formula 1

ალონსო თავისუფალ პრაქტიკებზე უსწრაფესია

Alonso fastest in first Belgian GP practice

27 აგვისტო

ალონსო მოსახვევ ო რუჟში

..............................

განახლდა ფორმულა 1-ის მსოფლიო ჩემპიონატი. მორიგ, მე-13 ეტაპს, ბელგიის სპა ფრანკორშანი მასპინძლობს, რომლის პირველ თავისუფალ პრაქტიკაზეც, საუკეთესო შედეგი მსოფლიოს ორგზის ჩემპიონს, ”ფერარის” ესპანელ ფერნანდო ალონსოს ჰქონდა.

მსოფლიო ჩემპიონატის ყველაზე გრძელ ტრასაზე, რომლის სიგრძეც დაახლოებით 7 კილომეტრია, ალონსოს 0.770 წამით ჩამორჩა ”მაკლარენის” ბრიტანელი ლუის ჰამილტონი, მესამე შედეგი კი პოლონელმა რობერტ კუბიცამ აჩვენა, რომლის ”რენოზეც” ”ჯადოსნური” ჰაერსადინარის ახალი ვერსია დგას.

მხოლოდ მეოთხე შედეგი ჰქონდა ”რედ ბულის” გერმანელ სებასტიან ფეტელს, მისი ავსტრალიელი თანაგუნდელი მარკ უებერი კი, ვისაც გუნდმა 34-ე დაბადების დღე ტორტით მიულოცა, მხოლოდ მეშვიდე შედეგს დასჯერდა.

შეგახსენებთ, რომ ჩემპიონატის კლასიფიკაციაში, ფეტელი 4 ქულით სჯობნის ჰამილტონს, მესამე კი ფეტელია, რომელიც ლიდერს 10 ქულით ჩამორჩება. რაც შეეხება ალონსოს, ლიდერთან მას 20 ქულა აშორებს.

პირველი პრაქტიკის შედეგებს არანაირი მნიშვნელობა არ აქვს, რადგან სესია ძლიერი წვიმის გამო კარგა ხნით შეწყდა და მის მიწურულსღა განახლდა, როდესაც მზემ გამოანათა. სწორედ ამის შემდეგ დაფიქსირდა ალონსოს საუკეთესო დრო. ისე კი, წვიმის გამ, არცერთ 18 წრეზე მეტი არ გაუვლია.

”ბოლო სამი ეტაპია, მანქანა მნიშვნელოვნადაა გაუმჯობესებული. დღეს შემიძლია ვთქვა, რომ ის კონკურენტუნარიანია და შეგვიძლია მისი იმედი ვიქონიოთ. ვიცით, რომ ”რედ ბული” ნებისმიერ ტრასაზე ძლიერია, ვიცით, რომ ზოგიერთ ტრასაზე, მაგალითად მონცაზე, ”მაკლარენიც” კონკურენტუნარიანი იქნება. ასე რომ, წინ დაძაბული პაექრობები გველის”, - რბოლის შემდეგ განაცხადა ალონსომ.

საჭის მექანიზმის გამოცვლა გახდა საჭირო ბრაზილიელი რუბენს ბარიკელოს ”უილიამსზე”. შეგახსენებთ, რომ ბელგიური რბოლა მესამასეა მის 18-წლიან კარიერაში. საბოლოოდ, ის მეცხრე შედეგს დასჯერდა და მეორე პრაქტიკაზეც მეცხრე იყო. ცხრილის სათავეში კი ისევ ალონსო დარჩა, რომელმაც წინა პრაქტიკაზე მის მიერვე ნაჩვენები შედეგი თითქმის 12 წამით გააუმჯობესა.

წვიმამ მეორე სესიაც რამდენჯერმე შეწყვიტა, მეორე სესიის მიწურულს კი რბოლა რამდენიმე წუთით იმის გამო შეწყდა, რომ რამდენიმე მაყურებელმა მათთვის სახიფათო ზონაში შეაღწია. ბოლო წუთამდე, ცხრილის სათავეში ”ფორს ინდიას” გერმანლი ადრიან სუტილი იმყოფებოდა, რომლის ყოფილმა თანაგუნდელმა, იტალიელმა ჯანკარლო ფიზიკელამაც, ინდურ გუნდს პირველი პოული და საკვარცხლბეკო ფინიში შარშან სწორედ ბელგიაში მოუპოვა და ახლა სუტილი იმედოვნებს, რომ იმ წარმატების გამეორებას შეძლებს.

