ფორმულა 1-ის სიახლეები ნახეთ საიტ ავტო პანორამა/ავტო მოტორზე

ფორმულა 1-ის სიახლეები ნახეთ საიტ ავტო პანორამა/ავტო მოტორზე
ფორმულა 1-ის სიახლეები ნახეთ საიტ ავტო პანორამა/ავტო მოტორზე

Saturday, August 28, 2010

”ლოტუსმა” ახალი სეზონისთვის მზადება დაიწყო

Lotus now fully focused on 2011 car

28 აგვისტო

ფორმულა 1-ის სამ ახალ გუნდს შორის, გამარჯვებულად თავისუფლად შეიძლება ჩაითვალოს ”ლოტუსი”, რომელმაც სეზონის დასაწყისიდანვე შეძლო უპირატესობის მოპოვება და ძველ სუსტებსაც მიუახლოვდა. დღეს კი გუნდი თვლის, რომ ამ სეზონის მიზნებს მიაღწია და ახლა იმის დროა, რომ მომავალ სეზონზე ზრუნვა დაიწყოს, რათა ძველ გუნდებთან კონკურენციაც შეძლოს.

”პარასკევს ერთი წელი შესრულდა მას შემდეგ, რაც გუნდის პერსონალი ახალ საწარმოში. მაშინ სულ სამნი ვიყავით, დღეს კი 220-ნი ვართ. იმედი გვაქვს, რომ მომავალი სეზონისთვის უკეთ მოვემზადებით. ჩვენი მიზანი ხომ წინსვლაა და არა მიღწეულით დაკმაყოფილება”, - განაცხადა ”ლოტუსის” ტექნიკურმა დირექტორმა მაიკ გასკოინმა (სურათზე).

”ლოტუსმა”, რომელსაც მალაიზიურ ავიაკომპანია ”ეარეიჟას” მფლობელი ტონი ფერნანდესი ხელმძღვანელობს, ამ სეზონისთვის მანქანა ნაჩქარევად მოამზადა, თუმცა მისი საბაზო პარამეტრები მანქანის სრულყოფის საშუალებას იძლევა. და მაინც, გასკოინი ამას არ სჯერდება და იქადნის, რომ შემდეგი მანქანა გაცილებით კონკურენტუნარიანი იქნება.

”ჩვენთვის მნიშვნელოვანია, რომ ეს სეზონი მეათე ადგილზე დავასრულოთ, თუმცა უფრო მნიშვნელოვანი ისაა, რომ ძველ გუნდებს გავუთანაბრდეთ და მათთან ტოლსწორად პაექრობა შევძლოთ. დიდი მიღწევა იყო თუნდაც ის, რომ სტარტზე გამოსვლა შევძელით. მაგრამ თუ წელს ახალი გუნდი ვიყავით, მომავალ სეზონში ასეთად აღარავინ ჩაგვთვლის და აქედან გამომდინარე, მოლოდინიც უფრო მეტი იქნება”, - დასძენს გასკოინი.

გასულ 12 რბოლაში, ”ლოტუსის” საუკეთესო შედეგი ფინელი ჰეიკი კოვალაინენის მე-13 ადგილია, რომელიც მან ავსტრალიის დიდ პრიზზე დაიკავა. რაც შეეხება ძველ ”ლოტუსს”, რომელიც ლეგენდარულმა კოლინ ჩეპმენმა დააარსა, 1963-1978 წლებში მან პილოტებს შორის 6, კონსტრუქტორთა პირველობაზე კი 7 ტიტული მოიპოვა.

გასკოინი ამბობს, რომ ახლანდელი მანქანის კონსტრუქციის სუსტი წერტილები ჰიდრავლიკური სისტემა და გადაცემათა კოლოფია. ამის მიზეზი კი დროის უკმარისობა და რესურსების ნაკლებობა გახდა. ამასთან, ტექნიკური დირექტორი ზოგიერთი მიმწოდებლითაცაა უკმაყოფილო, რომლებმაც გუნდი უხარისხო ნაწილებით მოამარაგა.

No comments:

Post a Comment