელგია, ვირჯინი) 1:46.613

21. ჰეიკი კოვალაინენი (ფინეთი, ლოტუსი) 1:47.115

22. საკონ იამამოტო (იაპონია, ისპანია) 1:50.347

23. ბრუნო სენა (ბრაზილია, ისპანია) 1:50.821

24. იარნო ტრული (იტალია, ლოტუსი) 1:51.701

მეორე თავისუფალი პრაქტიკა

1. მარკ უებერი (ავსტრალია, რედ ბული) 1:37.942

2. ფერნანდო ალონსო (ესპანეთი, ფერარი) 1:38.132

3. ლუის ჰამილტონი (ბრიტანეთი, მაკლარენი) 1:38.279

4. რობერტ კუბიცა (პოლონეთი, რენო) 1:38.718

5. ჯენსონ ბატონი (ბრიტანეთი, მაკლარენი) 1:38.726

6. ფელიპე მასა (ბრაზილია, ფერარი) 1:38.820

7. სებასტიან ფეტელი (გერმანია, რედ ბული) 1:39.204

8. ვიტალი პეტროვი (რუსეთი, რენო) 1:39.267

9. ნიკო როსბერგი (გერმანია, მერსედესი) 1:39.268

10. კამუი კობაიაში (იაპონია, ზაუბერი) 1:39.564

11. ნიკ ჰაიდფელდი (გერმანია, ზაუბერი) 1:39.588

12. მიხაელ შუმახერი (გერმანია, მერსედესი) 1:39.598

13. რუბენს ბარიკელო (ბრაზილია, უილიამსი) 1:39.812

14. ვიტანტონიო ლიუცი (იტალია, ფორს ინდია) 1:39.881

15. ადრიან სუტილი (გერმანია, ფორს ინდია) 1:39.971

16. ნიკო ჰულკენბერგი (გერმანია, უილიამსი) 1:40.478

17. ხაიმე ალგერსუარი (ესპანეთი, ტორო როსო) 1:40.578

18. სებასტიან ბუემი (შვეიცარია, ტორო როსო) 1:40.896

19. ჰეიკი კოვალაინენი (ფინეთი, ლოტუსი) 1:42.773

20. იარნო ტრული (იტალია, ლოტუსი) 1:42.801

21. ტიმო გლოკი (გერმანია, ვირჯინი) 1:43.115

22. ლუკას დი გრასი (ბრაზილია, ვირჯინი) 1:44.039

23. საკონ იამამოტო (იაპონია, ისპანია) 1:45.166

24. ბრუნო სენა (ბრაზილია, ისპანია) 1:46.649

კუბიცას აზრით, ტიტულს უებერი ან ალონსო მოიგებს

Kubica Thinks Title Will Go to Webber or Alonso

20 ოქტომბერი

სურათზე (მარცხნიდან) ჩემპიონობისთვის მებრძოლი ხუთეული: ლუის ჰამილტონი, ფერნანდო ალონსო, მარკ უებერი, ჯენსონ ბატონი და სებასტიან ფეტელი.

..............................

კორერაში ჩასულმა რობერტ კუბიცამ, პრესასთან საუბრისას განაცხადა, რომ მიმდინარე სეზონში, ჩემპიონის ტიტულის მოპოვების საუკეთესო შანსები მარკ უებერს და ფერნანდო ალონსოს აქვთ. მართალია, ტიტულის მოპოვების მათემატიკური შანსი კიდევ სამ პილოტს აქვს, თუმცა პოლონელი პილოტი დარწმუნებულია, რომ ბოლომდე ბრძოლას მხოლოდ ეს ორი პილოტი შეძლებს.

”უებერი, ან ალონსო. სულ სამი რბოლა დაგვრჩა და ჩემი აზრით, მათ ტიტულის დაუფლების საუკეთესო შანსები აქვთ. თუმცა, მე შეიძლება ვცდებოდე. საერთოდ, ხშირად ხდება, რომ როცა ორს გამოჰყოფ, მესამე იგებს”, - ინგლისურ ჟურნალ ”ავტოსპორტთან” საუბრისას განაცხადა კუბიცამ.

პოლონელის გარდა, პროგნოზებს ავტოსპორტის ბევრი სხვა ავტორიტეტიც აკეთებს და მათი ვარაუდი ხშირად განსხვავებულია. მაგალითად, ფორმულა 1-ის კომერციულ უფლებათა ბატონ-პატრონი ბერნი ეკლსტოუნი დარწმუნებულია, რომ ჩემპიონი სებასტიან ფეტელი გახდება. ამასთან, ის თვლის, რომ უებერი თავისი კარიერის საუკეთესო ფორმაში იმყოფება და ტიტულის მოპოვების საუკეთესო შანსი აქვს.

მისგან განსხვავებით, მსოფლიოს სამგზის ჩემპიონი, ავსტრიელი ნიკი ლაუდა და მისი თანამემამულე გერჰარდ ბერგერი თვლიან, რომ ჩემპიონი ალონსო გახდება. ავსტრიელები თვლიან, რომ ალონსოს დიდ უპირატესობას აძლევს გუნდის უპირობო მხარდაჭერა. ეს მაშინ, როდესაც ”რედ ბული” აცხადებს, რომ სეზონის ბოლომდე, თავის პილოტებს შორის არცერთს არ გამოარჩევს. ამას შეიძლება ის შედეგი მოჰყვეს, რომ ფეტელმა და უებერმა ერთმანეთს ქულები წაართვან, რაც ალონსოს ჩემპიონატის ავსტრალიელ ლიდერთან ჩამორჩენის შემცირების დიდ შანსს აძლევს.

კუბიცა კი დასძენს, რომ კორეის ტრასა, რომელზეც მორიგი ეტაპი ჩატარდება, ყველაზე უკეთ ისევდაისევ, ”რედ ბულის” მანქანების მახასიათებლებს შეესაბამება. თუმცა, ის იმასაც აღნიშნავს, რომ ჩემპიონატის ლიდერების უპირატესობა ისეთი სოლიდური აღარ იქნება, როგორც თუნდაც იაპონიაში იყო.

”ვფიქრობ, კორეაში ფავორიტი ”რედ ბული” იქნება. მაგრამ სხვა გუნდები მათ უკვე წამოეწიენ. ტრასის ზოგიერთი ნაწილი უკეთ ”ფერარის” მანქანას შეესაბამება, ზოგი - ”მაკლარენს”, თუმცა ”რედ ბული” ჯერაც საუკეთესოა”, - ამბობს კუბიცა.

ალენ პროსტი შუმახერის ფიასკოს საბურავებს არ აბრალებს

Prost: Tire Issue Only an Excuse for Schumacher

20 ოქტომბერი

ფორმულა 1-ის მსოფლიოს ოთხგზის ჩემპიონი, ფრანგი ალენ პროსტი აკრიტიკებს მსოფლიოს შვიდგზის ჩემპიონ მიხაელ შუმახერს იმის გამო, რომ სამწლიანი უქმობის შემდეგ დაბრუნებისთანავე, თავის მთავარ მიზნად მერვე მერვე ტიტულის მოპოვება დაასახელა.