მეორე სესიაზე თითო საფეხურით დაქვეითდნენ ჰამილტონი და კუბიცა. უფრო საინტერესო კი ისაა, რომ ალონსოს ისინი ამჯერად მხოლოდ 0.3 წამზე ნაკლებით ჩამორჩნენ. სამაგიეროდ, მეორე სესიაზე ვერ ივარგა უებერმა, რომელიც ამჯერად მე-18 შედეგს დასჯერდა.

ბელგიის დიდი პრიზი

პირველი თავისუფალი პრაქტიკა

1. ფერნანდო ალონსო (ესპანეთი, ფერარი) 2:00.797

2. ლუის ჰამილტონი (ბრიტანეთი, მაკლარენი) 2:01.567

3. რობერტ კუბიცა (პოლონეთი, რენო) 2:02.081

4. სებასტიან ფეტელი (გერმანია, რედ ბული) 2:02.450

5. ადრიან სუტილი (გერმანია, ფორს ინდია) 2:02.646

6. ჯენსონ ბატონი (ბრიტანეთი, მაკლარენი) 2:02.913

7. მარკ უებერი (ავსტრალია, რედ ბული) 2:02.926

8. კამუი კობაიაში (იაპონია, ზაუბერი) 2:03.401

9. რუბენს ბარიკელო (ბრაზილია, უილიამსი) 2:03.424

10. მიხაელ შუმახერი (გერმანია, მერსედესი) 2:03.489

11. ფელიპე მასა (ბრაზილია, ფერარი) 2:03.601

12. ნიკო ჰულკენბერგი (გერმანია, უილიამსი) 2:03.649

13. ნიკო როსბერგი (გერმანია, მერსედესი) 2:03.654

14. პედრო დე ლა როსა (ესპანეთი, ზაუბერი) 2:03.851

15. ვიტანტონიო ლიუცი (იტალია, ფორს ინდია) 2:04.145

16. ხაიმე ალგერსუარი (ესპანეთი, ტორო როსო) 2:04.250

17. ვიტალი პეტროვი (რუსეთი, რენო) 2:04.690

18. სებასტიან ბუემი (შვეიცარია, ტორო როსო) 2:05.680

19. ტიმო გლოკი (გერმანია, ვირჯინი) 2:05.697

20. ლუკას დი გრასი (ბრაზილია, ვირჯინი) 2:06.695

21. იარნო ტრული (იტალია, ლოტუსი) 2:07.189

22. ბრუნო სენა (ბრაზილია, ისპანია) 2:07.737

23. ჰეიკი კოვალაინენი (ფინეთი, ლოტუსი) 2:07.955

24. საკონ იამამოტო (იაპონია, ისპანია) 2:10.507

მეორე თავისუფალი პრაქტიკა

1. ფერნანდო ალონსო (ესპანეთი, ფერარი) 1:49.032

2. ადრიან სუტილი (გერმანია, ფორს ინდია) 1:49.157

3. ლუის ჰამილტონი (ბრიტანეთი, მაკლარენი) 1:49.248

4. რობერტ კუბიცა (პოლონეთი, რენო) 1:49.282

5. ფელიპე მასა (ბრაზილია, ფერარი) 1:49.588

6. სებასტიან ფეტელი (გერმანია, რედ ბული) 1:49.689

7. ჯენსონ ბატონი (ბრიტანეთი, მაკლარენი) 1:49.755

8. პედრო დე ლა როსა (ესპანეთი, ზაუბერი) 1:50.081

9. რუბენს ბარიკელო (ბრაზილია, უილიამსი) 1:50.128

10. კამუი კობაიაში (იაპონია, ზაუბერი) 1:50.200

11. ვიტალი პეტროვი (რუსეთი, რენო) 1:50.251

12. მიხაელ შუმახერი (გერმანია, მერსედესი) 1:50.341

13. ნიკო როსბერგი (გერმანია, მერსედესი) 1:50.382

14. ხაიმე ალგერსუარი (ესპანეთი, ტორო როსო) 1:50.682

15. ნიკო ჰულკენბერგი (გერმანია, უილიამსი) 1:50.831

16. ვიტანტონიო ლიუცი (იტალია, ფორს ინდია) 1:51.520

17. სებასტიან ბუემი (შვეიცარია, ტორო როსო) 1:51.523

18. მარკ უებერი (ავსტრალია, რედ ბული) 1:51.636

19. ჰეიკი კოვალაინენი (ფინეთი, ლოტუსი) 1:53.480

20. იარნო ტრული (იტალია, ლოტუსი) 1:53.639

21. ლუკას დი გრასი (ბრაზილია, ვირჯინი) 1:54.325

22. ბრუნო სენა (ბრაზილია, ისპანია) 1:55.751

23. საკონ იამამოტო (იაპონია, ისპანია) 1:56.039

24. ტიმო გლოკი (გერმანია, ვირჯინი) 2:03.179