ფორმულა 1-ის სიახლეები ნახეთ საიტ ავტო პანორამა/ავტო მოტორზე

ფორმულა 1-ის სიახლეები ნახეთ საიტ ავტო პანორამა/ავტო მოტორზე
ფორმულა 1-ის სიახლეები ნახეთ საიტ ავტო პანორამა/ავტო მოტორზე

Thursday, October 8, 2009

ფელიპე მასა ფინიშის დროშას ააფრიალებს

Felipe Massa

8 ოქტომბერი

ბრაზილიის დიდ პრიზზე საფინიშო ალმის აფრიალების საპატიო მისია ”ფერარის” ბრაზილიელ პილოტ ფელიპე მასას ერგო, ვისაც უნგრეთის დიდი პრიზის კვალიფიკაზიაცე მომხდარი ავარიისას მიღებული უმძიმესი ტრავმის გამო უწევს.

მასამ ტრავმაც მოიშუშა და მალე ფორმულა ერთის ბოლიდს კვლავ მიუჯდება. მაგრამ ბრაზილიის დიდი პრიზისთვის დაბრუნებას ვერ ასწრებს. თუმცა, საშინაო რბოლის ტელეეკრანიდან ყურებას არ აპირებს. რა თქმა უნდა, რბოლას ის თავის გუნდთან ერთად დაესწრება, ფინიშის წინ კი სტარტ-ფინიშის ზოლთან მდგარ კოშკში ავა და რბოლის დასრულების ნიშნად, შავ-თეთრ უჯრედებიან დროშას ააფრიალებს.

მასა არ მალავს, რომ თუ FIA-ს სამედიცინო კომისიისგან რბოლებში გამოსვლის უფლებას მიიღებს და ორი წლის წინანდელი ”ფერარის” ტესტირების შემდეგ დარწმუნდება, რომ რბოლაში გამოსვლის თავი აქვს, ის აუცილებლად იასპარეზებს აბუ დაბის დიდ პრიზზე, რომლითაც მიმდინარე სეზონი მთავრდება.

შეგახსენებთ, რომ ბრაზილიის დიდი პრიზის დამამთავრებელი ალამი ადრე არაერთხელ აუფრიალებიათ ცნობილ ადამიანებს. მაგალითად, 2002 წელს ეს პატივი ფეხბურთის მეფეს - პელეს ერგო, რომელსაც თავისი მოვალობის შესრულება დაავიწყდა და დროშა მაშინღა გაახსენდა, როდესაც ფინიშის ხაზი გამარჯვებულ პილოტს კარგა ხნის გავლილი ჰქონდა. 2004 წელს ეს მისია ბრაზილიელ სუპერმოდელ ჟიზელ ბუნდჰენს ერგო.

შარშან საფინიშო ალამის აფრიალების უფლება ლუის ჰამილტონისა და მასას მამებს უნდა გაენაწილებინათ. უფრო სწორედ, ეს პატივი იმას ერგებოდა, რომლის შვილიც ჩემპიონი გახდებოდა. მასამ რომ რბოლა მოიგო და ფინიში გადაკვეთა, იმ მომენტში ჩემპიონი ის იყო, მაგრამ რამდენიმე წამში, მან ეს ტიტული დაკარგა, რადგან ბრიტანელმა ბოლო მოსახვევში ტიმო გლოკს გაასწრო, რამაც მას ტიტული მოაპოვებინა.

No comments:

Post a Comment