ფაქტი სახეზეა: მიმდინარე სეზონში, შუმახერმა ერთხელაც ვერ შეძლო კვარცხლბეკზე ასვლა და თითქმის ყოველტვის აგებს თავის ახალგაზრდა თანაგუნდელ ნიკო როსბერგთან. ამასთან, თავის კარიერაში ყველაზე უარესი, მე-15 ადგილიც დაიკავა (ვალენსიაში).

პროსტის აზრით, შუმისთვის უფრო რეალისტური მიდგომა იქნებოდა, თუ ის თავის მიზნად როსბერგის დახმარებას და ტიტულებისთვის მებრძოლ პილოტად ჩამოყალიბებაში ხელის შეწყობას დაასახელებდა.

”მას უნდა ეთქვა, რომ პირველ სეზონში მისი მიზანი როსბერგის და ”მერსედესის” დახმარება იქნებოდა. სულაც, შეეძლო ეთქვა, რომ თავის მეგობარ როს ბრაუნთან ბრუნდებოდა. ასე მისთვისვე უკეთესი იქნებოდა”, - ფრანგულ გამოცემა ”ლ’ეკიპთან” საუბრისას განაცხადა პროსტმა.

ცნობისათვის, პროსტმა 1992 წელს ერთი სეზონი გამოტოვა, რის შემდეგაც დაბრუნდა და ”უილიამსის” ბოლიდით, მსოფლიოს ჩემპიონის მეოთხე ტიტულს დაეუფლა. პროსტი თვლის, რომ სამწლიანი პაუზა თანამედროვე ფ1-სთვის მეტისმეტად დიდი დროა იმისათვის, რომ დაბრუნებისთანავე მიზნად ჩემპიონობა დაისახო. და მნიშვნელობა არ აქვს, შუმახერი ხარ, თუ ვინმე სხვა.

”შესაძლოა, ყოველივე თავმდაბლობის ნაკლებობით აიხსნას. ჩემი აზრით, მას ასაკი დაეტყო. ამბობენ, საბურავებს ვერ შეეგუაო. შუმახერი ხომ ადრე ყველანაირ მანქანას ძალიან სწრაფად ეჩვეოდა. ეს ყოველთვის მისი ძლიერი მხარე იყო. სამწლიანი პაუზის შემდეგ, ამ ასაკში, სრულფასოვანი დაბრუნება შეუძლებელია. საქმე ფიზიოლოგიას ეხება და სხვა არაფერს”, - დასძენს პროსტი.

ფრანგი ”პროფესორი” ერთადერთი არაა, ვინც ასე ფიქრობს. უფრო რადიკალურია ფლავიო ბრიატორე, რომლის ”ბენეტონითაც”, შუმახერმა პირველი ორი ტიტული მოიპოვა. ბრიატორე, ვინც შუმახერის ჩემპიონად ჩამოყალიბებაში დიდი როლი ითამაშა, თვლის, რომ გერმანელ პილოტ ძველებურად გამარჯვებისთვის მებრძოლს ვეღარ ვიხილავთ.

”ჩვენ კარგად ვიცით, როგორი იყო შუმახერი ”ბენეტონსა” და ”ფერარიში”. ჩვენ ის სუპერ ჩემპიონად გვახსოვს. და მაინც, მიმაჩნია, რომ ის შეცდა, როდესაც დაბრუნება გადაწყვიტა. და თუ ის მომავალ სეზონშიც გააგრძელებს, ისტორია კვლავ განმეორდება”, - ”ტაიმს ოფ ინდიასთან” საუბრისას განაცხადა ბრიატორემ.

კორეის დიდ პრიზს მწვანე შუქი აუნთეს

12 ოქტომბერი

საერთაშორისო საავტომობილო ფედერაციამ მწვანე შუქი აუნთო კორეის პირველ დიდ პრიზს. ეს კი მას შემდეგ მოხდა, რაც ფედერაციის (FIA) ინსპექციამ სეულიდან 400 კილომეტრით დაშორებული იონგამის ახლახანს აშენებული ავტოდრომი მოიწონა.

ტრასას FIA-ს ინსპექციის შემოწმება ჯერ კიდევ სამი თვის წინ უნდა გაევლო, მაგრამ იმის გამო, რომ მისი მშენებლობა დასრულებული არ იყო, ინსპექცია რამდენჯერმე გადაიდო. და აი, იაპონიის დიდი პრიზის დღეებში, კორეული ეტაპის ორგანიზატორებმა განაცხადეს, რომ ინსპექციის მისაღებად მზად იყვნენ. ეს კი საკმარისი იყო იმისათვის, რომ ფორმულა 1-ის მთელ ინფრასტრუქტურას კორეაში გამგზავრების თადარიგი დაეწყო - მანამდე, იმის გამო, რომ უცნობი იყო, ჩატარდებოდა, თუ არა კორეული რბოლა, იქ ჩასასვლელ ბილეთებსაც კი არავინ იღებდა.

დღეს კი დანამდვილებით შეიძლება ითქვას, რომ კორეის დიდი პრიზი დაგეგმილ დროს - 24 ოქტომბერს ჩატარდება. ესე იგი, მიმდინარე ჩემპიონატის დასრულებამდე ჯერ კიდევ სამი ეტაპი დარჩა, რაც იმას ნიშნავს, რომ ჩემპიონატის ავსტრალიელ ლიდერ მარკ უებერს ჯერაც ბევრი ბრძოლა მოუწევს თავისი მოწინავე პოზიციის შესანარჩუნებლად.

”კორეის საერთაშორისო ავტოდრომი უმაღლესი სტანდარტების შესაბამისადაა აგებული და ის ქვეყანაში მოტორ სპორტის ეპიცენტრი გახდება”, - ამბობს კორეის დიდი პრიზის ორგანიზატორ კომპანია ”კორეა აუტო ვალეი ოპერეიშნის” შეფი ჩუნ იუნ-ჩო.

კორეული ტრასის ინსპექციას FIA-ს რბოლების დირექტორმა ჩარლი უაიტინგმა უხელმძღვანელა. ის კორეაში მაშინვე გაემგზავრა, როგორც კი ცნობილი გახდა, რომ ტრასის სავალ ნაილზე ასფალტის ზედა ფენის დაგება დასრულებულია. ეს კი იაპონიის დიდი პრიზის დღეებში მოხდა.

თავის მოხსენებაში უაიტინგმა აღნიშნა, რომ ავტოდრომი თავისი ინოვაციურობით გამოირჩევა. ინოვაციურობა კი იმაში გამოიხატება, რომ ტრიბუნა ტრასასთან მაქსიმალურადახლოსაა განლაგებული და რაც მთავარია, დაცულია მაყურებელთა უსაფრთხოება.

გუნდები კი კორეაში საუკეთესო პირობებს არ ელიან - ახალდაგებული ტრასა აბრაზიული იქნება, რამაც რბოლის დროს შეიძლება ბევრი პრობლემა შექმნას. არადა, ამ ეტაპზე, ჩემპიონობისთვის მებრძოლი პილოტებისთვის, ყველაზე მთავარი სტაბილურად ასპარეზობაა.

