სენას ავარია შესაძლოა, გახეთქილ საბურავს გამოეწვია
Tire Puncture Might Have Caused Senna's Death - Newey
17 მაისი
უკვე თითქმის ორი ათეული წელია, ედრიან ნიუი ფორმულა ერთის საუკეთესო ინჟინრად ითვლება. ესგასაკვირი სულაც არაა, მას ხომ სამ გუნდში - „უილიამსში“, „მაკლარენსა“ და „რედ ბულში“ აქვს საჩემპიონო მანქანები შექმნილი. მის გადასაბირებლად კი წლების განმავლობაში ამაოდ ცდილობს „ფერარი“.
მაგრამ ყველამ როდი იცის, რომ ერთხანს ის დიდი პრიზების ცირკის დატოვებაზეც კი ფიქრობდა. ეს სურვილი მას 90-იანი წლების შუაწელში გაუჩნდა, მას შემდეგ, რაც იმოლას ავტოდრომზე მომხდარი კატასტროფის შემდეგ, სიცოცხლეს მსოფლოს სამგზის ჩემპიონი აირტონ სენა გამოესალმა. იმ სეზონში ნიუი სწორედ „უილიამსში“ მუშაობდა, გუნდში, რომლის მანქანითაც ლეგენდარული ბრაზილიელი ასპარეზობდა.
„იმ ავარიის შემდეგ იც მცირეოდენი თმაც კი დამცვივდა, რაც თავზე შემრჩენოდა. მეც და პატრიკ ჰედსაც (უილიამსის ტექნიკური დირექტორი) რბოლებიდან წასვლა გვინდოდა. საკუთარ თავს ვეკითხებოდით - გვინდოდა ისეთ სპორტში მუშაობა, სადაც ადამიანები ჩვენს მიერ შემუშავებული მანქანებით დაიღუპებოდნენ? მითუმეტეს, არსებობდა იმის ეჭვი, რომ ეს კონსტრუქციაში დაშვებული შეცდომის, ან დაუდევრად გაკეთებული ნაწილის გამო შეიძლება მომხდარიყო. ამას სასამართლო საქმეც დაერთო. ჩვენ ვცდილობდით, გაგვერკვია მომხდარის ზუსტი მიზეზი. მოკლედ, ეს საშინელი რამდენიმე კვირა იყო“.
„ერთი რამის თქმა შეიძლება - ზუსტად ვერავინ ვერასდროს გაიგებს, თუ რამ გამოიწვია ეს საშინელება. ეჭვი არაა იმაზე, რომ საჭის ღერძი გატყდა. მაგრამ არსებობს საფუძვლიანი კითხვა - ის ინციდენტამდე გატყდა, თუ შეჯახების დროს? ლაპარაკი არცაა იმაზე, რომ ავარია შეიძლებოდა ცუდად მოფიქრებულ კონსტრუქციას გამოეწვია. ყველა მონაცემი კი იმაზე მეტყველებს, რომ მანქანა ტრასის მიღმა საჭის გაუმართაობის გამო არ გადასულა“, - ამბობს ნიუი.
გამოცდილი ინჟინრის აზრით, ყველაზე დიდი ალბათობაა იმისა, რომ ავარია საბურავის დაზიანებას გამოეწვია. ამ შემთხვევაში, 300 კმ/სთ-ზე მეტი სიჩქარით მიმავალ მანქანაზე კონტროლის დაკარგვა თავისუფლად შეიძლებოდა, რასაც საბოლოოდ, კედელთან შეჯახება მოჰყვა.
No comments:
Post a Comment