რაიკონენს და გრონჰოლმს პრობლემები შეექმნათ
Raikkonen, Gronholm Experience Trouble in Rally
13 თებერვალი
შვედეთში სარტი აიღო რალის მსოფლიო ჩემპიონატმა, სადაც ფორმულა 1-ის 2007 წლის ჩემპიონის, ფინელი კიმი რაიკონენის (სურათზე) დებიუტი შედგა. მაგრამ მისთვის შვედური რალი პრობლებებით დაიწყო - ხუთი სპეცმონაკვეთის შემდეგ ფინელი მრბოლი მოწინავე ათეულში იყო, მაგრამ მე-6 მონაკვეთზე ის თავისი ”სიტროენ C4 WRC-ით” გზის მიღმა თოვლის გროვას შეეჯახა.
რაიკონენმა გზის განგრძობა კი შეძლო, მაგრამ რამდენიმე კილომეტრის შემდეგ ისევ გაჩერდა. პრობლემის აღმოფხვრის შემდეგ, მან გზა განაგრძო, თუმცა რბოლის ლიდერს, ფინელ მიკო ჰირვონენს ნახევარ საათზე მეტით ჩამორჩა.
რბოლის პირველი დღე პრობლემური გამოდგა მსოფლიოს ორგზის ჩემპიონის, მარკუს გრონჰოლმისთვისაც, რომელიც მისმა სარბოლმა ”ფორდ ფოკუს RS-მა” გააწამა. მანქანას იმავე, მე-6 სპეცმონაკვეთზე, ელექტროსისტემა დაუზიანდა, რაზეც გრონჰოლმმა 10 წუთზე მეტი დაკარგა. მართალია, გრონჰოლმმა შეძლო პრობლემის მოგვარება, მაგრამ სპეცმონაკვეთი მის ფინელ გამარჯვებულ იარი-მატი ლატვალასთან 12 წუთით და 31 წამით გვიან დაასრულა, საერთო კლასიფიკაციაში კი პირველი დღე 29-ე ადგილზე დაასრულა.
შვედეთის რალის პირველი დღის შემდეგ, რბოლას ჰირვონენი ლიდერობდა, რომელიც მსოფლიოს ექვსგზის ჩემპიონს, ფრანგ სებასტიან ლოებს (სიტროენი) 6.2 წამს უგებდა. ლიდერთან 10.6-წამიანი ჩამორჩენით, მესამე ადგილი ლოების ესპანელ თანაგუნდელ დანიელ სორდოს ეკავა.
No comments:
Post a Comment