ახალი ტრასის სიგრძე 5.62 კილომეტრია, რბოლაზე სულ 55 წრე იქნება გასავლელი, რაც ჯამში 309.15 კილომეტრია. დაბოლოს, ტრასის ტრიბუნები 130 000 მაყურებელს იტევს.

მასა თავის ავარიას იხსენებს

11 ოქტომბერი

მიმდინარე სეზონი არცთუ წარმატებულია ”ფერარის” ბრაზილიელი ფელიპე მასასთვის, რომელიც გარდა იმისა, რომ ვერანაირ კონკურენციას ვერ უწევს ესპანელ თანაგუნდელ ფერნანდო ალონსოს, იღბლიანობითაც ვერ დაიკვეხნის. ამის ერთ-ერთი დასტური იყო იაპონიის დიდი პრიზის სტარტი, რომლის დროსაც, ბრაზილიელის მანქანამ სულ რამდენიმე ათეული მეტრის გავლა მოასწრო...

მასამ რბოლა მე-12 პოზიციიდან დაიწყო და იმ დროს, როდესაც სტარტიდანვე წინ წაწევას ლამობდა, მოულოდნელად, მანქანაზე კონტროლი დაკარგა, მისი ”ფერარი” ბორდიურზე ახტა და იტალიელი ვიტანტონიო ლიუცის ”ფორს ინდიას” დაეჯახა. რბოლის მსვლელობისას, ინციდენტი მსაჯებმა შეისწავლეს და მასში ვერავის ბრალი ვერ დააფიქსირეს. მომხდარი ჩვეულებრივ სარბოლ ინციდენტად ჩაითვალა.

”სტარტზე მე-12 ვიყავი. როსბერგმა მე-6 პოზიციიდან ძალიან, ძალიან ცუდი სტარტი აიღო და ყველა მის გასწრებას ცდილობდა. ძალიან სწრაფად მივუახლოვდი. მას სიჩქარე აკრეფილი ჯერაც არ ჰქონდა. ამიტომ, გასწრება ვცადე. საჭე მარცხნივ ავიღე, რადგან იმ მხარედ გასასვლელი მეგულებოდა, მაგრამ უცებ შევნიშნე, რომ იქ სუტილი იმყოფებოდა. როსბერგიც მარცხნივ წაწევას ცდილობდა და მეც საჭე მარჯვნივ ავიღე. მაგრამ მან შენიშნა, რომ სუტილი უკვე გვერდით ამოსდგომოდა, მე კი მარჯვნიდან გასწრებას ვცდილობდი. ამიტომ, ცოტა გვიან დაამუხრუჭა, რითაც გასასვლელი აღარ დამიტოვა. ისღა დამრჩენოდა, ბალახზე გამევლო, მაგრამ ბალახზე ვეღარ მოვუხვიე და პირდაპირ წავედი. იქვე კერბს შევეხე, რამაც მანქანა მარცხნივ მოისროლა, იქ კი რამდენიმე სხვა მანქანა მოძრაობდა. მე ლიუცის დავეჯახე. ეს საშინელება იყო”, - იხსენებს მასა.

ბრაზილიელი ამბობს, რომ კვალიფიკაციაზე ჩავარდნის შემდეგ, ვერაფრით მოახერხა საბურავების შესაძლებლობების სრულად გამოყენება: ”სინგაპურშიც პირველივე საკვალიფიკაციო წრეზე პრობლემები დამეწყო და აქაც არაერთი პრობლემა შემექმნა. რბოლაში კი პირველ მოსახვევამდე მანქანა დავამტვრიე. ძალიან საწყენია, მაგრამ რაც მოხდა, იმას ვერ შევცვლი. აქ იმისთვის არ ვარ, რომ სტარტი შუა რიგებიდან ავიღო. მხოლოდ პირველობისთვის უნდა ვიბრძოდე. ახლა ისღა დამრჩენია, სეზონის დარჩენილ სამ რბოლაში ვაჩვენო კარგი შედეგი”.

”ვიცი, ჩემპიონობისთვის ბრძოლას გამოვეთიშე, მაგრამ მე მრბოლი ვარ და ყოველთვის უკეთესი ადგილებისთვის ვიბრძვი. შემდგომ რბოლებშიც ასე იქნება. ეს ის გარემოებაა, რომელიც კონცენტრაციაში მეხმარება და მოტივაციას მინარჩუნებს”, - დასძენს მასა.

”რედ ბული” პილოტებს შორის არჩევანს არ გააკეთებს

11 ოქტომბერი

”რედ ბულ რეისინგში” მიაჩნიათ, რომ კარგი იქნება, თუ ჩემპიონატის ბოლომდე, ორივე პილოტს თანაბარ პირობებში მოუწევს ასპარეზობა და ისინი ბოლომდე შეძლებენ ტიტულისთვის ბრძოლას. საქმისადმი გუნდის ამგვარი დამოკიდებულება იაპონიის დიდი პრიზის დროსაც დადასტურდა, როდესაც ჩემპიონატის ლიდერ მარკ უებერს თანაგუნდელმა სებასებასტიან ფეტელმა გამარჯვების საშუალება არ მისცა.

არადა, ავსტრალიელს რომ მოეგო, ის 7 ქულით მეტს მიიღებდა და ლიდერობასაც განიმტკიცებდა. მან მეორე ადგილის დაკავებითაც შეძლო ლიდერის პოზიციის გამყარება, თუმცა ახლა იმავე ფეტელთან და ფერნანდო ალონსოსთან ”მხოლოდ” 14 ქულას იგებს.

პილოტების თანაბრობის პრინციპმა ”რედ ბულს” დიდი უსიამოვნება მოუტანა თურქეთში, სადაც უებერი და ფეტელი ერთმანეთს დაეჯახნენ. მაგრამ გუნდს ეს უბრალო გაუგებრობად მიაჩნია და მის განმეორებას არ ელის. თუმცა, ძნელი დასაჯერებელია, მის ხელმძღვანელობას არ ახსოვდეს, თუ რით დასრულდა 2007 წელს თანაბარუფლებიანობა ”მაკლარენში”.

მაშინ პირველობისთვის ალონსო და ლუის ჰამილტონი იბრძოდნენ. მათი პაექრობა ბოლო რბოლამდე გაგრძელდა და იმით დასრულდა, რომ ჩემპიონი ”ფერარის” კიმი რაიკონენი გახდა. არადა, სულ რაღაც სამი ეტაპით ადრე, ფინელი პილოტი ლიდერს 17 ქულით ჩამორჩებოდა.

”დღეს მარკმა მდევრებთან უპირატესობა გაზარდა, სებასტიანი კი ისევ ტიტულის პრეტენდენტი გახდა. და ჩვენ აუცილებლად ბოლომდე გავაგრძელებთ ორივე მრბოლის თანაბარ მხარდაჭერას”, - ამბობს ”რედ ბულის” შეფი ქრისტრიან ჰორნერი (სურათზე ფეტელთან ერთად), ვინც განსაკუთრებით ფეტელს აქებს: ”სებასტიანის ერთ-ერთი ყველაზე ძლიერი თვისება ისაა, რომ ის საკუთარ შესაძლებლობებში დარწმუნებულია. მჯერა, მას ერთი წამითაც არ შეპარვია ეჭვი იმაში, რომ ჯერაც აქვს ტიტულის მოპოვების შანსი”.

