ჩასაბერი დიფუზორის შეზღუდვა გადაიდო
Teams get reprieve over blown diffusers
19 მაისი
ისტანბულიდან ბარსელონამდე ორკვირიანი პერიოდი არც ისე ბევრი გამოდგა იმისათვის, რომ გუნდებს საერთაშორისო საავტომობილო ფედერაციის (FIA) მიერ შეთავაზებული რეგლამენტის შესწორებების ადაპტაცია მოესწროთ - ჩასაბერი დიფუზორის მოდიფიკაციისთვის, გუნდებმა დამატებითი დრო მოითხოვეს, რაზეც უარი არ მიუღიათ.
FIA-ს სურვილი ისაა, რომ ძრავის მიერ გამობოლქვილი აირის ჭავლმა აეროდინამიკური დანიშნულებით არ იმუშაოს. განსაკუთრებით კი იმ დროს, როდესაც მრბოლს ფეხი გაზიდან აღებული აქვს. თანამედროვე ძრავები იმგვარადაა დაპროგრამებული, რომ ძრავების შემშვები დროსელი, მაშინაც კი, როდესაც პილოტის ფეხი გაზის პედალს არ აწვება, თითქმის ბოლომდე გახსნილია, რითაც გამობოლქვილი აირის მაღალ წნევას უზრუნველყოფს. თავის მხრივ, გამონაბოლქვის ჭავლი ჩასაბერ დიფუზორზეა მიმართული და დაბალი სიჩქარით გადაადგილებისას (განსაკუთრებით მოსახვევში) მანქანის აეროდინამიკური დატვირთვის ზრდას იწვევს. ეს კი გზის საფართან საბურავების ჩაჭიდების გაუმჯობესებაში აისახება.
FIA-ს მიერ შესწორებული რეგლამენტით, როცა მანქანა მუხრუჭებზეა, დროსელი მხოლოდ მინიმალურად შეიძლება იყოს გახსნილი. ამასთან, ის ძრავის მაბრუნი მომენტის გაზრდას უნდა ემსახურებოდეს და არ ასრულებდეს აეროდინამიკურ დანიშნულებას.
გუნდებმა, განსაკუთრებით კი მეწინავეებმა განაცხადეს, რომ ამ ცვლილების განსახორციელებლად, ორი კვირაზე გაცილებით მეტი დრო დასჭირდებათ. ამასთან, მათ აღიარეს, რომ აღნიშნული შეზღუდვის შემდეგ, ძალთა განლაგება შეიძლება რადიკალურად შეიცვალოს. ამიტომ, გუნდებთან თათბირის შემდეგ, FIA-მ გადაწყვიტა, რომ ესპანური რბოლისთვის, რეგლამენტში ცვლილება არ შეიტანოს. თუმცა ასე დიდხანს არ გაგრძელდება...
No comments:
Post a Comment