ფორმულა 1-ის სიახლეები ნახეთ საიტ ავტო პანორამა/ავტო მოტორზე

ფორმულა 1-ის სიახლეები ნახეთ საიტ ავტო პანორამა/ავტო მოტორზე
ფორმულა 1-ის სიახლეები ნახეთ საიტ ავტო პანორამა/ავტო მოტორზე

Friday, July 24, 2009

ბარიკელო: მე მომწონს ეს საქმე

Rubens Barrichello

24 ივლისი

ბრაზილიელი რუბენს ბარიკელო დღევანდელ ფომულა 1-ში ყველაზე ხნიერი და გამოცდილი პილოტია. ბუნებრივია, ახლოვდება დრო, როდესაც ის დიდი პრიზების ცირკს დატოვებს, მაგრამ როდესაც მას ამის შესახებ ეკითხებიან, ყოველთვის უარყოფით პასუხს აგებებს ხოლმე. თუმცა ბუდაპეშტში, ხუთშაბათის პრესკონფერენციაზე, რუბინიომ თავისი წასვლის შანსები ნულიდან ხუთ პროცენტამდე ”გაზარდა”.

”ჯერ კიდევ ძალიან ადრეა მომავალ სეზონზე ლაპარაკი. მე ძალიან მომწონს ეს სპორტი, რომელშიც უკვე 17 სეზონი გავატარე. ჩემი სურვილების 95 პროცენტი სპორტში დარჩენას ემხრობა. ჯერაც საკმაოდ სწრაფი ვარ და ასეთ დროს წასვლა გაუმართლებლად მიმაჩნია”, - ამბობს 37 წლის ბარიკელო და დასძენს:

”მაგრამ დარჩენილი ხუთი პროცენტი მეკითხება - რაში გჭირდება ეს? მსგავსი აზრები ხანდახან გამიელვებს ხოლმე მაგრამ საბედნიეროდ, ეს მხოლოდ ხუთი პროცენტია და მეტი არაფერი”.

1950 წლიდან მოყოლებული, რაც ფორმულა 1 არსებობს, ბარიკელოს ყველაზე მეტ რბოლაში აქვს მონაწილეობა მიღებული. უნგრეთის დიდი პრიზი, რომელსაც ამ უქმეებზე ბუდაპეშტის ჰუნგარორინგი უმასპინძლებს, ებრაული წარმოშობის ბრაზილიელი პილოტის კარიერაში 278-ე სტარტი (ფ1-ის ცნობილ სტატისტიკოს ჟაკ დეშენოს მონაცემებით) იქნება.

წინა 277 რბოლიდან, მას 9 მოგებული აქვს, 66-ჯერ კვარცხლბეკზე ავიდა, 13-ჯერ რბოლა პოულიდან დაიწყო, 17-ჯერ რბოლის უსწრაფესი წრე გაიარა, სულ კი 574 ქულა დააგროვა.

ფ1-ში მისი პირველი რბოლა სამხრეთ აფრიკის 1993 წლის დიდი პრიზი იყო, პირველი გამარჯვება 2000 წელს, გერმანიის დიდ პრიზზე იზეიმა, ბოლოს კვარცხლბეკის უმაღლესი საფეხური 2004 წლის ჩინეთის დიდ პრიზზე ეკავა. შარშან კი 11 ქულით, ჩემპიონატი მე-14 ადგილზე დაასრულა. მიმდინარე ჩემპიონატში რუბინიოს ანგარიშზე 44 ქულაა, რითაც მას მეოთხე ადგილი უკავია.

No comments:

Post a Comment