სენა დარწმუნებულია, რომ მერმის ფორმულა 1-ში იქნება
Bruno Senna
8 ოქტომბერი
ბრუნო სენა დარწმუნებულია, რომ მომავალ სეზონში აუცილებლად ფორმულა 1-ში იქნება. სერია GP2-ის გასული სეზონის ვიცე ჩემპიონს კარგი შანსი ჰქონდა, რომ ამ სეზონის დასაწყისში ”ბრაუნის” პილოტი ყოფილიყო, მაგრამ ბოლო მომენტში, როს ბრაუნმა რუბენს ბარიკელოს დატოვება ამჯობინა და არც შემცდარა - ვეტერანი ბრაზილიელი მსოფლიო ჩემპიონის ტიტულისთვის იბრძვის.
დიდი პრიზების ცირკის გარეთ დარჩენილმა მრბოლმა, ვინც ლეგენდარული აირტონ სენას დისშვილია, მთელი სეზონი ლე მანის სერიის რბოლებში გაატარა, ახლახანს კი აბუ დაბიში იმყოფებოდა, სადაც ახალი ტრასა მოინახულა და მას მაღალი შეფასება მისცა. ჟურნალისტებთან საუბრისას კი ყველაზე აქტუალური საკითხი მისი მომავალი იყო. კითხვაზე, რა შანსია იმისა, რომ მას მერმის ა1-ში ვიხილავთ, სენამ ასე უპასუხა:
”საკმაოდ მაღალი, დაახლოებით, 90 პროცენტის ფარგლებში. ძალიან მიხარია, რო ეს ასეა. ეს სეზონი ჩემთვის ძალიან ძნელი იყო. ხანდახან ისეთი გრძნობა მეუფლებოდა, რომ ფ1-ს ძალიან ვშორდებოდი. მაგრამ შემდეგ ყველაფერს შევეგუე. ამ სეზონის დასაწყისი ძალიან რთული იყო, რადგან მაშინ ყველას პირზე ორმაგი დიფუზორი ეკერა და პილოტებზე ნაკლებად ფიქრობდნენ. გუნდთან (ბრაუნთან) ნორმალურად დალაპარაკების საშუალებაც არ მომცემია, რადგან გუნდში იმ მომენტში ყველა იმაზე ფიქრობდა, რომ მათი დიფუზორი არალგალურად არ გამოცხადებულიყო. ამჟამად რამდენიმე კარგი შემოთავაზება მაქვს. ეს არჩევანის საშუალებას მაძლევს. საერთოდ, ფორმულა 1 ძალიან ძნელი საქმეა, სადაც ბაზარზე უამრავი კარგი პილოტია და მათ შორის ადგილის მოპოვება საკმაოდ ძნელია. იღბლად, მერმისიდან ჩემპიონატს რამდენიმე ახალი გუნდი შეემატება, ეს კი ადგილის მოძებნას გააადვილებს”, - ამბობს სენა.
სენა ამბობს, რომ ფ1-ის გუნდთან კონტრაქტის გაფორმებას ბრაზილიის დიდი პრიზის დღეებში, ან უფრო ადრე ვარაუდობს. მაგრამ მასზე ლაპარაკი არ სურს, რადგან ასე ამ სეზონის დაწყებამდე ცოტა ხნით ადრეც ეგონა, მაგრამ გარეთ დარჩა.
”ძალიან რთულ სიტუაციაში აღმოვჩნდი. მიზანთან ასე ახლოს ვიყავი, მაგრამ მას მაინც ვერ მივაღწიე. მაგრამ ავტორბოლები ასეთია. წაგებასთან შეგუებას გასწავლის, რაც კარიერაში არაერთი იქნება. ახლა მორიგ შეთანხმებაზე ვმუშაობ და იმედია, ამჯერად მაინც მივაღწევ მიზანს”, - დასძენს სენა, ვინც ლე მანის სერიის სამ რბოლაში ორჯერ ავიდა კვარცხლბეკზე.
სენა ამბობს, რომ ლე მანის სერიის რბოლებმა დიდი გამოცდილება შესძინა, რადგან ახლა კარგად იცის, როგორ დაზოგოს საწვავი და საბურავები, რასაც მერმის ფ1-ში განსაკუთრებული მნიშვნელობა ექნება, რადგან მომავალი სეზონიდან, რბოლის დროს საწვავის დამატება იკრძალება.
ბრაზილიელი პილოტი ამბიბს, რომ მან ფ1-ის ორი ახალი გუნდისგან (კამპოსი და მეინორი, იგივე ვირჯინი) საკმაოდ მიმზიდველი შეთავაზება მიიღო, თუმცა მას ის გუნდი ურჩევნია, რომელსაც მსოფლიო ჩემპიონატებში გამოსვლის გამოცდილება გააჩნია. მან არ გამორიცხა, რომ შეიძლება ”არჩევანი ”ფორს ინდიაზე” შეაჩეროს.
No comments:
Post a Comment