ბრაზილიაში ”რედ ბული” კიდევ უფრო სწრაფი იქნება
Red Bull
8 ოქტომბერი
სუზუკაზე უებერს ბოქსში ხუთჯერ შესვლა მოუხდა
.................................................................................................
იაპონიის დიდი პრიზი წარუმატებელი გამოდგა ”რედ ბულის” ავსტრალიელი მარკ უებერისთვის, თუმცა ავსტრიულმა გუნდმა მისი უქღბლობა მანქანის სრულყოფისთვის ჩატარებული სამუშაოების შესამოწმებლად მაინც გამოიყენა და როგორც ჩანს, ამით ბრაზილიაში დიდ სარგებელსაც მიიღებს.
შეგახსენებთ, რომ სუზუკაზე, შაბათ დილის თავისუფალი პრაქტიკის დროს, უებერმა მანქანა დაამტვრია, რომლის დროულად შეკეთებაც ვერ მოხერხდა და ავსტრალიელმა კვალიფიკაციაზე ვერ იასპარეზა. ამის გამო, რბოლა მან პიტლეინიდან დაიწყო.
ბუნებრივია, გამარჯვებისთვის ბრძოლის შანსი უებერს არ ჰქონდა და გუნდმაც მისი მანქანა თავისი ახალი სეროდინამიკური ელემენტების გამოსაცდელად გამოიყენა, რომელთა ტესტირებაც თავისუფალ პრაქტიკებზე ძლიერი წვიმის გამო ვერ მოხერხდა.
სიახლეების უმეტესობა მანქანის წინა აეროდინამიკას, კონკრეტულად კი ანტი ფრთებს შეეხო. იაპონიაში ამ ელემენტის რამდენიმე ვერსია ჩაიტანა და რბოლის დროს, უებერის მანქანაზე ყველა გამოსცადა იმ იმედით, რომ საუკეთესო ვერსიას ბრაზილიაში გამოიყენებდა.
შედეგი მართლაც განსაცვიფრებელია - რბოლის უსწრაფესი წრე უებერს ჰქონდა, ვინც ფინიშის ხაზი ბოლომ გადაკვეთა! ეს 50-ე წრეზე მოხდა, როდესაც მის მანქანაზე წინა ანტი ფრთის ის ვერსია ეყენა, რომლის გამოყენებასაც ”რედ ბული” ბრაზილიაში აპირებს!
ასე რომ, ბრაზილიაში ”რედ ბულის” ორივე მანქანა კიდევ უფრო სწრაფი იქნება.
No comments:
Post a Comment