”ჩვენს გუნდს ძალიან გაუმართლა, რომ ისეთი ორი გაწონასწორებული და ძლიერი ნებისყოფის პილოტი გვყავს, როგორებიც მარკი და სებასტიანი არიან. რა თქმა უნდა, ამას ხანდახან გართულებებიც შეიძლება მოყვეს, მაგრამ ბევრი ასეთ გართულებებზე ოცნებობს. მე ძალიან კმაყოფილი ვარ ჩვენი პილოტების გამოსვლის დონით. და ვიმედოვნებ, ისინი ბოლომდე ასეთ დონეზე გააგრძელებენ ასპარეზობას”, - დასძენს ჰორნერი.

ის თვლის, რომ ჩემპიონის ტიტულისთვის ბრძოლაში ახლა ყველაზე მთავარი სტაბილურობაა: ”სებს ერთხანს დაეტყო, რომ ის თავს არაკომფორტულად გრძნობდა. მაგრამ ბოლო რბოლებზე მან შესანიშნავად იასპარეზა. მონცაზე, სინგაპურსა და იაპონიაში ის მართლაც კარგად გამოვიდა. რაც მთავარია, ჩამორჩენა შეამცირა და ახლა ისევ ტიტულისთვის იბრძვის. იგივე ითქმის მარკზეც - სინგაპურში, სპასა და იაპონიაში ის კვარცხლბეკზე ავიდა. მოკლედ, დარჩენილ რბოლებში, ტიტულის პრეტენდენტებისთვის ყველაზე მთავარი სტაბილურობა იქნება”.

ფეტელმა მოიგო და საჩემპიონო ბრძოლას დაუბრუნდა

10 ოქტომბერი

ფეტელი ამ სეზონში მოპოვებულ მესამე გამარჯვებას ზეიმობს

..............................

მართალია, ფორმულა 1-ის მიმდინარე მსოფლიო ჩემპიონატის დასრულებამდე ჯერ კიდევ სამი ეტაპი დარჩა, მაგრამ ისე ეტყობა, რომ საჩემპიონო რბოლას უკვე გამოეთიშა ”მაკლარენის” ორივე პილოტი - იაპონიის დიდი პრიზის შემდეგ, ლუის ჰამილტონი, ვინც სულ ერთი თვის წინ, ჩემპიონატის ლიდერი იყო, 28 ქულას აგებს ახლანდელ ლიდერთან, ავსტრალიელ მარკ უებერთან. ჰამილტონის თანაგუნდელი ჯენსონ ბატონი კი კიდევ უფრო უკანაა.

შუმახერი და როსბერგი (სურათზე აქეთაა) მოსახვევში იბრძვიან

..............................

იაპონიის სუზუკას ტრასაზე ”რედ ბულის” პილოტები - გერმანელი სებასტიან ფეტელი და უებერი დომინირებდნენ. მათ პრაქტიკებზეც, კვალიფიკაციასა და რბოლაშიც, პირველი ორი ადგილი არავის დაუთმეს. ამასთან, ყველა შემთხვევაში, ოდნავ უკეთესი გერმანელი პილოტი იყო, რომელმაც იაპონიური რბოლა ზედიზედ მეორედ მოიგო.

კვალიფიკაცია, კოკისპირული წვიმის გამო, შაბათიდან, კვირას დილით ჩატარდა. რბოლის ორგანიზატორებს ძალიან გაუმართლათ, რომ კვირას დილიდანვე გამოიდარა და კვალიფიკაციაცა და დიდი პრიზის რბოლაც მზიან ამინდში ჩატარდა. კვალიფიკაციაზე მეოთხე შედეგი პოლონელ რობერტ კუბიცას ჰქონდა, ვინც ორივე პრაქტიკაზე მესამე იყო. და თითქოს, მას ამ სეზონში საუკეთესო რბოლაც უნდა ჰქონოდა, მითუმეტეს, (ჰამილტონის ჯარიმის გამო) სტარტი მესამე პოზიციიდან აიღო, მწვანე ნიშანზე კი უებერს გაუარა და ფეტელს კვალში ჩაუდგა, მაგრამ მესამე წრეზე მისმა იღბალმა ლიმიტი ამოწურა - კუბიცას მანქანას მარჯვენა უკანა ბორბალი მოსძვრა და პოლონელისთვის რბოლა ტრასის მიღმა დასრულდა...

კუბიცამ (მეორე მანქანა) შესანიშნავი სტარტი აიღო...

..............................

ჰამილტონისთვის კი უიღბლობის მარაგი თურმე ამოწურული არ ყოფილა. პირველივე თავისუფალ პრაქტიკაზე რომ მანქანა დაამტვრია, იმ ავარიაში, როგორც ჩანს, გადაცემათა კოლოფიც დაუზიანდა. მართალია, მეორე პრაქტიკისთვის მანქანის მომზადება მოესწრო, მაგრამ გუნდს ზოგიერთი ახალი ნაწილის სათადარიგო კომპლექტი ადგილზე არ აღმოაჩნდა, რისთვისაც სასწრაფოდ ინგლისში წარმომადგენელი გაიგზავნა. მოკლედ, ”მაკლარენს” რბოლის წინ უძილო ღამე ჰქონდა, რისი შედეგიც ის იყო, რომ ჰამილტონმა კვალიფიკაცია მესამე ადგილზე დაასრულა, თუმცა იმის გამო, რომ კოლოფი ვადაზე ადრე შეუცვალეს, სტარტზე ხუთი ადგილით უკან დადგა.

სუზუკას ტრასა ძალიან საინტერესო და რთულია, მაგრამ ლიდერებს შორის მხოლოდ პოზიციური ბრძოლა გაიმართა. ჯენსონ ბატონმა მცდარი ტაქტიკა აირჩია - რბოლა ხისტი საბურავებით დაიწყო და თითქოს, ისინი რბოლის მიწურულს მათი შეცვლით, გარკვეული უპირატესობა უნდა მიეღო, მაგრამ ასე არ მოხდა. პიტ სტოპიდან ტრასაზე დაბრუნებულს, წინ ჰამილტონი დაუხვდა, თუმცა ამას მალე კოლოფში მესამე საფეხური დაუზიანდა, რის გამოც, მაღალი ტემპი ვერ შეინარჩუნა და წინ თანაგინდელი გაატარა. გვიანმა პიტ სტოპმა ბატონს მხოლოდ ის მისცა, რომ შუა რბოლაში, რამდენიმე წრის განმავლობაში, ლიდერი იყო.

პეტროვის ავარია მომძვრალმა ბორბალმა განაპირობა

.....

.....

.....

.....

.....

.....

