„ფერარი“ მასას კონტრაქტს გაუგრძელებს
Ferrari Confirm Massa Until the End of 2012
15 მაისი
ჯერ კიდევ თურქეთის დიდი პრიზის დღეებში, „ფერარის“ პრეზიდენტმა ლუკა დი მონტეძემოლომ არაორაზროვნად მიანიშნა, რომ ბრაზილიელი ფელიპე მასა „წითლებში“ სულ ცოტა, მომავალი სეზონის ბოლომდე დარჩებოდა. ესპანური ეტაპის წინ კი თავისი ნათქვამი სიენენთან საუბრისას დაადასტურა.
„ფერარისთან“ მიმდინარე კონტრაქტი მასას მომავალი სეზონის ბოლოს უმთავრდება. თუმცა, გამოითქვა ვარაუდი, რომ მარანელოელები მას ამ სეზონის ბოლოს კარისკენ მიუთითებდნენ. მის შემცვლელად კი გერმანელი ნიკო როსბერგი და ავსტრალიელი მარკ უებერი მოიაზრებოდნენ.
„დიახ, მას ჩვენთან ამ და მომავალ სეზონზეც კონტრაქტი აქვს. ასე რომ, ამაზე კითხვები ნუღარ გექნებათ“ - ციენენთან საუბრისას განაცხადა დი მონტეძემოლომ, ვინც ამ სეზონის დასაწყისში აშკარად მიუთითებდა, რომ გუნდში მასას დარჩენა, მის შედეგებზე იქნებოდა დამოკიდებული.
ბრაზილიელი, ვისაც 2008 წელს ჩემპიონობამდე ერთადერთი ქულა დააკლდა, გასულ ორ სეზონში უღიმღამოდ გამოიყურებოდა. თუმცა, ამ სეზონის დასაწყისში აშკარად მოუმატა და მიუხედავად იმისა, რომ ქულებით თანაგუნდელ ფერნანდო ალონსოს ჩამორჩება, რბოლების დროს საკმაოდ კარგად გამოიყურება და იმის შანსიც ჰქონდა, რომ კვარცხლბეკზე ალონსოზე ადრე (ჩინეთში) ასულიყო.
No comments:
Post a Comment