ფორმულა 1-ის სიახლეები ნახეთ საიტ ავტო პანორამა/ავტო მოტორზე

ფორმულა 1-ის სიახლეები ნახეთ საიტ ავტო პანორამა/ავტო მოტორზე
ფორმულა 1-ის სიახლეები ნახეთ საიტ ავტო პანორამა/ავტო მოტორზე

Friday, August 21, 2009

”ბეემვემ” შეიძლება გუნდი არც გაყიდოს

BMW Sauber

21 აგვისტო

არაა გამორიცხული, რომ ”ბეემვემ” აღარ გაყიდოს თავისი ფორმულა 1-ის გუნდი და მისი შვეიცარული ბაზა, რომელიც პატარა ქალაქ ჰინვილში მდებარეობს, საკუთარი საჭიროებისთვის გამოიყენოს. ეს კი იმ შემთხვევაში მოხდბა, თუ ბავარიულ კომპანიას გუნდში საკმარის თანხას არ გადაუხდიან. საკმარისი თანხა კი, გერმანულ ჟურნალ ”აუტო მოტორ უნდ შპორტის” მიერ გავრცელებული ინფორმაციით, 65 000 000 ევროა.

ამგვარად, საშუალო შეძლების ინვესტორებს გერმანულ-შვეიცარული საჯინიბოს გამოსყიდვის სურვილი უმალ დაეკარგებათ. უფრო მეტიც, ასეთი თანხის გადახდის შემდეგ, გუნდის შენახვა მსხვილ ინვესტორებსაც კი გაუჭირდებათ, რადგან მომავალ სეზონში გუნდის ფინანსურ უზრუნველყოფას დაახლოებით ამდენივე დასჭირდება.

”ზაუბერის” გამოსყიდვა რომც მოხერხდეს, მერმის მის მდგომარეობას ის ფაქტი დაამძიმებს, რომ გუნდი მიმდინარე ჩემპიონატის სატელევიზიო შემოსავლების განაწილებაში მონაწილეობას ვერ მიიღებს, რადგან ის ახალ გუნდად ჩაითვლება/ ამის მიზეზი კი ისაა, რომ ”ბეემვე ზაუბერმა” თანხმობის ახალ ხელშეკრულებას ხელ არ მოაწერა.

სხვათა შორის, მეტწილად სწორედ გასული სეზონის სატელევიზიო ტრანსლაციებიდან მიღებული შემოსავლის ხარჯზე არსებობს მიმდინარე ჩემპიონატის ლიდერი ”ბრაუნი”, რომელიც ”ჰონდამ” თავისი საჯინიბოს შეფ როს ბრაუნს სიმბოლურ ფასად - 1 გირვანქა სტერლინგად მიჰყიდა და ბიუჯეტში რამდენიმე ათეული მილიონი დოლარიც დაუტოვა.

”ბეემვე” კი არაფერს წააგებს, თუ ფორმულა 1-ის გუნდს ვერ გაჰყიდის. მის მიერ მოთხოვნილი თანხა თითქმის შეესაბამება იმ აღჭურვილობის ღირებულებას (დაახლოებით 500 მილიონი დოლარი), რომელიც ბავარიულმა კომპანიამ ჰინვილის ბაზის განვითარებას მოახმარა.

ბაზის მთავარი სიამაყე მისი სუპერკომპიუტერი ”ალბერტ2-ია” (სურათზე), რომლის მეშვეობითაც, სარბოლი ავტომობილის აეროდინამიკურ მილში გამოცდების გარეშეც შესაძლებელია ეფექტური აეროდინამიკის შემუშავება. ბავარიელები ამბობენ, რომ ამ დანადგარს თავიანთი საწარმოო პროგრამის დასახვეწად (ამ პროცესში აქცენტი სწორედ სერიული ავტომობილების აეროდინამიკის დახვეწაზე კეთდება) გამოიყენებენ. ამიტომ, მისი შენარჩუნება კომპანიის ინტერესებში შედის.

No comments:

Post a Comment