რაც შეეხება ფერნანდო ალონსოს, მან რბოლა მესამე ადგილზე ისე დაასრულა, წინ არც არავინ გაუშვია და თავადაც არავისთვის გაუსწრია. სტარტიდან ფინიშამდე კი ”რედ ბულებს” კვალში ედგა, თუმცა მათზე იერიშის მიტანის შანსი ერთხელაც არ მისცემია.

ფეტელმა კი მეორე ისეთი რბოლა მოიგო, რომელიც პოულ პოზიციიდან დაიწყო. სულ კი ამ სეზონში ეს მისი მესამე, კარიერაში კი მერვე გამარჯვებაა. სხვათა შორის, განვლილ 16 ეტაპიდან, ფეტელმა რვის პოულის მოპოვება შეძლო, თუმცა აქედან მხოლოდ ორ შემთხვევაში გაიმარჯვა, ერთი გამარჯვება კი სხვისი პოულისას იზეიმა.

”ძალიან, ძალიან ბედნიერი ვარ, ეს პირველი დიდი პრიზია, რომელიც ორჯერ მოვიგე. ასე რომ, შემიძლია ვთქვა, ამ ტრასაზე განსაკუთრებით შეყვარებული ვარ”, - განაცხადა ფეტელმა, ვინც სულ მესამე პილოტია, რომელმაც სუზუკაზე ზედიზედ ორ სეზონში იზეიმა გამარჯვება. აქამდე ეს მიღწევა მხოლოდ მიკა ჰაკინენს და მიხაელ შუმახერს ჰქონდათ. სხვათა შორის, შუმახერს იაპონიის ექვსი დიდი პრიზი აქვს მოპოვებული.

თავისი მეორე ადგილით, უებერიც კმაყოფილი დარჩა. რატომაც არა, მან ხომ ლიდერობა კიდევ უფრო განიმტკიცა - თუ იაპონიამდე, უახლოეს მდევარ ალონსოს 11 ქულას უგებდა, ახლა იმავე ალონსოსთან და ფეტელთან 14 ქულა აშორებს.

”რედ ბულმა” კი კონსტრუქტორთა პირველობაზე განიმტკიცა ლიდერობა. გუნდმა ამ სეზონში მესამე დუბლი შეასრულა, რითაც 426 ქულა დაუგროვდა და უახლოეს მდევარ ”მაკლარენს” 450 ქულით სჯობნის. ”ფერარი” კი ლიდერს 92 ქულით ჩამორჩება.

აღსანიშნავია, რომ რბოლის სტარტი ინციდენტებით მდიდარი აღმოჩნდა. ჯერ რუსმა ვიტალი პეტროვმა სტარტზევე დაკარგა კონტროლი და ჯერ გერმანელ ნიკო ჰულკენბერგს დაეჯახა, შემდეგ კი - კედელს. პირველ მოსახვევში კი ფელიპე მასა და ვიტანტონიო ლიუცი დაეჯახნენ ერთმანეთს და თან ლუკას დი გრასიც გაიყოლეს...

აღსანიშნავია ”მერსედესის” პილოტების - მიხაელ შუმახერისა და ნიკო როსბერგის ბრძოლაც. საბოლოოდ, მსოფლიო შვიდგზის ჩემპიონმა რისკიანი მანევრით გაუარა თანამემამულეს და რბოლა მეექვსემ დაასრულა. შესანიშნავად იასპარეზა იაპონელმა კამუი კობაიაშიმ, ვინც სტარტი მე-14 ადგილიდან აიღო, თუმცა რამდენიმე რისკიანი და კონტაქტური გასწრება მოახერხა და საბოლოოდ, მეშვიდე ადგილს დასჯერდა. მასთან ერთად, ქულებში დაასრულა ასპარეზობა მისმა ახალმა თანაგუნდელმა ნიკ ჰაიდფელდმა, ორივემ ერთად კი ”ზაუბერს” წყვილად პირველად მოუპოვეს ქულები.

იაპონიის დიდი პრიზი

სუზუკა. წრის სიგრძე 5.807 კმ, 53 წრე, დისტანცია 307.471 კმ

1. სებასტიან ფეტელი (გერმანია, რედ ბული) 1:30:27.323

2. მარკ უებერი (ავსტრალია, რედ ბული) +00:00.905

3. ფერნანდო ალონსო (ესპანეთი, ფერარი) 00:02.721

4. ჯენსონ ბატონი (ბრიტანეთი, მაკლარენი) 00:13.522

5. ლუის ჰამილტონი (ბრიტანეთი, მაკლარენი) 00:39.595

6. მიხაელ შუმახერი (გერმანია, მერსედესი) 00:59.933

7. კამუი კობაიაში (იაპონია, ზაუბერი) 01:04.038

8. ნიკ ჰაიდფელდი (გერმანია, ზაუბერი) 01:09.648

9. რუბენს ბარიკელო (ბრაზილია, უილიამსი) 01:10.846

10. სებასტიან ბუემი (შვეიცარია, ტორო როსო) 01:12.806

11. ხაიმე ალგერსუარი (ესპანეთი, ტორო როსო) 1 წრე

12. ჰეიკი კოვალაინენი (ფინეთი, ლოტუსი) 1 წრე

13. იარნო ტრული (იტალია, ლოტუსი) 2 წრე

14. ტიმო გლოკი (გერმანია, ვირჯინი) 2 წრე

15. ბრუნო სენა (ბრაზილია, ისპანია) 2 წრე

16. საკონ იამამოტო (იაპონია, ისპანია) 3 წრე

17გ. ნიკო როსბერგი (გერმანია, მერსედესი) 6 წრე

გ. ადრიან სუტილი (გერმანია, ფორს ინდია) 9 წრე

გ. რობერტ კუბიცა (პოლონეთი, რენო) 51 წრე

გ. ნიკო ჰულკენბერგი (გერმანია, უილიამსი) 53 წრე

გ. ფელიპე მასა (ბრაზილია, ფერარი) 53 წრე

გ. ვიტალი პეტროვი (რუსეთი, რენო) 53 წრე

გ. ვიტანტონიო ლიუცი (იტალია, ფორს ინდია) 53 წრე

გ. ლუკას დი გრასი (ბრაზილია, ვირჯინი) 53 წრე

შენიშვნა: გ - გამოეთიშა

უსწრაფესი წრე: მარკ უებერი - 1:33.474, 53-ე წრე

პილოტების კლასიფიკაცია

1. მარკ უებერი - 220 ქულა; 2. ფერნანდო ალონსო - 206; 3. სებასტიან ფეტელი - 206; 4. ლუის ჰამილტონი - 192; 5. ჯენსონ ბატონი - 189; 6. ფელიპე მასა - 128; 7. ნიკო როსბერგი - 122; 8. რობერტ კუბიცა - 114; 9. მიხაელ შუმახერი - 54; 10. ადრიან სუტილი - 47; 11. რუბენს ბარიკელო - 41; 12. კამუი კობაიაში - 27; 13. ვიტალი პეტროვი - 19; 14. ნიკო ჰულკენბერგი - 17; 15. ვიტანტონიო ლიუცი - 13; 16. სებასტიან ბუემი - 8; 17. პედრო დე ლა როსა (ესპანეთი, ზაუბერი) - 6; 18. ნიკ ჰაიდფელდი - 4; 19. ხაიმე ალგერსუარი - 3

კონსტრუქტორთა პირველობა

1. რედ ბულ-რენო - 426 ქულა; 2. მაკლარენ-მერსედესი - 381; 3. ფერარი - 334; 4. მერსედესი - 176; 5. რენო - 133; 6. ფორს ინდია-მერსედესი - 60; 7. უილიამს-კოსუორტი - 58; 8. ზაუბერ-ფერარი - 37; 9. ტორო როსო-ფერარი - 11

ფეტელი მერვე პოულს დაეუფლა

10 ოქტომბერი

ფეტელი ასპარეზობისას

..............................

