ნიუის უებერის „რედ ბულში“ შენარჩუნება სურს
Newey Fancies Webber Stay in 2012
17 მაისი
ახლახანს „რედ ბულის“ კონსულტანტმა ჰელმუტ მარკომ მარკ უებერი ლამის მეორე ნომრად მოიხსენია და განაცხადა, რომ ავსტრალიელის დანიშნულება ამ სეზონში, თანაგუნდელ სებასტიან ფეტელის მეტოქეებისთვის ქულების ართმევა იქნება. თუმცა, ასე არ ფიქრობს გუნდის ტექნიკური დირექტორი, ჩემპიონი მანქანის მთავარი შემოქმედი ედრიან ნიუი, ვისაც მიაჩნია, რომ „რედ ბულმა“ აუცილებლად უნდა შეინარჩუნოს უებერი.
„რედ ბულ რეისინგში“, ავსტრალიელი მრბოლი ერთადერთი მნიშვნელოვანი ფიგურაა, რომელსაც კონტრაქტი არ გაუგრძელებია და ძველი კი ამ სეზონის ბოლოს უმთავრდება. მას ჩემპიონატში მესამე ადგილი უკავია და ლიდერ თანაგუნდელს 39 ქულით ჩამორჩება.
„ვიმედოვნებ, რომ მარკი მომავალ სეზონშიც ჩვენტან იქნება. გარდა იმისა, რომ შესანიშნავი პიროვნებაა, გუნდისადმი მისი დამსახურებაც მნიშვნელოვანია. ჩვენი გუნდის ჩემპიონად ფორმირების პროცესში, ის თავიდანვე ერთ-ერთი ძირიტადი ფიგურა იყო. სები და მარკი თავთავიანთ საქმეში შეუცვლელები არიან. ჩვენ ორივეს ვუსმენთ და შედეგად, მანქანა უმჯობესდება“, - ამბობს ნიუი.
რაც შეეხება იმას, რომ ამ სეზონში, უებერი ჯერჯერობით მცირე კონკურენციასაც კი ვერ უწევს ფეტელს, ნიუის ამაზეც მყარი არგუმენტი გააჩნია. ის თვლის, რომ უებერს „პირელის“ ახალ საბურავებთან შეგუება გაუჭირდა და ამისთვის მეტი დრო სჭირდება. თუმცა, უკვე ეტყობა, რომ ალღოს უღებს, რაც მის შედეგებზეც აისახება. უფრო მეტიც, ნიუი დარწმუნებულია, რომ ავსტრალიელი თავის ჩემპიონ თანაგუნდელს, ჩემპიონობისთვის ბრძოლაში, ამ სეზონშიც მედგარ კონკურენციას გაუწევს.
No comments:
Post a Comment