ბუემის „ტორო როსო“ ხუთეულში შეჰყავს
Buemi Rates Toro Rosso Inside the Top 5
23 მარტი
ერთ-ერთი იმ გუნდთაგანი, რომლისგანაც ახალ სეზონში სიურპრიზებია მოსალოდნელი, „სკუდერია ტორო როსოა“. უფრო მეტიც, მისი შვეიცარელი პილოტი სებასტიან ბუემი დარწმუნებულია, რომ მის გუნდს სეზონის ბოლოს მოწინავე ხუთეულში შესვლა შეუძლია.
არადა, ისეთი ახალი გუნდები, როგორებიც „ლოტუსი“ და „ვირჯინია“, იქადნიან, რომ ამ სეზონში ისინი სწორედ „ტორო როსოს“ დაეწევიან. რა თქმა უნდა, იტალიური გუნდი მათს სამიზნეში მხოლოდ იმის საფუძველზე მოექცა, რომ გასული სეზონის ბოლოს, კონსტრუქტორთა პირველობაზე, მათ წინ სწორედ „ტორო როსო“ იქნება.
ერთ-ერთი პირველი, ვინც „ტორო როსოს“ პროგრესზე ხმამაღლა ილაპარაკა, მსოფლიოს ორგზის ჩემპიონი ფერნანდო ალონსოა. ამის შემდეგ, თავიანთ შანსებზე საუბარი ბუემიმ და მისმა ესპანელმა თანაგუნდელმა ხაიმე ალგერსუარიმაც დაიწყეს. ისინი ამბობენ, რომ კარგი შედეგების მიღწევა, ახალ სეზონში სრულიად რეალურია.
„ყოველგვარი მიკერძოების გარეშე, ჩვენი მანქანა კონკურენტუნარიანი ჩანს. ჩემი აზრით, ის მოწინავე ხუთეულში ყოფნის საშუალებას მოგვცემს. ამის თქმის საბაბს, სეზონის წინა ტესტების მონაცემები გვაძლევს. თუმცა, ისიც გასათვალისწინებელია, რომ რეგლამენტის მნიშვნელოვანი ცვლილების გამო, ტესტების შედეგების მიხედვით, გუნდების შესაძლებლობებზე ლაპარაკი ცოტა ცოტა ნაადრევია. უფრო რეალურ სურათს კი მელბურნში მივიღებთ“, - ამბობს ბუემი.
No comments:
Post a Comment