იაპონიის დიდი პრიზი

კვალიფიკაციის შედეგები

1. სებასტიან ფეტელი (გერმანია, რედ ბული) 1:30.785

2. მარკ უებერი (ავსტრალია, რედ ბული) 1:30.853

3. ლუის ჰამილტონი (ბრიტანეთი, მაკლარენი) 1:31.169

4. რობერტ კუბიცა (პოლონეთი, რენო) 1:31.231

5. ფერნანდო ალონსო (ესპანეთი, ფერარი) 1:31.352

6. ჯენსონ ბატონი (ბრიტანეთი, მაკლარენი) 1:31.378

7. ნიკო როსბერგი (გერმანია, მერსედესი) 1:31.494

8. რუბენს ბარიკელო (ბრაზილია, უილიამსი) 1:31.535

9. ნიკო ჰულკენბერგი (გერმანია, უილიამსი) 1:31.559

10. მიხაელ შუმახერი (გერმანია, მერსედესი) 1:31.846

- - - -

11. ნიკ ჰაიდფელდი (გერმანია, ზაუბერი) 1:32.187

12. ფელიპე მასა (ბრაზილია, ფერარი) 1:32.321

13. ვიტალი პეტროვი (რუსეთი, რენო) 1:32.422

14. კამუი კობაიაში (იაპონია, ზაუბერი) 1:32.427

15. ადრიან სუტილი (გერმანია, ფორს ინდია) 1:32.659

16. ხაიმე ალგერსუარი (ესპანეთი, ტორო როსო) 1:33.071

17. ვიტანტონიო ლიუცი (იტალია, ფორს ინდია) 1:33.154

- - - -

18. სებასტიან ბუემი (შვეიცარია, ტორო როსო) 1:33.568

19. იარნო ტრული (იტალია, ლოტუსი) 1:35.346

20. ჰეიკი კოვალაინენი (ფინეთი, ლოტუსი) 1:35.464

21. ლუკას დი გრასი (ბრაზილია, ვირჯინი) 1:36.265

22. ტიმო გლოკი (გერმანია, ვირჯინი) 1:36.332

23. ბრუნო სენა (ბრაზილია, ისპანია) 1:37.270

24. საკონ იამამოტო (იაპონია, ისპანია) 1:37.365

კუბიცა: ”რენოსგან” მეტია მოსალოდენლი

Kubica: More to come from Renault

9 ოქტომბერი

იაპონიის დიდი პრიზის თავისუფალ პრაქტიკებზე რომ ”რედ ბულის” პილოტები ბატონობდნენ, ამაზე უკბე გითხარით. დანარჩენებს შორის რომ საუკეთესო ”რენოს” რობერტ კუბიცა იყო, ამაზეც ითქვა. მაგრამ თურმე ნუ იტყვით, პოლონელი პილოტი თავისი მანქანის მომზადების დონით კმაყოფილი სულაც არაა და ამბობს, თუ ამ მანქანით ასეთი შედეგები მქონდა, უკეთესით რას ვიზამდიო...

”ალბათ ფიქრობთ, რომ მანქანით კმაყოფილი ვიქნები, მაგრამ ასე არაა. არის შემთხვევები, როდესაც მანქანას კარგად ვგრძნობ, მაგრამ ლიდერებისგან ორ წამში ვარ, ხან კი პირიქითაა - მანქანით უკმაყოფილო ვარ და შედეგი კარგი მაქვს. პირველ სექტორში მანქანას აშკარად ჭარბი მოხვევადობა აქვს, რაც ჩემთვის არასასურველია. ამის გამო, პირველ 6, თუ 7 მოსახვევში სასურველ ტრაექტორიაზე სიარული მიჭირს. სწორედ ამის გამო ვამბობ, რომ მანქანით ბოლომდე კმაყოფილი არ ვარ. არადა, ცხრილის მიხედვით, ამას ვერავინ იტყვის. რამდენიმე რამ გამოსასწორებელი გვაქვს და ვფიქრობ, ამის შემდეგ, უფრო სწრაფიც ვიქნები”, - ამბობს კუბიცა და ასევე ვარაუდობს, რომ თავიანთ შედეგებს აუცილებლად გააუმჯობესებენ ”მაკლარენის” და ”ფერარის” პილოტები.

”რამდენადაც სპაზე კონკურენტულები ვიყავით, ვვარაუდობდით, რომ აქაც კარგი შედეგები გვექნებოდა. ძალიან გაკვირვებული ვარ, მაგრამ აქ ”რედ ბულთან” არც ისე დიდი ჩამორჩენა გვაქვს. შესაძლოა, ეს იმის შედეგია, რომ ზოგიერთი სავსე ავზებით გამოვიდა? ეს კვალიფიკაციაზე, ან რბოლაზე გამოაშკარავდება”, - დასძენს კუბიცა.

კითხვაზე, რამდენად კონკურენტუნარიანი იქნება ”რენო” წვიმიან ამინდში, პოლონელი პასუხობს: ”ალბათ სველ ტრასაზე მოგვიწევს ასპარეზობა და ეს კითხვა აქტუალურია. სველ რბოლაში ბევრი რამ იღბალზეცაა დამოკიდებული. წინასწარ ძნელია იმის განსაზღვრა, თუ რამდენად ძლიერი წვიმა იქნება. თუ დააკვირდებოდით, ზოგი პილოტი სველ ტრასაზე ხან ძალიან კარგად ასპარეზობს, ხან კი - პირიქით. ასე რომ, წინასწარ ძნელი სათქმელია, წვიმაში რამდენად კარგად იასპარეზებ”.

ჰამილტონი შეცვლილი კოლოფის გამო დაჯარიმდა

Hamilton gets gearbox-change penalty

9 ოქტომბერი

ლუის ჰამილტონის საჩემპიონო შანსებს კიდევ ერთი დიდი ზარალი მიადგა - იმის გამო, რომ მის მანქანაზე გადაცემათა კოლოფი დაზიანდა და მისი რიგგარეშედ შეცვლა გახდა საჭირო, იაპონიის დიდ პრიზს იმაზე ხუთი პოზიციით უკან დაიწყებს, რომელ სასტარტო ადგილსაც კვალიფიკაციაზე მოიპოვებს.

