ტოდტი შეზღუდული ტესტების მომხრეა
Todt pushing for limited testing return
9 მაისი
საერთაშორისო საავტომობილო ფედერაციის (FIA) პრეზიდენტი ჟან ტოდტი, ფორმულა 1-ის გუნდებს მოუწოდებს, რათა მომავალი სეზონიდან, ჩემპიონატის მსვლელობისას, ლიმიტირებული ტესტების შემოღებას მხარი დაუჭირონ. ის თვლის, რომ ტესტების გაუქმება დიდი შეცდომა იყო, თუმცა ისიც ესმის, რომ ეს გლობალური ეკონომიკური კრიზისით იყო განპირობებული.
ტოდტი წინადადებას იძლევა, რომ მომავალ სეზონში, გუნდებს სამჯერ ორდღიანი ტესტების უფლება მიეცეთ. მისი წინადადების განხილვა, ფორმულა 1-ის კომისიის ვალენსიას სხდომაზე, 23 ივნისს გაიმართება. ტოდტი იმედოვნებს, რომ კომისია მის შეთავაზებას ამ სხდომაზევე დაამტკიცებს. მაგრამ თუ გუნდები მის შეთავაზებას მხარს არ დაუჭერენ, მაშინ ის მასვე კიდევ ერთხელ, ერთი წლის შემდეგ წამოაყენებს.
„ჩემი აზრით, ტესტების გაუქმება სულელური გადაწყვეტილება იყო. ადრე ტესტები შეზღუდული არ იყო და ესეც სიგიჟეს ჰგავდა, მაგრამ შეუძღუდავი ტესტებიდან მათს სრულ აკრძალვაზე გადასვლაც მცდარი გადაწყვეტილება იყო. სხვა თუ არაფერი, ახალბედებს გამოცდილების მიღების საშუალება არ ეძლევათ. მე ყველაფერს გავაკეთებ იმისათვის, რომ ეს სიტუაცია მალე შეიცვალოს.
რა თქმა უნდა, თავისუფალი ტესტირების მომხრე არ ვარ. მაგრამ ისიც ხომ ფაქტია, რომ გუნდებს ახლა სიმულატორები აქვთ, რომლებიც ასევე ძალიან ძვირი დაუჯდათ და რა აზრი აქვს ბიუჯეტების შემცირების მიზნით ტესტების აკრძალვას, თუ ისინი ამ სიმულატორებში ფულს მაინც ხარჯავენ? ასე რო, სეზონის განმავლობაში რამდენიმე სატესტო დღის დაწესება ყველასთვის სასარგებლო გადაწყვეტილება იქნება“, - ამბობს ტოდტი.
No comments:
Post a Comment