formula 1

„მერსედესის“ თავისუფალი პრაქტიკები

Button pips Rosberg in second practice

6 მაისი

ცოტა უცნაური კია, მაგრამ პარასკევის თავისუფალი პრაქტიკების შემდეგ, მოწინავე ოთხი პოზიცია „მერსედესის“ ძრავებით მოასპარეზე პილოტებს უკავიათ და მხოლოდ ამის შემდეგ მოდის „რენოს“ ძრავით მოასპარეზე „რედ ბულის“ მარკ უებერი. უფრო მეტიც, მორე სესიაზე საერთოდ ვერ გამოვიდა მსოფლიოს ჩემპიონი სებასტიან ფეტელი, ვისაც პირველ სესიაზე ავარია შეემთხვა და მანქანა დაემტვრა.

სხვათა შორის, პირველი სესია საკმაოდ ძლიერი წვიმის აკომპანიმენტით ჩატარდა, რამაც განაპირობა კიდეც ფეტელის ავარია. მეორე სესიის დროს კი ტრასა მშრალი იყო და ბუნებრივია, შედეგებიც მნიშვნელოვნად გაუმჯობესდა. მთელი მეორე სესიის განმავლობაში, მოწინავე პოზიცია „მერსედესის“ და „მაკლარენის“ პილოტებს ეკავათ. მათ შორის კი ყველაზე სწრაფი ჯენსონ ბატონი გამოდგა, ვინც საბოლოოდ, 0.065 წამით აჯობა „მერსედესის“ ნიკო როსბერგს. მომდევნო ადგილები კი ლუის ჰამილტონმა და მიხაელ შუმახერმა დაიკავეს.

შუა სესიისას, სამქომიანების ბრძოლაში „ფერარის“ ფელიპე მასა ჩაერია, რომელმაც მოწინავე პოზიცია შუმახერს ჩამოართვა. მაგრამ სათავეში მხოლოდ სამი წუთი გაატარა, რადგან შემდეგ როსბერგმა ჩამოაქვეითა. გერმანელი ცხრილის სათავეში სესიის პირველი საათის მილევამდე დარჩა, მერე კი მას ბატონმა აჯობა. პრაქტიკის მიწურულს, მე-11 მოსახვევში, შუმახერი დატრიალდა, თუმცა მანქანა არ დაზიანებია.

მეორე სესიაზე, ფეტელი ტრასაზე არც გამოჩენილა. მარკ უებრი კი კარგა ხანს პელოტონის შუაში იყო. ამის მიზეზი ისაა, რომ იგი ყოველ გამოსვლაზე, რამდენიმე წრეს გადიოდა, რის გამოც, ავზები შედარებით სავსე ჰქონდა. სესიის მიწურულს, პრესტიჟისთვის მან ერთი სწრაფი წრე მაინც გაიარა და მეხუთე ადგილზე გადაინაცვლა.

მხოლოდ მე-11 შედეგს დასჯერდა ფერნანდო ალონსო, ვისაც მეორე სესიის დასაწყისში, მანქანაზე ჰიდრავლიკა გაუჭირვეულდა. სესიის მეორე ნახევარში, ესპანელმა ტრასაზე გამოსვლა მოახერხა, მაგრამ სწრაფი წრით თავი ვერ გამოიჩინა.