”მესამე პრაქტიკის წინ, შევნიშნეთ, რომ ლუისის მანქანის კოლოფში ზეთის წნევა ნორმალურ საზღვრებში არ იყო. კვალიფიკაციის წინ, მასში რაღაც შევცვალეთ, მაგრამ კვალიფიკაციის წინ გაირკვა, რომ პრობლემა აღმოუფხვრელი დარჩა. ამიტომ, გადაწყდა, რომ კოლოფი მაინც შეგვეცვალა. ამის შედეგად, ლუისს სასტარტო რიგში ხუთი ადგილით უკან დასწევენ”, - ნათქვამია ”მაკლარენის” ოფიციალურ რელიზში.

შეგახსენებთ, რომ ძლიერი წვიმის გამო, საკვალიფიკაციო სესია კვირისთვის გადაიტანეს. ის რბოლამდე ხუთი საათით ადრე დაიწყება და ჩვეულებრივი ფორმატით, ანუ სამ ნაწილად ჩატარდება.

რაც შეეხება ჰამილტონის საჩემპიონო შანსებს, ბრიტანელ პილოტს კლასიფიკაციაში მესამე ადგილი უკავია და ის 20 ქულას აგებს ავსტრალიელ ლიდერ მარკ უებერთან, 9 ქულით კი ესპანელ ფერნანდო ალონსოს ჩამორჩება. სუზუკას ეტაპი ჰამილტონისთვის ჯერჯერობით პრობლემებითაა აღვსილი - მსოფლიოს 2008 წლის ჩემპიონმა სამივე პრაქტიკაზე სულ რამდენიმე წრის გავლა მოასწრო, რაც იმის შედეგია, რომ პირველივე სესიაზე ავარია მოუვიდა და მანქანა ძლიერ დაუზიანდა.

იაპონიის დიდი პრიზის კვალიფიკაცია კვირისთვის გადაიდო

Japanese GP qualifying postponed to Sunday

9 ოქტომბერი

უსაფრთხოების მანქანამ იარა, იარა და წითელი შუქი აანთო

..............................

იაპონიის დიდი პრიზის საკვალიფიკაციო სესია, ძლიარი წვიმის გამო, კვირისთვის გადაიდო. ეს გადაწყვეტილება, რბოლის ორგანიზატორებმა, გუნდებთან და საერთაშორისო საავტომობილო ფედერაციასთან (FIA) თათბირის შემდეგ მიიღეს.

ასეთ პირობებში რბოლის მოწყობა ორგანიზატორებმა ვერ გაბედეს

..............................

სუზუკაზე მთელი ღამე წვიმდა, დილისთვის კი წვიმა კოკისპირულში გადაიზარდა, რის გამოც, ორგანიზატორებმა რბოლა სამჯერ გადადეს იმ იმედით, რომწვიმა შეწყდებოდა. უსაფრთხოების მანქანამ ტრასას რამდენჯერმე შემოუარა, მაგრამ როცა მასში მჯდომი მსაჯი დარწმუნდა, რომ ამინდს გამოკეთების პირი არ უჩანდა, რბოლის გადადების გადაწყვეტილებამაც არ დააყოვნა.

წვიმისავე გამო, გაუქმდა მესამე თავისუფალი პრაქტიკა. მასზე დრო მხოლოდ ორმა პილოტმა დააფიქსირა. ტრასაზე თითქმის ყველა გამოვიდა, მაგრამ სწრაფი წრის გავლა მხოლოდ ორმა შეძლო, რის შემდეგაც, სესია შეწყდა.

მაყურებელი ტყუილად ელოდა გამოდარებას

..............................

FIA-ს გადაწყვეტილებით, საკვალიფიკაციო რბოლა კვირას, დილის 10 საათზე დაინიშნა. ამასთან, საკვალიფიკაციო პროცედურა ჩვეულებრივ ჩატარდება - რბოლის შემდეგ, ყველა მანქანა აიწონება და შემოწმდება.

ეს მეორე შემთხვევაა, როდესაც წვიმის გამო, სუზუკაზე საკვალიფიკაციო რბოლა კვირისთვის გადაიტანეს. პირველად ეს 2004 წელს მოხდა, რისი მიზეზიც ტაიფუნი მაონი გახდა.

კვალიფიკაციის გადატანამ იმედები გაუწბილა ათასობით ფანს (ორგანიზატორთა განცხადებით, რბოლისთვის 100 000-ზე მეტი ბილეთია გაყიდული), რომელთა უმეტესობაც, რბოლის დაწყებას ტრასის მიღმა, სახელდახელოდ გაშლილ კარვებში ელოდა. ისინი დილასაც გამოეფინენ ღია ტრიბუნაზე, სადაც წვიმისგან თავ ქოლგებით იცავდნენ, თუმცა მაინც ერთიანად გალუმპულები იყვნენ. ისინი რომ რბოლის დაწყებას ელოდნენ, პილოტები წვიმას ბოქსებში ემალებოდნენ და გარეთ ხანდახან თუ გამოჰყოფდნენთავს, თან ერთგვარი საცურაო ჟესტიკულაციით, ფანებს ანიშნებდნენ, ახლა რომ გამოვიდეთ, რბოლას კი არა, ცურვას ნახავთო.

იაპონიაში პრაქტიკები ფეტელმა მოიგო

Red Bull dominate while Hamilton suffers

8 ოქტომბერი

ფეტელი ”თავის რელსებზე” მოძრაობს

..............................

”რედ ბული” და მისი პილოტები იაპონიაშიც ჯერჯერობით ყველაზე სწრაფები არიან - პირველ ორ თავისუფალ პრაქტიკაზე საუკეთესო შედეგები სებასტიან ფეტელს და მარკ უებერს ჰქონდათ. ამასთან, გერმანელი ორივე შემთხვევაში ოზ თანაგუნდელზე სწრაფი იყო. რაც მთავარია, ორივემ ტიტულის მოცილეებს წამზე მეტით აჯობა.

”მაკლარენის” ლუის ჰამილტონი კი ისევ თავისი აგრესიული მანერის ”მსხვერპლია” - პირველ პრაქტიკაზე მანქანა დაამტვრია და შორიდან უყურებდა ”წითელი ხარების” ზეობას. ავარიის გამო, მეორე პრაქტიკაზე ის სესიის მიწურულსღა გავიდა ტრასაზე და მე-13 შედეგსღა დასჯერდა.

ჰამილტონის დამტვრეული ”მაკლარენი”

..............................

25 წლის ბრიტანელი, ვინც მსოფლიო ჩემპიონი ორი წლის წინ გახდა, ახლავ ტიტულისთვის იბრძვის, მაგრამ ბოლო ოთხი რბოლიდან მხოლოდ ერთის დასრულება შეძლო, რამაც პირველიდან მესამე ადგილამდე ჩამოაქვეითა. იაპონური ეტაპის წინ, ჩემპიონატის ლიდერ უებერს ის 20 ქულით ჩამორჩება.

მარჯვენა ორმაგ მოსახვევში, რომელიც დეგნერის სახელითაა ცნობილი, ჰამილტონმა ვერ მოზომა და მანქანა მოუცურდა. ”,აკლარენი” დამცავ ზღუდეს შეასკდა, რამაც მას მარცხენა წინა საკიდარი დაუზიანა. ჰამილტონი მანქანიდან ამოსვლის შემდეგაც კარგა ხანს არ იხსნიდა თავის შლემს, რათა გაწბილებული სახე მეტოქეებისთვის არ ეჩვენებინა.

