ფორმულა 1-ის სიახლეები ნახეთ საიტ ავტო პანორამა/ავტო მოტორზე

ფორმულა 1-ის სიახლეები ნახეთ საიტ ავტო პანორამა/ავტო მოტორზე
ფორმულა 1-ის სიახლეები ნახეთ საიტ ავტო პანორამა/ავტო მოტორზე

Wednesday, May 18, 2011

ფორმულა 1-ში ჩასაბერი დიფუზორი ნაწილობრივ აიკრძალება

FIA in blown diffuser clampdown

18 მაისი

არაა გამორიცხული, რომ მალე ფორმულა ერთში გუნდების კონკურენტუნარიანობა გათანაბრდეს, ან სულაც, ყველაფერი რადიკალურად შეიცვალოს. ყოველ შემთხვევაში, საერთაშორისო საავტომობილო ფედერაციის (FIA) ტექნიკურმა კომისიამ ისეთი სიახლის შემოღება გადაწყვიტა, რომელიც „რედ ბულს“, „მაკლარენს“, „რენოს“ და სხვა ძლიერ გუნდებს, სხვებთან სოლიდურ უპირატესობას დააკარგვინებს.

ეს სიახლე კი ეგრეთ წოდებული ჩასაბერი დიფუზორის აკრძალვაა და ის ძალაში ესპანეთის დიდი პრიზიდან შევა. ეს ერთ-ერთი იმ კომპონენტთაგანია, რომელიც ძლიერ გუნდებს სოლიდურ უპირატესობას ანიჭებს. სისტემა თანდათან იხვეწება და ურთულეს ფორმებს ღებულობს. იმდენად რთულს, რომ ხშირად, მისი ჭკუაზე მოყვანა, ისეთ ტექნოლოგიურად განვითარებულ გუნდებსაც კი უჭირთ, როგორებიც „მაკლარენი“ და „მერსედეს ბენცია“.

ჩასაბერი დიფუზორის ერთ-ერთი მთავარი უპირატესობა ისაა, რომ ის დიფუზორის ქვეშ ჰაერის ძლიერ ნაკადს მაშინაც კი უზრუნველყოფს, როდესაც ავტომობილი დაბალი სიჩქარით მოძრაობს. რაც უფრო მნიშვნელოვანია, ჩასაბერი დიფუზორი მაშინაცაა ეფექტური, როდესაც დროსელის სარქველი ნაწილობრივ, ან სრულადაა მიხურული.

FIA-მ გუნდებს დაუგზავნა შეტყობინება, რომელშიც მითითებულია, რომ ესპანური რბოლიდან იკრძალება გამობოლქვილი გაზების დიფუზორში მიმართვა მაშინ, როდესაც მრბოლს აქსელერატორიდან ფეხი აღებული აქვს. ეს კი იმის ხარჯზე მოხდება, რომ მოსახვევის გავლისას, როდესაც პილოტს გაზის პედლიდან ფეხი აღებული აქვს, დროსელის სარქველი, მაქსიმუმ 10 პროცენტით უნდა იყოს ღია. ამგვარად, შემცირდება ამ დროს ძრავის გამოსაბოლქვში მოძრავი აირის სიჩქარე და შესაბამისად, ჩასაბერი დიფუზორის ეფექტურობა. ცნობისათვის, ზოგი გუნდი ახერხებდა, რომ დროსელი მუდმივად 100 პროცენტით გაღებულ მდგომარეობაში შეენარჩუნებინა. ამ დროს, ძრავი მუდმივად დატვირთული იყო, ოღონდ ის, მის მიერ გამოტყორცნილი აირის ხარჯზე, მანქანის აეროდინამიკური მახასიათებლების გაუმჯობესებაზე მუშაობდა.

FIA-ს არგუმენტი ისაა, რომ დროსელის გამოყენება მხოლოდ იმისთვის უნდა ხდებოდეს, რომ ძრავის მიერ გამომუშავებული მაბრუნი მომენტი გაიზარდოს და არა იმისთვის, რომ ავტომობილის აეროდინამიკური მახასიათებლები გაუმჯობესდეს. ამგვარად, თუ მანქანა ჩასაბერ დიფუზორს მაშინ გამოიყენებს, როდესაც გაზის პედალი ღია არაა, ეს ტექნიკური რეგლამენტის 3.15 პუნქტის დარღვევად ჩაითვლება.

No comments:

Post a Comment