„მაკლარენს“ ესპანეთისთვის 10-12 სიახლე ექნება
McLaren takes 10-12 upgrades to Spain
18 მაისი
„მაკლარენის“ საინჟინრო გუნდის დირექტორი ტიმ გოსი ამბობს, რომ ბარსელონაში ინგლისური საჯინიბოს მანქანებს 10-ზე მეტი ახალი კომპონენტი ექნება. ამასთან, გუნდი იმ სიახლეებსაც დანერგავს, რომლებიც თურქული ეტაპისთვის ჰქონდა მომზადებული, მაგრამ რამდენადაც მათი საიმედობა დადასტურებული არ იყო, ისტანბულში მათგან თავი შეიკავეს.
„როგორც ყოველთვის, მანქანების დახვეწის პროცესი არასდროს წყდება. ესპანეთისთვის რამდენიმე სიახლე მოვამზადეთ - ბარსელონაში მანქანას 10-12 ახალი კომპონენტი ექნება, რომელთაგან ზოგს შეამჩნევთ, ზოგს კი - ვერა. ჩვენი მიზანი რბოლების და ჩემპიონატის მოგებაა. ამიტომ, „რედ ბულთან“ ჩამორჩენა უნდა აღმოვფხვრათ და ეს რაც შეიძლება, სწრაფად უნდა შევძლოთ. სიახლეები თურქეთშიც გვქონდა, მაგრამ ისინი იქ არ გამოვიყენეთ, თუმცა, ბარსელონაში მანქანაზე მათაც დავაყენებთ. თურქეთამდე მათთან დაკავშირებით გარკვეული ეჭვები მქონდა, რის გამოც, მათზე ბოლო მომენტში უარი ვთქვით“, - ამბობს გოსი.
ის დასძენს, რომ ბარსელონაშიც, მიუხედავად იმისა, რომ იქაური ავტოდრომი გასწრებისთვის მოსახერხებელი ვერაა, საინტერესო რბოლას ელის. და ამის იმედს ის ტექნიკური რეგლამენტი აძლევს, რომელიც ამ სეზონში ამოქმედდა. თუმცა, ჯერ არაფერს ამბობს, თუ რა ცვლილებები შეიძლება მოჰყვეს ჩასაბერი დიფუზორის ნაწილობრივ აკრძალვას.
No comments:
Post a Comment