სხვათა შორის, იაპონიისთვის ”მაკლარენმა” მანქანისთვის რამდენიმე სიახლე მოამზადა, მაგრამ ჰამილტონმა ავარიის გამო, მათი ხეირიანად გასინჯვა ვერც მოახერხა.

”როგორც ჩანს, მეტისმეტად ადრე შევუტიე და ცოტა ზედმეტიც მოვინდომე. არ ვიცი, ამბობენ, რომ ცუდი ამბები სამჯერ შეიძლება მოხდეს და მე ეს ლიმიტი უკვე ამოწურული მაქვს”, - რბოლის შემდეგ მარჩიელობდა გაწბილებული ბრიტანელი.

მისგან განსხვავებით, ორივე ”რედ ბული” სუზუკას ტრასაზე, რომელიც რვიანს წააგავს, ისე მოძრაობდა, თითქოს რელსებზე დგანანო. თუ პირველ პრაქტიკაზე თანაგუნდელებს თითქმის ერთნაირი დრო ჰქონდათ, უბერიც აშკარად დაჯაბნა - თითქმის ნახევარი წამით აჯობა.

ორივე პრაქტიკაზე მესამე საუკეთესო შედეგი პოლონელ რობერტ კუბიცას ჰქონდა. თავისი ავარიის მიუხედავად, ჰამილტონს პირველ პრაქტიკაზე მაინც მეხუთე საუკეთესო შედეგი ჰქონდა. სხვათა შორის, იმავე სესიაზე, მანქანა ჯენსონ ბატონსაც მოუცურდა, მაგრამ ავარიას გადაურჩა.

რაც შეეხება მსოფლიოს ორგზის ჩემპიონ ფერნანდო ალონსოს, ვისაც ჩემპიონატის ბოლო ორი რბოლა აქვს მოგებული და კლასიფიკაციაში მეორეზეა (უებერს 11 ქულით ჩამორჩება), მან ორივე პრაქტიკაზე მეოთხე საუკეთესო აჩვენა. ”ეს მხოლოდ პრაქტიკებია და მათზე ნაჩვენებ შედეგებს არანაირი მნიშვნელობა არ აქვს. თეორიულად, ”რედ ბული” დაუმარცხებლად ჩანს, მაგრამ ხომ გახსოვთ, ასე ხშირადაა ხოლმე, მაგრამ რბოლისას მათ ამარცხებენ ხოლმე”, - განაცხადა ალონსომ.

იაპონიის დიდი პრიზი

პირველი თავისუფალი პრაქტიკა

1. სებასტიან ფეტელი (გერმანია, რედ ბული) 1:32.585

2. მარკ უებერი (ავსტრალია, რედ ბული) 1:32.633

3. რობერტ კუბიცა (პოლონეთი, რენო) 1:33.129

4. ადრიან სუტილი (გერმანია, ფორს ინდია) 1:33.639

5. ლუის ჰამილტონი (ბრიტანეთი, მაკლარენი) 1:33.643

6. რუბენს ბარიკელო (ბრაზილია, უილიამსი) 1:33.677

7. ნიკო ჰულკენბერგი (გერმანია, უილიამსი) 1:33.707

8. მიხაელ შუმახერი (გერმანია, მერსედესი) 1:33.739

9. ნიკ ჰაიდფელდი (გერმანია, ზაუბერი) 1:33.791

10. ნიკო როსბერგი (გერმანია, მერსედესი) 1:33.831

11. ფელიპე მასა (ბრაზილია, ფერარი) 1:33.929

12. ჯენსონ ბატონი (ბრიტანეთი, მაკლარენი) 1:34.042

13. ფერნანდო ალონსო (ესპანეთი, ფერარი) 1:34.169

14. კამუი კობაიაში (იაპონია, ზაუბერი) 1:34.271

15. ვიტალი პეტროვი (რუსეთი, რენო) 1:34.373

16. ვიტანტონიო ლიუცი (იტალია, ფორს ინდია) 1:34.379

17. სებასტიან ბუემი (შვეიცარია, ტორო როსო) 1:34.991

18. ხაიმე ალგერსუარი (ესპანეთი, ტორო როსო) 1:35.684

19. ჰეიკი კოვალაინენი (ფინეთი, ლოტუსი) 1:36.949

20. ტიმო გლოკი (გერმანია, ვირჯინი) 1:37.329

21. იარნო ტრული (იტალია, ლოტუსი) 1:37.388

22. ჟერომ დ’ამბროზიო (ბელგია, ვირჯინი) 1:37.778

23. ბრუნო სენა (ბრაზილია, ისპანია) 1:38.814

24. საკონ იამამოტო (იაპონია, ისპანია) 1:39.443

მეორე თავისუფალი პრაქტიკა

1. სებასტიან ფეტელი (გერმანია, რედ ბული) 1:31.465

2. მარკ უებერი (ავსტრალია, რედ ბული) 1:31.860

3. რობერტ კუბიცა (პოლონეთი, რენო) 1:32.200

4. ფერნანდო ალონსო (ესპანეთი, ფერარი) 1:32.362

5. ფელიპე მასა (ბრაზილია, ფერარი) 1:32.519

6. ჯენსონ ბატონი (ბრიტანეთი, მაკლარენი) 1:32.533

7. ვიტალი პეტროვი (რუსეთი, რენო) 1:32.703

8. მიხაელ შუმახერი (გერმანია, მერსედესი) 1:32.831

9. ადრიან სუტილი (გერმანია, ფორს ინდია) 1:32.842

10. ნიკო ჰულკენბერგი (გერმანია, უილიამსი) 1:32.851

11. ნიკო როსბერგი (გერმანია, მერსედესი) 1:32.880

12. კამუი კობაიაში (იაპონია, ზაუბერი) 1:33.471

13. ლუის ჰამილტონი (ბრიტანეთი, მაკლარენი) 1:33.481

14. რუბენს ბარიკელო (ბრაზილია, უილიამსი) 1:33.564

15. ნიკ ჰაიდფელდი (გერმანია, ზაუბერი) 1:33.697

16. სებასტიან ბუემი (შვეიცარია, ტორო როსო) 1:34.005

17. ხაიმე ალგერსუარი (ესპანეთი, ტორო როსო) 1:34.055

18. ვიტანტონიო ლიუცი (იტალია, ფორს ინდია) 1:34.310

19. ჰეიკი კოვალაინენი (ფინეთი, ლოტუსი) 1:36.095

20. იარნო ტრული (იტალია, ლოტუსი) 1:36.333

21. ლუკას დი გრასი (ბრაზილია, ვირჯინი) 1:36.630

22. ტიმო გლოკი (გერმანია, ვირჯინი) 1:36.834

23. ბრუნო სენა (ბრაზილია, ისპანია) 1:37.352

24. საკონ იამამოტო (იაპონია, ისპანია) 1:37.831