თავისუფალი პრაქტიკა. პირველი სესია

1. ფერნანდო ალონსო (ესპანეთი, ფერარი) 1:38.670

2. ნიკო როსბერგი (გერმანია, მერსედესი) 1:40.072

3. მიხაელ შუმახერი (გერმანია, მერსედესი) 1:40.132

4. ნიკ ჰაიდფელდი (გერმანია, რენო) 1:40.338

5. ვიტალი პეტროვი (რუსეთი, რენო) 1:40.401

6. კამუი კობაიაში (იაპონია, ზაუბერი) 1:40.421

7. ფელიპე მასა (ბრაზილია, ფერარი) 1:40.697

8. დანიელ რიკარდო (ავსტრალია, ტორო როსო) 1:41.094

9. სებასტიან ბუემი (შვეიცარია, ტორო როსო) 1:41.178

10. ნიკო ჰულკენბერგი (გერმანია, ფორს ინდია) 1:41.347

11. მარკ უებერი (ავსტრალია, რედ ბული) 1:42.564

12. პასტორ მალდონადო (ვენესუელა, უილიამსი) 1:42.597

13. პოლ დი რესტა (ბრიტანეთი, ფორს ინდია) 1:43.525

14. რუბენს ბარიკელო (ბრაზილია, უილიამსი) 1:43.913

15. იარნო ტრული (იტალია, ლოტუსი) 1:43.986

16. ვიტანტონიო ლიუცი (იტალია, ისპანია) 1:44.787

17. სებასტიან ფეტელი (გერმანია, რედ ბული) 1:44.954

18. ტიმო გლოკი (გერმანია, ვირჯინი) 1:45.183

19. ჟერომ დ’ამბროზიო (ბელგია, ვირჯინი) 1:45.237

20. ნარაინ კართიკეიანი (ინდოეთი, ისპანია) 1:48.461

21. კარუნ ჩანდჰოკი (ინდოეთი, ლოტუსი) 1:51.676

22. სერხიო პერესი (მექსიკა, ზაუბერი) 1:55.791

23. ჯენსონ ბატონი (ბრიტანეთი, მაკლარენი) 2:00.666

24. ლუის ჰამილტონი (ბრიტანეთი, მაკლარენი) დროის გარეშე

თავისუფალი პრაქტიკა. მეორე სესია

1. ჯენსონ ბატონი (ბრიტანეთი, მაკლარენი) 1:26.456

2. ნიკო როსბერგი (გერმანია, მერსედესი) 1:26.521

3. ლუის ჰამილტონი (ბრიტანეთი, მაკლარენი) 1:27.033

4. მიხაელ შუმახერი (გერმანია, მერსედესი) 1:27.063

5. მარკ უებერი (ავსტრალია, რედ ბული) 1:27.149

6. ფელიპე მასა (ბრაზილია, ფერარი) 1:27.340

7. ვიტალი პეტროვი (რუსეთი, რენო) 1:27.517

8. პოლ დი რესტა (ბრიტანეთი, ფორს ინდია) 1:27.725

9. სერხიო პერესი (მექსიკა, ზაუბერი) 1:27.844

10. ადრიან სუტილი (გერმანია, ფორს ინდია) 1:28.052

11. ფერნანდო ალონსო (ესპანეთი, ფერარი) 1:28.069

12. სებასტიან ბუემი (შვეიცარია, ტორო როსო) 1:28.153

13. ნიკ ჰაიდფელდი (გერმანია, რენო) 1:28.475

14. ხაიმე ალგერსუარი (ესპანეთი, ტორო როსო) 1:28.765

15. პასტორ მალდონადო (ვენესუელა, უილიამსი) 1:28.828

16. რუბენს ბარიკელო (ბრაზილია, უილიამსი) 1:28.946

17. იარნო ტრული (იტალია, ლოტუსი) 1:29.409

18. კამუი კობაიაში (იაპონია, ზაუბერი) 1:29.637

19. ჰეიკი კოვალაინენი (ფინეთი, ლოტუსი) 1:30.281

20. ჟერომ დ’ამბროზიო (ბელგია, ვირჯინი) 1:31.035

21. ტიმო გლოკი (გერმანია, ვირჯინი) 1:31.221

22. ნარაინ კართიკეიანი (ინდოეთი, ისპანია) 1:31.320

23. ვიტანტონიო ლიუცი (იტალია, ისპანია) 1:31.989

24. სებასტიან ფეტელი (გერმანია, რედ ბული) დროის გარეშე