უებერი თვლის, რომ ის „რედ ბულის“ საუკეთესო ფსონია
Webber suggests he is now Red Bull's best bet
30 აგვისტო
ბელგიის დიდი პრიზის შემდეგ, ავსტრალიელმა მარკ უბერმა განაცხადა, რომ დროა, „რედ ბულ რეისინგი“ ფსონს მასზე ჩამოვიდეს და დროებით გადადოს ავარიებისადმი მიდრეკილი მისი გერმანელი თანაგუნდელის, სებასტიან ფეტელის მხარდაჭერა.
სპაზე რბოლა უებერმა მეორე ადგილზე დაასრულა და ჩემპიონატში ლიდერობა ისევ ბრიტაელ ლუის ჰამილტონს გადააბარა. ფეტელს კი, რომელმაც რბოლა უქულოდ დაასრულა, უკვე 28 ქულას უგებს. ჰამილტონი უებერს მხოლოდ სამი ქულით უსწრებს, რაც ოზ პილოტს საფუძვლიანად აფიქრებინებს, რომ უმჯობესი იქნება, თუ ავსტრიული გუნდი აქცენტს მის მხარდაჭერაზე გააკეთებს.
რბოლის შემდგომ პრესკონფერენციაზე, უბერს კითხვა დაუსვეს, მოელის თუ არა, რომ „რედ ბული“ ახლა მის მხარდაჭერას ეცდება. რაზეც ავსტრალიელმა მიუგო: „ყველამ იცის, „მაკლარენს“ არაერთი ტიტული აქვს მოპოვებული და მათი პრიზების გალერეა ძალიან შთამბეჭდავია. გამარჯვებები „რედ ბულსაც“ აქვს, მაგრამ ამ მხრივ, „მაკლარენს“ ვერ შეედრება. ახლა ბევრი რამ იმაზეა დამოკიდებული, თუ რამდენად მონდომებულები ვიქნებით. მაინც ვფიქრობ, რომ ამ ეტაზე, ვინმესთვის უპირატესობის მინიჭება ნაადრევია, თუმცა ამას რომ ვამბობ, შესაძლოა, ამ დროს „მაკლარენში“ სულ სხვაგვარად ფიქრობენ. ვფიქრობ, მალე დადგება დრო, როდესაც გუნდს არჩევანის გაკეთება მოუწევს“, - ამბობს უებერი, ვინც ბრიტანული ეტაპის კვალიფიკაციის შემდეგ, არ მალავდა, რომ გუნდში თავს მეორე პილოტად გრძნობდა.
იმავე კითხვაზე, ჰამილტონმა უპასუხა, რომ „მაკლარენში“ რომელიმე პილოტის გამორჩევას არ აპირებენ. ცნობისათვის, „მაკლარენს“ კონსტრუქტორთა თასი რვაჯერ აქვს მოპოვებული, მისი პილოტები კი მსოფლიო ჩემპიონები 12-ჯერ გახდნენ. სულ, ამ ინგლისური გუნდის პილოტებს 169 რბოლა აქვთ მოგებული.
შეგახსენებთ, რომ ბელგიის დიდ პრიზზე „რედ ბულის“ გერმანელი პილოტი სებასტიან ფეტელი „მაკლარენის“ ბრიტანელ ჯენსონ ბატონს დაეჯახა. ფეტელმა რბოლა განაგრძო, მაგრამ პიტლეინზე უქმე გავლით დაისაჯა, ბატონისთვის კი რბოლა ავარიის ადგილზევე დასრულდა. საბლოოდ, ბელგიაში ორივე უქულდ დარჩა. მათი ბედი კი ტიტულის კიდევ ერთმა მაძიებელმა, „ფერარის“ ესპანელმა ფერნანდო ალონსომ გაიზიარა, ვინც რვოლას ფინიშამდე 7 წრით ადრე გამოეთიშა.
ბელგიაში უბერმა რბოლა პოულ პოზიციიდან დაიწყო, მაგრამ სტარტზე, ელექტრონულმა სისტემამ უმტყუნა და ლიდერობა ჰამილტონს ჩააბარა. საბოლოოდ კი ფინიშს მეორემ უწია, რის გამოც, „რედ ბულის“ შეფ ქრისტიან ჰორნერის ქება დაიმსახურა.
ჰორნერს მიაჩნია, რომ ბელგიის შემდეგ, ჩემპიონობს უკეთესი შანსები ჰამილტონს და უებერს აქვთ, თუმცა ჯერ იმის თქმა, რომ დანარჩენმა სამმა პილოტმა (ფეტელმა, ბატონმა და ალონსომ) ჩემპიონობის შანსი დაკარგეს, ნაადრევია. მარკი რეალისტია და კარგად იცის, რომ სიტუაცია შეიძლება წამში შეიცვალოს. თუმცა ისიც ფაქტია, რომ მას შესანიშნავი პოზიცია უკავია.
No comments:
Post a Comment